影片
以上資料只供參考, 請與餐廳確認詳情
相關文章
平日唔煮飯我便最鍾意去幫襯阿德廚房，今日 想留喺屋企睇電視，叫咗老公落去買外賣，揀咗魚香茄子飯同鲜茄牛肉飯。外賣的餸大大碗，白飯一大盒，價錢相當合宜，兩個飯一家三口都夠食。魚香茄子是我至愛， 差不多每一次都會食， 這個菜確實有鹹魚味， 茄子唔會煮得太熟，一條條咬落去，非常有口感，加埋美味嘅肉碎，用嚟撈飯最好。番茄牛肉都好多料， 蕃茄好新鮮，大大舊，牛肉夠淋，醃得夠入味，小朋友最鍾意呢个餸，个汁都係撈飯之選。
繼續閱讀
平日放工又要煩諗下食咩，因為老媽係無定向間歇性無飯煮婦，一家人都係外出食飯多。但係餐餐出街食其實堅貴，雖然想食中菜小炒但又唔想去食酒樓。今晚成7個成員出動食飯，想坐得鬆動D，無意中經過土地廟見到呢間鋪，外面望入店面好似長方型咁深，空間夠大，但係客又唔算好爆(其時為黃金晚飯時間約8點)，想坐得舒服D，所以決定試新野。入到去自行揀位，見到左位兩邊有好多4人卡位，中間係一排排6-8人既餐桌。揀左張近水吧附近既8人枱(侍應任我地自己揀位坐)，方便擺下手袋。餐牌好多種類揀，有晚飯小炒、鐵板据扒同拉麵類。眼望四周見到唔少人据扒或炒一碟碟餸，最後拍板點左5個小炒。點完炒唔係等左好耐就上菜。個京都肉排好入味好香甜，甜酸度適中，愈食愈開胃，肉排炸過有點脆口，獲氣仲正過大排檔風味，下次再番兜一定必點。碟栗米斑塊純粹點比兩個小朋友食，易消化同咀嚼，原本個重點都唔放係呢個菜款上，因為會以為無咩特別，但又估唔到幾好味，唔知係咪新鮮炸個角塊既關係(外面食既所謂斑塊係淋淋地甚至預先炸定會硬身)，外層卜卜脆，忍唔住同細路爭食左兩塊。個牛腩煲原來點黎純當係前菜，因為要等齊人，坐底等成20分鐘又未開飯住，點來止下口癮又唔想食咁飽而點的，係炆得OK入味，不過牛筋多個腩，”太張”住個口，有點濟,牛腩有啲”UN”。呢個菜唔會再翻點, 太一般喇。呢味梅菜蒸鯇魚腩係老媽點既，我平時只食係阿媽屋企煮飯蒸既魚，出街食飯絕絕絕少會點魚食的。同親老媽食每餐飯，佢唔點魚會手痕，所以無意中點左呢個菜。亦係呢個無意帶來了驚喜，全晚激推就係呢一味。個鯇魚即叫即蒸，阿媽係街市買魚兼食魚高手，一食就知道唔係死魚(即街市劏定擺係度個幾鐘等人買果種魚，想當然都唔係游住水即捉即仆殺黎煮，但食得出係新鮮魚)蒸出黎既，阿媽係咁話好抵呀好味呀既高呼之下，我都忍唔住出手夾黎試下，"不"左一”更”梅菜搭住鯇魚肉再浸浸佢既蒸魚豉油，入口真係好正，好有住家菜煮既味道，個梅菜甜甜地吊香左個配汁，鯇魚唔止一啲都唔腥，好鮮甜(平價魚煮出呢個功價，真係超越性價架喇，讚!!!!!!)，強調一下，食呢個梅菜蒸鯇魚腩真係配飯一流，用佢既”梅菜X鯇魚X豉油”三者結合，令我忍唔住食左一碗飯。呢個係健康好味之選，仲有舊魚腩份量都幾大，一家人食真係好抵。10個讚忍唔住比8個，留番兩個比佢有進步空間唔係KEEP唔住會趺WATT的。仲有點左個蠟味炒芥蘭，一餐飯阿媽話點都要有啲菜，但又知我地班後生打壞唔鐘意食清炒咁齋，所以點樣炒得重口味既菜款等我地食夾下黎食。芥蘭炒得夠淋、甜、多汁，無話煮既時間唔夠耐而未熟晒果種硬身，不錯，配上冬天食蠟腸，好香好惹味。呢餐飯激推唔單止好味，仲有每碟份量好多(京都肉排少左D得5、6舊左右)，食飽左5個大人兩個細路(5歲以下)，飽既程度達至反艇級別，真心抵同性價很高，每碟菜平均價都係約65元，埋單都只係300頭，必定番兜再食，讚。
繼續閱讀
阿德廚坊喺黃埔開左好多年，入面嘅裝修依舊，好令人懷念今次食左佢地嘅常餐，包通粉、茄汁豆、煎雙蛋同飲品。鮮牛肉通粉好大碗，通粉好多！湯底都幾濃煎雙蛋可以轉炒蛋，但似奄列多啲。亦都油左少少，同埋唔係好夠熱
繼續閱讀
正在看周圍怎麽都是小吃，不知如何坐下來吃飯的時候，就看到了這家店。來這裏吃的都是香港本土的人，老年人，學生黨和西裝的上班族。店內服務很好，套餐29港幣一位也不貴，還有很多種樣子可以選擇。套餐裏的熱飲若要換成冷飲，再單加2港元。套餐可以吃的很飽，刀叉西式。
繼續閱讀
外地人可能無聽過，但住黃埔既人一定知道阿德。阿德鋸扒又平又一舊🤤 73蚊有兩件自選扒，飲品，餐湯，唔夠飽既加五蚊又有飯/意粉😛 又平又好食，我最鐘意佢有一支茄汁俾人，塊板新鮮熱辣落小小落汁，jaja聲，太好聽😂大家見到，塊扒大大塊，舊條係口咸勁正既粗薯，唔係平時麥記果種，對薯條有要求既人一定鐘意，茄汁係惠康果種甜茄汁，簡單得黎好食。檸茶黎講，茶味唔會太重，味道比較清新，但如果走甜可以會太淡🙈$ 73 有咁既質素，基本上想鋸扒就會黎
繼續閱讀