Dan Ryan's Chicago Grill (又一城)

營業中

休息中

最近，間唔中就會去素食餐廳食野，發現素食都可以好好食，而且菜式花款可以有好多變化，唔會只局限於一小部分嘅烹調方式或者味道。打開 Dan Ryan's Chicago Grill MENU 發現有 beyond meat 嘅菜式！😋Chicago Baked Ziti Pasta 焗芝加哥辣肉腸番茄醬長通粉 ＄148🍝呢款意粉好特別，可以因應客人要求，將辣肉腸轉成 beyond meat 肉醬，同時間可以走芝士。好認真長通粉要好食除左粉要煮熟得剛剛好唔會硬，就係要每一個長通裡面都有醬汁，越食越滋味，呢款就做到啦！然後呢款 beyond meat 主要係以黃豆製作，好有肉汁同時肉質咬口甚至比起真正嘅肉質同味道更好，有時候真正嘅肉質經過烘焗係會變硬同乾身，反而 beyond meat 更能夠有效將肉嘅質感保持住，喜歡！然後朋友就叫左 Dan’s Classic Cheeseburger 芝加哥漢堡 ＄158，🍔同為美式菜式，所以一樣好大份，見到芝士仲有拉絲添！每一枱食客都係餐前有一份餐包，🥖包括一個朱古力鬆餅蛋糕、一個紅莓餐包和一個牛油餐包，同時配上士多啤梨乳酪醬搽麵包用。

芝士洋蔥湯 好正 芝士和湯好夾沙律好fresh 有半份和一份選擇排骨超嫩 不用刀切 燒雞一般 有點鞋身蕃薯條幾甜奶昔超正 不過一人一杯幾飽肚環境漂亮 裝潢一流 頭頂有火車走過🚂 小朋友會獲贈氣球🎈氣氛良好整體來說適合多人享用 👍🏻

Chicago classic combination $198我哋嗌咗呢個小食拼盤前菜：裏面有洋蔥圈、炸雞翼、芝士焗薯。最鍾意就係芝士焗薯，因為真係好濃芝士味，而且佢嘅醬汁都好好食😋USDA Choice Ribeye $408因為餐廳一次過上菜俾我哋，所以呢塊牛扒好快凍咗，本身諗住叫佢返熱，但又怕熟咗好靭，所以都係就咁算。牛扒其實好香，但凍咗就失色不少，上面嗰舊牛油塗抹成件牛扒同粟米之後，食落真係加分唔少！切開牛扒仍然Juicy，亦都唔會太乾或者太硬，我覺得唔錯。Fresh romaine Caesar salad $172今次呢件雞胸就有啲柴，食落口亦都好乾，要飲番幾杯水先😂。不過凱撒醬汁唔錯，食落好開胃，加埋佢灑上嘅芝士粉，可以再encore ！唯一嘅小缺點就係佢真係好大份，我哋兩個人差啲食唔晒😂😂希望佢會提供細份量嘅sizeBourbon Lobster Shrimp and Ham Penne $228呢個我覺得真係呢度其中之一款招牌菜，裏面有齊唔同嘅海鮮：蝦、龍蝦、八爪魚……我朋友第一時間食咗佢塊蒜蓉包🥖，佢嘅長通粉每一條都沾上左龍蝦汁，好滿足！而且意外地係唔會飽飽滯滯M

聖誕月最適合跟朋友聚會同朋友一行五人Order了聖誕套餐包括：香濃龍蝦湯🦞紅桑莓柚子雜菜沙律🥗假日芝加哥拼盤（洋葱圈、美國薯皮、水牛城雞翼配燒烤醬）美國入口12oz尖沙朗牛扒配石榴BBQ燒烤半雞配烤焗土茴香新薯卡邦尼亞意粉🍝另外加了墨西哥脆粟米片飲品：士多啤梨奶昔、士多啤梨沙冰🍓龍蝦湯真的很香濃, 入口濃濃的龍蝦味, 沙律酸酸甜甜非常開胃, 洋蔥圈很鬆脆, 最好味是牛扒（點了五成熟）, 入口即溶, 非常好味, 反而雞有點乾身, 卡邦尼是正常水準墨西哥脆粟米片配上芝士很香脆士多啤梨沙冰味道比奶昔好, 奶昔士多啤梨味比較淡, cream又太多整體來說很不錯, 份量都比較多, 套餐是四人份量, 但五個食也剛剛好, 剩了茴香新薯🍠店舖門口並不是很開揚, 但原來入面很多座位, 很寬闊很舒適, 絕對適合一大班朋友相聚食飯的好地方

I have not thought of writing a comment but I could not help to wake up this early morning and wrote this.We have been customers of this restaurant for many years and never in doubt of their quality.  We went to Festival walk for some late shopping and decided to dine here before returning home.We were quite tired and quickly ordered the dinner for two set menu: Clam Chowder, Roasted Half Chicken, Seafood Risotto.The breads for Clam Chowder were hard. I tried to use the knife to cut the bread an

相識多年舊友聚餐，有人提議Dan Ryan. 立即舉腳贊成，因以往不時來幫趁，無論同事食飯或帶細路慶祝生日，留下不少回憶，點知今次重來，食物水準降低咗好多。先來面包籃，軟嘅唔夠鬆軟，硬嘅只係硬冇脆嘅感覺，所謂推介buffaloes chicken wing, 細隻唔係問題，但又硬又乾又凍，好在跟着來嘅芝加哥burger 塊扒係熱嘅，又juicy，另外超營沙律配料特别又新鮮，要推介，最後諗住叫以前最愛嘅molten chocolate cake，係冇嘅（冇咗好耐？我真係冇來好耐lu)，所以叫咗brownie 同芝士蛋糕，brownie食落口感粗(佢嘅特色？但各人都唔buy)，配上嘅雪糕ok，而芝士蛋糕酸酸地，幾好味。總結：自問非刻薄挑剔之人，但因對Dan Ryan有感情有期望，所以最終有幾大落差，但佢都俾到我哋一個舒適環境敍下舊嘅。

以前老公喺度做嘢嘅時候成日都嚟食，但近年佢哋改變左風格冇以前咁有情調就少咗嚟。呢度出名嘢食大大碟，每次黎親我都會食凱撒沙律同埋朱古力蛋糕。今次試吓新野，叫左地中海沙律，成個沙律佈滿咗洋蔥，蕃茄同埋青蘋果，好開胃另外我哋叫咗個沙朗牛扒配粟米，七成熟，但我哋覺得個牛扒乾咗少少，粟米就燒得好香牛油味最後我哋叫咗個香草汁鮮蝦長通粉，面頭鋪滿好多火箭菜，有四隻蝦，好彈牙。服務就普普通通見佢哋人手都唔係好夠， 不過經OpenRice訂枱有discount都抵食嘅

我都甚小寫食評! 因為好食既唔使我寫! 所以只寫唔好食的, 因為唔想大家花甘多冤枉錢! 一家人去到呢家野, 服務員的態度都是一般。都係想食完早的同小朋友回家沖涼同訓覺所以冇理甘多!我地本來想叫個298 二人餐再加小食就算! 點知入到去係冇既! 問服務員他說只有498 2人餐, 我心諗你門口就唔好放298個餐係到喇! 跟住散叫左3樣簡單野:1. 芝加哥拼盤 (半份)2. 黑松露意大利飯3. 燒牛扒首先講個拼盤差不多$200半份, 我認為EXXX GO Go比許好10倍! 跟住個黑松露意大利飯比較硬而且好干, 正常意大利應該有小小彈同埋好CREAMY先岩! 小弟不是廚師, 但相信自己煮我得比許地好! 最後我真係冇想到最簡單容易煮既燒牛拱係最失望, 因為只要件扒靚點煮都唔會差! 因為有小朋友食我要求件扒係WELL DONE, 但都唔應該係梅架!? 連的配菜好似粟米同薯條都唔得, 仲要差不多$400! 我情願去花X餐廳食好過! 希望貴集團見到此POST檢討一下!

食物味道係其次，服務員的態度已經令人食之無味！某位唔著制服的男服務員，寫嘢，買單都係一面冰冷，惜字如金！惜字如金！惜字如金！令人感覺好似同他有咩過節咁………………………………….

又一城 食西餐， 呢一間我覺得真係算唔錯。 其中我叫了一個豬肋骨， 佢嘅調味同埋口味都同我在芝加哥食得一模一樣， 我已經尋找了多年， 終於可以找到這樣的美味， 價錢尚可接受， 有機會會再來。

永恆不變的lunch set 但我又唔覺得悶Seafood risotto -水準頗穩定，幾足料Prawn penne- 看似平凡但非常掛汁Unlimited iced tea真係要早啲訂枱,過咗12:45pm已經好full

Dan Ryan’s Chicago Grill@九龍塘呢間餐廳每逢有節日都會有唔同嘅裝飾🥰入邊嘅裝修都係行美式風格👻一嚟到侍應就會派一籃餐包🍞啲包係暖嘅烤焗美國薯皮🥔$128薯皮幾好食！有煙肉碎、芝士同忌廉芝士🧀好邪惡🤣蝦、青口、蜆、三文魚、白魚蕃茄意大利飯🍚$158意大利飯口感幾好，都有幾多唔同海鮮！炭燒美國肉眼牛扒🥩$408一上到枱，即刻哇一聲🤣好大份，塊牛扒都幾有肉味✨有埋一大條粟米同薯條🌽條粟米都燒得幾靚巴馬臣火腿芝士薄餅🍕$108呢個反而幾驚喜‼️同埋啲火箭菜一齊食，令到個薄餅好香！招牌意大利芝士蛋糕🍰$88🤣🙌🏻係幾重酒香味，小編個人認為餅底可以再濕多少少總括嚟講，啲嘢係大大份幾震撼🤣味道就正正常常，啱一大班人去share‼️整體：🌟🌟🌟性價比:🌟🌟🌟食物：🌟🌟🌟環境：🌟🌟🌟🌟📍九龍塘達之路80號又一城LG2層28號舖人均消費：～200/head

同朋友約咗下午茶時間，其實係打算食嘢之餘吹下水。疫情期間餐廳有啲限制，如果要坐卡位就要嘟安心出行。咁卡位真係幾好坐，乾淨舒服，私隱度又高。一坐低侍應放底了麵包和蛋糕。蛋糕ok，個麵包條就有啲硬。黃昏時間，餐牌全日應該一樣，無下午茶果d。不過選擇好多，睇咗好耐。最後叫咗個拼盤拼盤上有洋蔥圈、雞翼(二中翼、一鎚，共三舊)，同埋焗薯皮。洋蔥圈正常啦，雞翼有啲硬而且d汁一般，但係，個焗薯皮真係幾好味。薯皮香脆，上面有芝士蛋，有幾粒煙肉，幾樣野好Match ！！朱古力奶昔，幾飽肚，味道及格，上面有舊brownie 蛋糕，幾有特色。咁樣我同一個朋友，一人一百八十幾蚊。食物還可啦未至於驚艷，但環境好，真係幾好坐。

今日晚餐食咗哩間西餐廳點左#bufflowings #supergreensalad 同#importedbabybackribs 水牛城雞翼 醬汁味濃 配上 blue cheese 青瓜及西芹條作balance但醬汁偏咸一點’超營沙律‘ 藜麥 火箭菜 西蘭花 藍梅 啤梨及牛油果 及其dressing 非常開胃 亦健康BBQ ribs 肉質非常嫩滑又夠juicy 只是醬汁略少驚喜的反而是包籃 每種麵包都有獨特的口味而且佢哋採用一種特別嘅牛油係士多啤梨味牛油麵包亦非常鬆軟但美中不足嘅係呢間餐廳嘅服務態度認真一半而且當我叫第二杯啤酒嘅時候杯啤酒放咗喺吧枱上面 那位身穿灰色恤衫戴眼鏡的經理明明望到 但依然照舊同同事一路傾偈最後杯啤酒上枱嘅時候已經相隔左四至5分鐘連啤酒裏面應有嘅氣都沒有了個人評價： 總結 3/5星因為服務態度而扣咗好多分

叫咗兩個lunch set好快就有餐湯大約落單後3分鐘倒不過不失 仲熱辣辣😀飲飲下送咗個餐包籃黎冇預計過會有餐包 仲要三個唔同嘅包個鬆餅個面係脆脆地 下面軟熟另外嗰兩個包都係好軟熟配埋個士多啤梨牛奶好特別搽包好食👍🏻好滿足😋主菜叫咗長通粉同燒雞長通粉得兩隻蝦如果可以多兩隻就好啦😂蝦係爽口嘅長通粉就正正常常 稱唔上好好食但係都唔難食燒雞加薯蓉配個汁雞唔係嫩滑嘅 係實嘅同少少鞋 d肉都冇咩味點個汁酸酸甜甜會好食d薯蓉就唔錯嘅 兩個女仔食 好飽仲包每人一樣嘢飲我地叫咗紅茶大鄉里咗原來紅茶係檸茶咁解😂😂😂整體而言呢間餐廳嘅side dish好食過主菜個餐包籃最正😋環境好chill 好外國feel 暗暗地嘅環境侍應都好快手👍🏻