班蘭葉印尼餐廳

營業中

休息中

細個比印尼姐姐湊大，所以無意中見到呢間印尼菜嘅時候令我好想試下。本身以為呢啲菜式比較冷門應該會冇乜人，點知要排隊之外，入面都座無虛席，完全係意料之外！原條魚花膠湯粉皮將海鮮攞去燒係印尼菜嘅一大特色，可以見到條魚用咗好多香料去醃，而且條魚外皮燒得好脆，但肉質仲保持得好juicy嫩滑。碗湯雞湯味好香濃，飲完唔口渴，入邊仲有舊花膠同鮑魚。粉皮類似香港嘅腸粉，配埋花膠湯一齊食又嫩滑又滋潤。燒雞斑斕尖塔飯斑斕飯食落真係有淡淡的斑斕味，而且入面見到少少班蘭葉，可見廚師係真係用足材料去製作。燒雞配上一碟甜甜辣辣嘅醬汁，印尼人果然都係食得辣，嗰醬汁嘅辣味後勁好勁。印尼四大天王飯 四大天王包括左巴東牛肉，印尼版海南雞，沙嗲雜菜同埋花生沙甸魚。巴東牛肉用咗牛腱部份，所以肉質好淋好好咬，配埋嘅醬汁好香濃，超好味！另外值得推介嘅係佢嘅花生沙甸魚，食落甜甜地好開胃，撈埋飯食又係另一個特色，總之成碟好多配搭，任君選擇。牛肉沙嗲三串呢度嘅沙嗲串好出名，所以點都要嗌黎試吓。牛肉部位係用咗牛肋條，外皮燒得微微香脆，重點當然係佢嘅沙嗲汁，印尼嘅沙嗲汁比泰式嘅偏甜，入邊有好多花生碎，果然係佢哋嘅招牌！總括而言印尼菜幾有特色

有次係Openrice 搵野食睇到衣間餐廳，咁啱約左朋友係銅鑼灣，佢都話想食印尼菜，就到此店，餐廳門口放了多款印尼小食，雖然店舖唔大，但餐廳內嘅員工都是印尼人，估計應該係印尼人開，我諗係正宗掛😅。餐牌有主食，飯類，串燒，甜品和特式飲品外，最特別就係有花膠湯粉皮。我地揀咗原隻龍蝦花膠湯粉皮，千層班蘭糕，大蘑菇沙嗲串燒，箭葉橙混吉蜜。食物味道方面：🍜原隻龍蝦花膠湯粉皮，湯底味道剛好，不太鹹，也不會淡而無味，花膠比想像中大塊，但可惜花膠比較硬，我本人鍾意花膠淋身一啲，至於龍蝦size亦唔算太細隻，但可惜煮得耐左啲，所以肉質有點硬！😮‍💨千層班蘭糕，味道好香，口感煙煙韌韌，有特色👍🍄大磨菇沙嗲串燒，沙爹醬汁加埋大磨菇，味道好夾，亦食唔到草青味，值得推介👍🍯箭葉橙混吉蜜，裏面有青檸，箭葉，檸檬，加埋蜜糖甜甜地，混得好適中，好飲👍值得下次再嚟食其他野

平時好少出嚟銅鑼灣搵食，諗住求其搵間印尼餐廳試吓，估唔到會有驚喜！環境：舖頭細細，座位有D逼。食物：正索印尼菜式，別有一番風味。服務：態度友善，上菜算幾快。#印尼花膠湯班蘭雞粉皮雞好嫩滑，雞皮都唔肥。花膠湯濃但唔鹹，花膠量算多，飲完咀唇有膠須黏住。粉皮好滑，連埋湯一齊食好正😋依個價錢嚟講值得一試👍🏻#炸魚三色飯本來想叫炸雞三色飯，可惜賣晒。炸魚偏乾身但尚算香口，三色飯中黃薑飯最香，其餘兩款都冇乜味。感覺麻麻地，依個價錢性價比唔高。

雖然呢間小店唔多起眼，但小妹幫襯過好多次了😌睇落佢係平平無奇，但食物質素一d 都唔差！咁多年來價錢升幅唔算大，所以大家經開可以一試😋我估佢應該幾地道吓，因為眼見都有好多印尼姐姐幫襯🙈🌱雜菜黃薑原條炸魚: 條魚size 一d 都唔細，炸到金黃色，非常脆口！雖則外層乾脆但肉質一d 都唔柴而且唔多骨。蘸上香辣嘅醬汁一齊食，好過癮🤣個汁對小妹嚟講都幾辣吓🌱班蘭雞尖塔飯: 個飯帶有少少班蘭香同椰香，望落去以為份量唔多，其實食晒都幾飽吓🤣雞件好滑嫩，再蘸上特製青醬，味蕾即時昇華咗🌱細白鬚牛丸湯: 粒牛丸彈牙兼非常juicy! 個麵底又唔會過腍，湯底唔係味精嚟，飲完都唔會口渴，係個麵量偏少，非常適合細食者或者當輕食👉🏻溫馨提示: 店鋪唔大，位唔多，如果多人去嘅話，最好提前訂座。

平時都唔多食印尼料理因為本身都唔係好食得辣🤭有朋友推介話斑蘭葉印尼餐廳食物種類繁多 有辣有唔辣 味道又十分正宗 所以今晚就同朋友一齊黎試下🤤雜菜燒魚飯 $108冇諗過咁嘅價錢係會有原條燒魚🫢燒魚皮脆肉嫩 魚肉一啲都唔柴 魚皮上嘅特色印尼醬汁十分惹味 真係令人食唔停口😏巴東牛肉飯 $78巴東牛肉入口即溶 送飯一流🤤燒黃豆餅 $48呢個就係喺印尼舖頭成日見嘅天貝 今次終於可以試吓黃豆味重 不過都幾容易入口值得一試🤭半打雞沙嗲 $88雞肉燒完都係好juicy好多汁 😛珍多冰 $28顏色層次豐富 好岩打卡😂 甜度適中 味道都冇想像中咁甜 食完晚飯覺得唔夠喉 唔緊要！餐廳門口仲有賣唔同種類好有特色嘅印尼小食 大家都可以買返屋企慢慢享受🇮🇩

超值得推介既印尼菜，本身都少出港島食飯，食印尼菜更加係第一次，但一試難忘，會不斷做回頭客!!!雖然係小店，但經常都爆場，仲要等位，店員同店舖佈置都好地道，都係印尼人每個套餐飯都好大份，一定夠飽!!🥢炸雞班蘭飯炸雞件外脆內嫩，肉質鮮美多汁。班蘭飯香氣四溢，米粒飽滿而有彈性，每一口都可以感受到雞肉嘅鮮甜同班蘭飯嘅香氣，欣賞小菜花生同炸小魚，口感特別又惹味，同班蘭飯好夾🥢雜菜黃薑原條炸魚飯炸魚外皮酥脆金黃，魚肉鮮嫩多汁。黃薑原條炸魚配上營養豐富嘅雜菜，口感豐富鮮美，每一口都可以品嚐到炸魚嘅香脆同魚肉嘅鮮甜，加埋黃薑嘅微辣，味道均衡而美味，醬汁微辣，將魚既味道提鮮🥢石栗馬拉盞炒通菜通菜經過炒煮後保持著爽脆嘅口感。石栗馬拉盞嘅香料調味帶嚟一種微辣同微甜嘅風味，同通菜嘅清新口感完美結合。食落去，可以感受到通菜爽脆嘅口感同石栗馬拉盞嘅香辣味道，既開胃又美味🥢雞肉沙嗲串雞肉經過調味後烤至外焦內嫩。沙嗲醬嘅味道酸甜中帶有微辣，與雞肉嘅鮮嫩口感完美結合，帶嚟一種濃郁嘅香氣同口感。食落去，可以感受到雞肉嘅嫩滑與沙嗲醬嘅香辣味道🥢綠豆冰綠豆經過煮熟後，配上冰涼嘅甜汁，帶嚟一種清新嘅口感。飲到綠豆嘅滑嫩同甜汁嘅

岩岩去完bali 好掛住印尼菜🇮🇩想再食正宗印尼菜😋香港唔多印尼餐廳，係銅鑼灣有間印尼小店平日晚飯時間都好多人，差唔多滿座🔸牛仔骨配花膠湯貴刁大大片花膠😍配上杞子，蟲草花而家開始入秋，呢個湯好滋補清甜飲多啲對身體好😌好養生見到餐廳好多食客都有叫花膠湯係呢度嘅招牌菜🔥牛仔骨呢個價錢唔會expect好似和牛咁嫩肉質都唔錯，有三大片，調味好惹味🤤🔸沙嗲雞串串燒有三串，配上沙嗲汁雞肉嫩滑，好惹味👍🏻🔸印尼四大天王🇮🇩四大天王姐係沙甸魚，巴東牛腩，雞肉，同加多加沙律🥗 巴東牛腩好入味，雞肉大大件一次過可以食晒印尼四大味道，各有特色👍🏻🔸珍多冰🥥鐘意椰汁既一定鐘意飲😍椰汁好香，配上綠色粉條，紅豆🫘，椰糖同冰碎，好清涼😀

記得第一次食斑斕葉印尼餐廳係幾年前同朋友經過見有斑斕雞花膠銀針粉食而入去😆😆😆喺呢間餐廳食得最多次都係呢款😝好好味所以一食再食😝今次同朋友嘗試食其他飯款（4大天王飯太肚餓唔記影相）再轉斑斕飯都好好味呀！價錢適中，性價比高，唔錯

今晚與朋友吃飯，在銅鑼灣發現隱世印尼小店-班蘭葉印尼美食。門外已經充滿地道風味，掛滿各式各樣的印尼地道小食，有炸蝦片、炸香蕉、糯米糍、斑斕蛋糕、千層糕等鹹食和甜食。店內員工服務良好，十分有禮，又為我們推介了幾款美食。食物方面，我們點了燒雞班蘭尖塔飯，份量十足，有半隻燒雞，非常香口，班蘭飯有淡淡的椰汁清香，很清甜，味道匹配，另外，印尼炒貴刁份量也很多，加入雞肉、雞蛋、紅蘿蔔絲，足料製作。這道菜略為偏辣，但十分開胃。小食拼盤有雞翼、炸雞、炸秋葵、豆腐和天貝，配泰式辣醬。天貝是用煮過的大豆及發酵而製，想不到這裏也有賣這麼特色的小食，其中炸雞味道出色，不會炸得過老，保持了它的嫩滑。飲品則點了珍多冰，採用正宗印尼風味綠色配料，飲品底部加入黑糖漿，清甜可口，員工亦十分貼心，詢問我們需不需要調整甜度，值得加分。朋友亦點了黑糯米特飲，椰奶底配合自家製黑糯米，配搭合宜，別具風味。食物有質素，價錢也很抵食，是很豐富的正宗印尼餐。

中、日、泰、西菜對於香港人黎講一D都唔陌生今日係CWB行完街就搞D新意思, 試下係糖街既印尼菜!!一直印尼菜既印象都係重口味, 煎炸野多今日先發現原來印尼菜都有清淡D既湯粉, 而且都不乏特色魷魚鬚白鬚牛丸湯白鬚即係印尼話裡面肉丸既意思牛丸係正既!! 爽彈之餘味道濃郁,唔會淡易無味魷魚鬚食落相當爽口, 比較幼嘅尾部特別香脆花膠湯浸時蔬菜心份量多, 而且新鮮爽脆.顏色翠綠印尼花膠湯班蘭雞粉皮湯底有少許膠質, 大大塊厚切花膠花膠質地偏挺身少少班蘭融入薑蔥到, 幾有特式粉皮一卷一卷的滑得黎又掛到湯珍多冰 & 青檸梳打珍多冰裡面既班蘭葉綠豆粉條就好似台式手搖既棵條, 不過班蘭葉綠豆粉條係軟滑無嚼勁既配上配刨冰、椰漿及椰糖, 唔會太甜!

或許是香港有很多工人姐姐的關係？類似的印尼菜餐廳非常多，維園附近這家是我回訪過最多次的，個人最愛燒魚的菜色，還有斑蘭葉蛋糕也是一定要吃的（挺快賣光光）它門口經常會賣一些印尼特色的點心，跟超便宜的小食，附近也都是印尼菜餐廳，推薦給喜歡印尼菜的人Ikan Bakar Padang巴東燒魚大大條燒魚，燒得皮脆內嫩，魚鰭及魚尾骨燒到脆卜卜，面頭舖着醃料，相當惹味，最重要是香口魚又多汁，好正！食過幾次也回點這味菜～Mie Ayam Geprek Pedas Lblis Keju Leleh三重芝士炸碎雞撈麵開頭見到碎雞以為係雞粒，原來都好大舊架，炸雞外脆內乾身帶汁，炸得出色，點埋個辣醬真係火辣辣！印尼撈麵無得輸，加埋芝士非常惹味，而且份量非常大，估計有大概3個面的份量..另外點了二款小吃Risoles 牛肉巻和Udang Roll蝦巻，牛肉卷內有不少餡料，蝦卷有咬口，可以一試～

今日同朋友去銅鑼灣行街，由於朋友係印尼人，又好耐冇食過家鄉菜，知道銅鑼灣有間印尼餐廳🇮🇩，所以決定去試試。餐廳位置好方便，地址是銅鑼灣糖街1-5號銅鑼灣商業大廈地下，在SOGO 附近。餐廳唔算好大，經常滿座，所以預約會比較好。柑桔冰 $28由於都食啲煎炸嘢，所以叫了一杯柑桔冰，清清的柑桔香味，非常解渴。雜菜黃豆餅小食 $48黃豆餅，原來係印尼人很常吃的食物，我係第一次食，口感有啲似薯餅，但係黃豆嘅香味好濃；臭豆亦是印尼常用的食材，雖然個名叫臭豆，但一啲都唔臭，由於大大粒，很有咬口。印尼四大天王飯 $88四大天王，顧名思義四款餸菜配白飯，斑斕雞肉質很嫩滑，印尼沙律的醬汁很嘢味，還有一些豆類和Yuk，味道都很香濃。原條魚花膠湯粉皮 $108原條烤魚很脆口，而且很入味，花膠湯底味道濃郁，配埋滑嘟嘟的粉皮，味道無懈可擊。餐牌內選擇超多

Shop B2, G/F Causeway BayCommercial Building,No. 1-5 Sugar Street, HK惹味印尼菜 店舖細但估唔到整體係好食裡面都係印尼華僑/印尼人 They are very nice and helpful可以搵作地教講印尼文 幾有趣炸碎雞撈麵$68有著金黃色炸雞塊 幾片生菜 青瓜炸得又幾好食 好像有點椒鹽風味辣椒 香料增添風味 椰奶、蝦醬等調味料令愈食愈開胃咖喱海蝦$148金黃色咖喱醬 鮮亮海蝦彈性且嫩滑口感 鍾意食咖喱濃郁既味道可一試虎蝦沙嗲 三串$88濃郁沙嗲醬 虎蝦橘紅色 呢個一定要試 好好食虎蝦表面搽一層惹味醬油再燒 超正另外仲有一小碟沙嗲醬 feel到好多香料味

I recently had the pleasure of dining at Pandan Leaf Indonesian Restaurant in Causeway Bay, and I must say, the experience was exceptional. This cosy establishment offers a delightful array of Indonesian cuisine that truly captures the essence of authentic flavours. From the moment I stepped foot inside, I knew I was in for a treat. I stepped out of the restaurant with a heavy belly and a happy soul. The most important of all,  the food was not expensive at all!!!!!!!One of the standout dishes I

非常有特色嘅印尼餐廳，食物有質素👍🏻炸雞& 不同嘅醬汁都係呢間餐廳嘅重點！推介！炸雞班蘭飯($88)綠色嘅班蘭飯好搶眼，食落有陣班蘭同埋椰漿嘅香味，一碟有半隻嘅燒春雞，炸得幾脆嫩，一啲都唔老👍🏻👍🏻點埋隨碟嘅辣醬夠晒惹味，不過小心幾辣下～三重芝士炸碎雞撈麵($78)俾三重芝士吸引叫的，但係雞件同個醬汁先係重點！雞件炸得好脆又唔會乾👍🏻個醬唔算太辣，點埋雞食好好味，個醬有埋魚仔勁香！個麵正常質素好味，加埋芝士就夠晒香濃😋😋烤柚子雞翼($58)其實係烤雞翼上面加柚子醬，都唔錯的，食落有少少咸咸甜甜都可以牛肉沙嗲三串($56)牛肉燒得唔錯，個醬係重點👍🏻好好味🤤勁香香茅味～推介～珍多冰($28)印尼咖啡涼粉冰($38)飲品正常水準，珍多冰甜度適中，好香椰奶味；而印尼咖啡涼粉冰中規中矩，咖啡味可以再濃啲，涼粉唔錯👍🏻