影片
營業時間
今日營業
12:00 - 15:00
17:00 - 22:00
星期一至日
12:00 - 15:00
17:00 - 22:00
以上資料只供參考, 請與餐廳確認詳情
🙋🏻♀️鍾意食上海菜嘅朋友，千祈唔好錯過位於觀塘聯安街呢間❣︎小明珠❣︎由經驗超過30年酒店中菜名廚創立，價錢貼地👍🏻野食超水準份量多👍🏻真係抵食夾大件😋超推薦🫶🏻❣︎香菇丸鮮肉雲吞粗麵❣︎$52碗麵真係好大碗，對於細食嘅我來講，係二人份量來😂湯底清而夠鮮味👍🏻鮮肉雲吞超大粒勁多餡，上海粗麵口感煙韌。❣︎香菇丸菜肉雲吞幼麵❣︎$55菜肉雲吞都係勁大粒😋超多餡料，幼麵麵條纖細口感爽滑。❣︎藕心伴豬手❣︎$58🌟必食推介👍🏻腍滑嘅豬手切到細細舊，容易入口，粉皮墊底好爽滑，配料有超爽口嘅蓮藕心😋同青瓜，加埋秘製辣汁，超高水準好惹味👍🏻好味過好多高級上海菜嘅冷盤。❣︎上海春卷❣︎$36/3條即叫即炸😋香脆清爽勁多汁👍🏻餡料足size偏大條。❣︎招牌小籠包❣︎$45/4只超多汁😯一夾起就睇到啲汁浪下浪下🙂↔️好過癮，皮薄爆汁，果然係招牌菜👍🏻
繼續閱讀
最近我和家人在觀塘的小明珠餐廳用餐。這家餐廳位於牛頭角，在路德會小學走上去，就在宜安街街市旁邊，位置非常方便。我們點了以下菜式：1️⃣ 招牌小籠包（4只）$45🥟 這些小籠包非常正宗，皮厚實，一口咬下去湯汁四溢，味道濃郁。再蘸上薑醋，真是美味至極。2️⃣ 北京水餃（6粒）$42🥟 這些水餃是湯餃，肉味濃郁，搭配生菜一起上桌，非常滿足味蕾。3️⃣ 炸銀絲卷（1條，煉奶）$28🍤 炸銀絲卷外脆內軟，煉奶是另外提供的，你可以根據個人喜好調整份量。這道菜是我最喜歡的。4️⃣ 雞絲粉皮 $58🥜 這道菜的配料豐富，濃郁的花生醬和雞肉的味道結合在一起，非常美味。5️⃣ 花彫醉雞 $50🐓 這道菜的酒味濃郁，雞肉十分嫩滑，絕對令人滿足。6️⃣ 上海粗炒麵（隨餐例湯一碗，細豆漿）$70🍜 這道粗炒麵口感十分豐富，配上一碗湯和一杯細豆漿，讓整餐更加豐盛。💯 小明珠餐廳提供正宗的上海菜，給人一種濃厚的味道。餐廳的溫馨氛圍和美味佳餚讓我們流連忘返。
繼續閱讀
雖然地址是觀塘, 位置其實比較近牛頭角, 路程不遠, 但定位在橫街小巷, 更要走一條小斜路, 並不容易找。朋友在預約時間早半小時已帶著小朋友到了, 我抵達時看到店中十分熱鬧, 座無虛席, 難得店員能讓我的朋友先進來坐下, 不用呆等 👍🏻 小籠包 $45大大隻小籠包, 湯汁滿滿, 一咬肉汁溢出, 鮮甜味美, 豬肉肥瘦比例恰當, 可算皮薄餡靚 😊 外婆紅燒肉 $138招牌菜之一, 東坡肉肥瘦比例均勻, 肉質軟腍, 豬皮部份煙韌有口感, 加入甜鼓油, 整個菜吃起來又香又甜 😋 另外有大量薯粉, Q彈口感, 全都吸收了甜鼓油, 非常入味!!土匪炒腰花 $118腰花是動物的腎臟, 這是我首次吃的, 口感並不煙韌, 也不是非常滑潺潺的, 細心咀嚼會發現有點羶 🙃 所以炒這碟腰花加了不少配料, 如紅椒, 青椒, 洋蔥, 青蔥, 辣椒, 而且醬汁也蠻濃的, 主要都是要去取腰花的羶味, 所以吃下去味道是理想的 🤗清炒萵筍 $88萵筍賣相一般, 還以為點錯了, 味道卻鮮甜爽口 🙂雖然環境並非雅致, 食物質素卻是有水準的!! 👍🏻難怪可以零負評, 用餐期間客人是輪流轉個不停, 這個相對隱蔽的位置也能有這個效果絕不容易!
繼續閱讀
聽講呢度開店多年，但幾年前喺觀塘返工，經過紅色小巴站，喺附近食過好多次其他食店，都未見過呢間嘅。原來老店喺同一條街搬上左少少，新店比老店大啲，但夜晚去食仍然好多人等位。原來裡面可以俾開開瓶費帶酒，所以裡面好熱鬧，好似大排檔咁，接受到呢兩樣嘢，就可以揭餐牌啦！招牌小籠包 4隻 $45每一枱都叫一籠，應該好正啦！望落個小籠包咁脹，應該好厚皮啦！原來又唔係，個皮反而幾薄幾多汁，多到好似個皮好白好厚咁。不過由個籠夾落個碗，又完全唔會爛，包有菊花形，師傅好功夫。菜肉雲吞 6粒 $42清清地嘅選擇，雲吞皮薄餡靚，滿滿嘅白菜同豬肉。清淡但夠味，食落好舒服。糖醋骨🍖 $98$98嘅糖醋骨，同$108嘅咕嚕肉之間做選擇。原來呢度嘅#糖醋骨，唔係#鎮江骨 ，而係平時酒樓嘅#生炒骨 。今次覺得自己揀到好嘢，炸得香脆，好掛汁，同埋青紅椒同洋蔥配菜足夠。今次每件排骨都有肉，有下次。雪菜肉絲炒年糕 $88材料好簡單，就係雪菜、肉絲同年糕，年糕煙韌，配合埋雪菜鹹香同肉絲嘅香味，每一啖年糕，都有層次，不過呢碟煮得偏鹹。自家製台灣冬瓜茶 $10清清地，本身唔會好甜，有少少冬瓜香味，感覺解渴。
繼續閱讀
一向鍾意食上海點心小籠包生煎包嗰啲，朋友介紹咗小明珠，是晚就一齊嚟試下😋牛頭角街市呢條斜路直上，明明前面幾間餐廳都冇乜人，但嚟到小明珠竟然全場爆滿，門口仲有人等緊位添。門口原來幾圍都係等緊大枱，我哋兩位入到去，店員即刻係收銀前面開張枱仔加枱，幾好彩喎唔使等😆⭐花雕醉雞作為冷盤嘅花雕醉雞第一樣上枱，個酒香係幾正，雞件嫩滑，想啲雞件濃味啲，再放落個酒汁到浸一浸，更香更濃😋⭐酸辣湯麵第二樣上枱係酸辣湯麵，賣相唔錯而且好大碗，一大駝面餅仲有好多酸辣湯，個湯汁酸酸辣辣又足料，麵條有咬口，真係幾好味😋⭐招牌小籠包小籠包當然唔少得，上枱熱辣辣正喎，皮薄湯汁多，入口鮮味，好食🤤⭐香煎牛肉包跟住就係生煎牛肉包，麵包底煎到脆卜卜，牛肉餡料有胡椒香，雖然冇爆汁，但咬落都有肉汁嘅，味道唔錯呀😋⭐北京蔥油餅蔥油餅烘的酥脆，厚厚的餅皮咬落有層次感，蔥花下得多，細細咀嚼食到青蔥的香味，正喎🤤⭐炸銀絲卷最後仲有炸銀絲卷，外皮炸得香脆，內邊鬆軟，但冇銀絲卷一條條嗰種口感，食落有啲似饅頭，哈哈，但點下煉奶都係好好味嘅😆嗌咗好多包類嘅點心，好好味食得好滿足，朋友果然冇介紹錯👍
繼續閱讀