銀龍冰室

營業中

休息中

趁天氣唔錯，同老婆行咗轉短山，美孚起步就咁上馬騮山，終點就落番石籬一帶，嚟到石籬商場，見到「銀龍冰室」仲有下午茶餐（供應到6:30pm），就食個早鳥晚飯先。唔好單睇門面，裡面原來都幾大，屈個彎仲有一大截用餐區，夠光猛，啲位又唔算逼，加上喺茶市尾，又未到晚飯時間，所以，客人唔多，感覺更靜侷。下午茶有好多選擇，豐儉由人，而因為我哋當晚餐咁食，所以，揀咗啲碟頭嘢。美極乾炒牛河 $49雖然個菜式名冠以美極，但好老實講，食落我就真喺唔喺好覺有美極嗰種味道，但整體嚟講味道喺唔錯嘅，都幾有鑊氣，不過，第一就喺炒得比較油，第二牛肉嘅份量偏少，都喺大概3、5嚿左右，而且，無乜牛味。鮮茄焗豬扒意 $51老婆嘅焗豬扒意粉睇外觀幾唔錯，初頭望落去仲以為啲意粉會有過腍嘅情況，但食落又OK喎，而啲豬扒都幾鬆化，但就較為薄身咗，至於個湯底佢就話喺鮮茄，見唔到一嚿嚿嘅蕃茄肉之餘，少咗份鮮活感，感覺只喺用啲茄醬、茄膏打成。熱奶茶、熱檸水嚟到茶記，嚟嚟去去都喺飲嗰啲啦，小弟嘅慣性就喺奶茶，今次呢杯色澤比較淡，其實入口茶味喺OK嘅，只喺覺得落奶多咗，奶味略嫌重咗少少。嘅感覺就喺質素普普通通，只喺地方相對好坐。唔介意行多少少

1月11日 想食個下午茶，唔要太飽想要飲杯奶茶，奶茶質素差咗好多，好淡冇乜茶味，只有奶水味，其實近幾年去到任何一間茶餐廳，好少奶茶會特別伏，因為而家好多交貨已經溝好咗，都唔使睇師傅。食呢個包真係好淒涼感覺，我自己就唔太鍾意食獨立餐包，但會食沙爹牛肉包，因為有肉有執餐包通常會喺扒爐落牛油煎過鬆軟帶香～～～但銀龍呢個包真係想食到掉眼淚，乾噌噌好淒涼好似去飢荒畀你食嗰種感覺。如果呢個包獨立買返工搭車好趕時間食要飽肚冇問題。坐低食呢個包真係直升機伏～～～～沙爹牛肉包～個包係好大個，侍應姐姐放低個包嘅時候我見我o嘴～嘩！咁大個嘅，佢就偷笑話使唔使畀刀你切，見佢偷笑我都心知不妙，拎上手冷的，叫佢加熱一下，行咗去都唔夠30秒返嚟我諗佢應該落微波爐叮咗5秒掛。依然都係（凍冰冰嗰係硬掘掘）咬落去包冇包味，最cheap嘉頓餐包個味都重過佢，雖然我唔食嘉頓餐包但家人買過我都有試過知乜嘢味同口感，咬咗三分一都冇餡嘅，繼續咬落去得幾片超薄嘅肉碎，乾冇汁又硬，最後只能送幾十蚊畀佢洗去第二間再食過