極上帝王水產

營業中

休息中

📌 極上帝王水產 - 旺角西洋菜南街1N號兆萬中心9樓🗓(18/12) 星期一 ⏰ 晚上7點左右 💈特式：今日又出左旺角，想搵下日式放題食，去左出名多放題餐廳嘅兆萬中心，見到呢間係「兆萬」相對比較多正評嘅「極上帝王水產」，就親自去試一下佢地嘅食物質素。🥩🍔🌭🌮🥗🥯🥘🍲🍝🍣🥟🍤🍱食物：同大部份放題餐廳一樣，佢地都係會分開唔同價位，由最平$2️⃣8️⃣9️⃣ - 最貴$5️⃣6️⃣9️⃣不等，當然越貴就會越多食物種類，質素亦會越高，我今次就試左佢中價位個「極上套餐」set，而家等我同大家講下🎌味道先。極上套餐會比最平個set貴$100左右，但就會多左9款食物任食同清酒/梅酒任飲，9款食物包括新鮮日本生蠔/海膽軍艦/迷你榴槤流心筒/芝士榴槤多士/紅酒藍莓鵝肝/厚切鰻魚串/原隻甜蝦/巨型赤蝦/磯煮鮑魚。每款我都有試，真係意想不到地出色，尤其是d日本生蠔，新鮮程度拍得住大酒店級數，海膽都好新鮮，而且無明礬味。此外，每位入座會即送🦀鱈場松葉海鮮鍋或🐮日式和牛壽喜燒鍋一份，我咁鐘意食壽喜燒就梗係揀食壽喜燒啦。佢地個壽喜燒一d都唔馬虎，係會上一個薄身鑄鐵鍋比你自己烹調，跟住餐廳提供嘅教學，先放牛油起鑊，再自行放入牛肉

逾三百元的晚市放題，原本滿懷期待，最後失望而回。第一，環境擠逼，枱面仲細過茶餐廳張枱，坐得唔舒服。第二，食物質素差，刺身無味道，熟食非常油，燒物只有咸味沒有肉味，連炒通菜都可以煮成油浸辣通菜，火鍋牛肉僅達佳寶肥牛質素。唯一可取是飲品和雪條的味道。第三，店員完全無視客人對食物的投訴，只稱客人不要就收回食物便算數。此餐廳伏味濃，價值與質素不成正比，絕對不會再光顧。情願下次去食連鎖壽司店，起碼食物質素有保證。

旺角不嬲都係放題集中地，而今日就黎左一間號稱無限時既放題餐廳，性價比高，的確係會食唔停口！刺身拼盤刺身款式真係唔少，平時大家要叫既都有齊曬想，有三文魚、北寄貝、帶子等等蝦既刺身都有幾個選擇，真係要試晒咁多款！刺身大大件之餘，食落有口感有鮮味，驚喜！前菜小食前菜選擇左胡麻豆腐，味道開胃！大家可以叫多幾款，食住前菜等主菜！日式和牛壽喜燒今次揀左壽喜燒鍋，已配有一和牛同蔬菜盤各一。呢個一定要講和牛，佢不單止大大塊，而且花紋清晰，食落口牛味多到噴出黎。湯底微甜，唔會太濃味，小弟仲加單配料繼續烚！炸物炸物試左好幾款，熱辣辣又脆卜卜！炸牛奶值得推薦！海膽壽司海膽食落非常新鮮，濃而香滑既海膽香味響口入面久留不下，滿足曬大家既海膽自由願望！飲品飲品選擇勁多款式，真係總有一款岩曬你！

各大平台吹到無限時，又話找小龍可以升級VIP，上菜又慢，做埋呢小動作講你走，三催四吹先可以上到一碟菜，寧願去一間大瀛喜大喜屋服務好，上菜時間又快，人哋真係捨得俾你食

呢度講咗10+年,就好似去酒樓食點心,講嚟講去 都係蝦餃燒賣。呢就係刺身串燒壽司炸物... 乜都有 啲,唔多講。有行李寄存服務、無限時任食、攞埋枕頭上去都 得。好似NGO咁。老友記,唔好懷疑你嘅味蕾。what u eat, what it taste.呢度好適合放工嚟解壓可以帶返你去童年無憂無慮 嘅時光,散發住90年代輝煌嘅時光。嚟得呢度嘅就 係食佢嘅氣氛、食佢嘅環境、食佢嘅..... 氣場!唯一講嘅:牛油砂糖燒粟米。呢個將會係推動到再 嚟嘅原因。簡直係兆萬嘅鎮山之寶啊,感動到眼淚 都出埋。新鮮大大粒咬落ト出汁嘅粟米coated with 甘香嘅牛油、微微caramel咗嘅砂糖。簡直係 ADHD 嘅催化劑啊。

呢排想去食放題，來到旺角，搵左一家幾出名的放題餐廳 - 極上帝王水產。之前都有黎過，食過質素幾唔錯，款式又多，所以我特意放工後過來享受一頓豐盛的晚餐🥰對於放題來說，基本的刺身和烤物是必點之選，而極上帝王水產更加提供正宗的爐端燒和壽喜燒。不過這次，試一下海鮮火鍋，出其意料地多配料，青口、蝦、蔬菜等等，令人垂涎欲滴🤤日本榴槤炸彈喜歡榴蓮的不能錯過，外皮酥脆，咬下去後迎面而來的榴蓮味道瞬間爆發🤣吉列炸廣島蠔廣島蠔散發著微妙的香氣，要下去十分鮮味，另外仲有生蠔，當然要食一下✨刺身船超過10款刺身的刺身船也是不能錯過的亮點。鮮嫩的鮮蝦和魚片刺身薄如紙，入口即化，令人回味無窮。而三文魚刺身更是極致新鮮，絕對是打卡必嚐之處🙌除此之外，還有多款精選特色小食，如日本生蠔、海膽軍艦、梅酒、榴槤多士、紅酒藍莓鵝肝、厚切鰻魚串和磯煮鮑魚等，套餐裡面全部包曬，任食鰻魚在放題來說比較少見，厚切鰻魚啖啖肉，想唔比個Like都唔得👍飲品方面選擇非常多，可以任飲梅酒、啤酒，另外仲有茶類、紙包飲品等等，飲梅酒飲到差少少就醉左🤣🤣臨走前仲有一杯雪糕送

邊個話兆萬係劣食之塔！呢間放題餐廳提供超過200款美食，集齊刺身、壽司、和食料理、連西式、泰式、多國菜都有得叫，仲有成十幾款雪條雪糕，啤酒飲品無限任飲，唔知老闆點賺錢😅店內環境雖然唔大，但勝在座位闊落，火鍋冇油煙味，空調系統都唔錯，溫度啱啱好。值得一讚係店員嘅服務態度，因為知道晚上多人食，會預先建議大家order多啲，又會周不時過嚟問有冇漏單，確保大家食得開心，出面好少有。QR code落單，食物款式眾多，每款都試咗少少。刺身/壽司/火灸/手卷賣相一流，三文魚鮮甜、蝦大隻又彈牙、天婦羅同炸物上枱時熱辣辣，果然係即叫即整，值得等待，喜歡香芋丸、芝麻雞翼、炸牛奶，溫馨提示，芝士蝦球要小心食，估唔到咬落爆漿，搞到成件衫都係... 燒物都唔錯，encore嘅有海蝦、雞肉串、燒菠蘿、三文魚股骨腩同蝦滑，一件件叫，唔怕浪費！多國料理大部份都係辣嘅，夠惹味，食落開胃。黑松露炒蛋有驚喜，嫩到不得之了，而且黑松露味好出，食多幾碟都唔會覺得膩！正常嚟講食到呢度已經飽到暈咗，如果唔夠食嘅話仲有主食可以點，火鍋、黑松露炒飯、鰻魚炒飯、蟹粥、烏冬、拉麵、卡邦尼意粉、芝士肉醬意粉、角切魚生飯，可惜個胃唔夠大真係食

氣氛好熱鬧，野食上菜都幾快刺身：赤蝦，甜蝦同北寄貝好鮮甜，象拔蚌同其他貝類都好爽口日式壽喜燒：估唔到有得食日式壽喜燒～店員會比張說明書，教人點樣煮壽喜燒。跟住d步驟整都幾容易，而且食完仲可以再追加牛肉再envore，好正壽司：試咗幾款唔同嘅壽司，包括帶子壽司，北寄貝壽司，鰻魚壽司，牛油果軟殼蟹卷，水蜜桃珍寶大蝦卷，赤蝦壽司，軟殼蟹手卷同海膽手卷，每一款都好食，特別中意水蜜桃珍寶大蝦卷同帶子壽司燒菠蘿：外皮既焦糖好脆，入面勁多汁，我地每人食左3，4塊～飲品：有2個雪櫃既野飲俾人揀，選擇種類還可以

旺角嘅放題好多選擇，今次揀咗呢間，感覺上菜式都唔少，所以就試吓啦！一嚟梗係食咗最貴嘅刺身先啦！我就鍾意食日本有頭赤蝦刺身同三文魚刺身啦！我朋友都嗌左幾款唔同嘅刺身！呢度仲要有鍋物啊！好貼心！唔係剩係得凍嘢！我哋就叫咗呢個牛肉壽喜燒！可以係order唔同嘅配料再加落去好似打邊爐咁～～～仲有唔同嘅燒物啦同壽司～～都幾鍾意食極上芝士鰻魚卷，迷你軟殼蟹同牛油果軟殼蟹卷！壽司佢嗰啲料都辣得好足，試咗珍寶帶子壽司同帝王赤蝦壽司！估唔到燒菠羅係咁正～～～佢面頭加左啲糖去燒，變咗一個焦糖嘅一個口感～～菠蘿裏面仍然保存最好多汁啊！我建議大家每人最少食三至四舊！

貪佢有6小時晏晝放題，食得好慢嘅我就嚟呢度試吓！見到都好多好評食完都覺得真係好值得入座即刻可以揀個喎，不過之後其實Menu都有得揀，我哋食晒兩個湯底就鍾意壽喜燒鍋多啲甜甜地好入味！肥牛都好牛味海膽迷即刻嗌咗啲海膽軍艦！完全冇我擔心嘅情況，海膽好鮮味㗎唔會係劣質嘅質素食到好滿足生蠔好肥厚，大大粒有海水味 正👍🏻呢個豬骨湯有啲麻油味，有啲似公仔麵嘅湯底哈哈 有好多唔同嘅海鮮，冇乜特別想食魚豆腐，但係竟然覺得好好味我哋仲encore🤣雞翼，熱辣辣好明顯係漬咋！勁Juice海鮮黑洞嘅我當然瘋狂嗌刺身！赤蝦好好味，好大隻！佢仲有好多唔同款式嘅蝦，個人最欣賞嘅刺身就係赤背同埋帶子，赤背勁爽口鮮甜🥰🤤🤤🤤😝牛柳粒都好大粒好慷慨好香甜品都有勁多種選擇嘅雪糕！特別嘅韓國牌子去到大家都鍾意嘅香芋味甜筒都有超正 畫上完美嘅句號，鍾意嘅仲可以慢慢坐坐到六點㗎😍雖然呢度係放題，但係店員嘅服務質素勁好囉

認真劣勢，人頭三百幾，三文魚切到邊角料咁，啲蝦又霉又臭。熟識全部都試過一件所有野都係放題出面擺喺到任攞嘅質素，春捲個餡竟然可以係春捲皮，天婦羅個炸皮厚過佢啲魚生，劣到冇得再劣🤮。壽喜燒牛肉係佳寶cheap牛質素（唔係佳寶安格斯）。位置極度擠迫，4個人食，平均每人連一張學生台嘅位都冇。食左個半鐘就走左，真係冇必要貪佢無限時，冇野好食，都唔會好似佢地啲片咁有地方訓，諗住食完野挽下都唔洗諗。有值得讚嘅地方係忌廉溝鮮奶好飲，同M字頭雪糕好食

放工後一個人來一頓豐富晚餐，店員好貼心咁帶位並介紹入場即送鱈場松葉海鮮鍋或日式和牛壽喜燒鍋，這裡用手機落單，每個檯面都會有一個六格的醬油碟，一個桶, 紙巾和濕紙巾，第一次的刺身由廚師拍板，有牡丹蝦、三文魚腩、北寄貝、泰式生蝦、蛋甜、大蝦、蟹棒、帶子、蚌、八爪魚, 全都好新鮮又肥美。再來香脆可口的海老天婦羅、松葉蟹棒天婦羅、炸蠔、芝麻雞翼，特別是燒菠蘿，上面舖上一層薄脆焦糖更能特顯菠蘿香味，鹽燒活海蝦也很惹味，香滑的胡麻冷豆腐有櫻花蝦點綴，帝王三文魚子杯很精緻，海膽手卷有鮮甜濃郁的鮮味，牛油果軟殼蟹卷口感豐富，日本蟹粥綿滑又鮮甜。最後來一杯香濃幼滑的Movenpick雲呢拿雪糕，絶對是舌尖上的滿足。#極上帝王水產 #兆萬放題 #旺角美食 #香港放題 

極上帝王水產🐡位於旺角兆萬，黎開旺角都知依棟樓充滿食肆，仲充滿放題，要脱頴而出係靠咩呢！今日試試🧐入場環境都幾和風，唔錯，任食飲品選擇多夠特色，連日本啤酒都有🤞🏻🌟刺身時間🌟個擺盤靚到呢，嚇親，飄住煙食，三文魚肥美，油脂好夠好好味，赤貝幾爽幾甜，北海道帶子好新鮮，好正👍🏻蝦最吸引，必食三蝦🦐甜蝦又鮮又好味，泰式生蝦又有另一個風味，加埋珍寶赤蝦🤤蝦味好濃，好好味既刺身🙌🏻🥘煮物上場🥘點估到有黑松露炒蛋😎而又點估到會咁好食🫣上枱超香黑松露，睇得出既滑🫠口感正到，味又濃，勁正🤞🏻香蒜片和牛粒，牛粒幾大粒，牛味濃既，鐵板鮮蝦滑，又⼀驚喜😍非常好味，焦香加埋好濃既蝦味，⼀定要食💟🇯🇵和食之選🇯🇵鹽燒牛舌，超厚身爆肉汁，好濃味😗孜然鹽燒雞脾菇好大舊，又爆汁，燒得幾好，七味三文魚骨腩，好多肉，七味粉幾夾到，吉列炸廣島蠔+熔岩芝士蝦球，正常發揮，味道唔錯😌芝士和牛手打漢堡扒，肉質驚人地好，溶左既芝心，正🥳學日本人最後食個雜炊但食唔落飯，就留個鱈埸松葉海鮮鍋做結美，豐富海鮮，飲住個雪白湯底食蝦同青口，又好味又舒服😘完整好味既⼀餐，相當高質既放題❣️唔怪得咁多人排隊！

有親友從英國來港旅遊，當然要請佢哋食飯，我就帶咗佢哋去旺角兆萬中心嘅極上帝王水產，餐廳地方不大，但用餐環境和氣氛都唔錯。除咗本身放題，我哋還升級極上生蠔任食套餐，一於食豐富啲。入座有鱈場松葉海鮮鍋或日式和牛壽喜燒鍋送，其後火鍋配料任食。升級可以任食生蠔、磯煮飽魚、海膽軍艦、藍莓鵝肝、燒鰻魚串、有頭大甜蝦刺身、迷你榴連筒、榴連多士、清酒。生蠔即叫即開，side 都唔細，口感creamy。磯煮鮑魚爽口鮮甜。燒鰻魚串，鳗魚混合咸香酱汁，口感彈牙且鮮味濃郁。刺身新鮮肥美：挪威厚切三文魚的味道鮮美而溫和，帶有油脂香氣。希靈魚口感爽脆，魚籽帶出的味道極為鮮甜。北海道帶子肉質彈牙, 豐厚, 味道鮮甜。松葉蟹棒肉質嫩滑，味道鮮甜。有頭大甜蝦好大隻，肉質細綿、味道甜美。馬刀貝、赤貝非常爽脆。火炙左口魚裙邊壽司食落魚油濃郁甘香，入口即溶。沙律蟹籽軍艦口感清脆，帶有一絲甜味。日本芝蔴雞翼、吉列炸廣島蠔，即叫即做，外層香脆，雞翼肉質嫩滑，廣島蠔蠔肉飽滿，味道甘香。鹽燒活海蝦鮮味彈牙。海老天婦羅金色外衣口感酥脆，蝦肉爽口。日本榴連炸彈，外層脆口，榴連餡料香甜美味。鹽燒鯖魚肉質鮮嫩大魚油香。唔好忘記食甜品，除咗任

今次一行兩人黎到位於旺角兆萬中心嘅極上帝王水產試一試佢地嘅放題套餐一坐低首先就可以品嘗一盆新鮮嘅刺身包括三文魚、北寄貝、帆立貝、希靈魚同螺肉。成盆刺身最出色嘅應該係佢地嘅希靈魚🐟雖然希靈魚嘅肉質口感未必人人喜歡，但依次食到嘅希靈魚不但爽口彈牙，而且肉汁鮮嫩。跟住就試試壽喜燒鍋平時食日本野最怕壽喜燒鍋底湯較得太咸蓋過食材鮮味，但依次湯底醬汁咸度剛剛好，令牛肉抑或其他蔬菜食味豐富左之餘又唔會失卻佢本身嘅味道。平時食放題一般好少會叫壽司熱食，但今次放題嘅壽司選擇好多，總有一兩款啱你口味令你忍唔住添食。另外嘅拉麵烏冬煮得爽口彈牙，同一般即食麵式嘅麵食不一樣。今次雖然星期一去食飯，但係都全場滿晒人呢間嘢 性價比 好高店員好有禮 主動問 我地食物到齊未 幫我地跟👍🏻👍🏻👍🏻