江順名滙

營業中

休息中

呢期都係encore系列，全部都係性價比高，值得keep住翻食！記住呢間下午茶優惠時段，大、中、小點通通$18.8。 由2:01-3:00pm供應。今次小編黎到好多人等緊位，睇黎愈來愈多人發現到佢個下午茶抵食😂今次試左幾款上次無點過既點心黎試試🧡【 黑椒味菜蒸爽肚 】本身唔食爽肚既小編，呢道菜比到驚喜我，味道唔會太勁好易入口，食起既咬勁似食咁土魷，唔錯。【 養顏紅棗糕 】好熱辣辣咁上菜，都幾好食，未至於超有紅棗味，但算好食！【 醬汁蒸鳳爪 】唔會乾爭爭，食起幾juicy，好味！【 蒜香鮮蝦春卷 】呢個略嫌太大件，如果包得細件d, d餡唔會咁濕會好食d!

唔經過都唔知道原來isquare係有一間茶樓，咁岩撞正小編岩岩睇完戲到佢既下午茶優惠時段，大、中、小點通通$18.8。 本身諗住呢個價錢應該會係頹食，點個叫左幾樣點心黎到品嘗之後，咦，又唔錯喎呢間茶樓原來！個松草花菜苗餃皮好彈牙，又有雪山叉燒包食，魚肉尖椒亦好香口！ 呢個優惠價錢下食到呢個質素真心超ok! 不過佢既下午茶時間好短架咋， 係2:01-3:00pm🤣🤣🤣 小編今次真係咁岩好彩路過撞岩timing😆如果撞得正佢時間，絕對會再encore 👍🏻👍🏻分數：（10分滿分💛）味道：7.5價錢：8環境服務：7.5（以上評分只是小編個人口味而已）

今晚跟家人慶祝生日，預訂了半席海鮮晚餐。整體感覺良好，冰鎮鮑魚十上湯龍蝦新鮮又大件，仲有海鮮魚翅湯，又有得食順德地道小食魚餅，沙巴龍躉也很新鮮。最重要的是價錢很合理，平均一個人不多於$300，係性價比很高的一餐。服務也很好，還會免費送糖水甜品下次一定會再光顾。

喺iSQUARE睇完戲 啱啱就係下午茶時段 啱啱見到呢間茶樓 友人就提議入去飲個茶 下午茶時段有點心七折優惠同每人一粒燒賣送☺️蟹籽燒賣皇燒賣都算大粒 食落就好普通 唔係特別好食🐷東瀛高湯鮮竹卷本身諗緊咩係東瀛高湯 點知嚟到嘅時候 見都唔係好見到啲高湯 鮮竹卷食落當然都係好乾身😩荷葉珍珠糯米雞糯米有少少硬 豬肉碎都係有啲硬☹️芹香煎鯪魚餅口感非常爽口 因為落得太多馬蹄 唔係好食到魚肉 似馬蹄餅多啲😂雪山叉燒包其中一個包唔知點解會燒燶咗有個窿 店員擺低嘅時候都冇問我地介唔介意 叉燒包味道就係普通嘅味😗百吃不厭咸水角正常味道 不詳述 外皮都算香脆 普通酒樓貨色脆皮米網鮮蝦腸粉食到呢度都冇咩心機繼續食 腸粉嘅蝦都幾大隻嘅🦐總結就係 尖沙咀有好多酒樓好選擇 勸大家唔好中伏😩

✨ isquare 食肆多, 選擇多😍廣東及潮州的點心試得多....今次試下標綁住“順德菜館“嘅點心先😉🥰午市點心選擇款式超多💕還有下午茶時段八折呢😍彩椒木耳鮮淮山以為彩椒必定是三色燈籠椒但上碟只有黃椒及紅椒每款兩小片沒有青椒的...有點失望鮮淮山爽口, 味道唔錯濃湯浸菜心🥬菜心新鮮嫩口😋蒜香鮮蝦春卷皮薄脆口鮮竹牛肉球牛肉味濃有口感咖哩蒸土魷略嫌醬汁太黏身唔夠咖哩味雪山叉燒包义燒餡料味道一般但勝在上枱夠熱辣辣可能因為限聚令下6pm後沒有堂食❤️每位客人都會敬送❤️“蟹籽燒賣王“一粒👍虾仁夠大粒,肉質彈牙😋整體食物及點心與廣東菜色無大分別

今年冬至不想在家吃，所以決定找一間未試過的順德菜我們8個人，訂了半席，以為唔夠食，再點多了2個菜，點知份量都不算少順德三太公，剛炸起，好惹味碧綠花姿蝦仁欖角骨拼蝦醬骨順德生拆魚蓉羹蒸斑魚魚湯浸翡翠銀盤沙薑焗走地雞瓦罉煎焗西江魽魚家鄉炒米粉，這個炒得幾好食瑤柱蛋白炒飯最後上壽包和桂花糕雖然是6人份量，但我們都覺得份量不少，唔錯

今晚同朋友去isquare睇戲 而家戲院冇得食野 所以就諗住睇戲之前係商場食左飯先 行到上3樓見到一間主打順德野嘅中菜館 平時食上海野 潮洲野就食得多 好少見到主打食順德野嘅餐廳 所以就入咗去試吓 結果喜出望外🥳順德三太公之前從來冇食過依道菜！點知一上菜就發現原來好似煎釀三寶咁，有尖椒、蓮藕、鯪魚球！香脆得黎又吾會好油膩，有驚喜！銀盆沙薑焗走地雞 依家有好多餐廳話就話用走地雞，實質上就係用冰鮮雞，食落去一d雞味都冇！但係依度嘅雞超級滑，熟成程度岩岩好！d雞仲充滿住沙薑香味，非常開胃！台面煮大冧哥黎到依餐飯嘅highlight- 台面煮大冧哥！除咗有非常足両嘅冧哥之外，仲有吾少配菜係入面。魚身超級雪白鮮甜，仲要一D都吾腥！我地食到咁上下，店員問我地要唔要加米線同生菜，我地先知道原來可以咁樣食。最後食埋個新鮮熬製嘅魚湯米線，非常滿足！暖粒粒，最岩就係打邊爐，依度一次過滿足晒我嘅願望😍總括黎講，依間餐廳嘅食物質素好好，feel到每一樣野都好用心機整，值得更多人識！

知道尖沙咀ISquare最近開咗一間新的餐廳小菜茶樓，是供應順德菜的，下午時段，便叫了好幾款點心試下。外賣包裝乾淨企理，點心樣子精緻。蝦餃都幾大粒，個皮好薄好晶瑩，入面嘅蝦都幾大隻，入口幾彈牙爽口，表皮上面重劃上金箔，感覺高尚。鮮蝦菜苗餃入面嘅餡料都好足，而且都好大隻，可惜嘅係佢只有三隻，如果比足四隻會更加好。叉燒包味道正常。煎魚餅冇乜鮮味，亦唔覺得特別彈牙好食，入口有點粉粉的感覺，而且感覺好油膩。蘿蔔糕就咁睇好似煎得幾靚，不過入口同樣非常多油，而且仲冇乜料，有點兒失望。梅菜排骨陳村粉，梅菜入口非常之鹹，而且佢嘅鹹味到仲令到啲陳村粉好唔均勻，時鹹時淡，排骨分量都幾多，而且都幾多肉，不過就比較多肥膏。糯米雞就正正常常冇乜特別，味道略淡。整體嚟講，酒樓嘅點心質素一般，而且主要大部分都係大點，冇乜中點同小點，價格略貴，希望遲d會加多些中或小點的點心吧！～

見到新開上去試吓，少咗幾樣點心全部都睇得又食得，蝦餃皮薄餡靚大大粒，個雞腳亦都好入味好食，煎炸嘢都好香口，下次過嚟應該會再試多幾樣。價錢都尚算可以接受，環境裝修都幾好。

今日同幾個朋友去尖沙咀isquare行吓，行到咁上下，大家肚仔開始肚餓，就上網睇吓有咩食，見到有間新開‘江順名滙’有得飲茶食點心小莱，就去試吓食。入到去，經理侍應態度服務都好好，我哋想坐靠邊位，佢都ok，呢度裝修都幾特別入到去都幾大。我哋叫咗壽尾茶，又熱又好飲呀，同埋因為新開張佢哋而家入咗都會送一籠四粒嘅蝦餃。我哋各自點了七味魷魚鬚，呢個係我飲過咁多間茶樓最好味嘅魷魚鬚，佢哋係即炸㗎，又熱又脆，仲要係入邊食到有一條嘅魷魚蟹子燒賣王，入邊又有蝦有肉，又大粒水晶蝦餃王，雖然呢個係送嘅但係一啲都唔馬虎，大大粒入邊全部都係蝦脹卜卜好有蝦味好Juice百吃不厭鹹水角，呢個係好有咬口煙煙銀銀，入邊都有好多餡料，而且佢又係即炸嘅手打鯪魚球粥，XO醬炒腸粉，蒜香鮮蝦春卷，荷葉糯米雞今日我哋四個人買單三百幾蚊，都係大滿足, 下次會再encore

輕鬆週未假，早BooK了今天在尖沙咀馬可孛羅酒店住一晚，距離Check in有一段時間，我們在尖沙咀行下商埸，影下聖誕景，朋友推介今次吃中午飯這間，環境不錯，裝修好有特色，座位寬倘同舒服，待應服務態度好好，我們點了蒜香鮮蝦春卷蒜香味好香，春卷蝦肉爽口，炸得好脆蟹籽燒賣皇 燒賣大粒，豬肉嫩滑同入味荷葉珍珠糯米雞很有糯米香同雞香味，分量適中百吃不厭咸水角炸得脆口，咸味剛剛好手打鲮魚球粥鲮魚球細細粒來又彈牙，粥鮮甜魚香味XO醬炒腸粉腸粉滑身，炒得好香XO醬味七味魷魚鬚熱辣辣，好脆口，很有咀爵感

食物精緻，瓦罉煎焗魚咀好香口，送啤酒一流，野生大冧哥炸得剛剛好，外面好脆，里面啖啖肉，正。砵仔鬼馬焗魚腸，銅盆雞，顺德三太公，勒流家鄉欖角骨，甜品雙皮奶，好耐冇食，一次過試晒，重有好多嘢，下次再試，重見到食茶點心有馬拉糕