彩虹冰室

營業中

休息中

送完阿仔反學又去搵早餐食行過路過，簡簡單單🔆叉燒湯意粉湯底味道清清地，唔太濃意粉烚到岩岩好連埋濃味既叉燒浸埋係個湯到一流🔆配腸仔加牛油麵包腸仔輕輕煎香左食落有小小油，但都還可以🔆凍奶茶小甜小奶茶底都唔錯，飲落都樂滑一個豐盛既早餐可以令我開心反工

今日去食咗個下午茶星洲炒米，嚟到時以為是炒齋米，本以為餡料在米粉裏面，撥開後只見到幾條义煷條及一隻蝦仁，基本蛋絲及青椒絲都冇，因為趕時間所以都諗住算數啦食完後快炔走人。點知食落口米粉唔熱並且中間啲粉是凍，這是我食咁多星洲炒米之中最難食囉。作為消費者我簡直覺得無奈，希望這間茶餐廳老闆認真正視一下這個問題

輸足一條街今日行完姻緣石落灣仔醫肚，12點幾邊間都多人，行到克街有幾間餐廳，之前系吾同區域食過智尊，華星，靠得住，另外行過三間都搵吾到卡位，行過彩虹咪試下。所以今次比較都系同一條街餐廳的午餐比較— 環境輸曬，哩間好似一間開左好耐的茶餐廳格局— 兩個飯味道差不多，都系鼓油汁，另外瘦肉好重粉味。— 服務就一般般，同智尊比較真系差好多。—衛生可能受環境影響，感覺吾乾淨—一樣街午餐價錢都系正負5 %,所以抵食就受好吾好食影響好大，吾使講哩度輸曬。——————

見完客又到食晚飯時間，行經灣仔克街，見到呢間冰室，門口明亮，望入去內裏環境整潔，已經有很多客人就座，慶幸仲搵到位😊打開餐牌有很多選擇，都係住家式小菜，晚市套餐價錢由60幾蚊至70幾不等。花多眼亂，最後選擇了枝竹火腩煲晚餐。套餐有餐湯、主菜和白飯，仲有餐後飲品， 10分豐富。例湯先上枱，紅蘿蔔粟米南北杏豬骨湯，湯味濃甜，入口滋潤，一啖就知道係老火湯，俾我一種家的感覺。主菜上枱，分量十足，大大件的火腩有八件，枝竹入味，正正正唔覺唔覺，食晒成碗飯。$75 仲有飲品，真係超值！一個住家feel晚餐的好地方，下次再嚟食其他餸菜。

今日叫咗個早餐$37 …有沙嗲牛肉米，蒜蓉多士煎蛋同埋餐肉，沙嗲牛肉味道正常都幾好食，蒜蓉多士脆卜卜熱辣辣…正，杯熱奶茶都幾好飲！不過坐位都有少少窄。$37 …早餐唔錯…👍🏻

今日路過試左個口水雞同麻辣生蠔雞煲口水雞夠入味 份量夠多😋雞煲夠野味，唔會話太辣，生蠔夠新鮮下次會帶埋啲老友一齊黎幫襯有舊式茶餐廳味道有好細個戈陣既回憶下次再黎試下其他美食

見佢新開張 就黎試下。。。🤗呢間冰室 ， 晚餐叫小菜食 啲餸晚份量都幾大🍛🍛🍚🍚係灣仔區 ， 個個都諗做遊客生意 其他餐廳 份量又細份個差燒炒蛋🍳 唔係 hea 肉餅 就大份到 幾個大男人都食唔曬 🤣🤣🤣呢到睇黎可以做飯堂， 灣仔都好多街坊黎呢到食就知道 CP 性高😌😌😌係小咗啲坐位 ， 唔夠多位 呢樣就冇得搞， 灣仔啲舖係咁細不過晚飯時間黎就唔使點等位 😊可能遲啲就要等， 因為都食得幾開心 又舒服， 唔會係咁催你走 😍😍😍😍😍