影片
港鐵尖沙咀/尖東站 B1 出口, 步行約7分鐘
繼續閱讀
電話號碼
26382832
開飯介紹
由韓國人大廚主理的韓國家常菜館，標榜無味精無防腐劑，較為清淡及養生。
繼續閱讀
營業時間
今日營業
12:00 - 23:00
星期一至四
12:00 - 23:00
星期五至六
12:00 - 00:00
星期日
12:00 - 22:00
以上資料只供參考, 請與餐廳確認詳情
有關餐廳
有關獎賞計劃
相關文章
突然好掛住韓國湯飯就決定黎韓國街搵下，見到呢間小店都坐滿人就試試佢😆🔸薯仔豬排骨湯+紅米飯(HK$168+20）上檯時熱辣辣，有陣熟悉嘅韓國湯味，入面個豬排骨都幾大舊，當然唔少得吸曬湯汁嘅薯仔，配埋紅米飯好match啊😎🔸醬炒牛肉芝士石鍋拌飯 (HK$138）店員都有提醒要快啲撈勻，如果唔係芝士好快就會硬曬架啦，好多嘅蔬菜統牛肉撈埋一齊，記得加埋韓式辣醬，就更惹味😆🔸 泡菜餃子王(HK$18）🔸 餃子王(HK$18）餃子即蒸，大大個餡料都幾多，泡菜味就酸酸辣辣，原味都唔錯🥟
繼續閱讀
韓國菜出名多前菜，呢度淨係會提供一款，仲要係酸到你唔會食嘅醃蘿蔔（利申本身唔特怕酸）啲價錢細到要用放大鏡睇先睇到，以及未試過韓國餐廳叫一個湯，個飯要另外俾錢。叫左個釜山豬肉湯味道不過不失，但唔會再幫襯。
繼續閱讀
今次特登一早黎食呢間韓國餐廳，因為晏咗就會好多人要排隊，餐廳主打湯飯，餃子，當日係一位韓國侍應接待我地，可以用韓文或者英文溝通，裝修都好韓式，播住韓文歌，牆上好多標語標榜餐廳以健康，較低卡食物為主，一坐低就會提供酸蘿蔔做前菜，好脆口同辣辣地，都幾開胃🤤蔘雞湯（$168）係韓國既拿手菜式，係雞既腹中填入人嵾，大棗，板粟，松子仁，糯米，大蒜等食材，夏季都岩食，補而不燥，雞煲得超級腍，連骨頭都煲到可以係口裏面化開，肉質好滑，一d都唔鞋口，湯裡面雞味幾香，亦都有人蔘既甘味，雞裏面既糯米超級綿，吸曬雞湯既味道好好食🐥炒豬肉石鍋芝士拌飯 （$138）韓國石頭鍋飯都食得多，呢度既石頭鍋飯就特別少少，佢係用紅米做飯底，同埋食落唔會覺得油淋淋，但又做到焦香既味道，鍋底既飯焦好好食，另加上不同蔬菜同芝士拌埋一齊，口感好豐富，每啖飯都有芝士拉絲🧀餃子王 （$18/隻）隻餃子好似元寶咁大粒，十分飽滿，除左肉之外仲有大荳芽，豆腐，蘑菇，粉絲，食落好清新，都幾特別🥟韓式煎餃子 （$75）煎餃就會比較惹味d，餃子皮香脆可口不油膩，都值得一試🥟食咗幾款餐廳既美食，感覺同一般韓國餐廳最大分別係無咁油膩，味道會淡少少，主要食食材本身既味道，食完一啲罪惡感都無，好似食左健康餐咁，又完全無口渴既感覺，相信係因為餐廳無落味精，岩曬想健康又想食得豐富既人😍
繼續閱讀
叫左好多款湯—$148牛骨湯、$158香辣牛肉湯、$158釜山豬肉湯，真係除了人蔘雞、釜山豬肉湯， 其他都是沒有材料的香辣牛肉湯係齋黎嘅，好難先搵到牛肉， 有大量大䓤，洋蔥⋯⋯啲牛肉細到見唔到釜山豬肉湯，有好一片片薄嘅豬肉，但係韭菜得嗰幾條，乜韭菜好貴嘅咩？兩款石頭鍋飯正常， 好難唔好食嘅…配菜小只有一款，仲要最初頭攞得兩碟過嚟，我哋六個人只攞兩碟過嚟，問先至攞多兩碟過嚟都唔係一人一碟.講真講真呢個價錢呢個份量一啲都食唔飽要去麥當勞食返個餐先得
繼續閱讀
.【 ✨ 尖沙咀的最佳韓國美食體驗 ✨ 】 ▬▬▬▬▬▬▬▬▬ 【 General Info 】 ▬▬▬▬▬▬▬▬▬▎菜式分類：#mayfoodie_韓國菜 ▎地區分類：#mayfoodie_tsimshatsui ▎人均消費：Ard HKD 200▎餐廳名稱及位置：📍 韓屋 (尖沙咀)尖沙咀金巴利道69-71A號美園大廈地舖▬▬▬▬▬▬▬▬▬ 【 整體評價 】 ▬▬▬▬▬▬▬▬▬喺尖沙咀嘅一間韓國餐廳，名叫【韓屋】，係一個值得一試嘅韓國菜聖地。呢度嘅食物正宗無誤，每一道菜式都散發出濃厚的韓國風味，絕對能夠滿足您的味蕾。首先，我叫嘅第一道菜式係「薯仔豬排骨湯 配白飯」。啱啱端上嚟嘅時候，一陣濃郁嘅湯香飄散出嚟，令人胃口大開。湯底濃郁，入口滋味鮮美，豬排骨肉質鮮嫩多汁，配上煮熟嘅薯仔同白飯，味道更加豐富。呢碗湯真係好暖胃，令人心情倍增。接下嚟係「醬炒牛肉石鍋芝士拌飯」。一上桌，嗰啲熱騰騰嘅石鍋散發出誘人嘅香氣，真係讓人垂涎欲滴。牛肉炒得香嫩多汁，搭配上醬汁嘅滋味更加突出。最吸引人嘅係石鍋底層嘅芝士，一融入飯同牛肉之中，帶出嘅濃郁芝士味道真係無法抗拒。每一口都令人回味無窮，絕對係芝士控嘅最佳選擇。最後，我叫嘅「泡菜餃子王」。餃子係韓國菜嘅經典之作，而呢款「泡菜餃子王」絕對唔會令你失望。餡料豐富，泡菜嘅酸辣味道同餃子皮嘅鮮脆口感完美結合。每一口咬落去，都能夠感受到餡料嘅彈牙口感同泡菜嘅獨特風味，令人回味無窮。如果你鍾意泡菜同餃子，呢款菜式絕對係你嘅最愛。【韓屋】嘅食物絕對係一個韓國料理愛好者嘅天堂。佢哋嘅菜式唔單止好味，仲好平價。餐廳環境舒適，服務態度友善，令人有種家的感覺。如果你想要一個正宗韓國美食體驗，【韓屋】絕對係你嘅首選。▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬多謝睇到呢度🤓🙏▎想睇下其他位於尖沙咀既餐廳推介? 👉👉👉 可以click #mayfoodie_tsimshatsui #mayworldoffood #foodie #hongkongfoodie #hongkong #kowloon #newterritories #worldoffood #yummy #delicious #comment #pleaselike #pleasefollow #hkig #ig #pleaselike #pleasesupport #香港 #香港美食 #食評 #請支持 #deliciousfood #cafe #food #foodcommentary
繼續閱讀