陳儀興尚潮樓 (太子道西)

營業中

休息中

餐廳環境古色古香，有不少特色及工序繁複嘅手工菜式供應，係一間頗有名氣嘅潮州菜館😌🥢潮州紅燒魚翅（$438）湯底味道濃郁，質感稠身，魚翅份量好多，用筷子都夾得起，真係貨真價實👍🏻配醋及芫荽同食，口感及味道會更好😋🥢鵝三寶（$298）三寶有鵝肉、鵝腸及鵝肝，鵝肉肉質軟腍，鵝腸爽脆且唔會有好多肥膏，鵝肝軟滑且無香煎嘅油膩感，底部更有滑身滷水豆腐，各款都好入味，而且高質👍🏻🥢魚露浸花甲（$198）花甲大隻而肥美，無沙又啖啖肉，魚露更能帶出花甲鮮甜，一啖一隻係咁食唔停😋另去掉另一邊殼後，會食得更方便👍🏻🥢老藥桔（$20）味道鹹鹹甜甜，味道有啲似九製陳皮，有潤肺及化痰止咳等功效，係潮汕特色飲品。

呢期好興食潮式生醃，我緊係即刻book位同埋天天媽咪一齊去食啦！食中菜真係好難二人去食，所以我地約夠4人一齊食，咁就可以叫多啲餸啦😊生醃膏蟹必點！我就係因為呢個餸黎食既，見到鮮橙色既蟹膏，全部爆晒出黎，真係好吸引🤩蟹既size都算係好大隻，我地4個人好夠食😋生醃瀨尿蝦店員見我地有叫蟹，推介埋呢款，生既瀨尿蝦肉質感覺有啲似蟹肉，又有啲似蝦用，雖然佢唔算係好大隻，但都啖啖肉架鵝三寶有齊鵝肝鵝腸同鵝肉，岩晒一班人share，大家都可以食到自己想食既野，佢呢個鵝肝都幾滑🥰魚露浸花甲唔會太咸，亦唔係只得咸味，味道幾有層次豆醬煮海魚呢個魚蒸得岩岩好，好鮮好滑，而且都唔算細條，係黃花魚黎架，呢個好好食😋梅汁炆豬手豬手炆得好淋，切到細細舊好易食，女士們都可以好有儀態地食豬手😌厚菇芥菜煲芥菜好甜，唔會煮到好林，仲有少少爽脆感，仲有幾隻好厚身既花菇，同埋落左小小金華火腿提味😊仲叫左老藥桔比婆婆飲，佢最中意飲呢啲柑吉飲品，飲完個喉嚨覺得好滋潤同舒服😌

可能食開港式打冷 啲人話依間係正宗潮州菜 我真係唔係好識欣賞生醃膏蟹 $588$588份量都算幾多 而且真係有好多膏蒜頭超越咗調味嘅境界 已經可以堪稱做主角🫡某啲部份仲有臭莤做配角🫠成碟嘢好食又稱唔上 唔好食又唔係韓式嘅醬油蟹好味啲魚露浸花甲 $198花甲唔鮮又唔甜 淨係食到麻油味好重 唔係好食到其他味菜甫炒粿條 $118食完2碟海鮮就上依個 係咩玩法😂以為粉麵飯依啲都係用嚟埋尾🫢炒得幾香幾惹味 要趁熱食 凍咗變一pat pat 連個味都唔同咗鵝片 $188大細切得好隨心😂肉質都幾嫩幾juicy只係個滷水味唔係好啱我 而底層豆腐鹹到要洗腎🤯5個人都食唔晒依碟滷水雙拼 $168(本地豬生腸 新鮮大墨魚)again 潮州嘅滷水 真係唔係好啱我 以為生腸同墨魚都係爽口彈牙啦點知都唔係淨係一堆好鹹嘅嘢🥲汕頭煎蠔烙 $118ummmmmmm………啲蠔…..有好大陣味 唔敢講臭味但係怪味🥲潮式咕嚕肉 $128 又唔脆又唔香個味道有啲似糖醋肉🤔唔係好識欣賞潮式嘅版本 屋企整得仲好食啲🥲方魚炒芥蘭 $118方魚幾香口 芥蘭都幾爽脆埋單每人$400左右 真係唔識欣賞

一講潮州菜第一反應諗到「打冷」，不過吾太鐘意打冷店果種嘈吵既環境，所以平時好少食潮州菜😹 今次同朋友黎左呢間後，餐應古色古香既裝潢非常雅緻❤️ 環境都好清靜，令我徹底對潮州菜有所改觀👍🏻魚露浸花甲差吾多係每枱必叫既菜式，花甲無沙好清甜，一碟既份量仲吾少Tim😋鵝三寶係餐廳既招牌菜，一碟有齊鵝肝、鵝肉、鵝腸😉 佢啲鵝肉好好味，夠嫩又吾肥，食多啲都吾怕😋潮州紅燒魚翅雖然吾平，但勝在真材實料👍🏻 職員教我地可以加啲芫茜，又香又好味😋仲每人送左一杯老藥桔，酸酸甜甜有金桔香味😚 飲左仲好開胃😋

位於太子的「陳儀興尚潮樓」是一間頗有名氣的潮州餐廳‼️這裡的菜式精美，當中更不乏程序繁複的手工菜‼️🫶🏻 當天和家中的長輩前來，每位都盛讚呀‼️👏🏻👏🏻▫️❥$𝟰𝟯𝟴 潮州紅燒魚翅🥢魚翅可用筷子夾起，絕對真材實料‼️🤤 紅燒魚翅的上湯很濃郁‼️🫦 有些朋友喜歡加入一小匙的醋或加芫荽作調味，各有不同的風味‼️😉▫️❥$𝟭𝟵𝟴 魚露浸花甲🥢花甲顆顆肉質肥美‼️👍🏻 魚露浸泡過更能品嚐出花甲那天然的鮮甜味‼️💋 此菜式不是生醃，連家中長輩也吃得津津有味‼️😻▫️❥$𝟮𝟵𝟴 鵝三寶🥢三寶分別是鵝肉、鵝腸、鵝肝‼️鵝肉皮簿、肉質細軟‼️🫦 鵝腸爽脆，口感豐富‼️🫦 鵝肝細膩，卻沒有西式鵝肝的油膩感‼️🫦 連底部墊著的滷水豆腐也很美味‼️👍🏻▫️❥$𝟭𝟭𝟴 清燉荷包鱔🥢酸菜頁包著白鱔腩塊，釀入冬菇片、火腿等食材‼️🐟🍄 清燉後的湯底清甜無比，家人們大愛‼️👏🏻👏🏻▫️❥$𝟭𝟭𝟴 富貴石榴蟹🥢福袋的造型有著富貴的寓意‼️💰 裡面的餡料是蟹肉加了蝦滑和馬蹄，爽口又鮮甜‼️😋▫️❥$𝟭𝟱𝟴 蝦棗拼粿肉🥢蝦棗鮮甜又Q彈‼️🦐 粿肉炸得很滋味‼️▫️❥$𝟮𝟲𝟴 豆醬煮海魚🥢魚肉嫩滑‼️🐠 加了豆醬的煮法，連伴碟的蔥段也吃光光‼️

今日放假出左去行下街街，順便搵下好嘢食😊去到太子經過見到「陳儀興尚潮樓」，太太話好耐未食過潮洲菜，咁就去試吓啦😬潮州紅燒魚翅 $438魚翅又夠粗又爽口，加埋 瑤柱 同 金華火腿做湯底😋真係無可挑剔👍鵝三寶🦢(鵝肉、鵝腸、鵝肝)$298呢個鵝三寶真係食到我哋舔舔脷😋滷水汁調較得啱啱好！鵝肝入口即融，鵝肉亦非常嫩滑，鵝腸又唔會太韌！魚露浸花甲$198花甲好大隻，粒粒都飽滿😋再加埋魚露吊味😊正！老藥桔(凍)$20/杯安溪鐵觀音$15/位

Book左檯準時黎但係話冇位，究竟係咩餐廳先會有咁嘅service，bok左餐生日飯就咁俾佢搞到爛曬，真係好垃圾嘅服務，啲員工態度仲惡劣，真係貼錢買難受，唉！！

鵝三寶 $298包括鵝腸、鵝肝、鵝肉，滷水汁唔會好鹹，味道幾香！😎鵝腸：爽脆、有清走多餘脂肪、乾淨鵝肝：入口即溶、口感棉密，肝片上有d坑紋，攝咗d八角辟味，幾有心思鵝肉：夠彈性、有咬口、唔會柴炸普寧豆腐 $88炸得好脆、皮薄，內里軟腍腍、好香豆味；配合佢果碗汁，雖然唔知點調，但令人好開胃同解膩。😌汕頭煎蠔烙 $118蠔好大粒、冇沙，同平時食開嘅蠔餅有唔同，外皮較腍，口感好充實，但唔會感覺好油膩。魚露浸花甲 $198花甲大小適中，有口感；雖然魚露浸，平時食開嘅魚露，通常死鹹，但呢道菜唔會好鹹、仲帶少少甜，絕對係自家製嘅配方！糯米釀雞翼 $58/隻外皮非常薄、脆，雞肉嫩滑、札實，肉汁配合單調嘅糯米，味道上幾平衡。乾貝春菜煲 $128春菜：其實係後生d嘅芥菜，佢少左平時芥菜嘅澀味，多咗一份清新同埋甜味！糖醋煎麵 $118真心，外脆內軟，口感非常好；佢仲加入咗好多細蔥粒喺底，夾埋一齊食，口感有層次，幾解膩、幾清新！清心丸綠豆爽 $45福果甜芋泥 $45呢個芋泥，好似漿糊咁杰，食落非常棉密，芋頭味香濃帶甜；福果就係白果，好煙韌，香而不苦，係意想不到嘅好食！

花墟對路經常路過見到想食, 今次call齊朋友一齊食, 中菜始終都係人多分享開心D去到非常旺場, 所以想去嘅朋友一定要預約, 有部分手工菜要預訂, Book咗8點, 不過上張枱遲咗交, 等多一陣就上咗樓上雅座魚露浸花甲 - 鮮甜唔會太鹹, 只係份量同價錢有D距離生醃瀨尿蝦 - 少少腥同冇乜肉, 可能係唔當造(?)鵝三寶 (肉/腸/肝) - 用上潮汕獅頭鵝加埋有藥材香滷水, 濃郁甘醇鮮甜, 鵝肝綿密, 鵝肉軟稔, 鵝腸爽口清燉荷包鱔 (預訂) - 傳統潮州手工菜, 用鹹酸菜包鱔肉清燉, 湯充滿鱔肉嘅鮮甜同胡椒香富貴石榴蟹 (預訂) - 傳統潮州手工菜, 蟹肉加上鮮蝦打成膠, 再包成石榴狀,  個人覺得蝦肉太多同口感偏爽彈, 蟹肉部份失色, 被喧賓奪主蝦棗併粿肉  - 蝦肉爽彈味鮮, 喜歡香口嘅朋友唔可以錯過 荔芋香酥鴨 - 芋頭炸到超級酥化 古法糯米酥雞 (預訂) - 必食, 糯米飯吸收哂雞嘅精華, 雞唔會柴口, 大家都爭食最後一舊 肚肉苦瓜煲 - 最後食返個菜反沙芋頭  - 甜品叫咗最傳統手作, 外層糖脆唔會甩開, 內裡芋頭起沙, 甜度恰好 同一般潮州菜比, 呢到係走高檔雅致路線, 價

俾呢間古色古香嘅店鋪門面吸引，原來成棟大廈係由歷史建築改建而成，地下同一樓就做咗呢間老牌潮州餐館，入面裝潢以中國古代建築設計為特色，好有懷舊氣息。魚露浸花甲 $198先上嘅係花甲，用魚露浸泡帶出花甲嘅鮮甜。花甲隻隻都肉質結實飽滿，而且廚師已經將花甲切去半邊殼，非常細心。生醃膏蟹 時價第一次食潮式生醃膏蟹，用新鮮肥美再加上爆膏嘅膏蟹黎醃製，將膏蟹嘅鮮味最大程度咁保存落黎。加入辣椒、蒜蓉、蔥花、魚露、酒等富有潮汕風味嘅醬料提升鮮味同味道層次，蟹肉蟹膏呈啫喱嘅口感，入口鹹香鮮味一d都唔腥，每一啖都係濃郁嘅蟹香，一食上癮。怕太寒涼仲可以點少少辣椒醋食添。鵝三寶(鵝肉、鵝肝、鵝腸) $298食潮州菜又點少得滷水鵝，叫咗份鵝三寶有齊鵝肉、鵝肝同鵝腸，仲有入味軟綿嘅滷水豆腐墊底。鵝肉腍嫩而且每一啖都有鵝脂香。鵝肝軟腍綿滑，食落亦唔會太膩。至於鵝腸，口感爽脆有咬口。老藥桔 $20非常有特色嘅潮汕飲品，用金桔為原材料醃製，入口有濃郁嘅金桔香味，鹹中帶甜，而且對腸胃病、嘔吐等有功效，仲可以幫助消化添。。。陳儀興尚潮樓 (太子)太子太子道西179號地下及一樓。。

皇太后👩‍👧 : 某某𝐂𝟗們去將軍澳食陳儀興🥢(💭對我依新界牛去將軍澳實在太遠啦🫠)我 : 傻豬黎🐷，太子咪有分店囉🫢💁🏻‍♀️仲係由三級歷史建築🏛改建既豪裝分店然後，我就帶左身為架己冷(自己人)既皇太后去開餐🍽~•~•~•~•~•~•~•~•~•~•~•~•~•~•~•~•~•~•~• ▪潮洲紅燒魚翅 ($438/位)翅針爽口彈牙🤓魚翅🐟加埋瑤柱 • 金華火腿🐖熬成既濃湯🍲唔會水𝐍𝐞𝐥𝐍𝐞𝐥，好夠味🤭每一啖都食到翅🥄直情係可以用筷子夾起🥢.▪魚露浸花甲 ($198)花甲肉係熟，唔係生浸，大大粒🤗 • 冇沙，食落唔會有腥味😌魚露有獨特既鹹香🤎，仲加蒜頭🧄 • 辣椒🌶️......唔會蓋過花甲既鮮甜味😝.▪鵝三寶 ($298)食潮州野點可以冇滷水😏但只得滷水鵝唔夠滿足，黎個𝟑寶🦆鵝肉 : 已起骨，肥瘦適中，夠入味又唔韌🤓鵝肝 : 夠軟滑，甘香，又大又厚身🤌🏻鵝腸 : 勁勁勁爽口✨個底仲有幾舊滷豆腐🤍滷水汁🤎唔會過鹹，帶少少甜🤏🏻.▪老藥桔 ($20/杯)咪睇佢黑蚊蚊🖤好養生，對喉嚨好好嫁😚冇額外加糖，飲落少少鹹鹹甜甜😝(*老藥桔 : 金桔🍊既果實為原料，經古法祕制而成㊙️).▪茶芥 ($15/

📍#陳儀興尚潮樓 (太子)太子太子道西179號地下及一樓♡推薦程度: 🌕🌕🌕🌕🌗🔺🔺🔺🔺🔺🔺🔺🔺🔺🔺🔺🔺🔺平時都較少食中菜，潮州菜就更加少，之前都有聽過陳儀興尚潮樓既評價，好壞參半，不過食完之後都算比到我驚喜😝 尚潮樓座落係三級歷史建築改建既酒店入面，內裡保留古老特色建築，古色古香，且地方寬敞舒適。❣️#生醃膏蟹💰$588實不相暪 今次係第一次食生膏蟹 個人覺得都算係一個幾唔錯既嘗試 😋 生醃膏蟹鮮而不腥，每舊都有蟹膏好滋味，再加上蒜蓉、辣椒、蔥粒同魚露提鮮，夠哂入味👍🏻❣#魚露浸花甲💰$198花甲非常肥美鮮甜，每隻都好飽滿脹卜卜，食咁多隻一粒沙都無👍🏻 魚露更有提鮮作用，非常鮮味，不枉我揀左呢道菜😋🥰❣#鵝三寶 💰$298呢度既滷水很不錯，滷得非常入味，三寶包括：鵝肉、鵝肝、鵝腸，鵝腸，個人最鍾意鵝肉，肉質不韌又不會膩，鵝肝就非常滑身，係種入口即化既感覺。❣#老藥桔💰$20作為潮洲必飲既老藥桔帶比我好大驚喜，初初聽到佢個名同個樣，仲以為係苦/甘味，點知2樣都唔係✌🏻 係甜中帶鹹既鹹桔柑咁，口感豐盈，甜中帶鹹亦剛好恰到好處👍🏻🔺🔺🔺🔺🔺🔺🔺🔺🔺🔺🔺🔺🔺

呢間係陳儀興開係太子既豪裝分店，座落由三級歷史建築改建既酒店入面。裝潢好有古典優雅味道，店內共有兩層，樓底高，空間感十足，地方及座位寬敞舒適。天花上的風扇、燈和其他擺設、連餐具，都甚優雅。天氣熱辣辣，首先叫左野飲：潮汕飲品老藥桔 $20/杯標榜潮汕飲品，味道又幾特別既喎！一入口鹹中帶甜，有少少中藥回甘味道，飲落喉嚨舒服，生津解渴！魚露浸花甲$198魚露是潮州菜的其中一個重要的調味料!潮州菜成日都用魚露入饌，大大地提昇了菜餚的鮮美味道。花甲鮮甜又肥大，用左豉油、魚露、蒜頭、辣椒醃浸，魚露香味、咸鮮得宜，同時仲有淡淡九層塔香氣餐廳處理亦見乾淨衛生，食完全碟都無一粒沙。順帶一提，呢味魚露浸花甲唔使驚佢係全生，其實醃浸之前有略略川燙過，食得安心！滷水鵝拼鵝腎$198滷水亦係潮州另一必點特色菜！陳儀興既特制滷水香味濃郁。鵝肉肉嫰份量多，肥瘦適中。鵝腎有咬口。仲有滷豆腐墊底。潮洲紅燒魚翅 $438好大碗非常足料，紅燒翅好有層次感，翅粗身又濃郁。普通茶 $15/每位可選普洱 / 菊花/ 水仙 /香片仲有好多精緻潮州手工菜，決定下次再試！！

太子高質素的潮州菜✨🦥👍🏻店舖外貌華麗裝修，充滿著古式古香的感覺，食物亦很有質素，傳統潮州菜，冷盤熱盤也相當有驚喜！《生醃膏蟹》$588推薦！✨✨✨✨「冷盤」原隻鮮甜的膏蟹，蟹膏超級多！而且擺放得很整齊，賣相相當精緻，味道更是超有驚喜！鮮甜的味道很濃郁，蒜香味令膏蟹味道更高層次，而不會遮蓋生蟹的鮮味！生的蟹肉也很有口感，像吃雪糕/啫喱的感覺！鮮甜！👍🏻《魚露浸花甲》$198推薦！✨✨✨✨「冷盤」同樣地是鮮味十足！花甲上魚露和酒味也很濃郁，但不會遮蓋花甲的魚味，十分開胃惹味！《鵝肉雙拼》$198自選鵝肉雙拼，我選了鵝肉拼本地豬大腸，鵝肉肉質嫩滑，本地豬大腸也肥膏不多，且大大塊，更有豆腐配襯。《梅汁炆豬手》$158滋滋聲音響亮，熱滾滾的上碟，梅汁味道香噴噴，豬手亦很軟腍入味！而且是去骨的！潮州式的燉湯也有幾種選擇。《青欖燉海螺》$78足料清甜的海螺湯，青欖的味道很香，海螺也鮮味十足！《胡椒鹹菜鮮豬肚湯》$78同樣是足料的豬肚湯，胡椒和鹹菜味也很濃郁美味！在甜品方面也有傳統式的潮州甜點。《反沙芋頭》$58新鮮製作的反沙芋頭，熱辣辣，外層沾滿了沙糖，內裏炒得很惹味！喝方面怎能沒有傳統式的飲品。

星期六日下午好想食返啲中國菜本身潮州店舖可以滿足得到先介紹杯茶安溪鐵觀音 甘口茶味 入口後還有一種迴盪嘅感覺 飲茶都有一種值回票價嘅感覺老藥吉有種話梅味道嘅飲品有開胃消滯嘅感覺同樣地都係一種值回票價嘅感覺 好好飲主打菜出現肥美大羔蟹 各種香料浸過夜生切上盤 肥美厚肉多羔 餐廳仲有提供手套等你用手享用此美食凍上花甲同樣地都係醃製入味食到一種新鮮感覺用心欣賞相中美食 感受一下浸得入味嘅凍上海鮮 新鮮肥美嘅感覺即刻出晒嚟青欖海螺湯 飲到一種清熱降火嘅感覺鮮味亦都有青欖開胃提神黑椒豬肚湯 飲到一種淡麗 豐富嘅豬肚湯黑椒亦都不搶鮮味 大師功架滷水燒鵝同埋豬大腸 兩樣嘢都滷得入味 軟硬適中肥瘦適中 完全係時間同技術嘅完美配搭反沙芋見到這個甜品就知道係正宗熱辣辣白糖仍然在芋頭上 香甜味道又有咬口就算好飽都忍唔住要食晒佢所以記住要幫襯正宗大師傅處理嘅潮州菜仲有好多分店㗎