Cafe Tolo (已結業)

NEVER TRY THIS WHEN YOU VISIT CAFE TOLO IN CUHK!!!!! 🙅🏻 Their waffles and other desserts may be good, but this iced green tea latte was a HUGE letdown.  I didn't expect the drink to be mixed poorly - you can still taste the green tea powder, alongside with some syrup. It was like a hit of way too sweet, and then the disgusting taste of powder.  Extremely disappointed, and I hope they can change the recipe, or at least, MIX WELL BEFORE SERVING CUSTOMERS!!!!! 

讀大學時中大的餐廳質素低學生無什麼好選擇是人所並知的事，畢業後多年聽聞現在新書院開了很多餐廳都不錯，便和朋友回母校一趙。來到和聲書院的Café Tolo，第一個反應是: 個景好靚! 在餐廳對出的平台找到位，由於吃過午餐不久，和朋友只點了一份窩夫淺嘗一下。窩夫賣相說不上做得很好，但吃下去外脆內軟，配以香滑的movenpick 雪糕，水準不俗。另外再點了一杯泡沫咖啡，雖然只是自動咖啡機的出品，但咖啡味夠香濃，比一般連鎖咖啡店出色。邊眺望吐露港的景色邊悠閒地享受美食，寫意非常。

今日放假, 好耐冇去影相, 之前又有同事推介話中文大學入面有間CAFE 食窩夫又抵又好味, 所以我地今日入左去影相兼食甜品....我地搭火車去到大學站, 再轉佢地既校巴入去每個唔同既書院, 真係好轉接, 加上天氣又熱, 其實去到都已經冇乜胃口, 所以食甜品係最啱...哈....餐廳外面可以望到吐露港公路, 外面亦有位坐, 可惜天氣真係太熱, 我地都係選擇坐入面嘆下冷氣甜品都有好多款, 例如: 芝士蛋糕, 心太軟, 窩夫, 香蕉船.....仲有啲三文治添...我地叫左個甜蜜蜜窩夫, 雪糕味道只可以楝: 雲尼拿, 士多啤梨, 朱古力, 佢其實仲有好多款雪糕味, 可惜個啲要另外俾錢買....野飲叫左: Mocha Smoothie, Pineapple Citron Soda....個窩夫即整, 等左大約15分鐘到就有啦...焗得外脆內軟, 唔錯, 咁既價錢, 係出面就係搵唔到, 完全係抵食之選, 杯 Smoothie 就麻麻, 唔夠朱古力味, 又唔多覺得有啡味, 另一杯菠蘿柚子梳打都還可以, 唔太甜, 係咁熱既天氣下飲, 完全夠晒解渴....

喺中大食lunch，唔想頹食既話，我地通常會去和聲餐廳或者cafe，去餐廳歎漢堡，或者去cafe食窩夫同雪糕，一邊食野，一邊歎海景，吹下水，好hea，好寫意。趁前幾日得閒，我地就到和聲cafe食tea，今次我地就試左花型窩夫配一球雪糕，雪糕可以揀朱古力味、呍呢嗱味或者士多啤梨味，我地揀左士多啤梨味。cafe係即叫即整，叫左野食俾埋錢之後就會俾部機你，整好之後部機就會震，提你去攞野食。今次我地等左10至15分鐘就有得食。左上角嗰杯係朱古力醬，而窩夫面有幾款生果，有士多啤梨、桃、藍莓同火龍果，上面擺一球雪糕，再攦啲糖霜，成個畫面好靚。影左相，跟住就即刻試雪糕。Cafe用既係movenpick 既雪糕，雪糕入面有一粒粒果肉，仲食到士多啤梨既甜味同酸味，好啱我地口味。試完雪糕之後，跟住就開始食窩夫。切落都feel到窩夫面脆脆地，跟住有啲彈性，係我鐘意嗰種質感。用叉𢳂一啖雪糕，拮一舊生果，再拮切左既窩夫，一啖擺入口，一齊食好夾。食到一半先醒起有朱古力醬，今次我地唔淋朱古力醬喺窩夫面到，我地當啲醬係dip sauce，將窩夫切到啱啱好擺得入個杯，就咁點黎食，朱古力醬好香好濃，配埋窩夫食甜度啱啱好。

黎cafe tolo食，至少有大半係食個景。在露台之上，向下俯瞰盡是青山，還可觀吐露港景色，中大的清新空氣，山水美景，只有這裡可以咖啡甜品匹配，兩全其美。倘若是清晨下午來便是如此，但一般人當然不知此處夜景更佳。晚上時，露台上的桌子會擺上熒光燈，發出迷幻朦朧的彩光，既有氣氛，又不刺眼，比燭光更佳，更別提露台下遠遠的燈火海景簇擁，長夜燈火，剪影輪廓，浪漫醉人，莫過於此。與景相比，食物就不那麼重要了，老實講，這裡的甜品，除了心太軟，雪糕，及咖啡質素不錯外，其餘窩夫等，水準都較一般。但絕世靚景搭救，冇得輸。

說到早前於和聲滬軒晚飯後，沒有吃那裡的甜品，其實，因為我們早已決定將甜品位置預留給 Cafe Tolo，最愛這裡選用的是瑞士 Movenpick 雪糕，而且價錢非常實惠。飯後來杯 Affogato，感覺實在很不錯，而且價錢只需 $38，超值之選，雪糕當然是雲呢嗱口味的，將咖啡倒入冰凍的雪糕面，待咖啡差不多完全融入於雪糕之時，即時吃一口，呍呢嗱雪糕的溫婉香甜，配著濃縮咖啡的強烈苦澀，冷熱甜苦，口感層次豐富，實在令人回味，碟旁伴著的迷你馬卡龍，小巧精緻又美味。 朋友點了心太軟配雪糕，新鮮烤焗，需時20分鐘，雪糕選了士多啤梨口味，甜度適中，內裏夾著粒粒士多啤梨菓肉，而朱古力心太軟蛋糕，啖啖甘香，口感輕盈，值得一試。 另外，我們還點了檸檬撻，質感纖細，批底鬆軟，味道酸中帶甜，十分醒胃的飯後甜品。 飽餐過後，往室外茶座再歇一會，欣賞一下吐露港的夜裡景致，這個飯後餘興，實在令人滿心歡喜。

是日天晴，又見到網上話中大紅葉正盛，睇完紅葉就順道去和聲既tolo cafe試下佢享負盛名既窩夫和聲書院並不近火車站，是要搭校巴去到近聯合宿舍同逸夫書院位置落車，交通不便。雖然交通轉折，但tolo cafe同書院一樣面向吐露港。顧客怕大風可以係餐廳入面，想睇景可以係露枱坐。tolo cafe可能因為 target 學生,甜品價錢相宜， 最出名既窩夫就38蚊，當然要叫一個試下！！仲有叫左個甜蜜組合，有埋cake同咖啡飲，都係50大洋。窩夫配朱古力雪糕即叫即制，要等耐少少。窩夫有四塊，上面淋上朱古力醬，隔離有movenpick朱古力同生果相配。窩夫咬落脆口，加埋雪糕，好味道！甜蜜組合佢有有自家制macaron雪糕，藍莓芝士蛋糕同movenpick咖啡。我覺得呢個甜品有驚喜雪糕就係雲呢拿，movenpick 雪糕好味道就不在話下。配上自家制既草莓macaron，不錯！係細粒左少少。哈哈。。而佢個cheese cake都好濃芝士味，上面又有一層藍莓醬。怕雪糕蛋糕甜的可以一邊吃一邊飲杯苦苦的咖啡。中和返下一邊嘆茶，一邊看海景看到黃昏。小妹心裡非常羨慕和聲宿生

打著movenpick 的旗號，期待著休閒地食一餐甜品，但換來的是荒謬的感覺。我問一個的女店員，麻煩可否清潔枱面，她回答說：沒有這服務，要不你換另一張。我留意到她們並不是很忙，空閒時間只顧自己在吃東西。服務差過很多茶餐廳，建議非逼不得已不要來，又不是特別便宜好吃。雪榚是一般movenpick 的朱古力雪榚。格仔餅唔熱，較軟身，口感不佳。生果不太新鮮，味道像放了很久的生果。

去開中大，當然想試下聽人講開咗o係和聲的CAFE TOLO啦，賣點係Movenpick雪糕同相相關甜品。我本身係好鍾意食窩夫既人，所以見到有都即刻點咗，不過都幾令人失望咖，因為等咗20分鐘先有得食的窩夫竟然唔脆唔鬆，感覺只係林林地的粉狀物體 認真麻麻地呀~旁邊生果係粒狀，西瓜算甜，但份量唔夠，又細粒，應該比多D。至於Movenpick雪糕部分，呢個set可以揀士多啤梨/朱古力/呍呢嗱，我就揀咗呍呢嗱雪糕，不過舊雪糕唔夠雪得凍，拎出黎個陣已經係溶溶地咁，個味道就平時Movenpick雪糕咁，夠甜同夠香。如果可以夠實正，口感就會好好多。總括而言，冇預期咁好食，所以係令人失望咖!

朕同兩個隨從試完和聲小龍包，諗住去食個甜點，聽人講和聲窩夫同樣出色，還掂山長水又遠入到中文大學既和聲書院，就梗係試埋啦！朕就試左心太軟加雪糕，同埋雪糕窩夫。雪糕窩夫，Movenpick雪糕，Vanilla雪糕仲有埋Vanilla籽，無得輸，窩夫即整，香脆外層，裏面實在，果然名不虛傳。心太軟加雪糕，需時大約二十分鐘，心太軟像活火山，一拮即爆，配埋Movenpick雪糕，盛惠42個$大洋$。讚讚讚讚讚！！！－－－－－完－－－－－

本人不是中大人啦~某日同中大嘅朋友傾開偈，冇啦啦講講下極力推介左我要必食下佢地中大嘅"和聲窩夫"，好味都要比十個讚，仲要雖然已經食過3，4次，但話又想再食，仲話食極都唔會厭! 佢講個窩夫40幾蚊有3件，仲要係用Movenpick雪糕! 果一下，我當堂兩眼閃閃發光♡♡ 嘩!嘩!嘩! 40幾蚊仲係有Movenpick雪糕供應! Tolo Cafe位置差不多係山頂，個日因夜晚7點幾，大家都好肚餓，一落左校巴即時好快跟住兩個中大friend子就入左室內，都無機會了解出面環境(P.S.事後先知原來個度欣賞美景一流，本人miss左咁好嘅機會 )  香蕉船 & 窩夫配Movenpick Vanilla雪糕首先我地第一時間係試友人極力推介嘅"和聲窩夫"先~ 因佢係即叫即做，上碟時已經好熱辣辣，香噴噴，食落香軟結實，不是好冧個種，又不是硬到似石頭，完全剛剛好! 最重要係食落好香蛋味，配埋Movenpick Vanilla雪糕一齊食，完全無得輸，要比十個讚!!!  但窩夫旁邊有水果顆，原意係解一解甜，比你有fresh嘅感覺，但D水果太少同太細顆，可以大返少少，同放得好返少少，咁整體感覺就可以再

今日好有閒情逸致，同親友去咗中文大學欣賞地靈人傑的湖光山景色。親友帶咗我哋去山上一間cafe食雪糕，叫Cafe Tolo，位於和聲書院，都幾隱世(揸車上去沿途均沒有路牌指示)，可先跟聯合書院的路牌指示，見到聯合書院再繼續向左邊山上前進(如果我冇記錯的話)便可去到。到達Cafe Tolo後果然別有一番光景，吐露港景色盡入眼簾，令人心曠神怡。小鬼們最愛的香蕉船:心太軟:這裏用的是Movenpick雪糕, 價錢相宜, 講真, 香蕉船和心太軟這兩款甜品好難失手整得唔好食, Cafe Tolo這裏的甜品都OK, 雖然香蕉船的waffle不是新鮮即烘的香脆格仔餅, 但香蕉加雪糕加忌廉和朱古力醬的配搭, 總算滿足了小鬼們的要求, 面頭還有幾粒美祿可可球，盡收畫龍點睛之效，令他們吃得份外開心。心太軟做到外脆內暖的基本流心效果，再加西瓜藍莓等生果點綴，令整個甜品不會太甜膩。在隱世的環境中, 嚐一口雪糕, 呷一口熱茶, 和家人一起, 拋開世俗煩囂, 過了一個非常悠閒的下午.

中大學生想喺campus搵甜品, 除左可以食froyo之外, 一定唔可以唔試和聲既cafe tolo個次我地一行差唔多十個人去和聲食甜品，叫左個朱古力火鍋, 雪糕厚多士同埋個窩夫朱古力火鍋既朱古力甜左少少, 所以蓋過本身啲水果既味, 有啲似就甘食啲朱古力醬個厚多士出黎又熱又脆, 同啲雪糕既質地完完全全成反比夾埋一齊食好正個窩夫同平時啲cafe唔同, 中間冇花生醬果類既野, 有少少失望但係夠晒鬆化, 加番分比起出面既cafe確實比較失色，但作為係大學既cafe，呢間真心無得輸，仲要比出面平唔少，對於窮苦學生真係好抵食！

眾志堂10蚊頹飯就系中大canteen嘅鎮山之寶？即使未能超越，和聲書院Cafe Tolo嘅名氣絕對與頹飯有得fight!自大學站步行約分鐘，你便會到達背山面......山（笑）嘅和聲書院。落一層樓梯，系你嘅右面，Cafe Tolo就靜靜的躺在一角，為到此一遊嘅你炮製甜品。先不提甜品嘅味道，單是Cafe Tolo露天茶座嘅翠綠山景就已經值回票價。望望餐牌，不論是香蕉船或是連雪糕的窩夫套餐，也不過是$30-$40，在此山此水下，顯得非常划算。筆者今天就點了提拉米蘇+拿鐵+比利時巧克力碎雪糕套餐（$45)。淺嚐一下拿鐵，味道香濃。值得一提嘅系店家在端上咖啡前會幫你把咖啡杯加熱，確保咖啡溫度，這顯得店家對食物嘅態度！提拉米蘇味一流，香濃而不甜膩，不過分量少了點(被打）。比利時巧克力碎雪糕與一般雪糕店售賣嘅有著天淵之別--比利時巧克力碎濃郁，巧克力雪糕用高奶脂嘅牛奶製作而成，分外濃厚。順帶一提，如持有和聲卡可享有折扣！

作為中大學生，食Cafe tolo做Tea是常識吧 :0)有日我帶咗媽媽同阿哥嚟參觀中大，食完CC staff can做lunch就帶咗佢地嚟食cafe tolo ;D作為中大入面難得嘅甜品餐廳，仲要用movenpick雪糕真係無得輸！仲要嗰日有阿媽埋單～叫咗個梳乎厘同香蕉船，加埋一百蚊到，質素係有保證嘅梳乎厘十分出色，上桌的時候熱騰騰的，內裏十分鬆軟，甜度適中，賣相也十分漂亮。梳乎厘旁邊配上新鮮水果和水果，把3者一起放入口，冷熱在口裏融在一起的感覺十分新奇！香蕉船也弄得不錯，除用上movenpick雪糕外，伴碟的威化也十分鬆脆，不果若配上更多配料的話應該會令香蕉船更有驚喜，現在的香蕉船比起其他甜品店的並沒有比較特別唯一一點要彈就係等咗幾耐吓，搞到我最未要仆落山開會 但Cafe tolo出面個view真係好正！