影片
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
.📍豚豚食堂補補下習個補習學生屋企煮緊晚餐煎緊條魚 仲要煎得好鬼死香 🤤搞到我超級想食魚 尤其是係蒸魚 但係冇辦法 因為北角唔係好揾到 有蒸魚嘅餐廳 所以冇蒸魚就燒魚定住先啦🙌🏻🤤 ❣️燒鯖魚定食條魚燒得好脆好香 但係又唔會話燒得好乾好’鞋’ 仲會燒到仲有少少魚油係到 好好食 粒粒飽滿嘅粟米加麻醬真係 perfect 嘅前菜^_^💰80...#豚豚食堂 #北角美食 #北角匯#北角匯二期 #北角碼頭 #北角好去處 #鯖魚 #鯖魚定食 #拉麵 #拉麵店 #粟米麻醬 #麵豉湯 #燒鯖魚定食 #燒鯖魚 #健康餐
繼續閱讀
今日心思思想食烏冬，俾我喺北角搵到呢間日本嘢原來其他地方都有分店，不過今次就第一次食喇~呢到主要食丼飯同拉麵，食烏冬嘅話，就得咖喱烏冬同埋壽喜燒可以揀。見天氣凍凍地，就一於食個壽喜燒暖暖肚。壽喜燒可以配飯，或者加$5轉烏冬，其他嘢飲同配料就可以另外加錢嗌~ 呢到係用電磁爐加熱，店員幫你開爐後，就自己調較熱力。鍋入面大概有5塊牛肉(都偏大塊)，有幾塊菜，有少少菇同蔥做配料，烏冬就普通一碗烏冬，另外送咗一隻生蛋做沾醬。份量嚟講，一個人食都夠飽。湯底不過不失，較一般壽喜燒淡味，但慢慢煮下煮下就濃味返啲。牛肉正正常常，因為都幾大塊，要咬耐少少。啲菜索晒湯底精華，勁正烏冬煮一陣都吸晒湯底味，就咁食都好味。我朋友就叫咗個一人套餐: 一碗牛油拉麵+細叉燒炒飯。牛油拉麵都係普普通通，冇咩特別。都係同香港大部份拉麵店一樣，一堆粟米同昆布做配菜。麵同湯底味道還好，都有牛油香味，不過唔係正宗拉麵鋪，都唔會放好大期望。個叉燒炒飯就咁食就冇咩味，加咗拉麵湯做湯飯會好味啲。但都唔係好特別推薦。都算係行過醫下肚都可以選擇嘅餐廳，下次試下啲丼飯可能會好啲 拉麵就未必再試喇~ 但壽喜燒就可以encore題外話: 個收銀姐姐好friendly，幾多嘢講haha
繼續閱讀
經過北角匯冇咩時間，求其食一餐，就食豚豚食堂啦。豚豚食堂係連鎖店，唔少地方都有分店，因為食過，我都冇乜期望😔。兩個人食就揀咗個二人餐，要二人餐其實價錢係貴過兩個一人餐🙃，但係就多個小食，簡單講其實都係冇著數😛。主食方面我哋揀咗黑豚拉麵同親子丼。黑豚拉麵都正常嘅😐，我估個湯底都......，anyway碗拉麵係正常。親子丼早就真係唔掂🙄，賣相方便冇親子丼嘅標誌性黃色炒蛋，雞肉亦都好鞋冇乜味.....小食都係麻麻，牛油炒菇味道好奇怪，炒魷魚鬚冇乜味，芝士雞呢就算正常嘅！😑呢餐兩個人食咗$247 ，絕對唔平，而質素大家睇我上面嘅分享都知如何。簡單講呀交唔到功課，性價唔高。完！
繼續閱讀
每次嚟北角匯都見呢間日本餐廳好多人原來午套餐咁多選擇拉麵．丼飯．烏東．定食幾十蚊一個Set．抵食拎咗飛好快就可以入座，好有效率餐廳木系嘅日式裝潢安排我坐喺櫻花樹下揀咗自選拉麵套餐✨海老拉麵湯底添加櫻花蝦．木耳．筍同香蔥味道好香濃亦唔鹹海老新鮮爽彈麵質軟硬度恰好✨燒多春魚平日出街好少食魚即燒熱辣辣係唔錯嘅小食追加多罐汽水今餐好滿足食物質數唔錯見到隔離枱食丼飯 / 咖哩飯都好吸引下次再嚟一定要試總括嚟講性價比高
繼續閱讀
去開一田掃貨，同媽咪係北角匯見到豚豚食堂，睇menu見有d定食、便當同埋二人餐，晚市有set都真係算幾好🤭同埋見到有我想食既壽喜燒😆吉列豬扒＋蒲燒鰻魚便當：吉列豬扒炸到金黃色幾靚，食落外脆肉嫩，入面豬肉食落幾有肉汁！同埋呢個便當有雙併感覺好好🤭鰻魚食落口感軟嫩、食落鬆軟易咬！另外，再配左粟米小食同埋麵豉湯😋牛肉壽喜燒定食：醬汁好惹味，入面好幾塊牛肉、大蔥、豆腐、金菇😍掛住個壽喜燒汁真係好正！另外加左錢叫左烏冬，個烏冬食落口感幾彈牙同埋都算有咬口！下次都可以考慮帶埋小朋友黎食，都應該幾岩佢地食
繼續閱讀