茶聊

營業中

休息中

今晚我和朋友去旺角行街，行完後去了這間西餐廳吃晚餐。N3 海王櫻花珍寶巨蝦配龍蝦忌廉汁意粉🍝（$188）：巨蝦真的超大隻！炸得脆口，大大啖蝦肉好正又好鮮味，不錯。然後個龍蝦汁都好香濃，同巨蝦本身好夾，非常好食。同埋意粉的份量都不少，夠飽肚。A4 勁爆芝士牛肉漢堡配凱薩沙律🥗 ($148) :  芝士真的很香濃, 非常好食, 圖中也可見到很多芝士流心, 超好吃. 而牛肉漢堡都夠大, 口感好好, 份量都夠, 超正. 裡面放了番茄都好fresh, 所以完全不會溜, 好好食.而粗薯條脆口又好食, 不錯.超級水果茶 ($45) :好鮮甜, 非常多雜果, 甜度也可自由選擇, 我選了微甜, 覺得剛剛好, 不會太甜.D30. Tearapy Ice Bear Coffee $44:熊仔造型的冰真的超可愛! 打卡一流, 咖啡仲好好飲.S4. 趣脆果仁朱古力牛油酥配雪糕 ($98) : 超好食, 朱古力牛油酥非常香, 好好味, 而且好大份, 可以同朋友share食.

混合奇怪與點點失望的情緒 @茶聊（旺角）同友人目的性咁去旺角行街，想食晚飯之制，大部分餐廳都已經full book, 咁唯有上google 搵比教近而且仲有個嘅餐廳，結果打左去茶聊問有位就9秒9衝上去。一去到，明白星期五晚得返bar 枱位置已經好好咖啦，坐底之後如常坐好用qr code 點菜，店員同我地講左用餐時間係1.5 小時，ok 左之後，我就開始望望枱面同沿窗位置都充滿一點一點，生銹點同污跡都明顯可見，嗰一刻都即刻有d 防避，感覺上都係自己抹下餐具穩陣d。2個人仔order左5 樣野，包括：1. Black Coffee2. Bear latte3. 西班牙海鮮炒飯4. 雞翼5. 原味馬卡龍梳乎里班戟☕️🍷🍲2杯野飲同西班牙炒飯都好快到步，black coffee 有點啖而無味嘅感覺, 相反bear latte 就濃郁得多，不過造型都唔錯，幾多愛，女孩子應該都好歡喜。出事位黎啦，佢個西班牙海鮮炒飯好過癮，造型超似焗豬，我簡直由心地覺得佢要改名，本身打定輸數覺得味道唔太好，但佢竟然出奇制勝，連個味都似埋焗豬，又幾好味wow （如果以焗豬味黎計），當然蓋面嘅海鮮好明顯係冰鮮，冇咩味道啦

旺角出晒名係一個西餐廳聚集嘅地方，今次同屋企人嚟到一間人世嘅樓上舖西餐廳，環境清幽啲之餘，餐點嘅質素都幾好，尤其係飲品同埋甜品非常之令人驚喜！西班牙海鮮飯份量來講一個女仔食啱啱好，入面嘅海鮮有鮮蝦魷魚等種類都幾豐富，飯底都可以做到粒粒分明乾身嘅感覺，只係上面淋嘅醬汁份量有啲多，所以令到上層嘅飯有啲淋咗，係唯一美中不足嘅地方八爪魚意粉呢個真係非常之令人驚喜，八爪魚咬落非常之嫩，平時好驚食到一啲好煙靭嘅八爪魚。紫薯鮮奶鮮奶底非常之嘅濃郁，加上紫薯綿密嘅口感好夾，而且味道唔會太甜。整體質素嚟講甚至優勝過市面某些手搖飲品店開心果芭菲甜品係成餐飯最令我驚喜嘅部份，口感好綿密之餘又好重嘅牛油香氣，開心果嘅味道相輔相成嘅唔會太過突出，亦都唔會冇咗存在感。朱古力蛋糕同樣都係口感非常之嘅面物，朱古力嘅味道超級濃郁，食得出係用咗好好嘅原材料去整。

呢間餐廳以「茶」為主題，提供各式茶飲。食物方面以西餐為主，最近推出風乾肉系列🍴💗風干德國脆豬手配薯角·芥末蜜糖醬($178)豬手預先去骨切件非常貼心，豬皮烤得金黃香脆，肉質軟嫩鹹香，帶適量脂肪同爽口筋位🍖配埋自家製芥末蜜糖醬中和油膩感🍯伴菜仲有熱辣辣嘅脆薯角🥔💗風干燒西班牙伊比利亞黑毛豬腩配燒香蒜($158)黑毛豬腩燒到外皮脆卜卜，肉質肥瘦相間，以香草醃製好惹味🐖用生菜夾住豬腩肉、烤蒜同韓式辣醬一齊食，層次好豐富，而且豬腩嘅肉汁同油脂係口中爆發，好滿足🤤💗茶聊招牌黑松露野菌牛肉漢堡配凱撒沙律及薯條($138)鬆軟嘅漢堡包夾上超濃牛味嘅牛肉漢堡扒，配搭黑松露野菌、拉絲芝士、蕃茄、生菜同他他醬，口感非常豐富🍔伴菜方面有香脆幼薯條同凱撒沙律🥗💗香煎北海道帶子配南瓜忌廉意大利飯($128)意大利飯用上香甜嘅南瓜忌廉汁煮成，加咗巴馬臣芝士增加香味，食落好Creamy，略嫌飯粒煮得過冧🎃面頭放上兩件肉厚鮮嫩嘅香煎北海道帶子🐚💗髒髒黑糖珍珠鮮奶($44)黑糖珍珠煙韌軟糯，加入4.3明治鮮奶，再灑上滿滿可可粉🧋💗熊仔拿鐵($44)原隻熊仔咖啡冰好可愛🐻可以按自己喜好加入熱咖啡同牛奶，溶咗都唔會變淡☕️

難得就放假 就同家人鬆一鬆🤭今日嚟到旺角人氣cafe-茶聊食正野我同家人share左主食首先係海王櫻花珍寶巨蝦配龍蝦🦞忌廉汁意粉🌸當中既巨蝦真係真材實料 性價比極高！它是用蝦花蝦包住個蝦嚟炸 別有風味 且啲蝦肉彈牙 蝦膏十足 十分新鮮😘 另外龍粉都好掛汁 個汁也很夠鮮味 整體一流🤭🙌🏻而另一個主食則點了風干德國脆豬手配薯角(芥末蜜糖醬)一上碟已經比咁大個豬手連骨嚇親🤣👍豬手肉已經切好 連埋非常脆口嘅豬皮 大滿足!上面有啲薄荷葉，中和返濃郁嘅豬肉香😋😋同埋增加另一款脆口層次 而薯角🥔都好脆 薯角同埋豬手配埋茄汁同埋芥末蜜糖醬🐝既減少熱氣感覺又可以享受更多種味道😋😋飲品方面 家人點了呢排好興既凍手打鴨屎香檸檬茶個杯容量好大😆😆最開心係師傅已經好貼心篤咗檸檬🍋 香氣飄來飄去 飲落去有好清新嘅感覺🤤😌第一啖有檸檬嘅淡淡甜味 之後就有特別嘅檸檬香味 清新之選😋而自己揀左熱既水果茶 同樣好夠份量 且水果也很多 飲落去又唔甜 係好refresh 既飲品 同埋熱飲一樣好飲 仲好潤喉呀嚟到呢到當然要叫番甜品喇 第一個係焦糖布丁焦糖燒得好靚 閃閃發光✨而且唔會燒到燶咗而有苦未 布丁食落去唔會太甜仲好滑 有

今天本來是衝着甜品而來，但主菜也真的非常出色。先來慢煮西班牙八爪魚配蕃茄蒜蓉扁意粉，原條八爪魚配意粉，八爪魚嫩滑多汁，扁意粉也煮得剛好。茶療招牌漢堡，上菜時配上雀籠，真的太震撼。漢堡材料分開擺盤，有安格斯牛肉、太陽蛋、煙肉等等配凱撒沙律薯條，打卡一流。開心果椰椰，青綠色一杯，有開心果碎圍邊，真的非常漂亮，和同伴拍照很久才最後忍心喝下去。

今日難得放假，朝早做完野就出咗去嘆個下午茶啦☺️去咗呢間好多人都聽過嘅茶聊打躉，一路睇書，一路嘆茶都冇話唔爽呢😝😝叫左個Tea set自家制巴斯克芝士蛋糕同杯熱既清香四季春，total$68，正常價錢。蛋糕自家制同出邊嘅有啲唔同，濃濃嘅芝士味，不過甜度可以減少啲比較好，有四季春中和返就差不多😋，主要環境好舒服😌，一個人寫野hea下都不失為一個好地方。🏠環境：8/10🌟味道：8/10💰性價比：8/10🙇🏻服務：9/10茶．聊 Tearapy 📍旺角砵蘭街189號1樓#hkfood#hkfoodie#852food#foodahoilc007#cafe#yummy#相機食先#茶聊 #旺角美食 #旺角cafe

今日同同事慶祝生日，又去食咗轉茶療/聊（Te therapy），發覺佢換咗新Menu日本蘭王蛋自家制漢堡飯配牛肝菌汁🍚雖然上碟的時候，但蘭王蛋就已經爆咗汁，但味道始終都好食。之前食開意大利飯，牛肝菌汁原本怕佢會好濃味，但出嚟味道都算適中。最欣賞係佢個漢堡真係內外熟透之，有種外脆內軟的口感。惹味XO醬黑毛豬手工意粉🍝黑毛豬的口感，有啲似豬頸肉薄片～ 再加香蔥，洋蔥，三色尖椒等等吵完之後，都幾好食。意粉嘅口感就會有少少咬口，我自己就覺得係al dente，但我同事就會覺得有啲硬（大叔的口感，果然唔同啲）。但整體調味好惹味～大叔飲咗Long, black 我就飲咗水果茶。水果茶可以減少冰，而且裏面有水果可以食到。例如西瓜大切粒，蘋果薄片，菠蘿，士多啤梨。補充不少纖維。之後叫咗一件朱古力蛋糕俾佢慶祝生日。朱古力唔錯，有得揀60% 可可，唔會甜得太過分

見到好靚好啱打卡嘅CAFÉ同埋嘢食望落都好吸引! 首先入到餐廳就已經見到好靚嘅打卡位空間感都好大，坐得都幾舒服 嘢食同飲品menu有好多款揀 香煎北海道帶子配南瓜忌廉意大利飯 因為有南瓜所以意大利飯變咗黃色咁好靚食落好香濃嘅南瓜味，但又唔會搶晒風頭完全唔會覺得好膩帶子大大粒，好嫩好滑好鮮 自家制醬香豬助骨 每日限量供應，好彩我食果陣仲有好大份! 仲有扭扭薯角同埋沙律上碟熱焫焫切開果陣不停咁冒緊煙(雖然唔太影到)烤到恰到好處，外面果陣小小脆口而裡面肉質依然嫩滑加埋醬汁好惹味因為我好中意食豬助骨，但有時啲醬會太甜太濃味蓋過晒但依間好正! 可以做到提升整個豬助骨嘅好味程度 髒髒黑糖珍珠鮮奶 睇相已經覺得好可愛實物都一樣好靚超打卡able珍珠本身都有甜味，而且份量好足飲晒成杯都仲有好多~ 菲芷芝士奶蓋 奶蓋超好食!芝士味好濃 茶底相對甘香，加埋甜甜地嘅芝士奶蓋飲好平衡 鮮芒果布甸 舖滿芒果嘅布甸! 淨係賣相已經好靚好吸引布甸係好香嘅雲呢拿同埋牛奶味，每啖都見到雲呢拿籽 巴斯克芝士蛋糕 好靚嘅擺盤芝士蛋糕上面有小小果仁外層結實中間軟心好好食就算自己一個食實都唔會覺得膩

環境食物聊天拍照打卡都不錯今次第一次來晚飯已有驚喜，先是環境優雅，電話亭和郵筒擺設是朋友和網紅打卡勝地，食客不多，環境不錯。我們7人點了豬手，牛柳，波波意粉，鳥籠漢堡薯條，鱸魚和西班牙炒飯，還有各種特色飲品和甜品。以我對食物二分法來說，每款食品都好吃和漂亮，食物都在市面餐廳平均質素之上，唯除了鳥籠漢堡，賣相打卡一流，漢堡卻可以更好味。味道驚喜位在牛柳，又諗又滑，全晚第二高分。而第一是法式燉蛋，滑而小甜，千萬別提升水準，保持就可。食咁多野人均只需168，性價比高。好抵食。回頭是岸，此餐廳應有高回頭率。

茶聊嘅飲品同甜品都係一樣好出名，今次都係為咗佢嘅招牌梳乎厘衝着嚟🥞茶聊招牌黑白梳乎厘 $108出名真係有原因，絕對要讚！口感如棉花糖般細膩、充滿蛋香，厚身且具空氣感，配上濃郁嘅黑芝麻忌廉，但味道不會太甜，只覺得非常幸福😍😍😍🍫Mocha🍗烤雞🍝蜆肉意粉

🐖德國脆豬手配薯角，芥末蜜糖醬（$168）豬手係即叫即整，每日限量8份；第一下上枱已經見到色水好吸引，外皮十分香脆，咬落去卜卜聲，如果豬手再入味d就更加完美；配上芥末蜜糖醬會遮左豬手嘅味道；薯角外脆內軟；整體份量十足，建議兩人share會較好🧋超級水果茶（$45）水果十分足料，有菠蘿、西瓜，哈蜜瓜等等，最重要係佢唔會好甜👍🏻PS:星期六、日及公眾假期或者晚市（5:30pm-9pm)光顧；餐廳設有最低消費每位$100

茶聊好啱約朋友傾偈打卡，環境同食物賣相都靚，座位又舒服勁爆芝士牛肉漢堡配凱撒沙律及薯條($128) - 上碟個鳥籠打卡一流，漢堡爆晒芝士，好邪惡，加埋牛肉勁香，薯條好脆，好味自家製醬香豬肋骨($138) - 肉質軟腍，豬香味濃，滿滿嘅醬汁，好惹味，特別想讚個薯角，外皮酥脆，內裡口感綿密兩個主食賣相同味道都好好髒髒黑珍珠鮮奶($44) - 不得了，打卡一流，鮮奶香醇，口感厚實，珍珠粒粒煲到一樣，咬口十足，好好飲芝芝莓莓(沙冰)($44) - 草莓味香濃，甜度剛剛好，配埋咸香嘅奶蓋，口感同味道同樣豐富巴斯克蛋糕($48) - 味道濃郁，口感順滑，士多啤梨好新鮮75%黑朱古力蛋糕($48) - 朱古力味好香濃，口感厚實，愈食愈想食主食、小食同飲品嘅選擇都多同吸引，好有興趣下次嚟試其他飲品

約左舊同事聚餐以前都食過唔錯就再食下本來想飲熊仔咖啡但夜晚8點半已經賣晒啦如果想飲可能要早啲去最後我哋簡左髒髒黑糖珍珠鮮奶好飲，唔會太甜小食叫左搖搖雞翼同蒜茸牛油薯條雞翼覺得一般，份量唔多，多人唔夠分薯條份量多，而且有淡淡蒜茸牛油香味，唔錯香煎北海道帶子配南瓜忌廉意大利飯好食黑松露野菌忌廉手工意大利粉味道啱啱好，但份量唔算多肉眼牛扒伴薯蔬不錯，但中間有少少肥牛肉味冇牛肋骨咁重，所以比較推薦牛肋骨牛肋骨好推介，牛肉味重👍🏼大家都覺得不夠，想再食，必食總括其實味道都好食唔會話開咗咁耐就冇咁好食但係夜晚食物種類相對少咗想食餡餅，但係只有中午先有

星期六午餐時間，同朋友食個午餐，見個餐牌飲品有款幾特色嘅，開心果椰椰。好少有開心果做的飲品，即刻叫咗來試吓。不過佢冇得揀糖度，冰度，只有凍飲。返來杯飲品賣相幾好，係個杯邊有開心果醬痴住啲開心果碎在杯邊位置。有兩層野，浮面嗰層係開心果奶蓋，下面嗰層係椰子水。整體成杯個味似微糖嘅甜度，應該係椰子水原有嘅甜度，佢應該冇額外加糖，因為味道都淡口味為住。勁少量的冰似係頂住個開心果奶蓋係面層，即係微糖少冰感覺，所以都幾啱口味，幾欣賞呎個特色飲品。西班牙海鮮飯，海鮮量合格，2隻大蝦，2隻大青口，1隻細細鮑魚，配咗好多車厘茄，個飯底都有番茄同少量蛋炒過，個味道唔錯。雞翼唔記得個菜名了，個雞翼係烤炸嘅，但冇油，個皮超脆，皮下雞翼肉好juicy。煙三文魚多士，個多士都好脆，個多士夾住少少菜，個感幾好，都唔錯。跟主食加$48加咗件甜品，芝士蛋糕，芝士味幾足，口感細膩，唔會太甜。總評，全部食品飲品都好食，呢間我食過幾次都會再返轉頭。不過只係用餐時間限90分鐘，會有少少減分，通常呢類型餐廳都會係同朋友叫啲飲品，坐吓傾偈想坐耐少少。