影片
電話號碼
27988332
特色
適合駕駛人士
營業時間
今日營業
08:00 - 22:00
星期一至日
08:00 - 22:00
以上資料只供參考, 請與餐廳確認詳情
星期日一家老少去晚飯，冇招呼，冇服務都算，叫左冰鎮咕嚕肉，老豬肉韌，微溫乳鴿，落單只可以掃QR code，口頭落單不可，仲要閙容，這正正是點解香港食肆死晒嘅原因！一肚火唔飽啊？晏晝食碗好食。🔥🔥🔥不知所謂😡😡😡
繼續閱讀
今日一家大細嚟飲下午茶，真係冇諗到現在香港的酒樓服務會是這樣，食物質素差，款式唔多，侍應態度非常惡劣，未到4:00走來恐嚇我要埋單唔係收正價，不知所謂，最離奇係我入嚟嘅時候亦都冇人同我講過四點前一定要埋單結帳走人，咁點解你四點未到又冇人走嚟主動同我埋單，一走來就恐嚇我叫我自己出去埋單呢？真係莫名其妙，價錢亦都唔見得有什麼便宜，服務係0，但仲要比+1，冇下次，有時真係唔怪得人唔留港消費，不講價錢，淨係服務質素已經冇得比，好似俾錢食飯仲要受佢哋氣，份工唔想做嘅，好心就唔好做啦做到咁樣。
繼續閱讀
今日去咗百樂門，食咗一餐正！先講下嗰個菠蘿叉燒包，外皮鬆化得嚟又有咬口，叉燒夠味，簡直係一啖口幸福嘜！鳳爪軟糯，入口即化，帶點微辣，放入口一啖酥皮鬆脆嘅蛋撻，窩心又滿足。個燒賣呢，“彈牙”嘅口感同鮮甜嘅味道真係得嚟又唔膩口。牛肉球外表焗得金黃，一啖落去嗰種彈性十足，滿滿嘅肉汁真係正！而家講吓郁手郁腳都忍唔住要讚下嘅皮蛋瘦肉粥，味道滑潤得嚟又夠香，有種溫暖你胃嘅感覺，一啖一啖都令人覺得滿足呀！至於鳳爪排骨飯就係咁多粒排骨埋晒喺飯面上，俾人一種小有成就感。食咗呢餐，真係覺得好抵食！每款都係精心製作，份量又足，食到心都暖笠笠。明明只係簡單嘅一餐，但呢度嘅每樣點心都足以令我記住，真係幾好食，滿足到我嘅美食靈魂！🍲🍢🍡
繼續閱讀
嚟到九龍灣MegaBox行街，到咗中午1:30左右開始覺得肚餓，於是就上咗10樓開始搵嘢食，行吓行吓發現13樓煌府同14樓百樂金宴都有兩點下午茶優惠，下午兩點後入座埋單時會有半價優惠，開頭開頭見到王府個裝修比較光猛，先揀煌府食下午茶，但因為有晚宴包場關係，所以冇得係煌府食下午茶，於是就去咗百樂金宴。攞咗位之後，好快就有得入座，同埋依家係用數碼點，所以我哋一點完餐之後好快就有得食，食物質素都OK，叫咗點心加粉面夾埋六樣，埋單都係$230左右，人均$77 ，係MegaBox餐廳嚟講都非常超值。大大碗燒鵝瀨粉燒鵝味濃肉質鮮嫩潮式糯米卷好耐未試過喺酒樓食糯米卷，一食落口有返細個食糯米卷嘅味道南翔小籠包小籠包就較為失色，可能因為之前去完上海食小籠包嘅關係，小籠包冇乜湯汁，個味道完全係比下去鮑汁菜苗炆伊麵下午茶價錢非常優惠，又夠大碟，味道不過不失紅燒皇子鴿下午茶時段，乳鴿香脆可口，但每枱只可嗌一隻小心食流沙包要小心熱辣辣嘅流沙包，一咬落去啲汁係會標晒出嚟
繼續閱讀
中秋節晚飯叫12人套餐，難食到不得了，所以相都唔影。大碟的，有不新鮮的龍蝦伊麵(一食就知係死蝦), 有靭到趙唔到的柴皮义燒拼盤，有聲稱的荷葉飯(炒好的飯放在一塊荷葉上，不是先用荷葉包好飯，上菜先打開), 也沒有荷葉香味，普通炒飯一個。紅豆沙好ok，但入面的湯丸是“叔”的😡.最嬲最嬲係一次過上菜，6時20分下單, 6時45分已上左六大碟菜，跟本食唔切，張枱亦擺唔到菜但都繼續出菜，同所謂的經理講，問佢點食得切，叫佢遲啲起菜得唔得，佢話唔得，廚房係咁出，我地問佢咁點擺到,佢就話先放係後面枱仔，咁點樣同時食到餸菜呢？過左一陣，未上魚，雞就上壽飽，之後再揾另一位經理講才可以停止經上菜。百樂門實在無心做好，保証以後不會再幫襯。
繼續閱讀