Greyhound Café (又一城)

營業中

休息中

侍應好好，因為餐廳一開門我就到，所以可以自己選座位，我選了二人枱，但侍應見我倆隨身行李比較多，所以建議我們坐梳化的位置，食物方面，一如以前水準，侍應好細心，好快速+專業地一一為我倆清理食完的腕碟，讓我倆坐得舒服地暢談，真的有在酒店的服務水準，一定會再光顧👍

一開始好快入座，入到去都好快幫到你點餐，但後期入座人數多左，得幾個侍應係到完全唔夠。服務唔掂之外，其實醒小小每枱擺支水咪唔洗倒黎倒去囉。D野係勁難食 勁難食 勁難食點左果個招牌炸雞翼臭既 ，唔知係咪落左腐乳定臭豆腐定過期定發毛，單邊上我覺得效果唔好，好似咬骨頭咁，仲要係d細隻雞翼，計埋6-7隻$38條魚唔知係咪醃製過 定佢調既汁咸過條咸魚 食到(那)喉 , 好似吞緊海水落肚咁 無九層塔味 無胡椒味$3xx個卡邦尼意粉都係近年我食過十幾間餐廳比較唔算好 $13x

約咗朋友年初三一齊食lunch, 佢想食先間。即日係openrich 都book到位。因為帶住2個BB , 先到先等既約定。早左半個鐘有多已到。佢都比我提早好多就入去。原本有寫只限90分鐘，但我地好多野要整，而場地許可情況下我地都坐左成2-3個鐘。服務員姐姐仲請小朋友食糖。令小朋友好開心。野食方面叫左豬手，金銀邊粉，小食拼盤，甜咖喱，米紙卷。4杯野飲 埋單要$1489Lunch 平均價來講都幾貴。我地只有3個大人，1個小朋友。同2個bb.野食都差唔多食晒。因為BB食唔到d咩，所以3大1小都食得晒野食當然好食，但豬手冇炆嘅只有炸，覺得佢略為乾同埋硬咗啲，其他都好味

今日凍冰冰當然要出街食放工約了黃兔在又一城食飯。 在openrice book了這間餐廳，因見佢有9折優惠。 但又見到食評一般般，又有點卻步， 最終決定膽粗粗去試下。幸運地被安排坐卡位，座位舒適闊落 服務也不錯，侍應態度好，每次都同我們講多謝，包括點完餐及上完菜，我估餐廳方面有睇民意，因服務有改善。只是有1位講英文的女侍應服務態度就比較差。我們點了：豬肉炒河 $118 ～ 份量有點少，炒河火喉唔夠，味道中規中矩。 大頭蝦海鮮冬陰功湯 $368 ～ 賣相都不錯， 有蜆（ 比想像中多），4隻青口，2隻大頭蝦，一些蝦及菇類等。 冬陰功不太辣又不會過酸， 可惜大頭蝦肉‘梅’ 蟹肉奄列$128 ～ 有好香蛋味， 奄列入面有啖啖蟹肉最好食是這個！泰式咖啡加珍珠$48 ～ 咖啡味好濃，但珍珠口感太淋， 煙韌感欠奉本人覺得以這個價錢來說，食物味道同質素有待改善

嚟過幾次了，貪佢坐得幾舒服，食物又OK，今次約咗朋友去又一城就帶佢嚟試下。😊😊平日夜晚6點嚟到，未到繁忙時間，侍應都比咗卡位我地坐得舒服啲。整體食物質素唔錯，亦有好多選擇。我地叫咗每次嚟都一定要食既招牌單骨雞翼同招牌椰子蛋糕，仲有新出既泰式鳳爪，泰式三文魚意粉。鳳爪少少辣配上甜甜地既芒果仲有蝦片，幾特別。三文魚意粉炒得幾乾身，味道唔錯。😋😋😋服務可以，雖然人手唔太足夠，但都好有禮貌，亦會主動加水😄😄朋友都好滿意，下次會再嚟👍👍👍

mango shake芒果味幾香，又夠涷，但係擺得耐左之後，味道變得較淡。三文魚沙律三文魚份量多，配合粒粒菠蘿，酸酸甜甜，可以舒緩一下辣味。食落整體配搭唔錯。帶子香草闊條麵帶子偏細粒，唔算厚肉。闊條麵有咬口，掛上了香草汁，正常發揮mini burger三個mini burger比較乾身，牛肉唔算特別jucy,但其他餡料頗特別，其中一個係燒茄子加燒冬菇，估唔到又幾夾喎椰子千層蛋糕有驚喜的甜品，內裏有粒粒椰子肉，同千層蛋糕嘅軟熟口感成對比，味道唔會過甜，非常出色

大不如前，以前會因為個椰子千層蛋糕先至會嚟食埋晚飯，尋晚為咗慶祝生日，特登預先訂一個椰子千層蛋糕，諗住同屋企人慶祝，好耐冇食過，所以好期待，點知非常失望，奶味極重，直頭食緊濃奶蛋糕一樣，食幾啖已經唔想再食，成個蛋糕浪費晒，超級難食！全家八個人，個個都話好難食！唔怪得知冇乜生意！

今次同朋友貪咗個地點方便，見到個天窗幾靚，幾光猛幾舒服，一時冇睇OpenRice 評分就出事，原來有成58個🥲。我哋叫咗個蟹肉omelette 同海鮮冬陰功炒螺絲粉，個螺絲粉咸到腎病，叫廚房重新炒番個碟都係咸到倒瀉鹽樽咁，最後溝咗半杯水，先勉強食到。好sad mood的一個午餐。之前喺將軍澳Popcorn都有見過佢分店，之後應該做唔住。又一城個天窗採光咁靚，地方舒適，交通方便，如果可以讓返個舖出嚟比更加有質素嘅餐廳我會好期待。

我哋叫咗泰式辣醬炒和牛，個餐連湯，個湯一飲落口，飲咗兩啖，發現係雪櫃嘅溫度，相信個湯冇返熱，已立即告知店員要換返個熱嘅湯。可惜當晚即開始肚痾，屙到第二日。否則食物本身美味。因此下次食，要摸吓碗湯熱唔熱先好飲落口。

menu嘅選擇多到花多眼亂，係有啲泰式fusion冬陰功大蝦嘅螺絲粉好好食而且好有驚喜，好有新鮮感，螺絲粉係有冬陰功嘅辣味嘅，大蝦油好大條黑色嘅蝦腸，略為扣分，另外仲有啲魷魚同埋帶子都正常嘅咖喱牛配印度薄餅都好好味，呢一個仲可以叫多個白飯去一齊食，佢個咖喱汁係甜啲嘅，有啲好似薯條形狀嘅薯仔，唔會好林，牛肉都好林。印度薄餅都好食嘅，不過不失泰式鳳爪就偏辣，蝦片好好食好脆，芒果都係甜嘅，生菜都好新鮮，個辣味係慢慢越食越辣但係份量唔算好大，所以相對唔算抵食

朋友生日，book 枱個時寫左remark 講上蛋糕時寫happy birthday. 叫野食個時話冇晒千層蛋糕，得返藍莓芝士蛋糕，咁唯有叫芝士蛋糕啦點知轉個頭見到個櫃有千層蛋糕，之後又話有咁就改返要千層蛋糕cancel個芝士蛋糕，點知個侍應扁嘴同啤我。。。。。。。。嘢食正常，侍應十問九唔應，最後想蛋糕嘅時候係冇寫Happy birthday。。。唔緊要啦，我個friend都唔知道我準備咗啲咩嘅咪當自己冇發生過任何事。。。。

午飯時間，等左45分鐘，追左兩三次，個堂食午餐咖喱雞飯都未到😥..最後因時間關係，叫待應隨意俾個豬肉炒河粉，急急食完便離開返工了….成個午餐$150，味道還算可以，但送餐速度有待大大改善...😔食完一肚氣。

今日我同屋企人（一行3人）去左又一城威威，我地選擇坐外邊，貪佢空氣通爽同環境闊落🤗每次黎到樣樣都想食，諗左一輪，最後就選擇左以下嘅菜單：泰式香燒原隻魷魚筒 $158自家秘製醬汁燜豬手 $268青咖喱海南雞 $194配煎餅，白飯 各$28雙重魚餅 $78泰式奶茶2杯 各$42椰子千層蛋糕2件 各$78芒果千層蛋糕 $78今日每款餸菜都超水準，碟碟大大份。豬手好厚肉，青咖哩個汁真係百搭，海南雞好滑，魷魚又烤到好香，魚餅又係超水準，香料配搭得好恰當，奶茶同蛋糕真係唔洗多講，100分👍🏻

食過兩次最驚豔都係冬陰功湯麵湯頭濃郁香醇 酸辣開胃🤩食到各種香料的調味之外仲有一股淡淡椰奶香氣🥥碗面嘅海鮮都非常真材實料上面龍蝦🦞大大只口感非常緊實 感覺好新鮮面都爽滑吸汁！粗幼啱啱好，係透明嘅方形檬粉不過食到後面可能會覺得有啲鹹食下食下會有啲滯·泰奶味道同顏色都正宗哈哈哈比較甜 不過我個人可以接受，感覺同泰國味道差唔多不過墨魚麵真係唔知想做咩冇話好知個調味同出品點評價本身我以為係濃香黑色墨魚汁煮意粉結果上黎係黑黑地嘅麵有啲太硬同完全唔入味。。。啲底係酸酸鹹鹹嘅味 仲要好多調味料感覺每一樣都係單獨嘅。。食落完全唔夾我同朋友都覺得好奇怪 仲要唔平有啲失望單骨雞翼都係炸出黎好乾好鹹份量都好少 感覺每條單骨要成10蚊好唔抵食

啲嘢食已經比之前差咗好多，價錢一D唔平，而份量又少，都算... 但連服務態度都差到一個極點！！！簡直係一間不知所謂嘅餐廳，服務態度極差，今日啱啱喺又一城呢間嘢食完嘢之後，漏底咗個 IKEA 藍色大環保袋，裏面還有幾個 再凍肉嘅環保袋， 1個小時後喺超級市場買完嘢發現原來漏底咗，趕返去拎，個不知所謂嘅侍應阿叔，竟然話覺得係垃圾掉咗， 試問有邊個會帶住袋垃圾去食嘢，之後佢 一句唔好意思都冇講， 淨係比咗張卡片我 叫打去經理度投訴，不負責任，果種亳不知錯錯嘅係你嘅態度，不知所謂，千祈唔好幫襯。