樂湖刀削麵

營業中

休息中

作為天水圍街坊，去搵食就緊係要到新北江而新北江嚟講，呢間刀削麵一定係我心目中嘅必推餐廳！呢間刀削麵長期都坐無虛席，今次都避咗午飯時間去，諗住唔洗等位啦，點知去到都仲要等4張飛！好彩都係等咗10-15分鐘左右我自己每次食都必定係會叫我嘅至愛麻辣豬頸肉，同行朋友就叫咗麻辣牛筋，另外再叫咗個炸雲吞share!麻辣豬頸肉刀削麵（餸小辣）（麵唔辣）⭐️⭐️⭐️⭐️⭐️豬頸肉炸得外脆內軟，勁香口又唔會太油膩，配埋蒜頭入口勁香脆，麻辣汁唔會死咸但又好刺激，食到lam lam脷呀麻辣牛筋刀削麵（餸小辣）（麵BB辣）⭐️⭐️⭐️⭐️牛筋勁彈牙唔會好太韌，同埋勁索汁食落超甘香，入口係滿清嘅骨膠原感！但小心牛筋上有機會係會有啲細骨，放入口前睇清楚就唔怕咬崩牙刀削麵湯底超好味夠濃郁，有陣淡淡嘅藥材香，每次食都忍唔住係咁飲個湯，而麵質係非常彈牙有口感，食得出人手削出嚟而唔係機械式壓嘅感覺，每條麵厚薄唔同會帶出不同口感都幾過癮 炸雲吞⭐️⭐️⭐️⭐️⭐️炸雲吞嘅雲吞係白菜豬肉餡，熱辣辣咁上菜，入口勁香脆，咬個下會聽到好清脆嘅聲音，而且係炸得非常透，唔怕入面唔夠熟，仲非常多肉汁添，完美呈現出外脆內軟嘅口感呀溫馨提示佢哋嘅小辣其實都偏辣，所以建

突然好想食刀削麵 就試吓呢一間左諗右諗，終於諗咗食牛腩同埋金錢肚揀咗清湯 略嫌覺得湯頭唔係好清甜嘅感覺 清湯都有鹹味，但係味道好單一如果湯頭再改善一下嘅話 成碗刀削麵會好高分嘅再講金錢肚 我覺得切到好粗好大條超級正😂😂😂 同埋份量好多，講真依家食一碗麵，如果叫個金錢肚好少係咁多份量OK嘅都容易咬牛腩味道都正常，亦都係份量好多 刀削麵厚度非常足夠，有咬口 食極都食唔晒😂一個女仔其實係食唔晒嘅，除非超級無敵爆炸肚餓飲凍檸茶，不過覺得凍檸茶就一般般 😂😂總括下次都可以再食多次

凍冰冰嘅天氣最啱食熱焫焫嘅湯麵暖身，呢間位於天水圍新北江商場嘅刀削麵世一好食! 😍 舖面細細間，座位唔多，會有少少逼，多數都需要搭枱，如果介意嘅朋友就需要考慮下。📌 麻辣刀削麵套餐 ($52)🍜有多款餸可以自選，分別叫左2個餐，試左麻辣金錢肚，同麻辣豬頸肉 (+$3)。餸同湯麵係分開上，金錢肚非常入味，豬頸肉肉質爽口彈牙，加上大量生蒜、蔥花同麻辣，勁香勁惹味😋 如果唔食辣嘅朋友，可以揀走辣，D餸都會跟有生蒜同蔥花。另外，刀削麵湯底好清甜，唔係味精湯，建議大家可以揀湯麵唔辣，餸先揀辣度，刀削麵由老闆即場搓，麵質比較粗身，堅韌彈牙。開放式廚房，大家可以睇哂成個製作過程😆

新北江商場除左食麗江雲南米線、森堡美食等等，其實仲有好多美食值得去嘗試，今次嘅主角係主打刀削麵，口味上可能每個人都唔同，我就覺得食物味道還算可以接受，唔會話特別好食，不過佢值得加分嘅地方就係即叫即削刀削麵，食得出係用心製作，口感Q彈有嚼勁，食起嚟又唔會黐牙

呢間店位於天水圍新北江商場，喺天水圍出名嘅刀削麵店🍜。今次一共叫咗三樣嘢。✨麻辣雞扒刀削麵 $56- 湯底一般。- 刀削麵幾出色。不過個人覺得偏厚，如果可以薄啲，就更好。- 雞排煎得幾脆，但係調味普通，肉質偏硬。✨熱拌牛腩刀削麵 $56- 牛腩肉質諧，一啲都唔軟嫩，而且味道普通。- 但是拌料幾出色，特色肉醬，配花生碎，有少少辣調味，值得一試。✨消暑冷刀削麵 $62- 呢個刀削麵好特別，用咗泰式雞醬。但係雞醬偏甜同刀削麵唔搭，好普通。✨加配豆漿- 豆漿味道唔錯，甜度適中，豆味濃郁，入口順滑。💁🏻服務態度：上面寫住12:30開門，我哋準時12:30到達，間店仲未開，燈都冇開，個老闆見到啲人喺出面排隊都冇出嚟招呼。陸陸續續七八個人喺門口等緊，個老闆都冇出聲，最後係12:55先開門招呼。回頭指數：🤤🤤/5🔹總結：食物質素Ok，價錢唔算貴，但唔會為佢專登走入天水圍。

超正，這天本身同其他朋友吃完東西去濕地公園，不過聽到另一邊廂朋友說人們到「百分百」霸位，看見妻子好像聞風喪膽一般，而小朋友又好像急着要去玩，於是就決定先到濕地公園，到濕地公園關閉之後，我們就乘坐友人的便車去到新北江商場，到這間刀削麵試一試。店子也是偏小，看見強而有力的師傅在廚房將麵團用工具削成麵條，麵條有大有小，顯得非常之滑溜，本身湯底味道難免會有少許辣味。我點個擔擔醬，有點菜譜，有點辣醬在內，相當惹味，大腸份量亦都不少，大腸頭更加香。炸雞翼四大隻，都算是汁液豐富，外皮香脆。另外小食還有一個豬頸肉，上面亦都有蒜泥在面頭，份量夠多，豬頸肉的質地帶點香脆，不會太過乾，有少許脂肪，肥瘦均勻，相當不錯。看見其他食客叫的每一個小食都有青荵以及磨到非常幼滑的蒜泥在面頭，可能還有麻辣在底下，的確適合我們這些重口味人士

有最低消費******************************🥢雙拼刀削麵(牛腩，上海水餃) $59牛腩湯好高質鐘意食牛腩湯麵嘅話必點🤤講返兩款餸牛腩炆得軟淋同好入味👍🏻上海水餃中上水準餃子皮唔厚 肉餡鹹鮮同牛腩湯味道好夾***🥢熱拌東坡肉刀削麵 $55熱拌嘅肉醬好惹味難得地唔係辣肉醬啱哂我呢啲唔係好食得辣嘅人🥳不過覺得自己揀錯配餸東坡肉配肉醬越食越膩😂喺我心目中嘅排名係湯麵>熱拌麵😗

一對年輕夫婦經營嘅餐廳，會見到老闆現場做刀削麵，今日叫左兩碗刀削面，連麵都可以揀辣度🌶️，配麻辣牛展、紅油金錢肚。刀削麵口感非常有彈性和嚼勁。每一啖都感受到麵條既柔軟度和彈性，好食！🍜紅油金錢肚，紅香辣之餘，仲有啲甜味，金錢肚又非常入味；，辣味激烈，牛展肉口感實在而且入味，好食！雖然價錢有dd 貴，但味道真係好食👍🏻，深街坊歡迎，有時等候時間比較長。辣度要慎揀！因為麻辣牛展（中辣）都真係幾辣😵

樂湖刀削麵的刀削麵是他們的招牌菜，也是我必點的菜品。這道刀削麵的麵條寬而厚，有嚼勁，非常有口感。每一條麵條都是現場用刀片切削而成，保持了麵條的彈性和口感。湯底鮮美，搭配了豬肉片和蔬菜，豐富了整體的味道。刀削麵的麵條和湯底的搭配非常完美，每一口都帶來滿滿的滿足感。除了刀削麵，樂湖刀削麵還提供了多種其他美味的菜餚。我試了他們的炸醬麵和炒麵，都非常美味。炸醬麵的麵條炸至金黃酥脆，搭配了豆瓣醬和豬肉絲，味道豐富。炒麵則是麵條炒至香脆，搭配了蔬菜和肉片，口感出色。他們的菜餚味道均衡，份量十足，非常適合大家來共享。

我港島特登入天水圍搵特色野食，本來想食那間冇開，所以見邊間熱鬧d就去食邊間啦。本身想食麵，就揀左呢間刀削麵，鋪位細細（商場差不多間間都咁迫窄），唔怕迫唔怕熱先好來食喲。叫左碗雙餸刀削面（豬手+牛𦟌），我唔食辣， 我聽到好多人會叫餸要辣，麵就唔辣。個湯有dd藥材味，唔味精，食完唔會口渴。2款肉都很‘’林‘’，又入味。我自己就最鍾意d麵， 而且仲見到師傅係店內即場削麵，真係新鮮製造呀。商場都唔細，但劏開左好多間鋪，我都係要搵商場圖先搵到食物區呀～

一碗熱騰騰刀削麵+麻辣豬頸肉實在係一種極大的享受👍本身唔太鍾意食刀削麵 因為覺得好多舖頭好厚實冇彈性但係呢間每條麵條有彈性唔錯唔錯麻辣豬頸肉好非常出色豬頸肉燉得剛剛好，軟嫩入味，配上麻辣調味料味道十分豐富絕對係辣控的最愛怕辣人士就小心啲啦，因為真係都幾辣🤣另外佢話麻辣豬大腸都好好食，呢兩個係我必叫嘅總體黎講，刀削麵、麻辣豬頸肉麻辣豬大腸絕對值得一試。無論味道定質量，都好優秀 如果你喜歡辣味濃郁既美食佢嗰啲小食係不二之選！

【元朗區】【樂湖刀削麵】睇得呢度耐或者有留意 story 嘅朋友都會知我耐唔時會入到天水圍閒逛，我唔係要搵啲乜嘢抑或想遇上啲乜嘢，因為我嘅過去已經過去，而過去咗嘅嘢亦可能已經離開咗呢個地方，我唔知，亦都唔需要知，知嚟做乜先。感覺呢件事已經變成一個好似信仰咁嘅嘢，有可能呢一刻體會到嘅嘢先叫愛情，問世間情是何物？你問我我問邊個，所以我選擇活在當下，保持初心就算喇。不過雖然我話似信仰，但係我都唔係喺度煉仙，都係要正常飲食嘅。嚟到新北江，麗江冇開，就嚟咗呢間，坐低叫咗個本身 $49 嘅「雙拼刀削麵套餐」，我加咗個餸所以貴咗十蚊。嗰三個餸我揀咗滷水雞翼、牛肋丸、魚腐，全部都係 menu 寫話佢哋推介嘅。麵底方面我食返刀削麵，水準正常。講吓啲餸，滷水雞翼個汁幾香而隻雞翼本身夠肥美，幾好食。個牛肋丸就有啲普通，不過都唔係差嘅。魚腐就最好，薄薄哋，有少少甜味咁幾得意。碗嘢裡面仲有我另外再加 $10 要嘅「溫泉蛋」，生熟度拿揑得唔錯嘅。嘢飲我要咗杯「凍豆漿」，正正常常嘅質素，冇咩好講，呢杯五蚊都唔使加，跟餐就有嘅。成餐夾埋用咗 $69，我覺得都唔錯，湯底都幾香濃而又唔會得鋪鹹。如果我唔加多款餸同埋唔加隻

#chuchu食在天水圍📍 樂湖刀削麵天水圍gang gang，緊係要去新北江搵嘢食，見到呢間刀削麵好多人就食佢，🐷都等左15分鐘左右先有位，小店坐得就有小小逼💡休息時間不定，建議睇佢社交平台！—————————————————————❣️ 麻辣豬頸肉刀削麵 $49 +3豬頸肉要+$3，嗌左bb辣，但係都好辣，好彩湯底嗌左唔辣！所以唔係好食得辣一定要嗌唔辣湯底‼️雖然辣但係都幾好食，豬頸肉煎過，好香都好有咬口！.❣️ 雙拼刀削麵套餐 $49嗌左雪菜肉絲同埋菜肉雲吞，兩個餸都唔錯，不過就冇乜特別，不過$49包豆漿/熱飲，凍飲+$3，真係好抵！.💬如果鐘意食辣嘅朋友一定要黎試吓！—————————————————————不專業評分👅好味指數: 8/10 💰性價比: 9/10👍🏻推薦: 8/10 —————————————————————🏡地址: 樂湖刀削麵 (天水圍)天水圍天湖路1號嘉湖新北江商場1樓C41B舖🕑營業時間：12:15 - 22:00—————————————————————#chuchu食港式 —————————————————————Follow🐷 @chuchu_hkfood

呢一日同家人嚟到天水圍新北江商場呢一間樂湖刀削麵🤤👍🏻👍🏻😉我哋不嬲都好鍾意食刀削麵㗎😚😚我哋叫咗一個手撕雞撈刀削麵 東坡肉撈刀削麵同埋手撕雞湯刀削麵😚😚😚手撕雞好食呀，個賣相又靚😘東坡肉呢都唔差👏🏻👏🏻👏🏻👏🏻啲刀削面嘅面質地係我好鍾意😍😍😍如果喺天水圍又想食刀削麵嘅話，都真係要嚟呢間😳因為價錢都幾合理，50幾蚊就有個面仲可以配豆漿🤤🤤🤤👍🏻👍🏻👍🏻👍🏻👍🏻

今個weekend 入黎天水圍兩日一夜 見呢間幾多好評就試下✨麻辣豬頸肉刀削麵 $54豬頸肉外皮少少脆啦 味道醃得幾好 有啲南乳味 加上啲蒜蓉同麻辣味好正👍 推薦 👍 刀削麵好彈牙 質感好好 有麥味 麻辣湯底超級辣 叫左小辣都食到出晒汗食唔到 下次都係叫bb 辣就得😵😵✨麻辣熱拌牛腩金錢肚手工拉麵 $73呢個手工拉麵要加$6 但男朋友覺得係真係好食過刀削麵 更彈牙😂 我自己就鍾意刀削麵多啲啲餸都好好食 牛腩好嫩又香牛味🤤金錢肚夠爽✨涼拌青瓜 $28皮比較厚 🙈 但都唔錯 酸酸地幾開胃總括黎講味道好好 麵同餸都出色👍 跟餐有凍豆漿搭配解下辣 不過落完單之後都等得有啲耐🤔 環境細細要搭枱不過都唔算十分逼嘅 味道❤️❤️❤️❤️💔抵食❤️❤️❤️❤️服務❤️❤️❤️環境❤️❤️❤️💰晚餐人均～$77(唔收+1)✅再幫襯