影片
電話號碼
23288398
營業時間
今日營業
10:00 - 23:00
星期一至五
11:00 - 23:00
星期六至日
10:00 - 23:00
公眾假期
10:00 - 23:00
公眾假期前夕
11:00 - 23:00
以上資料只供參考, 請與餐廳確認詳情
黎到荃灣呢頭搵野食 呢間未食過就揀左呢間食 舒適度算可以既，不過呢間係貴價酒樓，感覺環境及坐椅應該可以再舒服啲。食物方面，魚都算爽口，不過份量真係比較少。雞既話，味道正常，口感還可以不過唔夠滑，比相像中有點失望。呢個價錢覺得可以更好質素。咕嚕肉味道正常不過唔夠鑊氣而且份量太少，完全唔值。炒飯算乾身既，味道都係普通。呢度服務比較差。雖然侍應有手套，不過上菜侍應放菜時手套整到客人筷子夾餸位之後又用手推一推開筷子放餸就走了，手套推車執野都會污糟，之後又用手直接接觸筷子夾餸位，唔衛生，需要留意。整體黎講，呢間價錢真係算貴，食物質素唔值呢個價錢，服務唔掂，份量太少，失望一餐。
繼續閱讀
今天下午到此店見到仍有得意特式下午茶的廣告，因早前在上環鳳城食過ok便推介2套比從美國來港的訪客們。奈何义燒飽只有微溫丶而所有鳳梨酥內的餡料硬如石頭，咬落牙痛入心！向部長投訴非但沒有致歉意, 只說只是一件半件焗過時而矣, 換來4片薄薄細少的合桃酥便走开! 如此的食肆及部長竟可在愉景新城這類較高新的大型商埸立足，如此服務態度，難怪香港訪客銳減和港人都北上消費！
繼續閱讀
極度差嘅晚飯體驗朋友生日正日食晚飯，打嚟訂位一早問定炸子雞同片皮鴨需唔需要預訂？聽電話嗰個女士話嚟到就有唔使預訂，點知食飯當日去到先話俾我聽冇片皮鴨都算，經理一句唔好意思同道歉都冇，啲嘢食都仲要唔好食 除咗炸子雞係唔錯椒鹽軟殼蟹份量極細咬落去仲要係霉霉爛爛唔係平時食炸軟殼蟹有嘅口感晚飯選擇少價錢較進取，份量又唔係大件抵食，仲要撞正朋友生日正日伏到傻，搞到食到一半就要轉場去其他餐廳食勁唔方便極不建議嚟食 不可一不可再
繼續閱讀
外國朋友話想食水餃之類，我即刻諗起帶佢來食＜鳳城＞點左鳳城水餃，鮑魚珍珠雞，懷舊腸粉，灌湯餃，蛋白杏仁茶鳳城水餃大大隻，原本叫1份share，另外叫其他野食，但外國朋友覺得太好食，再encore多碗先夠鮑魚珍珠雞，正如其名，真係有隻鮑魚仔響入面，d飯有好香既荷葉味，一碟得一隻，所以2個人食又要encore多隻啦懷舊腸粉，打卡一流，有架木頭車裝住d腸粉，d醬任你落，中意可以落多d灌湯餃, 第一次見灌湯餃吾係響個湯入面，原來甘先係正宗食法，用蒸籠上，職員會用碗幫你反轉甘食蛋白杏仁茶，杏仁味香濃，仲有塊自家製既杏仁餅配上杏仁茶，大滿足
繼續閱讀
往年食蛇總是去工會攪嘅聯歡會，場地通常喺會所，自2019運動和新冠後，蛇讌雖然復常，但場地大多轉去酒樓舉辦了，今年就試下幫襯鳳城的蛇宴套餐。單單評論蛇羹一味就已經不及傳統工會的質素了。鳳城蛇宴套餐只能說是小菜配合“蛇”做綽頭賣點而矣。不過，酒樓優勝之處喺環境清靜，座位濶落，招呼高檔；工會飯堂就食碟頭和品質，食氣氛和人情味。講返鳳城套餐，味道賣相中規中矩啦！最出色仍然喺鳳城的招牌甜品-蓮茸西米焗布甸。臘味糯米飯最吾掂。如果對食蛇有要求，咁就吾多建議了。題外話，商場夜市真係好靜！未夠9點已經水靜河飛，酒樓更急急收碟執枱，想坐多一陣都吾好意思阻人收舖啦！何矣夜繽紛。
繼續閱讀