影片
港鐵尖沙咀/尖東站 B1 出口, 步行約8分鐘
繼續閱讀
電話號碼
57204888
開飯介紹
佔地過千呎的小清新cafe，主打的日式刨冰由日本直送的冰磚製作，口感份外綿滑；另亦供應主食和輕食。而沙漠、雲朵燈等佈置非常適合打卡！
繼續閱讀
營業時間
今日營業
12:00 - 22:30
星期一至日
12:00 - 22:30
以上資料只供參考, 請與餐廳確認詳情
有關獎賞計劃
食家推介
-上網見呢間餐廳好靚，所以同朋友慶祝生日揀咗呢度，裝修方面整體係灰色再配搭綠色植物，配合雲石枱面，所以同朋友慶祝生日揀咗呢度，謀殺咗好多菲林📸，打卡位真係影得靚。焙茶鮮奶-熱 $44好有驚喜，估唔到會有雙翼飛馬俾我，好可愛，如果個泡打得再靚啲咁就100分啦，都有焙茶味，唔會只係得奶味。(〃∀〃)🍵🥛抹茶鮮奶-凍 $51正常🧀芝士黑松露薯條 $68屬於我至愛粗薯條，炸得香脆，配合芝士同黑松露醬，黑松露醬見到粒粒黑松露，算係認真製作，好食。🦀大閘蟹燴飯 $158面頭佈滿三文魚子，增加了鮮味，醬汁上用咗大閘蟹蟹黃，杰身的醬汁但不是太重口味，如果配三文魚子的咸味就啱啱啱好。🍚正宗意大利飯好硬，呢到配合香港人口味，偏軟身，幾岩我哋口味。🍝香辣鹹蛋黃忌廉雞肉意粉 $126整體配搭都好食，有粒粒鹹蛋黃係入面，微辣都幾惹味，雞肉就一般般唔算嫩滑。甜品🍧濃厚朱古力石板街 $98面頭鋪滿好多可可粉，一入口就喺口腔溶化，裏面除咗有朱古力冰之外，中間仲有朱古力碎，朱古力甜度適中，好食。推薦指數：⭐️⭐️⭐️⭐️本身怕打咭Cafe唔好食，但整體都唔錯，咖啡師拉花好靚，加咗好多分。-
繼續閱讀
雖然餐廳幾靚，會播日文歌，但餐廳唔多人，但等咗好耐，份量極少，食嘅時間短過等食物送上，嗌咗法式吐司+雪糕，等咗好耐都未送上，而且冇俾餐具，但工作人員只顧傾計 一直冇見到舉手非常失望
繼續閱讀
店面設計係工業風配雲朵燈，氛圍好靚💕門口有落地大玻璃，又設有打卡位 。外觀上已經好期待。間餐廳啲甜品睇落都好吸引，可惜個胃只能容納一個主食，下次再試埋甜品。餐點部分：1️⃣芝士和牛肉醬意粉個意粉有驚喜，平時啲意粉係意粉同肉醬分開，自己撈埋嚟食，但呢間啲意粉係本身已經撈埋咗，啖啖都係肉醬加意粉，再撈埋個水波蛋啲蛋汁嚟食，又有另一番風味，而且份量好足，食完勁飽。唯一缺點係我隻水波蛋偏熟，可以撈意粉嘅蛋汁唔夠多🥲🥲2️⃣ 大閘蟹意大利燴飯我冇諗過大閘蟹可以配西餐🤣🤣所以對呢個飯都好意外，創意分爆棚。而且大閘蟹蟹黃同啲Cream可以包住每粒飯，再加埋三文魚子嘅提鮮效果，一個字「正」飲料部份：1️⃣竹炭鮮奶咖啡我嗌佢嘅原因係Menu上面張相，睇落好似雲石紋咁好靚，但係實際嚟到個樣係已經溝埋咗，對呢個位有少少失望，但係味道方面就同一般嘅latte一樣2️⃣Dirty Mocha杯Dirty一睇就知好啱打卡，除咗入邊有朱古力醬，個杯口都有朱古力粉，飲落就多啲層次，但缺點係因為Dirty唔會攪勻咗先飲，所以有啲朱古力已經沉晒底，飲到最後先至係最好味嗰幾啖打卡位真心靚，雖然大街有陣時有啲貨車就嚟走去，街景未必最靚，但係影嘅時候就下一角度或者Blurrrr咗個背景都OK嘅🤣🤣
繼續閱讀
同朋友約食飯，隨便盲簡左一間尖沙咀嘅cafe，意外幾好食Cafe 距離地鐵站有少少距離，要行一陣。去到位置唔算多，但都幾闊落，仲有個位轉門for打卡。唔係食飯高峰期，但人比想像中多，所以要搭店，staff會安排人打橫咁坐，雖然唔理解都照做。上菜都算快，10分鐘左右就上第一道。我地叫左一份薯條，一份意粉，一份pizza，一個甜品同埋2杯野飲，原本以為打卡cafe 啲野可能會又細份又參差，但全部都唔錯，冇中伏先上左薯條同意份，比我想像中嘅份量大，薯條一上就熱辣辣，薯條係幼薯條，但都實心，幾好食。意份睇落好似好少，但撈完發現都幾多下，帶子都大大粒，幾乎同menu 一樣，冇照騙我食過嘅cafe裡面嘅pizza黎講都算排上位圈嘅底，餅底煙煙韌韌嘅，唔會太乾或者乾到脆個種。因為我個人好鍾意食沙律同菜，所以上面嘅芝麻葉完全係我style,如果可以多啲就好。佢嘅火腿份量好夠，幾乎每塊都有一塊半左右，足料，下次去可能都會繼續叫！去到邊見到開心果都會係第一選擇，今次就叫起左個開心果。我地以為啲野唔大所以叫左都幾多，個陣食完野發現留嘅肚唔多😂😂最重要嘅係要帶外套！食完半個真係凍到搵外套，唔係天氣凍，而係食完個人會好凍，由內而外嘅凍😂😂味道幾好，上面有真士多啤梨，唔會死甜個種，當甜品黎飲真係好好食，等佢溶左冇咁結個陣會
繼續閱讀
裝修以水泥工業風搭上仙人掌、石春地、懸浮升降的浮雲，全店打卡位極多之餘樓底極高極富空間感，而且全落地玻璃採光度十足！食物方面主打刨冰、tiramisu、北海道軟雪糕、主食、小食，選擇非常多！話晒呢度主打刨冰，同朋友今次試左草莓芝士蛋糕刨冰，口感偏向綿密唔會𠝹口，芝士蛋糕甜而不膩配合士多啤梨漿嘅微酸平衡得好好，而且份量超大兩個人share都夠食🤍另外佢地嘅tiramisu都好多人讚，質感較為濕潤，酒味較明顯而咖啡味較薄弱，裡面嘅lady finger都keep住脆而不淋。都算係唔錯！（個人依然認為page 148嘅tiramisu係世一）另外值得一讚佢地嘅大阪燒酸種包都好好食！- 大阪燒sourdough- 草莓芝士蛋糕刨冰- Tiramisu- Popcorn latte- 西西里檸檬梳打
繼續閱讀