GOOCA

營業中

休息中

如題 平日晚食佢個差唔多200既松露燴雞 個黑色碟中間凸起左 個汁仲差過kfc白汁 淨係配兩塊硬到爆嘅麵包仔因為太鍾意食松露關係，另一碟餸係松露意粉，點知兩個餐一啲松露味都冇，仲要勁難食狗糧應該仲好味 水要自己行到收銀後面斟，但係又收+1 本身帶住寵物 安排嘅位置喺門口 呢個我哋明白 但佢張凳高過張枱起碼30 cm，為咗慳位佢張枱打直擺，食嗰陣係成個人90度落去先食到想去食嘅朋友，如果睇到我呢個comment麻煩諗清楚

平日一行三人嚟到呢一間glamping 主題嘅餐廳食lunch，環境裝修特別。🍛南瓜意大利海鮮燴飯加斑斕椰香鮮奶咖啡（ $167 ）：雖然海鮮嘅份量不多，但意大利飯充滿大量南瓜汁，調味亦剛剛好，唔會太淡或太鹹。🌮意大利芝士黑松露碎蛋牛角包（ $68）：十分推薦，牛角包微暖， 非常脆口，加上牛油果及碎蛋調味恰到好處，整體十分之出色，下次一定會再叫！🥯日本蟹肉蟹籽貝果加鮮奶咖啡（ $103 ）: 貝果中夾有蟹肉沙律醬及蕃茄，但整體感覺未算驚豔。🐔水牛城雞翼配薯條（ $88 ）：雞翼有少少辣，但非常入味，薯條亦炸得香脆。

去露營style，擺得幾得意但係其實好難坐，坐得唔舒服，食得有d 辛苦食物都ok! 包同意大利飯都好食，又熱辣辣咁上d coffee 好好飲d staff 都幾有禮貌如果想hea 的就咁hea 得耐

3月29號: 除咗早餐，全日淨係起呢間食咗嘢，食完雞胸三明治（雞胸天同牛角包都唔凍唔熱，有少少沙律菜）及咖啡後半個鐘，開始唔舒服，然後攪肚痛肚痾。本人平時係腸胃正常，平時都會食呢類食品，包括每日都飲咖啡，都唔會有事。加上外賣拎走後係10分鐘內即刻食，唔存在話擺咗幾個鐘或者曬到先變質，所以懷疑呢間餐廳食物衛生有問題。一個好細既雞胸牛角包同咖啡，埋單過一百都唔算好平，性價比唔高之餘，仲要食完肚痛肚痾。麻煩餐廳檢視一下食物是否過期變質，不要讓其他客人食完都唔舒服。第一次寫食評就貢獻俾佢。補充：一晚痾咗8次咁多都仲痛緊！第二日30號睇咗醫生，醫生懷疑沙門氏菌，大機會來自雞肉及沙律菜。

放假weekday行 Airside發現咗間新餐廳，真係一個Surpirse！喺入面亂行，發現有間好似賣露營嘢嘅cafe/restaurant幾得意，2,3點又唔係太多人，所以就坐低咗食。試咗幾樣嘢，最印象深刻係千層吐司脆口得嚟唔膩，配上曲奇雪糕，完美🍦。煙肉意粉同樣令人讚不絕口🍝。小店氣氛悠閒，係適合放鬆嘅好地方。短短幾句，但係真心推薦！試過Gooca喺Airside，真係一個Surpirse！

最近去咗行新商場airside發現咗間餐廳幾好食😋😋佢哋裝修用露營做主題！餐具、枱、櫈都係用露營用品，勁有feel。嘢食方面就試咗蝦多士、卡邦尼冬甩意粉、青醬慢煮雞肉意粉。蝦多士，外脆內軟卡邦尼意粉外型好得意，賣相係冬甩咁🤣，芝士味都好夠雞肉意粉好香，雞肉都好嫩印象最深刻係千層toast! 上面係曲奇雪糕，唔會覺得好濟，啲皮脆脆地，同埋店員都話呢個好多人揀💯大推各位嚟試吓基本上嘢食方面都非常不錯，喺新商場嘅定位定價都非常合理。建議各位試吓。

第一次去啟德新商場Airside，揀咗呢間以露營為主題嘅餐廳試吓坐嘅係露營枱凳，用嘅係不銹鋼杯碟餐具，同埋四處都有啲露營用具，配合埋啲綠色植物俾到我哋舒適、放鬆感覺老公入到去坐低話：哇！舒服到我想瞓了🤣*👅食物短評【Not bad可以】⭐️⭐️⭐️Mountain Set牛肉車打芝士洋蔥番茄+追加三文魚牛角包配cold Mocha（🤭有兩大塊牛肉片，三大塊三文魚，層層疊起好有份量，肉質尚算鮮美，冇特別醃製，靠車打芝士鹹香調起嗰味道，連埋新鮮蔬菜係典型嘅田園風味。cold Mocha不過不失）*Picnic Set煙肉卡邦尼冬甩意粉配hot Latte（🤭聽聞招牌是冬甩意粉，即將意粉整成冬甩樣去烤焗，我覺得幾得意，同埋脆邊令意粉嘅口感提升咗，同埋溶咗嘅芝士煙韌香口，煙肉碎都可口嘅。可揀湯或飲品，Latte不過不失）***

要攻要守 不顫抖 露營必須走 Soy Egg 🥚同9 Flag 🏳️ 就咁走左去啟德airside 一間主打露營風既café⛺️我諗依家熱潮己過 成個商場都無咩人 好多餐廳唔洗點排隊 如果去行依頭 去airside搵餐廳都幾ok 🍽️必試: 安格斯牛肉二人餐🐮 千層多士🍞是但總結: 非常打卡able 📷 成個裝潢都好貼切露營依個主題⛺️ 野食又唔算差🍽️ 可一試是但食評🌟💬✰環境😍 市中心已經enjoy,到露營既感覺😍露營風既裝潢 由枱到櫈🪑由燈到餐具 都係露營用品⛺️以木色 黑色 灰色為主 超級型格🌳⚫️成個環境 氣氛都十分到位打卡不二之選📷但佢同你露營果陣一樣坐得都唔係話好舒服食野都唔係話好方便你要烏到個身超低先食到野🍽️一係就要拎住個碟食但你露營就係咁嫁啦 所以都冇咩好怨😍✰青醬慢煮雞肉意粉 🐔🍝 ($118) 濃郁😋一黎到已經聞到超香 食落好濃芝士味🧀雞肉唔會嚡🐔意粉掛晒汁 十分好但主角青醬唔係太夠突出 可以再多D🌿或者減D芝士味🧀✰煙肉卡邦尼冬甩意粉🍩 ($68) 打卡食物 叫一次就夠🙂出面d芝士焗到脆脆地 令到個意粉可以hold住個冬甩樣🍩賣相一百分 打卡一流📷食落好香芝士味 脆卜卜 意粉

一開始以為人好多喺度排緊隊，原來全部都係睇緊Menu可能時間尚早，唔使排隊，直接入座主打露營主題，氣氛唔錯🤔叫左Espresso水牛城雞翼同埋卡邦尼意粉相同Menu 出黎係一模一樣，意粉佢成個冬甩甘樣上都驚伏伏地🙄所以叫埋其他野試下出餐唔算耐，基本上15分鐘出得哂所有野Espresso 唔係我口味，我唔係專家唔評論落去水牛城雞翼上到黎靚係靚呀，但佢個汁酸到話梅甘既味😞放唔到落口食呀🫣卡邦尼明顯地焗爐焗完偏乾身，要用刀切開黎食，成餐基本上係薯條最好食🤤，真係估你唔到😅

平安夜下晝黎左Airside行下 搵到呢間cafe 見個甜品幾吸引所以黎試下佢🤣𝗠𝗲𝗻𝘂🍴✿ 是日餐湯🫕 $28我地當日係薯仔湯✿ 水牛城雞翼配薯條🐔🍟 $78辣味充足😛 雞翼都脆身～ 薯條好食 偏真係薯仔唔係粉嗰種✿ 南瓜海鮮義大利燴飯🎃 $138飯保留倒質感有咬口 唔錯🤭 南瓜味唔太濃 如果再重味d會更好～配料有蝦 有魷魚等等味道整體ok🥰✿ 千層吐司🍞 $98一層層薄薄嘅麵包 面層脆脆+蜂蜜甜甜的幾過癮😚 上面3球雪糕可以自選口味🍨加埋少少果仁一齊食口感更豐富🤪

係商場入面揾一間可以帶寵物既餐廳真係唔易，今日帶既客人既2歲既poodle-毛毛親人親狗嘅毛毛嚟住左差唔多一個星期 但日日都有其他roommate所以我都無得100% spend time with佢 雖然今日要返工 但都好想爭取係佢check out前可以拍個拖 幫佢影吓靚相❤️ 今日我哋嚟到Airside既Gooca☀️ 呢度係一間露營做主題嘅Cafe⛺️平時星期六日都坐滿人 今日趁閒日朝早無人就黎試下. 首先佢全間舖係得一個位係狗狗friendly, 所以想帶毛孩嚟都真係要及早霸位叫左個breakfast set, 松露碎蛋bagel加咖啡都係$68, 幾抵呀平過Starbucks 😂 bagel整返熱外脆內軟，碎蛋既份量都generous仲要加埋芝士, 好味😋毛毛當然係有得睇冇得食，不過侍應哥哥都好好斟咗水俾佢飲😊希望好快可以再帶下一個毛孩寶寶過嚟😄

差差差，叫咗蕃茄肉醬意粉、意大利飯、蝦多士、大部份都唔好食。Bagel成塊芝士少少都冇溶過..成個包都冇整熱過…$9x麵包甜品、外表呃都人，但食落超普通，$4x-$5x野飲，朱古力咖啡還好，正常發揮，有一杯焦糖爆谷咖啡，d爆谷好似擺咗好多日咁….其實冇咩CP 值可言，左右隔離貼住晒，坐得唔舒服，冇環境冇打咭冇特別，咁既質素完全唔值呢個價錢。某幾名員工態度差，黑面，問拎menu, 某職員竟然掉menu落張枱比客人，真係眼都突，唔想比咪出聲囉。自助bar餐具唔夠，冇晒杯同碗，好聲好氣問佢哋就黑面，其實如果你自助位擺齊嘢咪唔使勞煩你哋囉。

Airside 露營風&Pet Friendly餐廳 Gooca ▼・ᴥ・▼
今次嚟到啟德新開嘅商場，呢度好多特色商店、餐廳，仲有市集行添！其中GOOCA 更加係Openrice入面新登上嘅特色露營風餐廳，見到店內嘅千層吐司睇到流哂口水，果斷入去Trytry佢！
.
星期六3-4pm Walkin唔洗等位，門口座位坐滿好多主人同埋寵物一齊食嘢，入到去望向窗嘅方向，就見到全店嘅露營風設計—大帳幕裝飾天花⛺️，成個感覺超級chill❤️！餐廳內用嘅水壺、餐枱、餐具等都係露營用品，而且每枱都有一盞小營燈💡，真係啱哂想露營又怕要帶一堆Gear嘅人，可以同朋友一齊體驗下露營嘅滋味！最Surprise係一到夜晚餐廳會轉用夜間模式，將燈光調暗，開着小營燈，更加有Feel，真係坐到唔捨得走！！
.
食物：
千層吐司（with燕麥牛奶ice cream） (Highly recommended)🍞
愛甜以及打卡人士嘅最愛，賣相不但吸睛，味道亦好好味，外層好脆口，塗上左一層蜜糖，甜而不漏，吐司內面做到每一層都好薄好鬆軟，上面配埋雪糕，有三種口味選擇（燕麥牛奶、曲奇、雪呢拿），我哋揀咗燕麥牛奶，好少見嘅雪糕口味

以露營為主題既cafe ⛺️所有台、櫈都係露營款式，仲有營燈💡等等， 令你好似真係去左露營咁😍😍超級推介❤️🍞千層吐司首先賣相已經好吸睛，食落仲驚喜，外層脆口，塗上左一層蜜糖，吐司內面texture 好鬆軟，而且真係做到一層一層既效果🤍🤍仲可以配埋雪糕👍🏻👍🏻好食到停唔到口🥗🥩榖飼安格斯牛肉拼盤安格斯牛肉質素高👍🏻好濃既牛味，而且哩個拼盤份量好足夠，又有沙律、薯條、蒜蓉麵包同埋2份餐湯🍲🍫榛子朱古力幾濃朱古力味❤️❤️

第一次去露營⛺️主題餐廳，坐營椅確實有點不便，但型格搭夠，打下卡又開心。食物叫了安格斯牛肉二人餐，份量夠，因為今次三人行，多叫了一份餐湯及青醬慢煮雞肉意粉。食物妥當，賣相豐富，二人餐一盤上來，麵包都好食，薯條大堆頭，牛肉也有份量，晤太濃味不過都Ok。餐廳杯碟器皿都係露營風，自助自取，也可在旅行水箱中裝杯水，唔會有侍應騷擾，我鐘意。