影片
開飯介紹
來自新加坡的中菜館，主打粵菜及滬菜。招牌八色小籠包，外皮採用純天然色素製作，八種味道有創意之餘，又可安心享用。
繼續閱讀
營業時間
今日營業
11:30 - 22:00
星期一至日
11:30 - 22:00
公眾假期
11:30 - 22:00
公眾假期前夕
11:30 - 22:00
以上資料只供參考, 請與餐廳確認詳情
有關獎賞計劃
相關文章
我間中都會當佢係飯堂。呢間將軍澳中心嘅”樂天皇朝”，係好多附近街坊同工作人士嘅飯堂，喺未有咁多分店之前，佢已經係五顏六色小籠包嘅始祖。唔知係咪飲食業難做，近年開始有不同嘅優惠keep住做。例如係下午茶有5折/6折(平日/假日)，有時又做晚市特價，好似最近就做食滿$100加$10有六隻叉燒小籠包。佢嘅小籠包係OK嘅，又薄又多汁，印象中黑松露味係驚為天人，今日食嘅叉燒味就還算好。但係我最鍾意嘅係佢嘅鮑魚炒飯，非常入味，基本上我每次嚟都會叫。其他就standard嘢，海蜇同蒜香排骨都可以試吓。佢啲主菜份量都唔細，要就住叫。最後要留意佢個前菜同茶都要收錢，其實埋單個base銀碼都唔細。
繼續閱讀
我間唔中都會去食《樂天皇朝 》因為真係太鍾意食佢嘅小籠包🤭ღ 招牌原味小籠包 $78小籠包有6粒，小籠包皮夠薄湯汁清甜而且肉質嫩滑🤤ღ 紅燒扣肉豬骨湯拉麵 $92ღ 鮮蝦豬肉雲吞豬骨湯拉麵 $88一人叫咗一碗豬骨湯粒麵🍜味道香噴噴，麵質煙靭彈牙紅燒扣肉有三大件，煮得軟腍入味雲吞有4粒，每粒都皮薄餡靚薄薄嘅外皮透著蝦肉，粒粒都圓潤飽滿鮮味十足！ღ 無錫鮮肉鍋貼 $45熱辣辣🔥一啖咬落去爆晒汁✨食嘅時候記得要小心，唔好淥親喔！餡料足！啖啖肉，食落好嫩又多汁
繼續閱讀
呢間上海菜最出名就係小籠包，有好多特色口味，今次係我第一次食，覺得味道好唔錯，有啲口味仲幾有驚喜，值得試吓～見到餐廳近排做緊10週年宣傳，30/4前消費滿$100就可以$10品嚐6粒叉燒小籠包，非常之抵！🔸皇朝小籠包（8色） $148第一次嚟必食！一次過試晒8隻味嘅小籠包！啱晒選擇困難症人士😂 店員會畀張紙建議由原味開始食，之後順時針食，最後係川味～ 個人最推薦係原味、鵝肝同蟹粉！鵝肝味最有驚喜，一食落口就聞到好大浸鵝肝味，味道香濃又神奇地夾！蟹粉就一定好味！小籠包size唔算大，肉餡唔算好多，但就好juicy！皮厚薄適中，有啲咬口～🔸上海炒飯 $95都多人推薦！炒飯炒得幾好，飯粒粒粒分明，粉料有蝦仁、蛋、肉粒等～ 望落好似偏鹹，但食落係完全唔鹹，調味適中，仲幾惹味😋🔸蒜蓉清炒菠菜 $78好健康！清清地唔油膩，菠菜新鮮幾嫩！
繼續閱讀
久仰大名的皇朝小籠包，七彩顏色十分吸引，但可惜不是每一款口味都符合預期。個人認為原味最好食，而鵝肝、黑松露和芝士就真係麻麻地。。。其實都好睇個人口味，但打卡就一流。其他小菜都符合預期，只是份量比較細，叫多幾樣菜式先食得飽，或者想食客試多幾多菜？。。。
繼續閱讀
樂天皇朝10週年喇！🥳 推出 $10優惠【三重嚐】..原來唔覺唔覺。。樂天皇朝已經10週年🎊，有一系列10週年活動，真係好吸引😍，分三階段推出 $10優惠菜色 【三重嚐】今次捉埋屋企人一齊去飲個茶🍵，食小籠包一定諗起佢😚！🔸招牌原味小籠包 $78 / $118Signature 必吃🖤湯汁飽滿、巧手18摺、皮薄如紙、口感Q彈湯汁清甜不油膩，趁熱食真的很滋味。🔸港式叉燒小籠包 $88 (+$10)一款週年限定口味❤️ 港式叉燒口味，你又試過未❓配搭新穎有創意，味濃又惹味，鐘意食叉燒包既朋友別錯過，仲好抵食‼️😚🔸竹炭流沙包 $48流心咸蛋黃，食落咸香起沙，熱食真的不錯吃😍！🔸上海炒年糕 $93煙韌滿有醬香既糯米年糕，一向深得我心。🔸香煎豆沙鍋餅 $62最後既甜品，上海傳統甜點，不太甜也不膩。❤️❤️❤️❤️❤️❤️❤️❤️❤️❤️❤️❤️❤️❤️❤️❤️第一階段: 3月11日至3月24日-$10 京醬肉絲 (原價$108)第二階段: 3月25日至4月7日- $10 原味小籠包 (6粒) (原價: HKD$78)第三階段: 4月8日至4月30日- $10 週年限定口味小籠包 (6粒) (原價: HKD$88)❤️❤️❤️❤️❤️❤️❤️❤️❤️❤️❤️❤️❤️❤️❤️❤️..×××××ש將軍澳唐德街9號將軍澳中心地下G31號舖..
繼續閱讀