影片
開飯介紹
台式任食火鍋，提供不同的湯底款式。客人可選擇牛肉的種類包括安格斯、和牛等。餐廳更提供台灣直送美食，如豬血糕、花枝丸等。
繼續閱讀
附加資料
網上訂位: https://masterbeef.hk/
營業時間
今日營業
16:00 - 01:00
星期一至日
16:00 - 01:00
公眾假期
16:00 - 01:00
公眾假期前夕
16:00 - 01:00
*最後落單時間: 00:30
以上資料只供參考, 請與餐廳確認詳情
有關獎賞計劃
優惠
95折
牛大人台灣火鍋吃到飽 $100 現金券
$95
$100
相關文章
極上和牛吃到飽套餐🐮❤️ 湯底❣️ 台灣濃香蕃茄鍋味道：🐧🐧🐧🐧🐧蕃茄湯底酸酸甜甜十分開胃，蕃茄滋味濃郁，配搭肉類滾煮，清新又解油，十分不俗。肉類種類：🐧🐧🐧🐧🐧味道：🐧🐧🐧🐧🐧套餐應有盡有，基本的豬、牛、羊、雞一應俱全，尤其牛肉的款式頗多樣化，包括有M5 和牛牛肩卷、手切封門柳、安格斯一口牛等等，非常抵食。🐧 最喜歡M5 和牛牛肩卷，牛肉鮮嫩紅潤，油花均勻，食落牛味濃香，軟腍又可口。海鮮種類：🐧🐧🐧🐧🐧味道：🐧🐧🐧🐧🐧海鮮類有大蝦、沙白、脆肉鯇魚腩等等，當中尤為特別，是有極多款式的手打海鮮漿提供，例如澎湖花枝漿、干貝鮮魚漿、章魚珍珠漿等，各具特色，同樣鮮美又彈牙，高質必試之選。台灣地道小食種類：🐧🐧🐧🐧味道：🐧🐧🐧🐧🐧餐廳提供數款經典台式小食，包括排骨酥、台灣香腸、鹽酥雞等等，全部新鮮即製，上枱時熱騰騰香噴噴，惹味十足之選。🐧❣️餐廳有提供芝麻、花生口味的麻吉燒🤩 食落外皮軟糯煙韌，流心內餡甜美可口，必食良品。🐧❣️以上食品均可以QR code 自助無限下單🥰 🐧❣️餐廳同時設有自助區，有大量丸類、蔬菜、粉麵、飲品等提供，還有滷牛肉和白飯任添，風味十足。🐧❣️入座時會奉送澳洲M9 和牛牛丸（每人兩粒）🤩🌟 🐧❣️結帳時可每人自選一款甜品，有三款口味的Haagen Dazs 雪糕以及仙草黑白配提供😋 環境：🐧🐧🐧🐧餐廳設計明亮舒適，座位桌面寬闊，空間感足，環境乾淨企理，十分不錯。🐧❤️結語：和牛套餐勁豐富超抵食，衷心推薦👍
繼續閱讀
終於有機會試下呢間人氣火鍋-牛大人，牛大人有好多分店，淨係旺角都有兩間，星期六晚七點半上到瓊華中心已經勁多人等緊位，所以唔想等咁耐就記得要提早book位火鍋放題有兩個鐘，我同朋友揀咗澳洲極上和牛，可以試哂美國同澳洲牛，而喺極上和牛類別揀到嘅牛的確靚啲，肉質比較淋同鮮嫩，呢個套餐仲送咗4粒澳洲M9和牛牛丸，呢個牛丸絕對係成晚嘅亮點，因為牛丸入面爆多汁，而且好彈牙，牛味仲好濃，俾錢再叫都值！其他配料例如蝦、沙白都好正，夠新鮮而且冇沙。至於雜菌、雜菜、丸、麵就喺出面自己夾。呢度仲有啲小食可以點，我點咗台灣香腸、鹽酥雞，都唔錯湯底方面，我揀咗秘方麻辣鍋（小辣），初頭食落唔覺辣，點知滾耐咗好鬼辣，食菜就好明顯見到真章，但個湯底係幾香，有少少藥材味最後可以揀Haagen-Dazs雪糕或者鮮草凍做甜品，估唔到鮮草凍有咁多料，味道都做到糖水鋪水準食完今餐我終於明點解牛大人咁受歡迎，CP值算幾高，絕對有下次
繼續閱讀
牛大人好出名，想食好耐啦！去到都好多人食，好有氣氛！食物質素真係好高，好新解又多選擇，出面自助區仲有多款丸類，餃子同菜，鯇魚，鯛魚都好新鮮好味，依家仲做緊夢王推廣，有溏心蛋，布丁同珍珠奶茶好正呀，除左食物，飲品都好正，我地簡左台灣鳳梨雞鍋，雞味好香就咁飲都唔錯呀。呢個值錢質素真係好好，一定會再黎食！😍極上和牛吃到飽 $328🐮澳洲和牛牛丸 (免費2粒)好彈牙又新鮮，和牛真係特別香牛肉味🥚醬油溏心夢王蛋 (免費1客)用夢王蛋整既溏心蛋真係特別香，入味又夠溏心好味🐮澳洲和牛M5牛肩卷最推介係呢個，牛肉味濃又淋，我地食左好多碟呀🧃鴨屎香檸檬茶檸檬茶真係有好多檸檬肉，茶底又香🍮夢王布丁食左咁豐富既菜同肉，食個布丁做甜品一流，好滑好香蛋味
繼續閱讀
太耐冇食牛肉人，所以我地揀左澳洲極上和牛，一於食返夠本。我地揀左唔辣既阿嬤養生濃湯鍋就返阿囡，入面有菜，人參同桃膠，滋陰養生。出面自助區有好多選擇，有醬料區，蔬菜區，丸類，同埋飲品區，另外仲有肉燥飯同埋薑母茶。阿嬤養生濃湯鍋黎牛大人一定要食牛啦，呢度除左必食澳洲和牛M5牛肩卷同美國SRF黑牛，仲有安格斯小牛扒同埋手切封門柳。每人兩粒澳洲和牛牛丸，juicy又彈牙，我地仲點左鬼馬老油條，爽脆炸魚皮同花蓮扁食。自助區我攞左丸類同皇帝菜，蕃茄又靚又新鮮，另外我自己就私心推介紫芋卷。期間限定牛大人夢王祭，個醬油蛋好正，夢王生雞蛋配牛肉簡直係絕配。真豬小香腸同梅甘酥脆薯都係必食架。今日除咗有雪糕做甜品之外，仲有夢王做嘅夢王布丁🍮，濃滑蛋香。今日仲有嘉頓迷你牛油卷俾你攞返屋企食。
繼續閱讀
店名: 牛大人台灣火鍋吃到飽地址: 旺角彌敦道628號瓊華中心9樓旺角站E2出口，行5分鐘環境: 4/5價錢: 4/5味道: 4/5相信大家都聽過牛大人哩間人氣任食火鍋店🙈佢地係4月24日至6月23日會與日本頂級雞蛋「夢王」合作 - 「夢王祭」😍凡於晚市叫『極上和牛套餐』，每位客人可選『夢王生雞蛋』或『醬油溏心夢王蛋』一粒😝而小食『三色鮮蔬夢王脆蛋』可任點，『 夢王布丁』與雪糕及仙草凍同為甜品，只可選一種，售完即止，而『夢王布丁珍珠奶茶』為LIKE 社交平台便可有一杯～😆澳洲極上和牛套餐$328阿嫲養生濃湯鍋❤️❤️❤️❤️❤️今次既哩款湯底，湯底用大骨原湯，加入大量新鮮蔬菜，加上多種養生藥膳，非常鮮味😋肉類❤️❤️❤️❤️❤️哩款套餐包含多款肉類，其中澳洲和牛M5牛肩卷，牛小排，以及呢款套餐會贈送既每人兩粒澳洲M9和牛牛丸較為出色，牛丸入口爽甜，充滿肉汁🤩牛肩卷入口有嚼口，牛小排肉質爽滑，而又唔會太肥膩😗海鮮❤️❤️❤️❤️海鮮方面較為突出既有沙白、鯇魚片、魚腩片，沙白頗為大隻，入口甜而不腥，鯇魚片同魚腩非常爽脆，而且唔腥～特色小食❤️❤️❤️❤️小食分別有鴨血、梅甘酥脆薯、餃子🥟、滷大腸、鴨腸，鴨血滑而不鬆散😚另外，梅甘酥脆薯亦非常香濃，而餃子亦偏清淡，容易入口，滷大腸亦吾會太濃味，鴨腸亦都非常爽脆😙菜類❤️❤️❤️❤️❤️菜類方面比較出色既有萵筍、娃娃菜、蕃茄😌萵筍非常爽脆鮮甜，娃娃菜亦都新鮮，有咬口，蕃茄色靚開胃🥳飲品❤️❤️❤️❤️飲品有夢王布丁珍珠奶茶，鴨屎香檸檬茶，夢王布丁珍珠奶茶濃而甜，水準比得上手搖店😍而鴨屎香檸檬茶亦都酸甜開胃😝甜品❤️❤️❤️❤️甜品分別揀左士多啤梨同朱古力味雪糕，最後就係夢王布丁🍮😝士多啤梨同朱古力味雪糕都水準以上，而布丁本身吾會太甜🥰配以雪糕食，會中和雪糕既甜膩感☺️，
繼續閱讀