影片
港鐵灣仔站 B2 出口
繼續閱讀
電話號碼
21520369
開飯介紹
由前米芝蓮餐廳日籍師傅主理，更特設傳統圍爐裏即燒喜之次等料理，另外亦供應多款傳統及創意日式料理，配搭清酒可提升味覺享受。
繼續閱讀
附加資料
Last Order: Lunch 14:30 ; Dinner 22:30
營業時間
今日營業
12:00 - 15:00
18:00 - 23:00
星期一至日
12:00 - 15:00
18:00 - 23:00
以上資料只供參考, 請與餐廳確認詳情
有關獎賞計劃
相關文章
🥩炙燒和牛卡爾帕喬 ($188)呢款係和牛刺身嚟，和牛好鮮嫩🥰入口軟熟，唧埋檸檬汁一齊食好開胃😆🦪鐵盒燒廣島生蠔 ($240/半打)+🧀拉克萊特芝士 ($48/3pc)鐵盒燒生蠔係呢到嘅招牌，必點！火侯控制得剛剛好🤩唔會過火侯令到生蠔乾柴柴，每隻生蠔都脹卜卜好飽滿，而且呢到啲蠔仲可以加芝士🧀️加左3隻有蠔嘅鮮味之餘再多咗層咸香，芝士控唔好錯過呀😍🍢芥末雞柳 ($42)呢款雞柳串燒用嘅芥末有別於一般攻鼻嘅芥末☺️佢係只有少少攻鼻，但又帶點芥末嘅香，可以將串燒嘅鑊氣吊返出嚟，食落口冇咁寡🥰啲雞柳都好嫩滑😍🍢海膽雞柳 ($42)呢款海膽醬雞柳，雞柳層皮燒得比較焦香，咬落口有少少焦脆感，搭配埋海膽醬，感覺新鮮好正🥰🥠栃尾油炸豆腐伴魩仔魚 ($78)呢款炸豆腐面頭鋪咗大量白飯魚仔同香蔥，連埋炸豆腐一齊食口感幾得意🤣豆腐炸得好乾身，唔會覺得油笠笠～🍳山芋明太子鐵板燒 ($78)山芋泥整得好綿密，再將佢同明太子醬、生雞蛋撈埋一齊，食落口好滿足🥰整體味道好濃郁，而且滑捋捋好好味🤤🍳燉牛舌伴蛋 ($68)牛舌燉得好腍，口感唔錯，而且入邊仲有芝士同溫泉蛋，加埋一齊味道幾夾😋而且牛舌份量都唔少，呢個價錢性價比好高👍🏻
繼續閱讀
餐廳位於灣仔樓上舖，有日籍師傅坐鎮，環境亦令人感到舒適😌最吸睛係門口擺放各款生蠔及時令海鮮，睇到都令人流口水🤩🇯🇵特上刺身盛合（$490）盛盒好colorful，有深海池魚、鱸魚、鰤魚、牡丹蝦及海膽等時令海鮮，刺身亮麗光澤，單憑賣相就知一定新鮮，入口鮮味甘甜，味道一流😌🇯🇵鐵盒燒廣島生蠔（$240/ 半打）生蠔由店員以鐵盒代為烤熟，火喉控制得啱啱好，入口鮮嫩多汁，其中3隻更加配raclette cheese，多咗一份濃郁芝士口感😌🇯🇵鰯魚伴明太子（$118）鰯魚即沙甸魚，魚肉燒至外皮焦脆，加少少檸檬汁及與明太子同食，清新且帶鹹鮮口感😌🇯🇵雞心（$38）🇯🇵雞頸肉（$38）🇯🇵五花肉（$38）串燒烤至微焦，入口香脆又不失肉汁，當中以雞心及雞頸肉最為好食😌🇯🇵薑葱醋鯖魚卷（$98）鯖魚卷內有大量薑片，口感爽酸帶少少辣，味道好清新😌🇯🇵栃尾油炸豆腐（$78）豆腐炸至外脆內鬆軟，面層有大量白飯魚，食時配少少薑蓉，令味道更突出😌🇯🇵山芋明太子鐵板燒（$78）將生雞蛋與山芋蓉拌勻，與魷魚等配料同食，口感滑溜且又咬口😌
繼續閱讀
幾個月無去旅行已經好挂住日本野，所以就去左食日本居酒屋【炭兔】，餐廳主打博多料理、鮮魚料理、海鮮、串燒同蠔。餐廳氣氛超好，而且可以見到師傅整野食或者調酒，非常有特色。鐵盒燒廣島蠔：新鮮廣島蠔原隻連殼係鐵盒入面蒸、鎖住鮮味、蒸得剛熟，肉滑嫩鮮甜、濃縮曬海洋既鮮味。另外可以加錢配Raclette cheese，首先熱融左再淋上蠔，微微焦香、濃淡適中。栃尾油炸豆腐：炸豆腐炸得非常鬆脆、完全唔會覺得油、上面加左D有調味既白飯魚、鮮味十足。山芋明太子鐵板燒：個人最最最推薦呢款。山芋軟軟糯糯，少少黏、本身味道比較淡再搭配生蛋黃同明太子、提升層次感。下面燒到有少少脆，好香口。天婦羅盛合：同出面好唔同，佢地係裹住D天婦羅粒粒炸，所以extra脆口。蝦爽口鮮甜、茄子裏面juicy、南瓜超級鮮甜。薑葱醋鯖魚卷：呢個好特別、之前無食過。用昆布包住鯖魚搭配大量子薑。本身自己覺得鯖魚偏腥，但係夾埋子薑會降低左陣腥味，反而食得出鯖魚既鮮味。鰯魚伴明太子：鰯魚姐係沙丁魚，沙丁魚又係一款我會覺得腥既魚，但係加埋鹹香微辣既明太子同清甜既長葱又好match，成個味道好balance。博多和牛TKG：博多和牛雪花超靚、肥瘦適中，加左少少燒肉汁同creamy既蛋黃同白飯好夾。自家制Mont blanc：同平時出面食開既Mont blanc好唔同、栗子蓉好細緻同輕盈、入口即化，裏面再加上雲尼拿雪糕同咖啡手指餅，同個甜味balance下。
繼續閱讀
【灣仔•炭兎】餐廳由前米芝蓮餐廳日借師傅主理🇯🇵居酒屋主打圍爐燒，提供蠔、刺身、爐端燒等日本料理🔸炭燒名古屋交趾雞 ($168)名古屋交趾雞是日本三大地雞之一🐓以其優質的自然養殖環境而聞名。師傅以秘制醬汁用大火炭烤過🔥讓炭火煙薰味滲入雞肉中。烤好後，雞肉放在燒熱的石板上，保持最佳溫度🥢入口雞肉口感彈牙，滋味柔滑，帶點炭香味，同時能感受到傳統的土雞肉味，令人回味無窮。🔸鐵盒燒廣島蠔（6只）($240)🧀芝士另加$48六隻又大又肥美的生蠔🦪加入sake🍶連殼放入鐵盒中，蒸9分鐘。其中三隻蠔加入了烤溶的拉克特萊芝士🧀增添了奶香和咸香味道，口感鮮美。另外三隻蠔可以搭配檸檬汁🍋Tabasco辣椒醬和芫荽等調味料，味道多樣。生蠔肉質鮮甜，口感豐滿。🔸山芋明太子鐵板燒 ($78)淮山的清甜味配上明太子的咸香味，並添加煙薰八爪魚粒🐙上菜時放於鐵板燒上，保持食物的溫度，軟腍的山芋配上帶有嚼勁的八爪魚，口感豐富。🔸自家制明太子($88)道菜以烤香的自家制明太子，搭配白蘿蔔片食用。咬下時，明太子脆卜卜，內部卻仍保持著咸香味道🍻非常適合配酒享用。🔸鰯魚伴明太子($118)鰯魚即沙甸魚🐟以圍爐燒方法，中間放置備長炭，把串好的鰯魚插在備長炭的四周燒烤，鰯魚的肉質綿密而滑順，帶有海水鮮味🌊再搭配濃郁的明太子，營造出豐富的口感。🔸串燒 ($38-$58)🍡免治雞肉棒以嫩滑的雞肉🐓配上鵝肝醬，令味道有所昇華🍡牛舌🐮烤得有嚼勁🍡肉質柔軟的五花肉🐷加上豐富的脂肪紋理，肉香味濃厚🔸福岡縣糸島鰆刺身 ($168)鰆魚的當造期為冬季❄️以冰水冷卻法處理過，令刺身肉質保持高鮮狀態🐠口感軟滑鮮甜，非常美味！
繼續閱讀
經日藉朋友的介紹，得悉此日式餐廳以蠔出名，本蠔怪一於到此，會它一會！我們先來兩客定食：分別是刺身和交趾雞。頭盤是胡麻沙律及漬蘑菇，清爽開胃。主食之外，還配有味噌湯、茶碗蒸以及飲品。味噌湯的味噌恰宜，而茶碗蒸的蛋十分滑溜，一點都不會滯。魚生的質數相當高，片片厚切，豐盈的魚油蕩漾於口中。交趾雞是甚麼來頭不太清楚，總之燒得很香，蘸點一下橙紅色的鹽，發覺原來帶有辛辣，佐飯一流！串燒要了免治雞肉棒鵝肝醬、牡蠣雞翼和牛舌。小人以前從來都不喜歡吃雞軟骨，但這球免治雞肉多汁細嫩，雞軟骨竟然是脆的！加上那跟免治雞肉一樣大球的鵝肝醬，美味程度超標！牛舌也很好吃，不過若論及複雜性，一定要數牡蠣釀雞翼。一口咬下，又蠔又雞翼，是雙重的滿足！鐵罐蒸蠔乃餐廳的名物，焉能錯過。佐料有蔥油、檸檬及芫茜，加在蠔上同食是完美的配搭！店方還因為蠔太細隻，叫了半打竟來了七隻！廣島蠔蒸得剛剛熟，吃時本身的蠔味仍然保持著，飽滿肥美，啖啖都是享受。定食的餐飲亦有很多選擇，由果汁到汽水到咖啡都有，雪得夠凍，邊飲邊食，令人心花怒放！蠔的愛好者定必一試愛上！
繼續閱讀