Chatterbox Express

營業中

休息中

Chatterbox 嚟咗香港咁耐 , 遲遲都未有機會食 😆今日終於黎試吓鼎鼎大名嘅海南雞飯 !!餐牌 :呢度係自助形式 , 喺收銀處落單 , 然後搵個位坐低 , 店員就會送上食物 , 非常方便 !! 座位闊落 , 環境光猛 ! 等咗一陣嘢食就送到喇 👍👍文華海南雞飯 ($102)雞嘅份量都幾多 , 唔會太肥 , 幾有雞味 , 幾滑 😋 點埋三色醬冇得輸 ~ 雞油飯唔會太油 , 有淡淡的雞油香味 , 粒粒分明唔會太濕 ! 雞湯入邊有豆腐同椰菜絲 , 口感豐富 , 唔會太鹹 ! 👍新加坡炒飯 ($94)坐喺度嘅時候聽到廚房嘅爐火聲音 🔥🔥出到嚟果然個炒飯係好香好夠鑊氣 !! 味道係微辣 , 又帶少少甜甜味 ! 個飯用左雞肉 , 蝦同蛋去炒 ~ 面頭仲脆卜卜嘅蝦片 ! 🤗🤗牛肉沙嗲 (2 串) (+$34)沙嗲好惹味 , 唔太辣 ~ 青檸梳打 (+$20)好大杯 😆😆 勁抵飲 ! 唔太甜 !!整體黎講 , 海南雞飯真係唔錯 , 就算唔係招牌菜嘅鑊氣系列都好有驚喜 !! 推介大家嚟試吓 🤗

在周邊都是貴價食肆, 竟有間味道不錯且又極具星加坡風味的獲獎快餐店, 更因地利, 做埋附近寫字樓達人的生意, 所以人流興旺, 今次要了個新加坡米芝蓮推介的招牌二食, 包括迷你担担湯麵和迷你文華海南雞飯, 還配了個清雞豆腐菜絲湯。整體湯麵和海南雞都頗有水準。友人更叫了個招牌大蝦喇沙, 真係超好味除了3隻大蝦更有厚切魚餅、水煮蛋和濃味腐皮, 簡直食不停口 , 所以加碼試多個咖喱朱肋骨配薄餅也很有南洋風味, 再配埋特色凍涼粉豆漿和青檸梳打, 配合埋這頓美味餐點可謂錦上添花。

並非住此區, 不過專登慕名過來捧場, 平日晚上入座率也有八成滿, 而且看似大部分都不是街坊, 反而覺得是附近商業大廈的辦公一族, 不知是剛下班還是食完這個快餐又再回辦公室繼續努力的樣子, 說回他的食物, 實在選擇也頗多, 當然必試他的獲獎海南雞(肉質合格)、擔擔麵(頗香), 還有星加坡的地道大蝦喇沙(最好味和彈牙大蝦和魚肉片)和串燒名物(牛肉畧嫌太細碎), 每個餐也可以優惠價搭配一個小食(素春卷好正) , 飯後甜品的椰子咖央三文治(幾有趣) o

「期間限定」⭐️招牌二食，一次試兩款唔同主食，啱晒心大心細嘅朋友😆✨迷你麻婆豆腐丼 $98✨ 迷你擔擔湯麵🍜 配可樂麻婆豆腐香滑味濃，入口微辣惹味，送飯一流！擔擔麵湯底醇厚濃郁🤤鹹香惹味！麵條掛滿濃湯，口感滿分💯✨海南雞飯 $102✨可以加$10轉雞髀肉熱美祿恐龍 +$16 味道香濃雞肉味道濃郁，口感緊實嫩滑，而且冇骨啖啖肉，最方便！✨黑醬油炒蘿蔔糕 $34✨炒蘿蔔糕入口軟滑，加上黑醬油調味，食落鮮甜鮮甜

嚟自新加坡文華大酒店嘅國際知名傳奇海南雞餐廳品牌Chatterbox，聽就聽過好多次呢間過江龍，但今次都係第一次食🤔不過今次見到佢哋同「陳」合作推出期間限定菜式，「陳」係新加坡米芝蓮主打中華料理嘅餐廳，想試下呢嗰擔擔撈麵😆 因為兩嗰人share食，加咗蒜茸炒生菜 +$19、+牛肉沙嗲4串+$68嗰撈麵有啲辣🙈 不過好惹味，鍾意食擔擔麵嘅朋友真係值得試吓😍 佢個生菜看似普通，但係炒得都幾好食，牛肉沙嗲串燒都唔錯！最緊要佢真係做到Express，佢好快上到碟✌🏻 如果返工嘅lunch Time嚟講呢樣好緊要💁🏻‍♀️

同同事食lunch，同事同我講太古呢間係港島唯一一間嘅chatterbox🤔 見嗰二人滋味套餐嘅價錢有啲少貴，但又好似好豐富，所以最後都係底唔住誘惑🤣 二人套餐有一個小食、兩個主菜、兩杯雪糕同飲品🥤咸蛋黃雞翼可以話係必食‼️ 仲有就係喇沙，佢呢度嗰(炸豬扒喇沙)喇沙湯底好濃郁，又足料😝(利申我今次係第一次喇沙)文華海南雞飯 - 係無骨海南雞，用慢煮形式烹調，所以食落會好嫩嗰甜品椰子雪糕同雲呢拿雪糕🍦都好特別，尤其係椰子🥥佢唔止有椰絲，好似有椰子肉咁，好香！

這是一間新加坡文華酒店旗下的餐廳，在太古城附近，用QR code下單，點菜方便，經典味道令人回味😋❇️星洲海鮮炒貴刁🦐 $98端上來時聞到令人垂涎的香氣，令我們食指大動，迫不及待品嚐，炒得味道鹹香有鑊氣，這道菜烹飪的出色，十分推介👍🏻👍🏻❇️擔擔麵🍜 $92接著朋友order的擔擔麵也來了，Menu上寫這是期間限定菜式，這麼特別當然要試一試啦！和平常吃的擔擔麵不同，湯底偏酸和辣，肉碎大大粒有口感，十分有特色。❇️椰子冰茶+$16有椰子汁可以由顧客自行加入，口味偏甜❇️椰子雪糕咖央三明治🥪 +$32這個好吃！麵包烘的脆脆的，帶上椰子雪糕的清新椰子味，用甜品完滿的結束今日的晚餐❤️❇️環境：

今日嚟到太古城，上網搵到Chatterbox Express！餐廳係屋苑中間，幾喜歡佢呢度裝修好光猛、枱夠大，店員又有禮貌，令我地坐得同食得都好舒服，都可以坐一陣傾下計。落單後有號碼機提示，店員會送餐到桌上，仲有coupon送！今次食左文華海南雞飯 - 無骨雞肉皮香肉嫩！配埋三款醬料同埋雞油飯。真係好惹味，仲有碗豆腐雞湯送，清清地好夾。另外叫左星洲海鮮炒貴刁 - 用料十足，味道比較濃，貴刁炒得好乾身都好好。飲品方面揀左國寶茶，是公平貿易（Fair Trade)，當然要支持一下！

之前去尖沙咀行為都成日經過以間新加坡海南雞飯專門店。每次見到都好多人排隊，所以今日去朋友屋企聚會時，點知佢話佢屋企附近都有依間餐廳，所以我地去一探究竟😗文華海南雞飯+$10 升級至雞髀必須升級雞髀🌟如果唔加錢我驚冇肉食😆雞髀肉好嫩滑、油飯好香，而我鍾意黑醬油點雞肉食。叫套餐仲包咗一碗Mini豆腐湯👍🏻星洲海鮮炒貴刁海鮮好豐富，有三隻大蝦、魷魚🦑蝦乾，而味道方面就係用黑醬油炒貴刁，類類似我哋香港嘅乾炒牛河🤣炸素春卷新鮮熱辣，點上泰式辣醬好好味😋

Chatterbox Express餐廳裝修簡約以米色和綠色木係為主調,坐位寬闊,坐得舒服,餐廳主打星加坡菜,海南雞飯最出色,還有多款喇沙排骨茶供客人選擇,餐廳以購票付款自助式快餐,服務員用好友善態度將食物送到客人面前.餐廳位於港島太古太裕路7號建安閣地下。星洲海鮮炒貴刁炒貴刁配料有海蝦,銀魚乾,臘腸,蛋碎,芫茜,韭菜,洋蔥,魷魚鬚和椰菜絲,賠了非常豐富,廚師將貴刁炒到焦香,越食越惹味。星洲海南炸豬扒配香米飯豬扒飯配料青瓜,車厘茄,洋蔥和青豆,豬扒份量都不少,豬扒食落鬆化夠入味,香米飯食落軟糯。甜品椰子雪糕椰子雪糕食落有椰絲嘅口感,好有椰子味。飲品有熱石榴有機綠茶和熱咖啡。

新加坡過江龍愈開愈多分店🇸🇬😌身為新加坡米芝蓮指南必比登推介尖沙咀K11 Musea果間成日都大排長龍原來太古都開咗一間express版～一樣咁高質近期仲推出咗招牌兩食～一次過滿足兩個心癮 選擇困難症啱晒迷你擔擔湯麵配迷你文華海南雞飯海南雞飯嘅海南雞已經去咗骨雞肉好嫩滑 香茅飯香口得來，一啲都唔會油膩擔擔麵充滿着花生香 而且肉燥亦都炒得好香口麵條亦都好掛湯 另外當然要大蝦喇沙啦～喇沙嘅面底用咗米線 配埋濃郁帶蝦味同椰香嘅喇沙湯簡直有一啖一啖食落去嘅衝動喇沙仲配有魚片、豆卜、雞蛋、白魚蛋一碗麵有咁多配料勁開心🥳仲配咗個沙嗲牛肉串～牛肉串烤得好香口～配埋秘製沙嗲醬食一流！

太古馳名海南雞飯與「陳」合作推出期間限定菜式, 「陳」是新加坡米芝蓮必比登推介的餐廳，主打中華料理✅招牌二食 $98迷你麻婆豆腐丼，醬汁好好送飯，迷你版試食份量岩岩好迷你擔擔拌麵，拌麵比想像中辣，幾有驚喜✅文華海南雞飯 $102招牌菜keep到水準，海南雞好淋又有唔會太肥，而且有啫喱位好好食。三款醬料都好送飯，鍾意醬油唔會好咸又好香，雞飯好香雞油味正！✅黑醬油炒蘿蔔糕 +$34蘿蔔糕唔錯幾好食，醬油係岩岩食個個醬油嚟✅椰子雪糕 +$19好香椰子味，有少少椰絲，甜甜地唔錯喎

我又同朋友去我嘅飯堂ChatterboxExpress食飯了！招牌二食，份量較平時輕巧，但食一碗都有飽肚感。迷你擔擔湯麵，榮獲 #新加坡米芝蓮必比登 推介嘅 #招牌擔擔麵 喺 Chatterbox Express 都已經食得到！湯頭十足口味香辣，麻辣剛剛好不會過火，非常惹味，I love it 🥰 迷你文華海南雞飯，相信唔洗我講都知道雞肉有幾滑溜，油飯香氣撲鼻！豬肉沙嗲，我為咗個沙嗲醬而必點！黑醬油炒蘿蔔糕，香滑惹味，鮮蝦爽彈。椰子雪糕咖央三文治，每次最期待嘅完美畫面，一定要食喔！季節限定果茶，凍石榴有機綠茶，好清新，石榴香味十足。我朋友叫凍豆漿，濃滑不留口。

想話兩個人就點個二人套餐，一份肉骨茶麵，星洲海鮮炒貴刁，小食小棠菜，外加一份四川辣子雞，結果辣子雞硬如石頭，炸過頭，肉骨茶微溫，兩杯飲料凍檸檬薏米水壞嘅，同服務員講個肉骨茶只係暖唔熱，好好咁攞返入去，應該係再加熱，結果係熱晒嘅，不過湯入面啲麵線糊晒，by the way，味道OK。星洲海鮮炒貴刁，我以為同星洲炒米差唔多味，結果唔係，好一般。最後係甜品，椰子雪糕，要自己走問服務員上枱，都正常，等食飽再上，不過同服務員講完等左15分鐘都未有，再去問一次先上，全個套餐最正常係雪糕，no next time，盛惠$330

天氣潮濕個人冇咩胃口，突然之間好想食啲辣嘢刺激下，睇睇下不如食喇沙，就揀咗呢間新加坡菜。星洲海鮮炒貴刁份量都幾多，大蝦爽口彈牙，河粉炒得乾身，味道幾惹味，臘腸幾好食。迷你招牌蝦喇沙喇沙味道濃郁，帶少少辣味，豆卜吸收晒湯汁味道，大蝦彈牙。班蘭蛋糕配椰子雪糕班蘭蛋糕口感鬆軟，椰子雪糕味道香濃。鹹蛋黃雞翼雞翼即叫即炸，炸到外脆內多汁，鹹蛋黃好惹味。凍美祿恐龍美祿上面放滿美祿波波，味道香濃，美祿波波香脆可口。