影片
港鐵觀塘站 B2 出口, 步行約3分鐘
繼續閱讀
電話號碼
27741008
開飯介紹
工廈區地方大且空間感足。菜式賣相精緻，部分菜式分成小碟上菜，方便與人分享。招牌黃金鹹蛋鮮海蝦炒金邊粉，香口惹味。
繼續閱讀
特色
包場派對
附加資料
午市免加一。
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
有關獎賞計劃
觀塘駱駝漆一帶美食林立，位置又鄰近地鐵站，今次搵到間泰西融合菜餐廳 - Add Some Thai Restaurant，一入到店內既環境好舒服，完全唔會有壓迫感，餐廳既員工都非常有禮貌，食物質素都非常唔錯👍見到menu 都非常多選擇，睇睇下見到個二人餐，又頭盤又小食又串燒又主菜又蔬菜又甜品總共六樣野，夠哂豐富，於是就叫左。頭盤揀左個海蝦雜錦海鮮冬蔭功湯，雖然睇落份量唔多，但似落兩個人都飲到兩三碗，而且佢有火煲住佢，湯要夠熱先好飲。佢個冬蔭功非常比貨，絕對唔稀，夠哂濃味，而且又唔會好咸。小食同串燒叫左招牌手打蝦餅同香燒菠蘿串，蝦餅都幾大舊，菠蘿新鮮燒起，熱辣辣又夠多汁。主食叫左脆皮豬手泰皇炒飯，豬手既份量好多，個炒飯飯底色香味俱全，唔會係淡而無味既普通飯底，豬手皮脆卜卜，中意食飯同肉既必須要叫。仲要有蔬菜，叫左馬拉盞炒通菜，份量又係唔細，口味又岩哂我，有辣椒味，又唔會咸，通菜又夠脆，非常抵食。額外叫多左個香燒豬腩仔配青咖哩，仲有配蒜蓉包，豬腩仔好香口，淡淡肉，青咖哩味道幾好，夠辣，配蒜蓉包係一絕。甜品係招牌椰汁千層糕，椰味濃，千層糕有嚼口。飲品好多款選擇，叫左杯泰奶，係泰國既味道👅。最後，呢間Add Some Thai Restaurant係絕對有下次。🍽️二人套餐 $388🥘香燒豬腩仔 $118
繼續閱讀
朋友約在「Add Some Thai Restaurant」晚膳，並訂了位。二人套餐包含頭盤、小食、主菜、小炒和甜品，非常豐富。✨️ 酸辣鳳爪沙律酸酸辣辣的泰式風味，令人開胃。✨️ 椰皇椰青雞湯椰皇椰青雞湯用料足，雞肉鮮嫩，鮮甜清香。✨️ 小食： 招牌手打蝦餅、沙爹雞肉串、香燒菠蘿串、泰式素春卷招牌手打蝦餅非常美味，厚身蝦餅爽滑彈牙。沙爹雞肉串惹味。香燒菠蘿串香甜汁液豐盈。泰式素春卷酥脆不油膩。還有脆口蝦片，豐富✨️ 酥炸軟殼蟹炒黃咖喱配手抓餅兩隻炸至金黃色的軟殼蟹，酥香飽滿。泰式黃咖喱濃郁惹味，以手抓餅蘸點來吃，味道非常好。✨️ 馬拉盏炒通菜脆綠鮮嫩，香口爽脆。✨️ 小食原來朋友知道於Open Rice 在「Add Some Thai Restaurant」訂座，可以$1優惠價格享用小食一份。泰式魚餅、雞翼和泰式素春卷，真的不錯。✨️ 芒果糯米飯配是日雪糕 (2人份)口感軟糯的糯米飯配上椰奶，加上味道香甜的芒果，還有椰味濃郁的椰子雪糕，大滿足。🥥 椰青大大個的椰青 椰青水甘甜可口，椰肉滑溜
繼續閱讀
講咗成年嘅約會，呢晚終於成事🥳 撞正係朋友仔嘅生日週，梗係要搵啲特別啲嘅菜式同佢賀壽😉 不過考慮到佢對食物獨有嘅喜好，真係有啲頭痕😅 好在我仲記得佢之前提過鍾意食咖喱，咁啱早排幫襯過 #駱駝漆大廈 樓上一間 #泰菜館 Add Some Thai Restaurant，覺得佢嘅食物質素同服務都唔錯，一於帶佢再嚟encore😉餐廳嘅裝飾以木色為主調，天花上掛滿迷你 #天燈，加埋掛喺牆上嘅一閃一閃嘅燈飾，加添一份溫暖感💗 呢晚我哋揀咗個二人套餐，食物都幾豐富㗎🤤頭盤🐤 #酸辣鳳爪沙律 - 酸酸辣辣嘅口味，加埋啲醃製過嘅配菜一齊食，零舍醒胃🥥 #椰皇椰青雞湯 - 飲落口有浸椰子清香，味道都唔錯小食🐤 #一支骨雞翼 - 香脆得嚟非常惹味，搞到我哋要追加先至夠喉🍤 #手打蝦餅 - 啖啖肉，口感大滿足🫔 #泰式素春卷 - 完全冇油膩嘅感覺，咬落口都幾鬆化🐮 #牛柳粒串 - 加埋啲特製醬料上面，有少少微辣都幾香口主菜🦀 #酥炸軟殼蟹炒黃咖喱 - 黃咖喱味道好香，又唔會太辣🤤 除咗主角軟殼蟹，鍋入邊仲有好多蔬菜同薯仔，用嚟撈白飯或者手抓餅就啱晒🌮 配 #手抓餅 - 細細塊又唔會太厚身，啱晒唔食澱粉又咩都想試吓嘅我😉小炒🥬 #馬拉盞炒豆苗 - 朋友仔覺得味道比較濃，但係我就覺得用馬拉盞炒菜夠晒惹味飲品🍹 #西貢少女 - 充滿薄荷香氣，夠晒清新🧋 #泰式奶蓋奶茶 - 茶味香濃，配上濃厚嘅奶蓋，特別滋味甜品🥭 #芒果糯米飯 配 #椰子雪糕 - 冇諗過冬天啲芒果都可以咁清甜，而加咗奶喺面嘅糯米飯入口特別香滑😉 而值得一讚係個雪糕，充滿椰子同奶香，入口夠晒香滑一直話要減肥嘅我，食完呢餐真係破晒界😅 不過美食當前，又點忍得住口😅😅 #小秘書 個減肥計劃… 唯有再順延一日啦🤭🤭📍 Add Some Thai Restaurant (觀塘) 開源道62號駱駝漆大廈第一座9樓D室
繼續閱讀
位於觀塘既呢間泰國餐廳，都開業咗好幾年，上一次去都已經好幾年前啦~今日出開觀塘，見到佢地仍然營業，當然要去試下啦~雖然係平日夜晚，但係座位都有八成滿，不過座位間留有幾多空位，唔會感到焗促。因為實在太耐無黎過啦，而家menu同印象中既都有出入，感覺多咗好多選擇，所以今次叫既都係未試過既菜式~甘柚炸魷魚鬚魷魚沙律呢個沙律有d雞肋，唔係話佢唔好食，而係佢唔夠其他菜式吸引~ 柚子汁帶微酸，食落好開胃。魷魚略嫌唔夠鬆脆，同埋沙律只有生菜，如果加多少少其他配料會更好。白雪鮮蜆椰子雞湯呢個湯真係。好。大。煲! 放低果陣唔覺，但飲落真係好多，我地有四個人，一個人起碼可以飲到三碗! 佢個湯好甜，飲落仲食到粒粒椰青，加埋卜卜蜆同菇類，真係好豐富，係會encore既菜式!招牌火山骨又係一道足料既菜! 睇相可能唔覺，但係佢其實有成十條骨咁多! 真係少d人食都唔得XD 佢個湯汁雖然充滿莞茜，但唔會有臭味，唔鍾意莞茜既朋友都唔怕。上湯浸豆苗呢個係一個正常發揮既菜式，無咩特別~甜品拼盤一上菜忍唔住「嘩」咗一聲，因為真係好浮誇XD唔講以為係afternoon tea! 諗住影相靚d所以無叫後上，結果有d後悔，因為原來佢有兩球雪糕! 結果要一路食主菜一路食雪糕lol西式甜品似係交貨既，味道可接受，反而要讚既係糯米飯同椰汁糕!糯米飯有四個味，其中綠色斑蘭味真係好香，而且好chewy，正! 椰汁糕帶微暖，煙韌度啱啱好，值得推介!蝶豆花奶蓋、蝶豆花梳打我地叫咗兩杯蝶豆花特飲share飲，蝶豆花奶蓋好香奶味，不過就有啲飽肚，如果想要清新啲嘅話，就要叫蝶豆花梳打啦！因為佢酸酸甜甜好解膩～
繼續閱讀
為慶祝我呢個黃面婆成為母親第8年，AST 特別安排左呢個泰式母親節飯俾我嘆下～首先叫咗個白雪鮮蜆椰子雞湯，真係好多蜆，青口同菇菇。阿女食到舔舔脷。跟住有個冰火蝦多士！脆卜卜嘅蝦多士上面有椰子雪糕呢個擺到明又係小朋友嘅最愛！我今日嘅重頭戲終於嚟啦！就係招牌火山排骨啦！平時食火山排骨呢就用豬骨嚟煮嘅，有時呢都會有鞋鞋哋嘅肉。今次呢間就用咗豬肋排，成條骨呢都超滑啖啖肉。配合埋個汁酸酸辣辣，仲咁多芫荽，真係好正啊！大癲！真係好啱我呢啲芫荽控去食呀！呢個火山排骨阿女就食唔到啦。不過唔緊要，我叫咗椰香墨魚汁軟殼蟹意粉俾佢。隻軟殼蟹脆到呢～ 阿女唔肯分俾我同爸爸食！佢一個人霸晒！食到超級飽啊佢仲包埋個特別版母親節甜品呀又睇得又食得，掂呀！所以嘢食嘢飲都睇得又食得～ 感恩☺️
繼續閱讀