江順名滙

營業中

休息中

江順名滙, 位於  iSQUARE  國際廣場, 3樓.   乘地鐵或 巴士去, 交通非常方便.  餐廳主打順德菜,  今日朋友請食晚飯,  訂了 VIP 房,  4:00 可以麻雀耍樂.當天 7:00 開始晚飯,  侍應招呼好好.   準時上菜.  第一道頭盤,  順德名菜, 命名  [三太公] ：藕餅, 釀青椒, 蜆芥鯪魚球.  擺碟美觀吸引.   藕餅好爽脆,  蜆芥鯪魚球, 魚肉鮮嫩.  釀青椒, 魚滿滿清香彈牙. 美極煎大蝦,  蝦好巨型, 肉爽又彈牙, 調味正.秘制蝦醬骨,  調味好, 肉質優,  煎得香口.銅盆污漕雞,  雞肉嫩滑可囗, 好好食！雞蛋蒸焗魚腸:  古法制作, 有農村風味, 滋味甘香, 叫人食後難忘.蟠龍鱔, 用蒜蓉鼓汁蒸, 上檯 熱辣 辣, 好睇又好食.接下來, 有鮮蝦荷葉飯, 杞子桂花糕,  也不錯. 這個晚餐吃得好味豐富, 大家滿意.

和家人來吃了六人套餐 餐廳做緊半價優惠所以真係好抵食！ $1628 六個人真係好好的價錢。冰鎮鮑魚真的很新鮮很大隻，配合芥末醬油，很鮮甜冰涼。鮑魚處理得很乾淨，沒有任何魚腥味。花膠竹笙魚翅羹- 味道很好，也很足料，所有材料都清楚看到厚厚的一絲絲，很大鍋，我們每人都喝了兩到三碗。他的調味簡單不會很咸。秘制蝦醬骨超好吃！好惹味！排骨炸得很酥脆，再裹上厚厚的蝦醬翻炒，好香好好食，配合白飯一流。六人餐亦都包括咗一條大嘅蒸魚，有隻雞，同埋荷葉飯。呢度嘅食材全部都好新鮮好大份，無論係屋企人定係同朋友食都好值得嚟試吓。每碟食物嘅份量都好大，最後係食唔晒。 經理同埋職員嘅服務質素都好好不停過嚟幫我哋加茶，分菜，換碟。 甜品方面呢，套餐包咗桂花糕，都好好食好清甜同埋夠實淨。經理好好人仲請我地食紅豆沙！

中午11點半去飲茶，諗住話叫點心，牛百葉叫完1分鐘都唔洗就上左 發現原來凍唧都算，叫左個牛肉球等點心 落漏單 特登reorder 都係無入 ，first order 個叫左個黑松露炒飯 等左成個鐘都未到 first second order 都食曬都未到 揾左2個先幫手睇到漏咗 隔離枱等埋單都等左成半個鐘都未有人ser佢 啲侍應個個都唔休做咁，懶懶閒咁，的服務可想言之 食物價錢又唔算平完全揾唔到主打賣點係食物完服務定咩 簡直就係俾錢買難受 永不再臨

昨晚和家人一行九人光顧此店，點了八道菜，其中一樣是銅盆污漕雞，要全雞，但上菜時份量只似是半雞，而且只見一隻雞翼及一隻雞腿，問一女侍應是否上錯半雞，她郤說廚師將幾隻雞斬件後一起調味，蒸時才執夠一隻雞的份量來蒸，我不相信專業廚師會這樣做，但因為已吃了兩三件，不能退貨，只好勉強接受，但後來看見鄰桌的銅盆雞盛器和份量都比我們的大，便再找侍應理論，她竟說你們吃光才出聲，但我們一早已投訴了，於是要求見經理，但見另一侍應和廚師講話後前來說計你們半雞算了，簡真侮辱顧客智慧，肯定不會再次光顧！

總括嚟講呢一餐好好食！$3888 ，/10 位，全包宴平均每人$400唔使好抵食。平時出邊茶樓啲嘢飲唔係人人都要$300一位平均，今次呢餐又飲又食，仲有卡拉OK，又可以打麻雀，仲可以玩到好夜添。非常推薦，地方又方便。喺尖沙咀區。以下就係今晚食物圖片：啤酒夠凍𠮩𠹌三太公：藕餅、釀青椒、蜆芥鯪魚球，揸得好鬆脆。蝦好大隻，又彈牙，抵讚！筍殼魚炸得好好碌鵝，冇得彈。梅菜排骨陳村粉：一絕！桂花糕，完美的句號。

【油尖旺區】【江順名匯】同事牛雄哥榮休，作為公司最後生嘅老鬼，梗係要去賀佢畢業。成六圍枱都幾震撼，食吓前菜吹吓水就上菜喇。首先係「順德三太公」，即係「酥炸蜆蚧鯪魚球」、「手打鯪魚肉釀辣椒」同埋「手打鯪魚肉釀蓮藕片」。三款都幾有特色幾正，就上埋之後嘅「上湯大蝦伊麵」同「碧綠帶子珊瑚蚌」，兩者都唔錯。之後飲「天麻海雀燉魚頭湯」，好似幾足料，又唔會太濃。之後條魚係「清蒸碧海沙巴龍躉」，忍唔住喺現場都同同事講，幾好食。跟住嘅「蠔皇金錢扣鵝掌」正正常常，冇乜特別但味道算唔錯。之後到「彩虹芥末牛柳粒」，唔會好辣，牛柳粒又勁腍，小朋友至愛。我最期待「脆皮當紅炸子雞」，不過佢唔算整得好好，係有少少失望，坊間好多都比佢好。到澱粉質嘅時間，特色菜「籠仔排骨蒸陳村粉」幾惹味，不過略嫌啲味唔平均，時鹹時淡。最後嘅「蓮蓉小桃包」同「鮮果拼盤」都係合理發揮，算係一個唔錯嘅終結。餐飯唔知幾錢，總之每人夾 $400，祝牛雄哥生活愉快啦。。。（地址：尖沙咀彌敦道63號國際廣場3樓302號舖）#1amfoodie #foodie #hkfoodie #thatfoodiething #hkfood #food #in

吃完一周又再來，今次7大1小叫了這個超值半圍套餐，另外叫了炒鮮奶及咕嚕肉，還有一打壽桃包，其實不額外叫都已經好大碟又足料，叫多咗打包係夠隔天吃多一餐。之前一直想叫小菜，因為好出色。原來套餐有鮑魚，龍蝦及龍斑，食材及師傅功力都是一流水準，最緊要長輩們吃得開心，吃到他們想吃的味道，而且價錢分分鐘比冬菇亭平，之後伙計還送紅豆沙糖水，窩心。一定要提下沙薑雞，超滑又吃到新鮮沙薑粒，超讚，隔日翻熱後仍好滑，正。

疫情之前一年也吃兩三次，幾年沒有來，新地點面積比較沒有很太，坐ok, 不會太迫。當老公知道也吃河鮮，佢都有疑慮，點知今次經驗，老公及大魚大肉的朋友都覺得正，順德菜都算係comfort food。我們叫了炒鮮奶，真是好滑好味道。這裹的小炒一流，鱔片和味，各道菜都出色。

原本計劃想吃的餐廳滿座，尋找其他食肆之際，被招牌燈箱寫著 「正宗順德菜」的字眼吸引，於是就決定去試下。平時酒樓的餐前小菜一般係花生同XO醬，呢間是提供零食牛耳。既然來到順德餐廳，當然不少得點選順德的名菜，呢晚我們選了：大良炒鮮奶順德煎釀鯪魚 鬼馬焗魚腸沙姜蒸走地雞和風菇菌炒牛肉粒首先上菜的係 大良炒鮮奶，賣相都不錯。表面撒上蝦子點綴，和擺設西藍花和蘭花做擺盤。蛋白炒得比較滑溜，裡面有一粒粒爽口的蝦肉，仲吃到蝦子的脆。西藍花就沒味道的，純粹水煮，不過都幾脆。呢道菜都有點驚喜。 跟著上來的係 菇菌牛肉粒，賣相是相當不錯，看著非常有食慾。試一塊牛肉粒，非常嫩滑，不過味道略微清淡。菇菌有茶樹菇、杏鮑菇同冬菇，可能係拉過下油，非常脆口，而且重點係調味很足，就連點綴的紅黃椒都很香脆，簡直被驚艷到，都想叫碗白飯來送呢個菜（不過考慮到有機會吃不完，最後都沒叫到）。跟著上場係沙姜燜焗走地雞，一個木盤上包裹住錫紙，服務員剪開錫紙，然後攪拌均勻雞塊，聞到幾香的紅棗味。雖然話係沙姜雞，沙姜都切得好大粒下，但整體而言沙姜味不算突出。試下雞先，雞係幾滑下，不肥而且雞皮都幾薄，調味都幾足。但凍左再吃就略顯有點鹹。呢

很久沒有和家族成員一齊食團年飯，今年疫情放寬，年初三訂了三圍共37人吃賀年飯，每圍都係三千幾蚊，非常抵食，最重要質素非常不錯，尤其炸蟹鉗、蒸魚、椒鹽鮑魚，以及最後甜品黃金糕及紅豆沙湯圓都做得非常出色，老人家吃得很開心很滿意，價錢咁抵，值得推介。另外，侍應服務非常好，值得一讚！

同舊同學聚會，朋友話呢間餐廳唔錯，就試下。啲野食味道本來唔差，服務都可以，但係啲份量有啲奇怪，8人餐，頭兩碟餸都叫做好好地，之後來碟蚌，啲擺盤開始亂來，最奇是8人餐來碟蠔鼓超細碟，仲得6粒蠔，一問之下答案是6人餐同8人餐 size是一樣，全檯O咀囉。咁如果再有下次，是咪要叫兩個4人餐先得？！ 之後等其他食物都需要等啲時間，唔知是太多人定掛住招呼其他客人，是有的耐嘅。其實我地無乜所謂，不過奇怪唧！不過我俾三百幾食餐就有啲無言啦l

去尖沙咀飲下午茶，選了這間。下午茶2時開始，大中小一律18.8元。既然大中小同價，當然選大點較抵，於是點了四個大點。鮮蝦蟲草花菜苗餃，一籠三隻，每隻漲卜卜，內裏有切得細細條的蟲草花，白菜碎，蝦仁大量。吃下去口感扎實又有點爽口。黑椒味菜蒸爽肚，豬肚確是爽，黑椒與醬汁入味，只是味菜太鹹了。煎釀魚肉虎皮尖椒，尖椒是反轉上碟，魚肉向底，尖椒上灑了些木魚絲。魚肉是薄薄一層釀在尖椒內，尖椒微辣，魚肉味道正常。蜜汁叉燒腸粉，一排六件，腸皮內充滿叉燒和芫茜，還有些香芹粒，既香又好吃。今天下午茶人流也不少，但不能座太久，三時半要截單。雖然坐的時間不長，但以每款18.8元的大中小點心價格嘆下午茶，在尖沙咀區來說就不貴了。

少有順德菜， 尖東位置，交通方便 落雨唔使擔遮， iSQUARE 3樓 地鐵電梯直上 十分方便。 之前同朋友中午去飲茶， 點心有個雪山叉燒包十分好味， 發現晚飯 有抵食龍蝦餐 同埋有新推出碌鵝， 所以同朋友去試下。 我之前未食過碌鵝( 要預訂)， 好特別 好好味 ， 仲有特價野生大冧歌， 有檯面上湯浸，清蒸同埋 油浸 三種食法。 本來想 試下 檯面上湯浸， 不過因為飲啤酒， 最後都揀左油浸， 冇揀錯 外面炸得好酥脆， 裏面啲肉仲好嫩， 送啤酒 冇得輸。 另外仲 叫了杏汁豬肺湯(要預訂)， 三太公， 焗魚腸， 花錦鱔 都好好味。 晚飯地方 坐得舒服 服務到位 。另外晚飯時發現有人 包房食飯， 仲有卡拉ok 同電動麻雀。 問問房間收費亦唔貴， 下次會再约朋試吓， 整體十分滿意可以一試

平日食lunch真係好多抵嘅選擇，今日喺iSquare江順名匯飲下午茶，各樣點心質素也不錯，特別是粉果皮薄足料，薑汁糕煙韌夠薑味，雪山叉燒包熱辣辣，排骨感覺啲肉夠新鮮，黑椒牛肚及牛柏葉夠惹味👍三人都吃得飽飽的，每人約$100，性價比高👍係Open rice 買iSquare coupons 就更優惠（$25 作$50用，每個用戶限買四張，即係可以再慳多$100），不過我唔記得用，留返下次啦，有很多商戶都用得🤣

今年年初，無意中發現 iSquare有家順德菜：江順名匯我和家人都喜歡吃順德菜，本來想在這吃團年飯，可惜遇上COVID--19第５波爆發，當時全港食肆晚市禁堂食，吃不了，無奈！時隔半年，７月初終於來吃，星期五下午茶時段，大、中、小點一律18.8元/碟，性價比高，點了以下的：#普洱茶：配點心，解油膩，好！#生煎菜肉包：包底煎得脆卜卜，菜肉餡料juicy，好吃！#高湯鮮竹卷：味道偏淡。#荷葉珍珠糯米雞：打開荷葉，香氣四溢，好好吃！#黑椒味菜蒸爽肚：爽肚很入味，挺好吃的。