甜記餃子

營業中

休息中

同事帶我食好西系列＜旺角甜記餃子＞同事介紹 位於旺角中心地帶的餃子店 門外有本簿仔自助登記等店員叫號 長期排隊店 一張二人枱有一人坐緊佢都唔會安排人再搭 所以少人數排會比較著數 大團體可能等候時間會耐些少提供兩種餃子，分別是湯餃子和炸餃子。湯底有兩種，番茄薯仔湯同經典的雞湯餃子的餡料有多種選擇，菜芯豬肉，韮菜豬肉，椰菜冬菇雲耳豬肉，粟米芝士雞肉，京蔥羊肉和西洋菜豬肉等等是日吃了 羊肉味濃 的京蔥羊肉餃和西洋菜餡料充足西洋菜豬肉餃 西洋菜愛好者表示十分滿意豆漿是樽裝上 和街外賣的差不多感覺辣菜浦幾辣下 要浸湯食 後勁好強

話說同身邊嘅朋友講起餃子，然佢推薦我食甜記，咁我諗我朋友口味都唔算差，所以我就嚟食吓睇吓係唔係咁jeng先😏Ok!平日下午茶時段一入門口，接近滿座一睇就知猛料啦！見啲食評話蕃茄薯仔湯好正，咁啱我都係超鍾意飲蕃茄湯淨係加少少鹽糖調味嘅人，蕃茄湯好飲！夠天然！啲餃子粒粒都長過我手指，脹卜卜勁多南瓜蓉同免治雞肉geng jeng芝士粟米雞都好食好juicy我覺得甜記賣點係手工同家的味道，平凡但係有種屋企嘅味道，耐不耐會掛住嘅味道另外，有人提到必試辣菜脯，嘩都真係有啲辣下，不過幾爽脆開胃⋯⋯但係我食太多，感覺上好重味精咁不過都好食嘅，但切忌食過量！

來旺角點可以食呢間街知巷聞嘅甜記餃子呢！每次嚟到都充滿人龍，一場嚟到呢邊梗係唔可以執輸啦～湯餃子(南瓜忌廉雞肉餃、香葉豆角豬肉餃)💰HK$44呢碗就叫咗蕃茄湯，湯底好清甜！南瓜忌廉雞肉餃好好味，南瓜蓉口感綿密，同雞肉好夾！而香葉豆角豬肉餃就真係好有泰式風味，好惹味～湯餃子(西洋菜豬肉餃 、韭菜豬肉餃)💰HK$48朋友就覺得既然加多$4有多兩隻餃子，抵好多，所以就叫咗10隻啦！雞湯比較清淡，韭菜豬肉餃都係韭菜偏多，感覺健康！美中不足係西洋菜豬肉餃冇咗，應該係比錯咗南瓜忌廉雞肉餃～最正都係呢到嘅辣菜脯，香辣惹味，配餃子一流～

每一次去上堂，都會見好多人食緊餃子，咁我就問我朋友，佢話「你居然未食過」，所以就帶我去試吓。舖頭喺女人街入邊，其實唔太起眼，唔係朋友介紹，我應該唔會留意到。入面剩係得湯餃同埋煎餃。餃子都有好多種類，今次我叫咗韭菜餃。完全係喜出望外啊，好食到我唔記得影相。10粒我係食淨三粒先至諗起要影相。韭菜味濃。不得不讚賞就係辣菜寶。

整完指甲肚餓，去咗女人街食餃子。OpenRice寫呢間最近，就行咗入嚟…點知伏咗🥲點咗菜心豬、南瓜忌廉雞、洋蔥牛、京蔥羊四款，完全搞唔掂🥲炸粉超多，油膩感超重，完全唔似煎餃，d炸粉煎完都仲見到白色粉末係餃子皮面…豬同雞無肉味，牛羊有少少肉味，但呢個做法令到d肉唔係好熟…希望我肚入面果位無事，唔係就大穫

餐廳主要係賣餃子，我同朋友今日都揀咗用湯，冇揀到煎餃子，我哋就叫咗一個雞湯同埋一個蕃茄薯仔湯試吓佢嘅味道！湯底飲得出係冇味精，暖胃，同餃子嘅味道都非常夾，如果覺得唔夠咪可以加少少辣嘅菜譜或者醋，辣菜譜都幾好食，非常開胃椰菜冬菇雲耳餃👍🏻，餃子嘅味道非常有層次，但因為有唔同嘅配料，而且大大隻非常好食，非常足料，脹卜卜，椰菜同豬肉嘅味道都好夾，餐廳嘅調味上都做得好好，唔會好鹹南瓜忌廉雞肉餃子👍🏻，第一次食到呢一個新穎嘅配搭南瓜同雞肉嘅配搭非常match, 完全冇違和感，難怪呢一間嘢咁多人排隊！

旺角嘅餃子店，記得幾年前已經食過，當時係有朋友推介，覺得餃子高質。另一位朋友因為知道現時餃子店人氣很高，所以再黎試一次。餃子主要有湯餃同埋煎餃，可以雙拼。有八隻同埋10隻選擇。今次餃子揀咗椰菜雲耳豬肉餃，同埋南瓜忌廉雞肉餃子，配蕃茄薯仔湯。餃子隻隻飽滿，雲耳豬肉餃因為加咗椰菜嘅關係，令人咬落去有唔同嘅口感。而雞肉餃子因為有南瓜同埋忌廉，味道有少少偏甜。蕃茄薯仔湯，飲落冇味精，唔會令到人哋食完覺得好口渴， 係可以連湯都飲埋。煎餃方面，就叫咗香芹芫荽豬肉餃同埋粟米芝士雞肉餃。煎餃唔會過油，而且保留到肉汁。大家亦都可以試吓喺每一枱面上面有嘅辣菜鋪，菜鋪夠大粒，而且麻麻辣辣，令人非常開胃。

甜記餃子 (旺角)位置唔算多同埋好多人排隊🫡坐緊空間感都好壓迫不過！最緊要野食好味😻8隻煎餃：粟米芝士雞肉餃由外面都腸得出金黃既粟米同芝士既溶合再配雞肉😆係我最愛既配搭呀🙈煎出黎果然無失望🙈不過要同朋友分一半 因為食太多會膩😋😆但重點都好好食份量真係夠晒大份，仲可以配台面任食既辣菜脯😋絕配！8隻湯餃：西洋菜豬肉+ 粟米芝士雞肉餃揀左雞湯，雞湯正常發揮，之前蕃茄湯試過幾清甜🥸不過都接受到餃既份量一樣大份😻菜夠晒新鮮食落好想再黎多舊！湯既粟米雞就無咁膩可以食晒4 隻😆地點：旺角通菜街2Q-2Z號鴻輝大廈地下2號舖🔸味道：8.5/10🔸環境服務：8/10🔸推薦：8.5/10

講到香港最抵食又好味嘅餃子店一定非甜記莫屬。平時夜晚去都門庭若市，今次準時11點半去到門市，一開鋪就入得去食😋🦌🐿️鋪位方面都幾大，唔會話坐得好迫，每張枱都有距離，唔洗就住就住咁。牆身有幅大大嘅壁畫，又可愛又溫馨。🦌🐿️今次同朋友齊齊簡左煎南瓜忌廉餃子雞湯麵、煎南瓜忌廉餃子蕃茄湯麵同煎粟米餃子雞湯麵。上枱時有淡淡香味，蕃茄味個款係超濃。朋友第一啖就試湯先，一啲都唔鹹，而且都幾足料。雞湯方面就清清淡淡，冇咩特別。南瓜忌廉餃子係甜記嘅招牌菜式。岩岩煎好就上枱，所以外皮好酥脆又夠熱。一咬落去就爆汁。雖然有忌廉但就完全唔膩，兩者嘅味道都好出但又唔會蓋左大家嘅味。好好食，建議甜記入商標🤣唔好比人搶走菜式。而麵方面，大家都簡左台灣麵。上枱時係一舊野上枱，有啲嚇襯🤣不過撈幾撈好快就散開曬。麵身比較軟，如果爽身返少少會好味啲。🦌🐿️叫一個餐都係50蚊仲要好好味，如果唔係成日要排隊，會成日黎食🙌🏻評分：9.9/10

女人街一向都好多小店，今日搵開食，見到呢間食餃小店人頭湧湧，我同朋友都有時間就等下，俾個機會食下佢啲餃先！我地各自叫左一碗湯煮，一碟煎嘅。菜心豬肉湯餃$44/8隻 有湯底選擇：雞湯或番茄薯仔湯，我叫左後者，但個湯似開味粉唔見有薯仔蹤影，但個湯餃都大大隻，我食8件都好夠飽。京蔥羊肉煎餃$52/10隻試左朋友一件羊肉餃，煎得幾香京蔥夠料。另外，位上有一甖辣菜脯，提提大家食得辣先好掂，好好好辣呀！呢間有時間等候都推介試試。

這間甜記餃子，都食過好幾次，每次都是高水準，包括：湯餃、煎餃、湯麵、牛展等。旺區中的小店，座位有點迫，但又不算太嘈，可以接受。平凡的門面，路過時就不要錯過啊！牛展麵，配了薯仔番茄湯和台灣麵，湯底帶點香甜，鹵水牛展，夠軟稔，入口即溶。椰菜冬菇雲耳豬肉餃，配薯仔番茄湯和台灣麵。這裡的餃，無論是湯的或煎的，都十分之好味道，皮簿，內裡的料子也很豐富。煎餃，可以揀一款或兩款餃，也可以叫8隻或10隻。這次選了粟米芝士雞肉餃、香葉豆角豬肉餃。芝士餃，食落有點似粟米煎蛋嘅味，很有趣。而豆角餃，咬落較 juicy，個人主義火較喜愛這口味。店內有一張大壁畫，一家人齊齊整整食飯，很歡欣！

這家餃子店提供的餃子真是好足料！首先，西洋菜豬肉餃的餡料豐富，每一口都能感受到豬肉的鮮嫩和西洋菜的獨特風味。同樣，韭黃豬肉餃的餡料也非常豐富，豬肉的鮮香和韭黃完美結合。配合薯仔蕃茄湯，湯汁濃郁，口感滑順。每一口都能品嚐到蕃茄的酸甜和薯仔的濃郁香氣，同餃子係絕配！唯一的小遺憾是煎餃稍微有點油，餃子皮都煎得稍微硬了一些，令煎餃比較漏。總的來說，這家餃子店的餃子品種豐富，餡料豐富，味道美味。儘管煎餃稍微油膩且餃子皮有點硬，但薯仔蕃茄湯餃的美味絕對值得一試。如果你是一個餃子愛好者，不妨來這家店品嚐一番，保證讓你回味無窮！

朋友成日話「甜記餃子」好食，死灰復燃咁，終於有得試吓！冇講咁多，直頭嚟到旺角光顧。店入面整齊清潔，牆上畫作添咗幾分文青feel，等緊餃子嘅時候，睇着就覺得心情舒暢。首先，招牌煎餃－韭菜豬肉口味，一啖咬落，真係「嘩！」個皮鬆脆得嚟唔會油膩，韭菜特別香口，啖啖肉汁咁，食完嘴角都留住笑容🥟。再轉戰湯餃，茄湯底入面飄住輕微番茄清新，湯頭鮮甜得黎唔會太濃，同洋蔥薯仔牛肉餃搭配，個味啱晒嘅！點都要講吓西洋菜豬肉款，適合追求清新口味嘅您。但如果講性價比，我覺得醉雞略顯得骨多肉少，味道就算香醇都比較一般。食完想伸個懶腰🤤，見到門口已經一大排人龍，體會到甜記既火爆。當然，千祈唔好錯過佢哋嘅辣菜脯！抄手都準備好要同餃子交流一番😉，甘甜略帶辛辣，真係令餃子更加出彩！哎呀，講咁多，最緊要係跟大家講句，下次搵食唔知食咩，記得甜記！👍

煎餃子其實係炸餃子，燶晒邊不止，仲係燶到有啲嚇親，加上冇歴乾油，好油膩，真係不了😅😅成幾個月冇過嚟旺角食呢間店，轉咗去太子嗰間食，今日趁1月1號行吓旺角，順便再食，點知中晒伏，雖然呢餐只係$62 ，應該有乜嘢太大要求，但係食完即係驚驚😫😫！唔明點解要200字先可以提交食評，其實就係咁簡單☹️！真實食評，有單有相，歡迎聯絡本人查證🙂。自己市場自己救！但係有啲餐廳真係唔識維持本身嘅聲譽，失望😮‍💨！

其中一間非常出名既餃子鋪, 今晚終於有機會黎試下! 😊 其實都唔係好夜, 但已經有唔少野都清空左, 有兩樣心水餃都冇得食 🤷🏻‍♂️ 由於係小店一間, 除左畫左幅畫之外就冇裝修可言, 但感覺都乾淨。牛展麵 $48要左蕃茄薯仔湯, 同埋蛋麵, 個湯就淡淡地, 麵底少少硬, 有咬口, 但最出色都係莫過於個牛展, 好淋好好味 😋 好少會遇到咁淋既牛展!餃子就八隻$44, 十隻$48, 食過幾次餃子, 一般都係湯餃出色啲, 所以今次全部湯餃🤭 所有餃都好大隻, 唔洗驚食完唔夠飽 😆 同埋啲餃子都薄皮又夠扎實!韭菜豬肉餃韭菜餡料超多, 餃子夾韭菜真係所向無敵, 好少會遇到唔好食既韭菜餃, 呢度都唔例外 ☺️ 佢韭菜同豬肉比例都算平均。西洋菜豬肉餃第一次試西洋菜餃, 本身都鍾意西洋菜既我除左覺得新穎之外, 真係覺得幾好, 啲菜夠新鮮!粟米芝士雞餃啲粟米好甜, 一咬有好多汁, 都食到芝士味但唔算好出, 如果可以拉絲會仲開心 😌 朋友話如果要好味又拉絲既餃子應該要$100喎 🤡香葉豆角豬肉餃由於本人唔鍾意啲香料或者青草味, 香葉就係兩種既混合體, 咁我自然覺得麻麻 🙄 豆角都爽口, 不過味我都係一般般,