Chill and Grill

營業中

休息中

🐻今日帶左班㦸🐱出城，老遠去左堅尼地城Chill & Grill,餐廳好靚好colourful, 戶外座位又可以帶毛孩，順便行埋堅尼地城海徬同班㦸🐱影下相，竉物餐廳唔算多，靚又好食附近又有打卡位真係小之有小🐻Santa Monica Salad 牛油果鮮蝦配乳酪水耕菜，個沙律嚟到見到個牛油果原個上咁特別，切開先知原來入面有鮮蝦，就明白點解佢叫做Santa🎅,個下真係好似開左出奇蛋咁，好驚喜😆🐻意粉叫左Golden Crab Yolk Spaghetti, 蟹黃同意粉比例岩岩好，唔會太多又唔會覺得唔夠，我最驚就係汁唔夠撈😹，意粉texture 彈牙Al dente👍🏽🐻甜品叫左Tiramisu, 黎到見到嘩咁靚既，我唔係叫左Tiramisu咩，黎到成幅畫咁畫到好靚，又好食，如果唔係🐻👨🏽叫停我，我諗住叫多份食，因為唔想同佢share🫠🐻對我地新界人黎講唔算近，但今次出去我地都覺得好值得，反而上次去南豐鈔廠更加覺得後悔🥸

放假入西環覓食，去完西環海旁睇狗睇日落🌇之後，就黎呢間餐廳食飯。認識佢係源自大叔的愛，數數手指呢套劇集都播畢一段時間，但餐廳卻人氣不減，甚至更勝從前。.7點多來到，偌大的場地幾乎飽滿，雖說人多，但桌與桌之前的空位還是足夠，不會有太逼的感覺，不得不是這裡的老闆品味確實很好，大自餐廳的各種裝潢，細自餐廳的餐具椅子等，全部都好精緻。.睇完餐牌叫了：柚子檸檬腌鰤魚片$148蘋果蟹肉沙律$138烤豬肋排$278蟹肉牛油果🥑燉飯$188芒果拿破崙$88.兩款前菜腌鰤魚片同蟹肉沙律味道都好清新。鰤魚刺身非常厚切，入口軟嫩鮮甜。蘋果蟹肉沙律就造型好有特色，食落爽口清甜，搭配佢地低甜清爽嘅cocktail “APEROL SPRITZ“ 好夾。.主食方面，烤豬肋骨整體不錯，肉質扎實富肉P ok香，睇得出係用靚肉，醬汁濃而不膩口，而且份量都幾多，可以夠2-3人分享，性價比幾好。蟹肉牛油果燉飯就好creamy，味道調配恰到好處，綠色的一片非常吸睛。.最後臨走之前食咗佢哋嘅芒果拿破崙甜品，外皮好酥脆，奶油夠挺身，加上芒果嘅配襯，甜而不膩。～～～Chill and Grill 西環堅尼地城加多近街57號地舖

📍Chill and Grill 🔍西環堅尼地城加多近街57號地舖-----如果要我揀我最喜愛的港島地方，就一定係非堅尼地城莫屬。可以眺望青馬大橋嘅恬靜海邊，加上越來越多優質餐廳進駐，要Chill有Chill，要美食有美食，我最中意嘅兩樣野都有齊曬。臨近聖誕🎄，喺眾多餐廳之中，揀選咗呢間最有聖誕氣氛嘅餐廳作為週五晚餐落腳點。巨型嘅聖誕樹擺放於靠近門口位置，加上場內大量嘅亮麗聖誕裝飾，氣氛值Max!🐟HAMACHI CEVICHE ($148):油甘魚鮮嫩非常，片片厚切但沒有半點魚腥味，加上酸甜醬汁，雖然沒有我平日最愛落嘅wasabi，但卻依然感覺好夠味又醒胃。🍏HARUKA APPLE CRAB SALAD ($138):貌相非常精緻嘅沙律。將新鮮蘋果切成迴旋狀，再加入大量蟹肉同沙律菜同紫洋蔥粒等，口感脆爽清新，蘋果的甜味和蟹肉的鮮味相互融合，整體有新鮮感得黎，係好食。🦀CRAB MEAT & AVOCADO RISOTTO ($188):同樣是蟹肉菜式，味道確實截然不同，絲絲蟹肉，粒粒晶瑩飛魚籽，再加上濃郁牛油果，入口口感滑順，濃郁Creamy中又散發淡淡鮮甜。🍖SPARE RIBS

位於西環的維多利亞風格寫意餐廳佔地七千尺，超高樓底擺設了巨型聖誕樹都仍然空間感十足，室內設計充滿歐洲風情令人猶如置身海外。食物質素色香味俱全擺盤充滿高級感，加上聖誕佈置節日感十足。在這裡良朋共聚，渡過完美的冬日輕奢小旅行，真心Chill🤍1️⃣ Hamachi Ceviche 148HKD2️⃣Apple Crab Salad 138HKD3️⃣Spare Ribs 278HKD4️⃣Crab Meat + Avocado Risotto 188HKD5️⃣Mango Napolean 88HKD6️⃣Pina Coladas Crush 68HKD7️⃣Irish Coffee 78HKD

$1xx有lunch set 都幾抵食可以揀salad bar 但淨係可以攞一次燒法國黃油半雞 $148 🐣 依隻黃油雞 真係不得了上次4個人share 1份 完全唔夠喉🥹今次5個人嗌咗2份雞皮燒到脆卜卜食落啖啖肉 肉質嫩滑又juicy 仲好有雞油嘅香味底下嘅薯仔都好出色🥔薯皮焗得好香脆 食落好有薯味意式海鮮意大利麵 $138 有蝦有蜆有魷魚 估唔到$138有咁多海鮮醬汁酸酸甜甜 加埋彈牙嘅意粉 唔錯唔錯鐵板虎蝦配墨西哥薄餅 $148太多我唔食嘅配料 所以no comment🫣美國頂級西冷牛扒 $188 依個最一般般 有啲乾同柴黑松露薯條 $48 薯條又香又脆又熱 再加埋黑松露醬 perfect池意大利芝士甜品 $58法式焦糖燉蛋 $58仲有85折 嗌埋小食同甜品 每人$200唔使唯一唔鍾意就係 以西餐嚟講 服務差咗啲有種被呼喝嘅感覺

第一次寫食評，第一次去這間外表光鮮、裝修美輪美奐好modern and chic,交通方便的店鋪。結果失望而回浪費金錢，絕對不會再有下次。打風後1:00pm 到達，當天我們二位女孩準備吃午餐。餐牌中的salad bar 還沒有到貨，沒有通知& 告示予客人，只將一碟手掌般大的沙律分給兩個人食。最離譜的是約40多歲，短頭髮染了灰白色的侍應粗聲粗氣，在沒有落單完成時急著離開，叫我們自己先看看再落單，完全不想服務的態度。簡直像懲教署或者海關關員的操作，好像是我們在乞求他施捨食物，十分沒有禮貌。連基本待客之道也沒有。其餘兩位侍應態度誠懇，有禮貌也有耐性。只可惜這一位侍應影響觀感，沒有必要再光顧。食物方面：份量很少，味道很一般。我們兩個人叫了 炸鱸魚及吃不飽的牛柳。鱸魚非常腥、牛柳份量極少，西餐午餐沒有奉送餐包及沒有包餐飲。結帳的時候，消費總數可以使用（每$100減$12的優惠）4張優惠卷，但灰白頭髮女侍應堅決只准我用3張優惠券。另外一張優惠卷即使過期，我也沒有打算使用，因為不想再踏進這間食完令人消化不良且令顧客一肚火的餐廳。可能如果我們用英文或者國語與之交談，結果可能會不一樣。消費要受氣的話，

堅尼地城一帶都有好多吸引嘅餐廳🍴今次嚟到Chill and Grill ☺️餐廳有好多打卡位📷地方闊落👍🏻好適合家庭聚餐👨‍👩‍👧朋友聚會👭仲設有室外座位🥰😋🐮牛肉他他好有誠意🫶🏻好好味🥳牛肉粒無筋✅配上芝麻☺️牛油果蓉🥑胡椒粒🥢加埋食他他嘅靈魂脆多士🍞真係無得輸✌🏻😋🐙燒八爪魚鬚好彈牙😆原條八爪魚燒完再切件上🐙醬汁有少少辣🔥搭配很惹味😋配菜仲有辣肉腸🍗粟米脆片🌽辣椒🌶️😋🍝卡班尼意粉個意粉份量真係好多🍝好creamy 💕每條意粉都掛滿曬醬汁🤭煙肉🥓磨菇🍄洋葱🧅每款都有👌重量級嘅係Parma ham😂真係好多好多😍食極都有🤭仲有滿滿嘅芝士🧀 😋👶🏻炸魚薯條兒童餐份量都較多👍🏻不過薯條炸得有啲燶😢炸魚有4️⃣大條😌好足夠😉😋🍰芒果拿破侖一上枱已經好吸引😉酥皮好鬆脆✅芒果好甜🥭吉士醬有埋雲呢拿籽👌又香又滑😙一個完全唔夠食😋🍫朱古力奶昔香濃朱古力🍫唔會過甜👍🏻

記得早一兩年都有特登去位於堅尼地城既Chill and Grill 食物質素同之前一樣咁有水準依度以粉紅色熱帶裝修空間感超大 環境好舒服 重有好多打卡位菜式以歐陸風情 味道高質Santa Monica Salad Golden Crab Yolk Spaghetti Tiramisu Frozen Margarita 蟹黃意粉好特別🫶🏻口感豐富近排比較熱門既其中一道菜式Chill and Grill 📍西環堅尼地城加多近街57號地舖

個黑色恤衫，直髮到肩嘅40零歲嘅女經理態度差劣！！落單要客人用app，無問題，但你個app落兩落話過時，唔俾落，叫個女經理幫手望下，佢個態度開始唔耐煩。之後成餐飯，佢d態度同面口都好趕客。最後都未叫埋單，佢過黎drop check，我哋問多兩句，佢大力放低就走左去，趕客趕到咁明顯？ 環境好，食物味道ok好，個份量好細，但收得唔平，食一個晚餐，每人落樓差唔多$500，仲要承受咁嘅服務態度，仲去？咪搞喇！

今日去到西營盤，最尾嘅位置堅尼地城附近品嚐一間除咗可以打卡影相，仲有好多特色嘅西餐廳！呢間餐廳用咗好多共生嘅原理，例如溫室中水耕菜！所有嘅食材除咗非常新鮮之外，亦都係冇咁多化學色素或者人造嘅配方唔好嘅物質！再加上有好多唔同嘅沙律配搭，啱晒鍾意食沙律嘅你！今次主要食咗兩個主菜：第一一定係要食佢哋嘅沙律！牛油果鮮蝦乳酪水耕菜沙律！呢個作為頭道菜除咗開胃之外！營養亦非常豐富！首先用咗牛油果同乳酪又豐富嘅營養之外鮮蝦亦都可以令到成個水耕菜沙律更加營養！加上又帶鮮甜；水耕菜配上乳酪，除咗開胃亦非常健康！第二道菜：必食黃金蟹黃意粉！顧名思義成個意粉都充滿着黃金色嘅蟹黃！每一啖都係蟹黃嘅味道！除咗係蟹黃控嘅你啱食之外！佢個所有嘅醬汁意粉亦都非常軟身！口感食落去冇壓力之餘仲好彈牙！特飲方面，今次叫咗熱情果Mojito莫希托！酸酸甜甜在配上梳打！再加上充滿薄荷葉清爽飲落去，除咗身津解渴，仲非常好飲！最後甜品方面，今次食比較邪惡啲嘅！意大利咖啡雪糕，拼朱古力忌廉甜薄餅：喜出望外嘅係平時都唔算太喜好食咖啡味嘅甜品！但係呢個真係值得一讚！香濃得來唔會好甜，再加上忌廉配上唔同特製嘅小餅！好食又唔會好膩！甜薄餅食

本身依間西餐喺堅尼地城都好出名嫁啦，之後拍埋《大叔的愛》就更多認識👨‍❤️‍👨地方夠曬寬敞，室內坐位好闊落，坐得舒適之餘，空間感十足☺️食物質素又高，啱曬週末過嚟Chill 一 Chill😜🦑 Grilled Octopus 燒八爪魚鬚 $168原條八爪魚鬚肉質咬感軟腍，口感爽脆彈牙有嚼勁😋配埋辣肉腸 、粟米脆片、辣椒，整體味道辛香微辣，十分惹味👍🏻🥗 Santa Monica Salad 牛油果鮮蝦配乳酪水耕菜沙律 $158十分足料，原個牛油果喺正中間🥑牛油果口感香滑順口，配以水耕沙律菜🥬新鮮鮮甜，而且用咗乳酪代替沙律醬，感覺特別健康😍🫕 Lobster Bisque 特選「真」龍蝦湯 $88龍蝦味非常濃郁，湯面仲放咗龍蝦肉🍤食落彈牙爽口，好鮮味！🍖 Pork Tomahawk 西班牙斧頭豬 $288斧頭豬扒肉質厚嫩又充滿脂香🤤一啲都唔油膩，咬落去仲有肉汁好juicy💦🍛 Crab Meat, Avocado Risotto 蟹肉牛油果意大利飯 $188依個意大利飯基本上必嗌！淡淡既淺綠色就係將牛油果打碎Mix埋飯粒🥑就咁食已經好好creamy👍🏼再配埋蟹肉🦀同三文魚籽🫧撈勻一齊食，多重

西環開了好多特色cafe又大環境又靚，仲有好多打咭位！朋友仔推介「大叔的愛」取景餐廳,原來有7000尺,入到去果然冇失望！🥰👍食物方面也具水準,包括有：黃金蟹皇意粉⭐足料，入口啖啖鮮黃色蟹皇好吸引，令人回味無窮！牛油果鮮蝦配水耕菜沙律⭐ 沙律用水耕菜、內有蝦、牛油果同西柚,加上沙律汁,少少酸,十分開胃！ 帶子墨魚意大利飯⭐大家也讚賞！鮮味滲入飯中,令人食不停口！Chill and Grill西環堅尼地城加多近街57號地舖

菜式沙律，牛油果半塊上.完全難食得落.蟹醬意粉又硬又叫左頂極$1088牛扒叫七成熟，整碟見血，三個小朋友唔食得，之後話九折.再整過，－半係唔食得落，話可以再翻兜.又硬.經理話重新整一份. 五個人天光坐到天黑，都上唔到塊扒.等到想走. 管理極差☹️，冇服務可言.食3000幾蚊.有歺飲，只可叫酒飲. 或可樂.想飲其他冇包歺飲揸車勿近.怕左，只有燒雞食得落.間歺廳老油條性質，唔值得浪費時間到訪.應該開到幾耐，要做游客生意先得

餐廳內設有一座特色韆鞦，吸引不少大人同小朋友，打卡一流。枱與枱之間充滿空間感，三五知己聚會好適合。唔好講咁多，一於啤啤🍻佢，不醉無歸🤟🏻炸魷魚鬢配他他汁 $68 佐酒點少得香脆可口既魷魚鬢沾上老少皆宜他他汁，真係令人食唔停口🔸️西班牙斧頭豬扒 $248 厚厚嘅斧頭豬扒炭燒到兩邊金黃色食落柔軟無筋，肉味濃郁有口感。🔸️美國頂級西冷 $268炭燒外皮煎得金黃，內裡嫩滑帶有咬口，牛肉味道香濃🔸️美國頂級肉眼 $268 五成熟燒得啱啱好！油花分佈均勻，食落Juice 多汁。

_Chill and Grill @西環 假日同家人去西環重遊舊地，順便中午就揾間餐廳食個Lunch，去咗呢間Chill and Grill，整間餐廳嘅裝潢好靚，亦見室外都有幾張枱，如果帶寵物就可以坐出面👍 假日都有weekend special lunch set以下餐可配是日餐湯 或 田園沙律 💥Beef Quesadillas HK$128呢個墨西哥牛肉餡餅唔錯👍餅夾住芝士牛肉醬，另配上牛油果醬同蕃茄洋蔥碎粒都唔會好膩，餅底亦脆卜卜👍 👍🏻 評分 : 7/ 10 💥Black Truffle Spaghetti with Parmesan King Mushroom HK$138意大利新鮮黑松露意粉配芝士焗大王菇黑松露味幾重，大王菇好juice好香好好食😋意粉配撘上黎真係好好食 👍🏻 評分 : 7/ 10 💥Riso Pasta in Paella Style HK$168西班牙海鮮米拉麵西班牙米係尖尖的，食落有咬口幾得意，海鮮有八爪魚，帶子，蝦跟青口不過青口肉就比較細粒🤣大蝦都幾爽，配上醬汁都唔錯，可以一試。 👍🏻 評分 : 7/ 10 💥Fat Grilled Platter