影片
營業時間
今日營業
08:00 - 22:00
星期一至五
08:00 - 22:00
星期六至日
09:00 - 22:00
以上資料只供參考, 請與餐廳確認詳情
呢日去咗油街實現做文青 感受一吓藝術氣息🎨 夜晚就嚟咗呢間cafe坐吓 食個晚餐黑椒牛肉多士配薯條想食得輕量啲嘅話 呢份多士係個唔錯嘅選擇🥪 多士係酸種麵包 輕輕烘過之後 搽上一層horseradish sauce 呢一種醬汁食落酸酸地 有少少似cream cheese🤣 然後再有火箭菜黑椒牛肉同埋燶邊太陽蛋🍳 整個配搭都好夾 旁邊仲有大量嘅薯條🍟煙鴨胸波椒汁蝴蝶粉呢碟蝴蝶粉嘅份量夠晒同朋友兩份分享 佢嘅形狀好掛汁 醬汁嘅味道有少少墨西哥風味 因為主要嘅材料有三色椒🫑 然後面頭有五片非常厚身嘅煙鴨胸 餐廳完全唔吝嗇 五片煙鴨胸都係有一定嘅厚度 所以煎香完之後入面都保持住JuicyLatte呢間cafe嘅咖啡真係別出心裁☕️ 拉花都幾獨特 成日都帶俾人驚喜 呢日得到嘅係印度猶長嘅造型😮 latte 奶同咖啡嘅比例好好 奶香十足Cold brew呢個都幾特別 係裝咗係一個玻璃樽入面 再附上一個球狀嘅冰粒🧊 等我地飲嘅時候先加落冰度🫢 我就更鍾意呢個 因為有好香嘅咖啡香👍🏻呢間cafe嘅質素都唔錯 食完先記返起自己喺旺角都有食過呢間餐廳 兩間分店都一樣咁高質啊🥰
繼續閱讀
幫襯勁買💛Pause It ⏳@pause__it每次揀cafe除咗醫肚之外，一杯靚靚打卡啡都佔咗重要嘅位置🤳🏻 搵到呢間曾經係2021香港咖啡拉花大賽得獎嘅小店，老虎、獨角獸、甚至錦鯉呢啲複雜嘅圖案都完美呈現🦄 落地大玻璃設計，陽光自然曬入店內☀️ 加上高樓底嘅設計，增添不少空間感，正如小店宗旨，明亮舒適嘅空間讓到訪嘅各人係忙碌鬧市中抖一抖🦦牆上滿滿嘅stamp card，回頭客係質素嘅保證🪪 怕幫襯嘅時候張卡無帶係身😖 留係小店到，儲夠9個就可以隨時換杯free drink了🥳Purple Potato Latte with Oat Milk🍠淡淡嘅一片紫色💜 雖然顏色未算太突出，但紫薯味道係比奶味更濃，奶底轉咗oat milk，淡淡殼物香氣，整體甜度適中🙆🏻♀️Large Matcha Latte🍵色澤翠綠均勻，拉花線條流暢清晰，適量奶香烘托出茶嘅滋味🍃大細size嘅比較，$6呢個差價係值回票價😎Salmon Eggs Benedict🍞煙三文魚卷住形狀圓渾水煮蛋，輕輕一切蛋黃就流出嚟🔪 蛋汁流入下面有嚼勁嘅sourdough，微微炙燒過嘅蛋黃醬更香，一啖咬入口係極幸福的😚 旁邊嘅沙律味道酸香，清爽輕盈🥗Spaghetti with Tiger Prawns and Pomelo Sauce🍝成日飲柚子蜜，試下用嚟煮意粉嘅咸食新口味🍊酸酸甜甜咁好開胃，煎香嘅蝦拆殻挑腸，車厘茄同蒜片炒至軟身🧄欣賞咖啡拉花師嘅工架的話，可以係咖啡機前塊白板仔上抄佢地社交平台牌🪧 或者join佢地嘅workshop👨🏻🏫支持良心小店💛
繼續閱讀
位於炮台山的 Pause it 是一間行簡約風的文青Cafe，2位年輕的咖啡師在咖啡上拉出細緻的圖案，很值得前來打卡。之前睇到朋友的社交平台share ，所以就bookmark 左呢間cafe，有機會也要到訪一下☕️🍵🥛😍👍🏼店內的飲品選擇都很多，除了多款咖啡選擇外，還有不含咖啡因的Latte，很適合平時晚上少飲咖啡的我。咖啡除了好飲之外，仲要可以欣賞，絕對是加分之選。🤩🫶🏻黑芝麻 Latte（$42），Latte出現了飛馬的圖案，連飛馬的翅膀也很細緻地用奶泡拉出來，而且飛馬是覆蓋了9成的杯面，真的令人嘆為觀止。味道方面，黑芝麻味道香濃，用了粒粒的即磨黑芝麻沖出來，還有黑芝麻那種粒粒細滑的口感。🦄🪽🖤紫薯 Latte（$42），以淺紫色作為底色，白色的海馬也拉得很神似，相信咖啡師都要有很好的眼力和幻想力先可以拉得出栩栩如生的動物和海洋生物出來。紫薯味的Latte在其他咖啡店都少見，很香的紫薯味，又唔會很甜，仲可以飲到粒粒的紫薯粒。😋🍠💜柚子醬虎蝦意大利粉（$98），平時多數都會點一試掛湯意粉，雖然這個意粉雖然並不是掛湯，但是意粉的柚子味非常突出，酸酸甜甜，很開胃，虎蝦又很彈牙，也有一點似是泰式風味。🦐🍝紅酒燴西班牙豬軟骨意大利飯（$98），紅酒和蕃茄醬浸入意大利飯裡，加入了香濃芝士，令粒粒飯都燴得很濃味，豬軟骨的肉質夠哂軟腍腍又帶爽口。飯仲要是熱騰騰，食完真的有暖笠笠的感覺。🍷🧀🥘這間Cafe食物飲品性價比高外，仲有唔使加一，真心抵食，絕對值得回頭翻食😋👍🏼✨原來Cafe仲會舉辦不定期的咖啡拉花課程，有興趣學拉花嘅朋友一定要留意 Pause It 的 社交平台，待Cafe公怖詳情✨🍵☕️😍🫶🏻
繼續閱讀
🍽️鹹蛋黃單骨雞翼雞翼炸到好香脆，食落外脆內軟又多汁，雞翼變做單骨更方便我哋呢啲懶人食😂每一隻雞翼都充滿着濃厚嘅鹹蛋黃醬，食食吓仲食到鹹蛋黃添，且好夠味道😌🍽️法式多士配楓糖醬法式多士係即叫即整，所以多士食落好香口！而且法式多士個擺盤勁靚，會有啲士多啤梨、香蕉、藍莓、無花果同食用花做點綴，令到成個擺盤層次再升華咗🤩🍽️西班牙辣肉腸燴意大利飯辣肉腸食落好夠味，米飯用咗西班牙嘅煮法去燴，可能係因為燴飯嘅緣故，所以米飯吸收哂醬汁嘅味道，令到食嘅時候有種唔同嘅層次感！😆☕️熱朱古力呢間Cafe最出名就係拉花，點可以唔叫杯拉花呀！所以叫咗杯熱朱古力飲，都幾好飲！最特別係呢間Cafe可以轉做燕麥奶嫁，啱晒每人有唔同嘅口味😎
繼續閱讀
Pause It好有文青氛圍，店員都充滿青春活力，地方闊落舒適，點一杯咖啡或者拿鐵就可以在看書或傾計，悠閒地度過！法式多士配楓糖漿一座奶油小雪山，多士金黃色厚厚幾塊，外層酥脆，裡面蓬鬆有香濃的蛋味，蘸上楓糖漿或者奶油，讓甜味充滿整個口腔，給人一種幸福感和滿足感。搭配無花果、藍莓、香蕉和士多卑利又好清爽！炸魷魚配他他醬炸成焦糖色的魷魚香味撲鼻，內部保持嫩滑柔軟，他他醬有濃郁的酸奶風味和微妙的酸甜口感，很好地平衡炸魷魚的油膩感煙雞肉墨西哥餅薄薄的餅皮卷住一層芝士，再卷住有墨西哥辣味的雞柳和青椒，又香又辣，十分惹味！紫薯拿鐵浪漫淡紫色拿鐵上邊有好靚的拉花:兩隻可愛的小白兔！口感非常順滑，就像天鵝絨一樣在的舌尖滑動，帶有紫薯的香味，綿密的泡沫與溫暖的咖啡完美融合
繼續閱讀