影片
港鐵旺角站 A2 出口, 步行約5分鐘
繼續閱讀
附加資料
晚飯收茶錢
營業時間
星期一至日
07:00 - 23:00
以上資料只供參考, 請與餐廳確認詳情
其實此餐廳位置有點偏僻，起初以為係一般茶餐廳，原來實情係大排檔混合酒樓格局的中菜飯館，既有生猛海鮮餸菜，亦有各式小炒名菜，菜式豐富任君選擇，碟碟鑊氣十足，超級美味😋👍🏻👍🏻👍🏻先來魚缸點秤海鮮- 3斤澳龍🦞加斤半肉蟹🦀美酒配佳餚，當然要啤一啤🍻，原桶冰鎮🍺，未飲先透心涼送酒名菜怎能少小炒皇+ 椒鹽鮮魷+椒鹽九肚魚，香脆可口，熱辣辣，小心燙咀芝士焗龍蝦伊面出場了🎉，再來避風塘炒蟹蒜蓉蒸聖子，海鮮生猛又新鮮，唔駛去咁遠都有得食全日主角終於出場👏👏👏3斤游水桂花鱸🐟，烤魚鮮煱無得彈，配菜薯粉/雲耳/豆卜/大荳芽索足湯汁，簡直回味無窮，估唔到呢度都可以食到，好滿足呀呢隻雲英雞不讚不可，全副雞雜配上，雞味濃厚，肉質嫩滑，差點成碟給我食光，實在太好味了再來兩個小炒，黑椒牛仔粒及咕嚕肉，賣相奇佳，色香味俱全，好有水準👍🏻最后以送的雪糕作結尾，位位捧著肚皮走，其實此次飯局是跟公司阿姐作餞行宴，幸好食物超美味，緩和咗飯局的憂愁感，此餐廳絕對可以encore 再encore ，誠意推介💯。
繼續閱讀
叫咗個蟶子皇，蝦仁炒蛋價錢偏貴，但環境衛生上到嚟聖子講唔上大隻，只係普通，味道亦都中規中矩咁點解要話佢係克店呢？事源，我叫蝦仁炒蛋上咗菜，我食完之後，佢第張單過嚟我竟然見到佢張單上面寫黑松露蝦仁炒蛋，走黑松露但收返我黑松露蝦仁炒蛋嘅價錢問夥記，夥記竟然講畀多咗料你試問三文魚壽司走三文魚，但係舊飯大啲，可唔可以收三文魚壽司嘅價錢？個夥記非常犀利，完全一啲唔好意思都冇我百幾蚊食咗個黑松露蝦仁炒蛋，走黑松露你好嘢
繼續閱讀
不時不食 最愛羊腩煲個哥哥話要試羊腩煲，叫個試下。先來個爐仔滾一陣，試啖湯先，好濃味，完全唔求其。好足料，入面有筍，菇，枝竹，羊腩，馬蹄，最後落埋生菜。落完生菜，正常d湯會變淡，但佢竟然無，不得了椒鹽鮮魷一咬落去，魷魚好新鮮，好厚，點d酸汁，好惹味聽哥哥話佢地用新鮮魷魚，唔怪得la。。炒准山厚切爽口，加埋木耳，三色椒，見到都好開胃，重點係完全唔咸，好清新。最後原來食完仲有雪糕送，幾特別，睇得出老闆係有誠意的評價，會再去，因為都真係出色，製作有誠意
繼續閱讀
最近在網上發現有間新開的小炒在旺角，今晚趁着有空便來到了。店內裝修有些似小菜館，又像酒樓，有魚缸在店舖門口，所以便點了這裏的麻辣烤魚。麻辣烤魚很少會採用生猛的魚，店長選了一尾生猛的桂花魚，大約一斤二兩，然後拿進廚房烹調。烤魚內有配料有豆卜、芽菜、青瓜、冬菇、萵筍，廚師將桂花魚炸過，魚皮沾滿孜然粉的香味。桂花魚吸收了麻辣湯的味道之後，兩者味道更加配合，辣度亦適中，想不到這裏的烤魚做得這麼出色，一點都不遜色於烤魚專門店。招牌鹽焗雞，醎到適中的鹽焗雞，雞肉鮮嫩，點些沙薑汁，味道簡直是絕配。豆豉蒜蓉炒涼瓜，簡簡單單的一道小炒，鑊氣十足，涼瓜的苦澀味不多，帶點鮮甜味道，感覺處事掌握火候的技巧十足。啤酒價錢不算貴，飯後亦有雪糕贈送，女侍應服務態度良好，這都是值得下次再光顧的原因。
繼續閱讀
早晚天氣開始涼，就想食熱騰騰的東西溫暖一下，跟朋友到了永利小廚晚餐，這裡的小菜很多款式選擇。上菜前先送來無味精例湯，幾有家的感覺，今晚是粉葛湯。黑草羊煲$288小爐火熱著的黑草羊煲，用料大件豐富，黑草羊已無羶味而且煮得很淋，肉嫩，還有枝竹、竹筍、冬菇、馬蹄等配料，最後還可以用餘下湯汁煮生菜，味道濃郁。蝦醬生菜$68想吃多點菜，叫了一個蝦醬生菜，瓦鍋上風味很好，濃濃蝦醬味道加肉碎和蝦乾，很適合「送飯」。椒鹽鮮魷魚$118椒鹽炸的鮮魷件件份量十足，外層輕脆有惹味椒鹽，內裡保留鮮味多汁，口感柔軟，不會過火。熱奶茶：非常濃郁的口感味道，帶甜味。吃了很多濃味小菜，最尾每人送一杯雪糕，清一清口腔，感覺舒服。小菜份量很大，十分抵食，適合三五知己來開餐。
繼續閱讀