蜀香門第 (已搬遷) 新店位置

🥳路過天后，見到呢間主打川菜/私房菜既鋪頭，裝修好雅緻，呢啲天氣咁熱，食麻辣嘢一流，一坐低，老闆娘就介紹返d特色菜，有部份川菜要提前一日預訂先有口福！加上餐牌上既菜式只係冰山一角，只要你提前同店鋪預訂你既心儀菜式，都可以儘量配合你！（前提係香港買得到）🤩 十分貼心！✨乾煸肥腸肥腸表層夠晒脆口，內裏又保持到軟綿，配上各式辣椒，同爽脆既芹菜，特別香口，惹味！✨麻辣牛柏葉牛柏葉保持到脆嫩彈牙，唔會過火導致韌，配上秘製辣椒油，特別開胃！✨口水雞份量好足，啖啖肉，唔會食起上黎覺得肉質好柴，配上香脆花生，芝麻，蔥花，味道更加提升！✨宮保雞丁醬汁味濃，雞肉嫩滑，配上乾辣椒，蔥段，金黃既腰果，配飯一流！

今日約左朋友去蜀香門食午餐，但有人去錯另一間分店😅 唔緊要！今日食呢間🤭 餐廳既鋪面唔大，大概可以坐到12個人左右，環境簡潔，坐低就會俾壺茉莉茶你！.📌肥腸酸辣薯粉 大辣 $54肥腸潔得乾淨，食落爽口，晶瑩剔透又粗身既薯粉，軟硬度適中，有咬口，浸係紅湯之中，湯底麻、辣平衡，酸味鮮明不突兀，但唔會過於油膩，但層次略微不足！.📌牛肉酸辣薯粉 中辣 $54辣度對我嚟講剛好👍🏾 牛肉份量都算多！.📌小食 尖椒皮蛋Order薯粉，另加$10就可以試一款小食！$10黎講，非常滿意！皮蛋上舖滿左青尖椒、指天椒、蒜頭，食落惹味👍🏾 無皮蛋既怪味！.總括而言，以午餐嚟講都ok! 可以一試！.=========================.

冬天係食川菜既好時機，又暖又刺激。行過天后，就入左一間叫蜀香門第既點午餐。叫左個中辣回鍋肉套餐配酸梅湯。午餐係師傅即炒既回鍋肉，夠鑊氣！熱騰騰既回鍋肉，自帶微焦既脆口感，零捨好食。配帶青椒大蔥炒出既香氣，惹味無窮。而配上佢哋既自家辣油，提升食辣既暢快感，令人食5停口。因豬肉切得夠薄身，所以更易入味。配上一口白飯，調和辛辣感，將汁滲入米飯。又另有一番風味。如果太辣，又可以飲啖酸梅湯，酸既開胃，正好係配飯既神助攻。我諗定下次再叫咩好了。

好耐無來天后，以前返教會都必須會經過，后天橫街有間叫蜀香門第，店舖好特別，就入去食中午飯，店舖坐位不多，棒棒雞配擔擔麵套餐$88，有辣同唔辣，任你選擇，冷盤三小碟，麻辣青瓜，麻辣得來清甜，酸辣木耳及牛展，好重牛肉味，重頭係棒棒雞，雞絲不太乾身，重保留重雞味，麻辣味加上有蒽有花生碎，混合一齊，好好食，擔擔麵有肉粒有蒽有花生碎，麵煮得軟硬適中，好食，唯一唔好就是湯太少，變左食撈麵，飲品酸梅湯，勁好飲，好重梅味，不太甜不酸，調教得好好。

初試open rice 外賣自取功能 ， 自取速度還不錯。 店舖食物方面，叫左一個 下午茶的餃子酸辣粉和麻醬雲耳 。 麻醬雲耳較不推薦 ，像水煮後直接加麻醬， 麻醬份量少 ，十分淡味。 餃子酸辣粉整體還可以， 湯底有點普通，是四周也可以食到的味道。包有三隻餃子，薯粉份量系下午茶來說，是可以接受的範圍， 食完會有少許飽肚。 下次也許可以試一試其他小食。 比較欠缺自己餐廳，應有的特色味道。 $37的麻醬雲耳 最不推薦，除非是喜歡淡味道。

今日突然間想食川菜，上緊OpenRice睇左一陣，決定支持下小店。都唔算好容易搵，因為佢響條小街入面，鋪面唔大，大概只可以坐10幾個人。我哋兩個人，大概7:00 到，我哋叫咗個手撕雞酸辣粉套餐，呢個套餐八十幾蚊有杯飲品，又有少少前菜，都算幾抵，另外我哋再叫咗個韭菜豬肉餃，擔擔麵，水煮牛肉，水煮牛肉佢唔係響頭入面整嘅，餐牌上亦都冇。總括成餐飯味道係唔錯，但係就每一樣野都偏鹹。食完返到屋企，飲咗至少1L水都仲口渴。。

尋日中午見有枱，便入去試吓。叫了小辣雞翼香醬鍋和水煮魚，水煮魚不是正宗的川菜，分量頗少。香醬鍋ok,配料頗豐富，食物整體OK但係服務真差，一有客等就叫你轉桌和keep 住話你知有客等，食到唔happy.頂，我只係食緊十分鐘都冇，就叫我轉枱或結賬先。十分鐘就要趕走我，低能！！煩！做生意最重要服務，如果成日趕唔切就趕客走，好食都無用。服務差.差.差.........................價錢一般，$60一個餐包飲品可以接受。

星期四Lunch 一支公走左去天后 見門口有吉位 就泊低食個快lunch. 餐牌都多選擇嘅 花d 時間揀左陣, 就叫左四川面 雞雜麵 中辣。 如果嗜辣嘅朋友, 佢嘅辣真心幾辣下。 比起某d 叫大辣嘅還要再辣嘅feel. 所以為辣嘅你可以一試!! 個麵好多蔥, 我都幾鍾意, 雞雜真係唔太多。 相反麵就有好多。 (有d 食唔晒) 可惜嘅係, 個麵只係係得個辣字。唔夠鹹唔香只有齋辣嗰隻。 (伸利: 我唔知係咪叫左四川味嘅關係) . 無記錯食左48 around. 暫時未必會再幫襯

佢其實係同區嘅便宜版真係好地道不過味精好多你坐低食一碗麵佢都會開一壺茶畀你感覺上好似想劏你咁樣不過佢唔會額外收你錢呢樣嘢可以加分老老實實我覺得佢真係幾地道不過味精真係多咗食完真係頸渴好耐不過呢啲服務真係幾好嘅佢如果可以將佢嘅地道發揚光大而又唔加味精嘅話真係幾好食但係我唔會去risk睇下幾時會減少味精佢嘅大腸係幾好味不過 切得大塊咗少少其實好多愛辣嘅朋友都會去食生意都唔少如果佢可以減少味精嘅份量我都會返去食

上次經過都想試一試, 今次經過就真係試左。原本以為都幾正宗, 但係原來真係好一般。呢間餐廳好細間, 可能坐十五人已經係full 晒。所以好窄好逼。我地當日去到, 都有兩檯人, 不過都係一個人泥食lunch既。我地兩個坐低左之後, 好快就order 左野食, 食物亦都好快送到。肥腸麵我落單既時候已經講左走青, 佢覆我地單既時候都有再講多次走青。但送到來係無走青, 我地話叫左走青, 但佢好似好驚訝甘, 叫後面廚房撩走D青。我地都好驚訝, 岩岩先落單又confirm多一次, 前後隔左最多一個字, 甘都可以吾記得? 肥腸係好食既, 不過真係好少。 而個湯底都好香, 好味, 不過就吾辣既。我地要自己加辣。但係我地order 既時候佢問我地要咩辣, 我地講左中辣...尖椒皮蛋吾好食, 個皮蛋吾靚。食落去好死實。個調味又吾好味。呢個餃子好味, 食得出個餡料係新鮮既。好有豬肉既鮮甜味。不過份量有D少。我地食左大約九個字, 發覺個店員定老闆落錯左幾次單, 好似宿醉未醒甘。

本身未諗好想食乜野⋯行行下見到間新餐廳。望一望個餐牌發現係辣野？都好既⋯在平淡的日子中，刺激下個味覺。不過我就唔係好食得辣既⋯但都入去試下⋯有好多食物都想試，但自己一個食又食唔到咁多，所以就叫左個餐。棒棒雞薯粉⋯一開始就有一壺茶⋯又有碟蘿蔔⋯碗薯粉就可以BB辣既，食落真係好BB...所以為唔食得竦既人都冇問題。雞就凍食既，上面好多花生，但由於我唔食花生就唔識欣賞喇⋯⋯個薯粉都幾好食既⋯環境都ok...但由於店舖細，如果多人去食就難有位喇。茶就係鐵觀音，自己可以慢慢享受。

第一次写食评，没想到是因为吃了第三次这家店的凉面，一次比一次难吃！难吃难吃 难吃难吃难吃难吃难吃难吃再也不是重庆凉面的味道，跟第一次吃感觉超正味的重庆凉面完全不同了

叫左個簡單既中國家常醃菜餸，結果叫走辣依舊是辣椒多到唔識講，酸菜無酸味，和應有的香味，就像加辣就是川菜，如果以近100蚊，去吃這個質素，我並不想有再次光顧的念頭。

最近同D飯腳出街食飯，有吾開心既情況出現，我啲起心肝換飯腳，食飯係我人生中最享受的時候，我吾會為難自己，亦吾會免強自己去 遷就 他人今日又同肥bb出街食飯😏食辣嘢細細間，望入去無客人，有D擔心，我係門口睇左好耐，終於忍吾住推門入去我無論去邊間舖頭，見到有必食不太辣，過咸跟餐，雖然它寫泡菜(泡製過的菜，我估)，但係咸菜來的，好咸的跟餐(三色小食)秋葵ok,爽的，芝麻醬無咩味青瓜辣味ok,但只是面有辣味，中間吾入味，如果中間入晒味，實會好好食里碗面本來係我既，但是肥bb見到我 皺曬眉頭主動同我換，白曬曬我最憎食里款面，湯又淡茂茂肥bb既雞，有D嚡里碗酸辣粉本來係肥bb既依家係我既，可以選什麼辣好好味，面果D黃豆好脆(多謝肥bb同我換)下次我會來食餃子，聽隔離婆婆話好味，我離開天后前一定會試

作為一位四川人，我對川菜是情有獨鍾。香港地近年川菜館開得唔少，不過質素高、味道正宗的又真係唔多。偶然屋企附近見到這間新開舖，經過就聞到一陣熟悉香味，於是決心一試。是日與友人casual聚會，便選擇這間餐廳。餐廳不大，甚是簡潔乾淨。菜牌上的菜式不多，多是餃子，麵同冷碟小食等，價錢親民。我地點了紅油抄手，蜀國涼粉，肥腸麵同泡椒鳳爪。泡椒鳳爪是自己醃製，爽口開胃，辣味不明顯，不過偏鹹少少。蜀國涼粉是自己製的辣醬拌，少少辣不過很香，粉條較常溫，不似有啲餐廳太過於冰凍。紅油抄手真係太有驚喜，粒粒皮滑肉香，是自家新鮮製作，口感勝於普遍冰凍雲吞。老闆娘話紅油係用傳統能方法製作，不是用辣椒粉。果然味道有所不同。而肥腸面都好好味，肥腸爽口，四川蛋麵香滑。一餐落黎好飽肚，買單一人不過80幾蚊，真係好抵。我一定會經常光臨。