影片
以上資料只供參考, 請與餐廳確認詳情
相關文章
呢間茶餐廳响荃灣開左半年，之前行过見有人龍都冇入去，昨天早晨终於去吃早餐，兩个人入到去坐低在四人卡位，对面有另兩人，張枱較窄，見隔離有張大枱有人離座，我們未叫嘢，便自行轉位，有個似係老細嘅男人即刻用不友善眼光望實，可能太好生意唔憂做啩。叫左兩個早餐，等左一輪後其中一份的部分食物到了，另一份就遲遲未到，大枱上另有人遲过我叫，但食物也已到先，肯定落單亂左，我催了後再等左一陣先到。進食其間大概十分鐘內，有幾個阿蟬(中年女侍應)不停問有冇叫呢樣果樣，D單好似亂哂龍，好影響心情，座位已經太寬敞(其實係窄)，重請埋D冇水準嘅啊蟬，唔睇單淨係識問食客，真趕客！食物水準屬可以，但價錢算便宜，荃灣區有此水準之茶記大把，價錢服務優勝者不少也。臨走前一名女服務員見我走時移開椅子有点困難地離座，細心地同我講地方窄要小心，我忍不住回了句: 唔緊要，冇下次了。
繼續閱讀
早兩天到紅茶食早餐，見隔籬食客叫咗個牛扒早餐，份早餐好大份，所以今早決定試下牛扒早餐蒜蓉板燒牛扒拌德國腸，仲有牛乳炒蛋，半件厚多士蒜蓉牛扒，都幾厚同大件，蒜蓉汁就較咸，牛扒就根位太多，扒邊的油脂較厚，肉質入口都有嚼口，唔會醃到鬆晒，但食完份牛扒早餐，碟底都幾多油德國腸，好大條同皮好脆，香腸味就普通牛乳炒蛋，好滑，都有啲蛋味，叫咗杯檸蜜，檸檬🍋有成四片，甜度剛剛好總括來說，這個早餐，只需要$39，都幾扺
繼續閱讀
紅茶畀我感覺係茶餐廳得黎又會有特別野食既地方，多人食到係後面街都開左分店。。。今次叫左個肉眼排蜂蜜芥末汁，跟蜆湯，飲熱檸水。賣相確實係非常唔錯既，有一塊半，份量都多，而且係焗薯，幾有誠意，健康 d 不過個牛排就勁多筋，好難咬，好似有少少過熟咁。個湯就幾 creamy 都 ok 既。而個飲品我就一啖都無飲了，因為杯邊全部都係白點既粉，而且手柄都係笠到不得之了，所以最後我自然就唔想飲啦。價錢唔貴，性價比都 ok 綜合衛生程度，美味程度，畀個 Ok 啦。。
繼續閱讀
好久沒寫食評了、呢間都食了三次了於lunch時，其中一個我想encore 原因是佢個丹麥餐飽。我一食難忘，再配炒蛋，都係能夠與旺記平排之列，不過要趁熱食免凍左豬扒通粉配茶走，去3次都係點呢個餐。下次去會試埋其他讚👍🏻
繼續閱讀
坎坷的港爸，已很久沒買過新衣服，又是轉季的時候，良心發現的港媽終於帶我去商場血拼。拼了幾件每件幾十塊的Tee和褲子，商場幾乎打烊了，於是往街上的茶餐廳打主意。這角落本來是寵物店，不知何時變了茶餐廳，於是抱著「新屎坑」的心態進去了。我們點了普通的不可再普的“常餐豬扒通”及“鐵板西冷牛扒” … 但結果 …“常餐豬扒通”的炸豬扒火喉掌握得很好，外脆內軟，但畢竟是茶餐廳，師傅做手也不輕，不過，還算是茶餐廳水準以上。港媽問，為什麼豬扒通我不點平常的公仔麵，而是通粉，我說因為這塊是豬扒，不會整塊舉起來一口一口的吃，我會用刀叉把它切成粒，於是就可用羹一口通粉加一口豬扒一齊吃，這不是更美味嗎？常餐的那份滑蛋和多士（土司）也很特別，那多士不是普通的麵包，是丹麥酥做的，塗了牛油，好邪惡呀！“鐵板西冷牛扒”很有心思，不是隨便放一堆青豆粟米雜菜，而是整齊的兩塊翠玉瓜托著牛扒，牛扒下還有一隻有錫紙包住的焗薯，簡簡單單的一個茶餐廳鐵板牛扒，擺盤也這麼講究，很有心思，值得一讚，這間茶餐廳一定要翻兜！
繼續閱讀