Mata Japanese Cuisine

營業中

休息中

好耐冇去長沙灣搵食，原來而家長沙灣廣場 3樓啲食肆裝修到好靚！見到呢間居酒居環境唔錯，出面果邊勁似小清風嘅cafe，而餐廳另一邊就比較燈光昏暗，充滿日式居酒屋嘅氣氛，仲有得飲埋特調Cocktail，就決心要同朋友食下呢間居酒屋啦～前菜有好心思，有食落去好清爽嘅柚子蘿蔔同埋走咗辣味嘅麻辣枝豆，味道好味得來又夠哂獨特～三文魚腩串(一串)💰HK$38三文魚腩燒到外層好香脆，呢到仲好窩心，特登配搭咗柚子醋比客人點 ，大大減低三文魚腩嘅油膩感～雞胸軟骨串(兩串)💰HK$48呢個雞軟骨係選用咗雞胸附近嘅軟骨，所以燒完出來會更香脆，一咬落去真係啖啖都sha sha聲，而且仲連住少少雞胸肉，成個口感更豐富～燒年糕(一串)💰HK$28用咗自家制嘅醬油來調味嘅燒年糕，醬油味道唔會偏甜，年糕口感軟糯，好味～醬油漬糖心蛋鴨湯拉麵💰HK$88鴨胸肉質軟腍，拉麵麵質彈牙！超中意呢個好清甜嘅醬油湯底，但又帶有陣陣鴨香味，真係令人忍唔住想飲哂成碗湯～古法制南蠻雞💰HK$128原本以為南蠻雞係炸嘅，但係原來古法製作嘅南蠻雞係香煎嘅，店員話呢道菜係呢到No.1嘅招牌菜！佢地特意選用雞上髀肉，用薑汁去醃再拎去香煎！鮮嫩多汁

今日同朋友去了長沙灣看電影, 看完了後, 朋友說想吃日本菜.  走著走著, 剛巧看到這間餐廳, 很像很吸引, 便決定進去吃午餐.餐廳有提供開胃前菜, 都幾好食.芝士甲羅燒蟹肉意粉 $168:  芝士非常香口, 然後甲羅燒蟹肉真係好正, 好多蟹膏, 真係超正! 蟹膏, 蟹肉份量都好多, 好豐富, 好鮮味, 幾好食.吉烈豚肉小町米飯 ($98) :  吉烈豚肉炸得好好食, 好香口. 係真係好香脆, 好好味, 豚肉個口感又好她, 不錯.另外小町米飯的日本米真的是很香, 個質感好好, 食到米飯果種香.我真的很喜歡日本菜, 是喜歡那種對細節的用心, 那種精細, 連細節也不會忽略, 絕不馬虎.在這餐廳裡我也是吃得出這種感覺, 即使是米飯也是很講究, 用優質的日本米.Apple Mojito ($48) :Apple, mint, lemom, soda好好飲, 甜度適中, 不會太甜, 個味好清新, 幾好飲.甜品 : 花生酥 :非常好吃!!!好軟熟, 非常香的花生味, 又不會太甜, 好好食, 有特色.洋甘菊茶: 用這種精緻的日式茶壺去沖茶, 特別有風味, 洋甘菊都好香, 不錯.

平日真係好小過海今日去荔枝角做野即刻搵朋友食晏佢帶左我去間質素不錯的日式餐廳叫左2個lunch set ⭐️吉烈黑豚肉配白飯厚切黑豚肉份量好大，炸得酥脆可口，而且啲肉仲好嫩滑，非常juice ! 仲有一大堆椰菜，我至愛！雖然配左白飯，但淨食豬扒都夠曬飽！滿足！⭐️糖心蛋煙鴨胸鴨湯拉麵原隻糖心蛋上，超開心！煙鴨胸配埋鴨湯既湯汁，入口軟滑，口感令人難忘！湯麵煮到啱啱好入口彈牙！⭐️2份套餐配左自家製醃白蘿蔔、中華沙律同埋自家製花生酥蘿蔔醃得好夠味，甜度、酸度都好適中，食到停唔到口！花生酥同樣自家製，食落有驚喜！！花生味極濃加上入口即溶，酥化感滿滿！ 正！🍹Passion Tea、Apple Mojito2杯手調飲品，味道都好清新！整體，食物真係令我意想不到估唔到啲個小小商場到有咁好味既餐廳

今次試這家居酒屋。電話訂座，餐廳留了較靜座位，正員工服務好好， 有禮。⬇️北海道‘’雪解‘’ 生蠔❤️@78 配上鰹魚汁，蠔身肥美😋⬇️糖心旦鴨胸鴨湯拉麵❤️@88 湯頭有淡淡的鴨香，唔肥，香濃好味😋。鴨皮可以再煎香一點更好。⬇️古法製 南蠻雞❤️@128 配有旦沙律及椰菜絲⬇️鹽燒 牛舌心❤️@88 燒得好好， 唔會靱，味道好好😋.⬇️腐乳松板豬串燒两串❤️@88 豬肉好香，厚切，肉質淋滑唔肥😋。⬇️Apple Majito❤️ apple, mint, lemon, soda@48 ⬇️甜品送贈： 自家製 花生酥❤️⬇️最後埋單，兩人消費 $656， 平均每人$328

Mata Japanese Cuisine📍荔枝角長沙灣道833號長沙灣廣場3樓308號舖今日收工同朋友係附近行市集，想搵個地方傾下計飲下嘢🍻，咁岩記得有同事同我推薦過呢間居酒屋，就決定黎食下啦😆😆😆居酒屋入面嘅人都好nice，亦好有禮貌，會主動向客人介紹食物👍 前菜係醃蘿蔔同中華沙律，好開胃👍 炸獅子狗片$68炸得好香脆，仲保留咗獅子狗嘅味又唔會切得太厚太薄，送酒真係一流👍👍推薦指數：9/10 鏗魚 $98🐟有兩大片，外皮燒過，配搭洋蔥做嘅醬汁，酸酸地，唔腥之餘仲非常開胃😍😍😍推薦指數：9/10 大吟釀煮蜆$168蜆非常大隻，仲要冇沙添，餐廳將清酒升級咗做大吟釀，食落既有大吟釀嘅醇厚又有蜆原先嘅鮮味，食落甜甜地，十分推薦🥰🥰🥰推薦指數：9.5/10 牛舌味噌煮$88 🐂有4片好大片同好厚嘅牛舌，餐廳用慢煮方法烹調，所以咬落係非常之淋，店長重要同我地分享話係師傅由清潔到煮牛舌足足用左接近5小時，真係得來不易，加埋味噌醬汁同蔥絲，整碟菜式昇華到另一個層次🐮👍👍推薦指數：10/10 麻婆茄子配飯$68🍆🍚唔似平時食開嘅麻婆汁咁衝擊味蕾，依個係比較似中華料理嘅，味道濃郁之餘唔會搶過茄子本身，

Vivian搵到間好野，令人飲唔停口嘅Cocktail😚😚Btw推薦坐吧枱，餐廳環境氣氛好正，好似日本居酒屋咁，又唔會太嘈☺️☺️仲要係寵物友善餐廳🫶🏻🫶🏻MenuWasabi Cocktail非常特別，wasabi味同果味好夾，冇乜辛辣刺激嘅味道，同時又飲到Wasabi嘅味，強烈推薦燒鱈魚片好香，脆得黎又唔硬雞皮釀墨魚滑未試過其他餐廳食到嘅菜式，外面雞皮炸得好脆，又夠薄，而裏面墨魚滑好彈牙雞頸肉好嫩，食得出用左柚子&胡椒去燒，味道好夾，好香好好食明太子翠肉瓜味道較得啱啱好，明太子唔會過鹹，翠玉瓜燒得爽脆多汁燒鴨胸拉麵極度推薦，鴨胸肉煮得爽嫩，師傅話溏心蛋都係佢地煮，最特別咬開有酒香味&中間心有d甜品，Vivian表示超級鍾意，食多三隻都冇問題😋😋拉麵個湯底係用鴨胸熬煮👍🏻好香番薯焦糖燉蛋第一次食咁得意嘅甜品，最頂層係焦糖燉蛋，番薯燒得夠淋，完全唔硬花生酥👍🏻👍🏻👍🏻好味程度要俾好多thumbs up，只能夠講咬開，外層係脆，中間好綿滑，真係非常特別，食過就明（vivian想問可摸推出個禮盒裝，真係太好食）咖啡酒都好飲，配甜品一流

長沙灣廣場開左好多餐廳，呢間都食過幾次，水準都keep 到，食物款式都好多，好特別！仲有啲好colorful 嘅cocktails! 酒精比例可以同店員傾，可以為你調整，唔飲得嘅女仔都好岩飲，想飲濃啲嘅又得！鱈魚片作為前菜，用黎送酒都唔錯。炸池魚BB一個都幾特別嘅小食，池魚bb炸黎食，唔會腥，幾香口，有少少似多春魚嘅味道。牛舌味噌煮 推介呢個菜式唔係周圍都有得食，因為要慢煮嘅時間都唔少，所以都無乜餐廳會花時間整，呢到嘅牛舌煮到好軟腍，而且味噌咩好入味，連埋啲蔥一齊食，好好食。右口魚邊丼右口魚，又叫鰈魚，出名油香味重，呢到嘅火炙右口魚丼，燒完嘅右口魚好香，個人喜歡配啲wasabi食，帶點辛辣又無咁油膩！甜品 - 蕃薯 Crame Brulee 推介！依家日本好多人都好喜歡食嘅甜品！呢到都食到！仲整得好唔錯！蕃薯好軟糬，唔會太甜，因為本身焦糖已經夠晒租，燉蛋好滑，兩樣食材一齊食，好夾，口感好rich~紫色cocktail (紫の)Ingredients:shocho, ribena, calpis, apple & canberry甜甜地，淡淡嘅蘋果味，仲有啲酸酸地，好似乳酸飲料，幾開胃，

Mata Japanese Cuisine今次要介紹長沙灣廣場入面有一間日式居酒屋，呢間居酒屋位於3樓，一間表面好似平平無奇，其實係一間好高質嘅居酒屋，無論環境同擺盤都好精緻，我最鍾意係佢哋茄子大阪燒、和牛串同Wasabi Cocktail！長沙灣廣場好適合輪椅人士入去行街食野，呢間居酒屋都好方便輪椅人士，空間都算大，想飲返杯都可以嚟呢度嫁！前菜：中華沙律同醋漬蘿蔔（免費）（8/10）1.雜菜關東煮$88（8/10）呢個關東煮好適合素食人士食，有娃娃菜，大蘿蔔，蒟蒻，有年糕餡嘅百福袋，冬菇等！2.茄子大阪燒$78（9/10）呢個大阪燒出面係用米漿，但呢度就用茄子同蛋漿，食落唔會好滯，茄子代替米漿食落茄子味好出，蛋有好濃郁，真係好唔錯！3.叉燒醬和牛串兩串$98（9/10）呢個和牛串真係好食到不得了，肉質淋得嚟，表面搽咗薄薄一層嘅叉燒醬，少少甜又唔會蓋過咗和牛牛味，咬落和牛又好juicy，一申有3舊和牛，簡直超好食！4.味椒鹽玉子豆腐$48（9/10）呢個味椒鹽玉子豆腐炸得好脆，味椒鹽唔會過鹹，入面嘅玉子豆腐好滑，一共有12舊炸玉子豆腐！4.Mata Punch(Orange,pinea

長沙灣廣場雖然比較老化，但擴充之後加入咗唔少新食肆，當堂變得年輕好多，其中一間係日式居酒屋 Mata Japanese Cuisine。👘🎎餐牌發現罕見嘅素關東煮 $88，真漢子問過店員，湯係醬油湯底係冇肉嘅。有年糕福袋，雞蛋，冬菇，蒟蒻，蘿蔔，蜂巢豆腐，紹菜。店員會先問食唔食蔥，食就加入大量嘅洋蔥絲。另外送兩款前菜，一碗小町米飯。午巿同晚巿都有供應，一個人食非常夠飽。不過個湯就比較清淡嘅，可以依自己喜好加啲調味料。😅除咗清酒，cocktail ，啤酒外，佢都有啲靚靚飲品，適合唔飲酒嘅朋友。例如呢杯 Fuji mountain $48，除咗靚都好好味，有嘅似飲緊益力多。🍸🍹有酒飲當然都有好多佐酒小食啦，食素嘅朋友都唔愁冇嘢食：🫛 怪味枝豆 $48怪味其實係來自鋪面嘅呢堆嘢，應該係洋蔥，辣椒之類，用麻辣醬炒過，非常惹味，送酒一流。至於呢堆嘢我問過店員係冇肉嘅，大家可以放心食。☺️⬜ 椒鹽玉子豆腐 $48雖然係椒鹽，但唔重口味亦唔太咸。切到細細塊，一口一件啱啱好。👄🍡 燒年糕一串 $28其貌不揚嘅年糕，竟然好食到定唔到口。表面燒到脆脆哋，咬落去煙煙韌韌，加埋燒汁真係非常好味道。😋素食嘅小食仲

知道荔枝角長沙灣廣場3樓開咗好多唔同嘅餐廳，於是上去一探究竟，經過見到一間居酒屋叫Mata japanese cusine 好多人食裝修精緻，一個人me time,叫咗佢哋嘅Cocktail,爆蔥慢煮牛舌丼，兩串串燒。餐廳特色Cocktail用上唔同顏色做主題，我今次叫咗個藍色，用上荔枝，菠蘿，vodka及Blue Cacao,飲落口唔算非常重酒味，適合女士。京蔥慢煮牛舌丼亦係依間餐廳招牌菜式師傅用上超過五小時時間處理包括3小時慢煮配上麵豉汁京蔥，厚切牛舌唔會韌非常容易咬開配上京蔥，個人非常喜歡。燒年糕及燒雞翼串燒翼10分出色，年糕搽上燒汁煙韌度十足，燒雞翼翼燒得非常香脆簡單加上鹽及檸檬已經非常惹味。最後不得不提餐廳附送的花生酥，係我喺香港食過最酥脆嘅花生酥，可以講係入口化開，包保你有驚喜。

今日響附近做完facial同整指甲順便約咗男朋友響附近食晚飯試吓新嘢，費事來來去去都係食屋企附近嗰幾間~ 上OpenRice見到呢間都幾多好評同埋近地鐵站，一於試下~ 可能因為依頭辦公室多，人流集中響食晏時間，我哋夜晚嚟唔算多人，肚餓嘅我哋好快就坐低咗叫嘢食~ 呢度啲職員都好Nice，介紹咗幾樣必食既野俾我哋，反正我哋都冇乜頭緒要食乜，一於就跟佢推薦~ 其中令我印象最深刻嘅就係右口魚，因為第一次聽，之前淨係食過同埋聽過左口魚，估唔到原來有右口魚依樣野職員話右口魚係肥美過左口魚，食落油香味更加重，佢果然冇介紹錯，d魚一入口，脂肪已經半溶於口，好邪惡不過真係好香好好食嚟到呢度一定要試另外我哋都食咗好多人話唔錯嘅味噌煮牛舌，牛舌炆得好淋所以的確幾好食，不過右口魚已經令我太驚艷所以成餐飯都回味緊佢另外呢度都提供七彩顏色嘅Cocktail，仲會用好得意嘅酒杯裝住，本身都怕飲落似藥水味會好奇怪所以我哋淨係叫咗一杯試吓，點知飲落係好自然清新嘅果味，搞到男朋友忍唔住叫多杯試多個味~ 總括嚟講餐廳非常值得一試， 有下次

長沙灣廣場好多平民美食，而MATA呢間居酒屋質素好高，但價錢只屬於中常，無論環境同擺盤都好精緻餐廳幾年前做omakase起家，儲落唔少熟客，喺度食嘢仲會送每人一份花生酥，係以前omakase set嘅其中一款甜品，入口即溶極鬆化，佢哋禮盒預訂嘅需求非常大，所以開設工場，順便轉型做日式fusion菜，喺長沙灣廣場服務荔枝角居民雖然我哋今日冇飲酒，但都叫咗啲日式送酒小食，蕃薯 Crème Brûlée都係必食推介！！雞皮薯片 $68用咗雞髀嘅雞皮，大大塊咬落去脆卜卜真係好似薯片咁！柚子胡椒雞頸肉 $58/2串雞頸肉爽口多汁，油香爆棚，柚子胡椒酸酸甜甜，冇平時食開咁辣咁啃，夠fresh幾好👍🏻吉列黑豚肉配小町米飯 $98呢間居酒屋唔止得送酒小食，如果想食飽醫肚一樣好多選擇，有拉麵、丼飯、意粉等等，我哋揀咗吉列黑豚肉，肉質超級鮮嫩，吉列皮入口即溶好酥脆，連埋椰菜絲一齊食，完全唔會覺得油膩蕃薯 Crème Brûlée $68竟然係原個番薯做器皿裝燉蛋🤤 番薯本身已經好香甜、燉蛋奶香、焦糖焦甜，三種甜味各有特色但零違和感！味醂魚乾 $88魚乾鹹鹹甜甜，好好咬可以慢慢食住傾偈真係好啱送酒洋甘菊茶

成日都話長沙灣有好野食今日就發堀到一間位於長沙灣廣場既日本居酒屋環境都幾大 餐廳分為兩邊想有情調啲飲下酒 就可以坐入店內燈光較暗 談心一流😳想三五知己傾下計坐得闊落啲 坐店外既位置就岩曬喇 環境寧靜舒適👍🏽坐低後第一個感覺係店員好有禮貌亦會耐心同我地講解每一道菜既特色黎得居酒屋 當然要飲下酒喇食主食前 店員都為我地介紹左幾款清酒 心大心細既我最後揀左一款容易入口 較甜既清酒🍶清酒有好多選擇 岩曬係酒鬼既你!前菜係佢地自己醃製既柚子蘿蔔同中華沙律個柚子蘿蔔味道清爽 酸酸甜甜 好開胃🤤鱈魚片份量好足 唔會食幾塊就無曬🤣脆卜卜加上個蛋黃醬 食唔停口🤭叉燒醬和牛串和牛既肉質淋得黎有彈性 表面搽左一層薄薄既叉燒醬 甜甜地 唔會蓋過本身和牛既肉味亦帶出和牛本身既juicy 將味道提升左一個層次~素菜關東煮E個關東煮用左七種素既配菜每樣都好入味 古法製南蠻雞👍🏽👍🏽E個招牌菜推薦大家一定要試聽聞係店主係外地拜師再自己改良既做法🤭夠曬用心平時食既南蠻雞通常都係炸但佢e個竟然係用煎既方法先用醬汁醃 再拎去煎 最後加入黑醋汁 外皮少少脆得黎又鎖得住d肉汁 仲要無骨 啖啖肉甜甜酸酸 送飯一流😍加埋必配既蛋沙

朋友知道我喜歡吃日本菜，今日特登帶我去試佢讚口不絕嘅居酒屋。先叫了兩個飲品，打卡超靚的Fuji Mountain 和Mata Punch。兩款果味香濃亦相當清新。兩個人試了幾道菜，真心有驚喜。1）炸日本明蝦白蝦來自北海道，炸得鬆脆甘香，可以連殼一齊食，加上海鹽，佐酒一流。 2）雞胸軟骨串平時外面叫雞軟骨串就只係得雞軟骨，但今日食的是一塊軟骨一塊肉串起來，兩種質感加埋又沒有燒得太乾仍然保留到肉汁，好味! 3)海膽汁燒蠔驚喜之作，汁燒三大隻生蠔，不是普通日式醬汁，而是海膽製作的汁醬放在生蠔上來汁燒，生蠔淡淡的鹹鮮，加上甘甜香濃的海膽，每一口味道也有不同層次，兩者交集在一起堪稱絕配。4)爆蔥慢煮牛舌丼份量都幾驚人，厚厚的一層日本大蔥，下面四件有成cm厚的牛舌鋪在飯面，份量相當充足。店員介紹由食材處理直至慢煮完成，全程大概需要三個多鐘，烹調手法傳統，係手工菜。牛舌口感軟嫩，單獨會吃到吃到淡淡的麵豉味，但夾雜大蔥一齊食又各有風味。牛舌的脂香加上大蔥嘅清新，真心推介。絕對不能不提碗飯，日本麵豉嘅味道就響呢度發揮更明顯。整體幾樣食材嘅味道各有特色，又不互搶，但加起嚟嘅層次威力就絕對感覺到大廚嘅誠意。

今晚放工約咗朋友去荔枝角站長沙灣道833號長沙灣廣場3樓303號舖食日式晚餐，店名叫‘Mata Janpanese Cuisine’ 店舖面積大約可坐四十人左右，店內有酒吧枱及四人餐桌，我同朋友6:00 pm 去到但大部分已經full booking 所以我地只能坐酒吧枱，因為坐酒吧枱面向店舖老闆所以我地品嘗食物嘅同時亦能即時給予老闆食物質素嘅議見，這體驗非常有趣。我地坐底後老闆先放上前菜有酸蘿蔔，海帶，及餐飲 wasabi 雞尾洒這款酒味道清新唔辣送小食一流👍之後送上四款小食，一碟飯及一款甜品。第一款小食鱈魚片配七味粉芝士醬 $68入口鬆脆，鱈魚片本身比較淡味加入七味粉芝士醬後，不但夠脆口感亦豐富。第二款小食雞屁屁一串$48 老闆話係雞尾嘅上方位置，雞肉嘢味入口鬆軟。第三款係海膽燒汁蠔 $198 共有三隻蠔，蠔上面放滿海膽非常吸引味道濃郁。第四款係腐乳豬䐁兩串 $88 肉質厚身味道清甜如果再加多d腐乳會更嘢味。之後叫咗一碟Mata炒飯 $108 其實係豬油渣炒飯，豬油渣擔擔油香炸豬油咬落香脆配飯一流。最後係自家制甜品送嘅不用收費，花生脆餅兩塊咬落似花生酥上面有兩粒花生，香脆可口花生味