甜記餃子

營業中

休息中

📍$44 8隻韭菜豬肉餃🥟+蕃茄薯仔湯🍅📍$10 洛神花茶🧉朋友推介，價廉物美，冬天的一碗熱湯餃🍲【味道】 • 8 隻韭菜豬肉餃🥟+蕃茄薯仔湯🍅 佢有好多款餃子🥟，不過韭菜豬肉餃🥬永遠零失望，食過佢嘅西洋菜豬肉餃🥦同埋香芹芫荽豬肉餃🥕也不錯👍🏻不過我最欣賞嘅係佢嘅蕃茄🍅薯仔🥔湯底，純粹個人口味，我覺得蕃茄湯冇咁滯，但佢唔似係用新鮮蕃茄🍅，飲落去似茄膏多啲，我食咗好幾次都仲未試過佢嘅雞湯🥣睇到好多留言話佢嘅雞湯🥣好飲啲 • 洛神花茶🧉 酸酸地，清清地，正正常常【環境】我去過佢旺角同太子嗰間，旺角嗰間喺細間啲，有啲迫，我食緊嗰陣有職員喺我隔離包餃子🥟食餃子🥟通常唔係食環境，佢算係芸芸咁多餃子🥟店入邊裝修得幾企理的骰太子嗰間環境舒服啲，寬敞啲，不過員工嘅服務質素麻麻，雖然我冇講出聲，不過我心裏面諗，有時候食客睇唔明問多句，你覺得同人講嘢好攰咩😑 估計佢應該唔係太子女，呢壇生意生意佢應該冇股份

▫️甜記餃子外賣幫襯過無數次，超級好食，今次終於有機會堂食😋🍴雙拼湯餃：粟米芝士雞肉餃、京蔥牛肉餃 $53💁🏻‍♀️粟米芝士雞肉係我最推薦嘅口味，粟米香甜，配搭芝士雞肉，美味拉絲，味道非常之融洽👍🏻 完全可以一次過食八粒，為咗試多啲口味，今次雙拼京蔥牛肉餃，都係大大粒，比較重口味京蔥好香辛😆🍴雙拼湯餃：韭菜豬肉餃，西洋菜豬肉餃 $48💁🏽‍♂️呢兩個口味，如果轉煎餃會好食好多🙋🏻‍♀️我都好同意韭菜豬肉餃轉煎餃會好食好多，煎出嚟韭菜嘅味道會更加香濃，不過想食健康啲，所以都係揀咗湯餃💪🏻兩款味道正常，冇上面兩款嘅口味咁特別，勝在大大粒好抵食💁🏻‍♀️要再特別讚吓個湯底，有香濃嘅雞湯味🍴台灣麵$17💁🏽‍♂️追加左台灣麵，大大碗好抵食🙋🏻‍♀️台灣麵麵質係我鍾意嘅口感，唔會太硬，有麵粉嘅香味👍🏻加埋凍豆漿，兩個人埋單$130

次次經過門口出面都有好多人等今次下午茶時間經過終於唔洗等位就有得入坐店舖係用QR CODE 落單❗️❗️一坐等就可以叫野食叫左個粟米芝士雞肉餃 加枝豆漿🥰因為即叫即整❗️❗️等左十分鐘左右就有野食啦成隻餃子都係煎過😍😍好脆口, 唔會好乾好Juicy 👏👏👍🏼一咬落去啲汁同芝士就會流出黎芝士比例好好, 唔會太膩❗️❗️❗️另外一定一定要配搭佢地既菜甫!!!完全係加分位有啲辣辣地咁 令到餃子更加清爽💕下次黎試埋個湯餃先!!

同媽媽第一次食 亦是我係openrice 寫嘅第一篇果晚去太子分店食 食到一半 頭頂冷氣機滴水 fafa聲咁滴我哋成枱食物已經全部濕曬，我哋叫職員過嚟，已經無即刻幫我哋搬走啲食物，仲無動於衷咁企係度問我哋發生咩事！然後幫我哋換枱，枱上食物已經唔要得，咁我哋已經食得7788，只要求佢補4隻餃子，因為媽媽未食飽。換枱後，本身煎餃要等20分鐘我哋就叫佢補水餃可以，食完好快啲走，因為滴濕，彈到件衫已經唔係幾舒服。我哋等佢補餃子，等咗好耐，最後忍唔住催，因為得4隻，食就食3分鐘，但等咗好耐。之後就問店員得未。店員A： 補緊啦，幫你落咗啦，你等等啦。店員B：整緊啦，要啲時間，有幫你補，我哋都想快比你，唔好催啦。個個一人一句 叫我哋耐心等候：）話好多單啊，你等等啦咁？態度極度差！！本身冷氣機滴水搞到我哋已經好唔舒服，仲要咁嘅態度對客，真係極度差！唔會再去。

成日去食超抵食超正 ！！！最愛食超有特色嘅餃子，位置方便，環境日式裝修，好好一班朋友聚會，蕃茄湯底到晚餐時間有時排隊超多人兩個人好推薦十隻餃子加個1-2個面最抵食

叫咗牛肉同埋羊肉煎餃雙拼，羊肉味唔騷，因為比京蔥啲味完全遮蓋，牛肉超級肥，好似食緊肥膏咁，再加上餃子用咗好多油煎，我覺得唔係叫煎餃，完全係炸餃子，餃子皮上面好多粉，食落去成口都係油同埋粉，從來未食過咁難食嘅餃子，叫咗八隻餃子，食到最後兩隻真係食唔到落去，去到最後要用豆漿沖落口先吞到，兩隻口味都好似，完全唔知食緊邊款餃子，呢一世都唔會再幫襯，列入黑名單，我完全唔知點解會有人排隊，以後就算唔使排隊我都唔會再幫襯

服務：員工友善 處理排隊攞位入客有條理食客自行填個人資料等位 星期五晚上雖然多人但等左唔洗半個鐘到就有位醉雞係雞脾 骨多 肉有點少味淡 只有少少酒味湯餃有雞湯同蕃茄湯簡兩者睇落好水好清簡左雞湯 清水加鹽加少小葱無味 少少雞味都無超失望芫荽豬肉餃還好有芫荽味 不算濃Size比其他店算細但價錢比還好煎餃叫左洋蔥牛肉餃牛肉餡無牛肉味但洋蔥味有 中意洋蔥可一試個皮煎定炸 ？可以油到咁冧 唔脆 食左幾隻就唔想食個皮總括 唔明點解咁多人排隊 完全唔出色

“ 🐑 ” 洋蔥薯仔牛肉餃羊肉味吾太羶 反而洋蔥喺餃子入邊大大塊 而且吾係全熟甜甜地嗰隻 生洋蔥味道比較重 個人口味吾太鍾意生洋蔥所以下次未必會再試哩個味😅“ 🎃 “ 南瓜忌廉雞肉餃南瓜味都吾會太濃 忌廉味重啲“ 🍅 ” 茄湯茄湯都幾鮮甜 一路食餃子嘅時候都忍唔住飲埋啲湯 旺角嘅甜記餃子，相信大家都吾陌生 weekday嘅午飯時間去都要排一陣隊 不過價錢真係非常親民 $50吾洗食到10粒餃子 午餐嚟講已經好飽好夠食 夜晚嚟嘅話仲可以叫多啲小食試下！

終於食到都幾出名既甜記餃子，黎到就即刻叫左煎既粟米芝士雞肉餃同埋韭菜豬肉餃。一上碟既時候見到佢隻隻餃子都好飽滿，望落好正。即刻就試左粟米芝士雞肉餃，一咬落去啲芝士就湧出來，味道十分不錯。試埋韭菜豬肉餃，味道都唔錯，同埋最緊要啲餃子皮好有咬口，唔會太厚又或姐太淋。絕對值得一試。

✨唔錯令人會回訪嘅餃子店✨.天氣凍凍地，唔肚餓又想食有湯嘅食物但又唔想食麵，就去咗好多人推薦嘅甜記試下(*´∀`*)平日接近7點去到大概等咗半小時可入座，旺角店餐廳內環境有啲擠逼，雖然餃子未去到驚豔地步，但整體食物唔錯而且價錢非常相宜，有機會都一定再食❤️.▫️南瓜忌廉雞肉餃 $42（8/10）［8粒配雞湯］最具人氣嘅應該就係呢款，見人人都推薦，食過確實唔錯！餃子皮薄餡多脹卜卜好飽滿，南瓜忌廉雞肉惹味又清甜得黎唔油膩😋雞湯就咁飲都好飲，再配埋佢哋麻辣菜脯真係幾正！個菜脯加好多分呀💓.▫️香芹芫荽豬肉餃 $48（6/10） ［煎餃麵配蕃茄湯］本身係想叫韭菜但我哋唔小心叫錯🙈本身對芫荽冇特別喜好或討厭，雖然煎餃都大大粒，但相對下真係有啲油😿我哋都麻麻地～蕃茄湯底微酸，我哋一致覺得雞湯更好飲，至於米線麵質特別，我哋覺得比較似粗身少少嘅米粉( ˶˙ᵕ˙˶ )（男友唔夠食再叫多個淨米線).▫️豆漿 - 凍/熱唔錯幾好飲，而且有個店員姨姨好細心友善，唔洗講就知我要熱嘅男朋友要凍嘅❤️.❥…高期望下覺得未如傳聞中咁好食，但整體確實唔錯，而且員工好nice，有機會去開旺角又想食餃子一定會再食佢呢♪.如果鍾意我嘅

平時行過經常都見好多人排隊，所以要叫外賣。今日難得見吾洗排隊，就入去堂食，但食完出到黎，又見到人龍了🤣。▫️8隻湯餃$42，可選2隻味▫️湯可選雞湯或蕃茄湯☑️自家製辣菜脯一大樽擺喺枱面任食，菜脯唔會話切到好細粒，所以都幾有咬口，吾會話好辣，但都辣得好過癮。中意嘅可以成樽買返去$38。☑️ 8隻 湯餃 （蕃茄湯）湯底清甜，有d碎蕃茄肉係湯，另外仲有蔥花，同少少薯蓉。☑️香芹芫荽豬肉餃+南瓜忌廉雞肉餃餃子同長沙灣店一樣甘大隻，皮薄餡多，芫荽芹菜2隻配料都濃味，但又兩隻味都食到，正！至於南瓜餃，南瓜蓉做得好幼滑，滿滿南瓜味，而雞肉就令到餃子好有口感，雞味都濃，但呢款餃應該煎嘅會好食啲。

2個人食左一碗10隻蕃茄薯仔湯餃子（西洋菜餃併椰菜冬菇雲耳豬肉餃）、一碗雞湯韮黃雞肉餃米粉同一份醉雞。醉雞 $50醉雞份量合理，有酒味但唔會好濃👍🏽椰菜冬菇雲耳豬肉餃併西洋菜餃（10隻） $46韮黃雞肉餃米粉（5隻） $44餃子好飽滿，菜肉比例剛好，唔會太多肉、實的的。兩個人食左總共$140，整體而言，性價比高，係旺角食午/晚餐既好選擇😋😋

今次係第二次黎，第一次黎旺角店，同上一次去既長沙灣分店一樣都係細細既鋪面，必定要等位既餐廳🍴今次嗌咗三樣嘢，首先係小菜滷水牛展，都幾失望完全無味，感覺就好似牛展係一早分開煮咗，上菜嘅時候先林啲滷水汁上去，完全冇味第二樣係餃子麵，揀咗台灣麵蕃茄湯底，餃子我哋揀咗牛肉餃。蕃茄湯底就好似喺屋企煲嘅蕃茄湯一樣，完全冇落味精，個人就覺得比較淡，所以加咗一啲舖頭入邊嘅辣菜甫作為小小嘅調味🤟少少辣啱啱好但下一次去嘅時候，就唔會食台灣麵，因為覺得台灣麵唔係好吸到啲湯既味道牛肉餃真係好好味，因為第一次去嘅時候冇得揀已經賣晒，所以試唔到，今次食嘅時候覺得眼前一亮點解可以咁好食😭牛肉餡料一定係預先煮過之後再包餃子👍🏻👍🏻大推第三樣就係煎餃，揀咗芝士粟米同埋忌廉南瓜雞肉雙拼。兩隻味都好推介，個人覺得芝士粟米甜甜哋咁樣好好食，而南瓜忌廉入口就好滑，不過南瓜味就唔係好濃郁。覺得煎餃煎得啱啱好超脆肉汁係會爆出嚟🥳🥰絕對會再encore甜記，但就真係唔會再試依度嘅小食😹😹舖頭入邊嘅辣菜甫小食，真係好好食😹😹今次去嘅時候羊肉餃又係賣晒，下次有機會一定要試吓🥳🥳

由covid 開始買過好多次生餃外賣，亦都堂食過幾次，但最近個次外賣真係好唔得。都知道水餃少不免會有肥膏，我平時食到一啲明顯嘅肥膏都會lur 出黎。但今次一路食一路lur, 發覺成隻白菜豬肉餃除左白菜同皮就係肥膏☹️ 真係攪唔掂….雖然話依家食材貴，都唔係一點肉都無卦，希望以後有改善

我個朋友不厭其煩咁樣同我講甜記餃子世一我話有冇咁誇張？ 始終我都係對餃子有要求嘅人。好啦咁結果嗰日就同佢去食一次去到嘅時候已經知道要等位 等咗大約20分鐘到終於可以坐低食餃子 叫左個粟米芝士餃子，餃子皮薄餡靚 而且粟米同芝士融合得好好 非常好食。 另外仲叫咗一個香葉豆角豬肉餃，佢有種唔知泰國定越南嘅香草味 有令人煥然一新嘅感覺😋最估唔到嘅係佢湯底，可以選擇蕃茄薯仔湯對比出面地方其他餃子店只會比清湯/味精湯你呢間舖頭嘅湯係可以完全飲晒 而且冇乜頸渴嘅感覺👍🏼👍🏼地理 8/10裝修 8/10味道 9/10服務 7/10