Pizza Piazza

營業中

休息中

勁想私心收藏，唔想呢間心機小店出名要排隊；但真係好食到想寫返個comment支持下😂成日都心思思想過黎食，微小之處如沙律個thick sauce至 drinks都見細心同超班，成日都有意大利人幫襯。薄餅同意粉唔洗多講，睇圖都知正😋😋😋😋最緊要係CP超高，set lunch 一百至百零不等，dinner都係畀多一二百就好開心滿足🫶🏻感謝小店的努力，呢種餐廳就真係香港中流砥柱😂💪🏻💪🏻💪🏻💪🏻

lunch set 洋蔥湯味道pizza 像超市冷藏pizza 的餅底，加上材料翻熱出來，餅底硬而且不鬆軟。不用加錢的lunch set, 只有5款。其他都要+$38-58/個。Margarita - basil 很少Bacon and cheese pizza - bacon 很油膩。只有Americano 是ok.

可以講係人生之中食過最難食嘅Pizza，一直冇del張圖片，係為咗寫返個差評。.真心誇張到爆🤢🤢🤢🤮圖片已經見到啲Pizza仲係好白雪雪，都唔似真係焗咗好耐，食落口完全係想像中嗰回事，成個pizza好冧滋滋，因為當天心情好想食pizza慶祝吓，但係估唔到，最後尾會食到好辛苦😓，完完全全係唔想食。.首先，圖片已經見到已經唔係老屈間舖頭，你會見到每一片Pizza擺嘅配料，係完全唔平均有啲Pizza可以有成四五片火腿，有一啲Pizza可以一片火腿都冇，就算佢係用罐頭菠蘿都唔知點解可以難食到咁。.食又唔好食嘢，個醬底用嘅蕃茄醬係好厚，然後就係罐頭買返嚟蕃茄醬嘅味道，加上等待時間好耐…..我都係其中一個比好評呃到嘅一份子！希望大家唔好信啲好評啦，啱啱見到有評價都話佢係買好評嘅👍🏻👍🏻👍🏻👍🏻

叫咗我嚟試食，其實兩年前試過呢間餐廳，嗰陣係我自己俾錢食，印象唔係好深刻，因為唔係好好食，唯一記得嘅就係叫咗個蟹肉pizza，嚟到嘅時候一塊肉都冇，問咗個經理係咪比錯嘢，個經理夾硬講話啲蟹肉喺sauce醬汁入邊，我同朋友都費事駁，一餐半餐難食冇乜所謂。呢排PR叫咗我嚟試食，諗住睇吓年幾兩年之後有冇轉變，結果係一樣難食，態度仲要好差，尤其係個經理一開始唔知道我係嚟試食，當人狗咁樣，知道係來試食先至好返少少，不過都唔係好得去邊。蟹肉Pizza照舊都係冇蟹肉。。塊牛扒硬過橡筋。快啲執咗佢好過，Pizza box都好過佢。。。

嘻嘻～ 有優惠介紹🤩逄星期三晚上6點後叫任何正價Pizza就可以用$1換份(價值$138)既300克頂級黑毛安格斯牛扒配巴馬臣芝士超脆薯條🥰🥰🥰 **下星期去既朋友 佢地會係送豬呀另外平時都有好多唔同優惠 我地簡左 12‘’蟹肉大蝦薄餅 $188食落好有印度薄餅既鬆脆感橙色醬會有啲啲辣但同蝦肉幾夾只有好少既蟹肉 鋪得唔平均 只有部分薄餅上先有好少因為醬偏少 所以食到尾有啲乾身最可惜既係 佢圖文有啲不符我同朋友都以為係蟹肉會鋪滿係底面頭會有芝士我哋一致覺得可能揀肉醬底嘅pizza 可能會好食啲黑毛安格斯牛扒配巴馬臣芝士薯條牛肉已經set好熟度 無得比你簡大約係5成左右 望落就幾好既 但食落就好難咬好韌成碟下面都係血水有4個醬可以簡 我地簡左黑松露✨全餐最好食既野係薯條✨ **可以任食夠熱夠脆仲會有啲芝士粉係面但因為醬只係比好少另外可以問佢地拎蕃茄醬 同場加映題外話：係餐廳食飯個陣隔離枱既情侶好慘呀～我地呢幾枱算係一齊叫pizza+牛扒但我地就食完佢地個pizza都無黎過職員一開始話幫佢地跟跟最後我地食完走啦 聽到職員話個pizza燶左要再整比佢地我地係8點去 9點佢地就關門走個陣已經8:

去完D2 Place Playgroup之後，行過兩條街嚟到呢一間細細間嘅小店，見到佢有$88嘅lunch set，包湯包飲品，揀咗一個忌廉意粉，另外見到佢啲Pizza幾靚，但係又唔見lunch set有得揀Pizza，所以就揀咗$$158 12吋嘅夏威夷pizza，洋蔥湯好重黑椒味，意粉好好食，但係份量我覺得比較少，之後佢嚟咗一個Pizza，我問佢呢個係咪12吋，佢話唔係呢個係九吋，因為有一個九吋pizza $88 lUnch set，我同佢講唔該晒 頭先睇唔到有Pizza既lUnch set, 佢話都估到☺️☺️知道我哋兩個人食唔晒所以幫我哋直接轉lunch set,我覺得佢真係非常之細心, 唯一美中不足嘅係差，淡到好似Pizza Hut就咁擺片檸檬喺嗰個水壺度嗰陣味🤣Anyway, 會再去～

小編在OpenRice上預訂了Pizza Piazza, 有85折優惠, 值得一提的是85折優惠一律應用於單點和套餐上, 認真抵食。小編和友人點了2人晚餐 (原價$298), 當中包含兩碗餐湯、一份頭盤、兩份主菜 (可以叫main / pasta / pizza)和兩杯飲品。先上菜的是餐湯, 當日是洋蔥湯, 頗多洋蔥、洋蔥煮得很淋, 是好吃的, 但湯略油和略鹹, 正常水平。香檸黑椒雞翼 (8隻) - 一上檯小編和友人哇了一聲, 沒想到2人餐的頭盤的雞翼份量會有8隻。雞翼預先炸過, 再裹上酸酸甜甜的香檸汁, 說真的黑椒味就欠奉, 但香檸汁還是令人很開胃、一隻接一隻地吃下去。慢煮牛肉意粉 - 牛肉已經煮得軟爛, 口感不錯但沒什麼牛肉味。意粉採用闊條麵, 掛汁一流。意粉還付上一片小麵包, 但小麵包非常乾身, 不好吃, 絕對是畫蛇添足。12” 燒烤煙雞Pizza - Pizza即點即製, 上檯熱辣辣還冒著煙, BBQ醬很惹味, 配上芝士和雞粒烤焗, 沒有不好吃的道理。雞粒的份量略少, 有時會有幾口Pizza只有餅底沒有材料。總括而言, Pizza Piazza地點非常方便, 就在荔枝角站A出口

今日係Happy Friday，又係同飯腳同事們食飯既時候，見呢間餐廳係Openrice好似幾受歡迎，於是就決定黎食個午飯，輕鬆下。雖然唔係好大，大概有十幾張枱，但環境幾舒服同悠閒，有假日cafe既感覺。Lunchtime都full full 地。肉醬千層麵肉醬濃郁度恰好，麵既厚度係我鐘意既，有口感得黎，唔會太厚實。最正係熱辣辣，即叫即整咁，好有誠意。黑松露大蝦鮮手打麵上枱香氣撲鼻，味道幾有層次，首先係Cheese味，然後就有陣陣黑松露味。蝦真係幾大隻，自然彈牙得黎，又有d蝦味，絕對唔hea。門口有d隱蔽，但好近荔枝角站，行3分鐘就到。Lunch set 78蚊起，仲要有唔少選擇。Pizza都係88蚊起

下午要去荔枝角附近上興趣班，於是喺附近搵下野食先。呢間小店喺巴士站隔離，一於揀佢啦。啱啱過左工廈嘅繁忙時間，人流唔多，可以慢慢享受late lunch.lunch set 已經包左湯，主菜和飲品，仲要假期都有提供，真係幾抵喎。是日餐湯粟米湯，食得出粟米的香甜，粟米打到變蓉，但如果能加入粒粒粟米，口感更佳。黑松露大蝦超粗意粉黑松露味道頗香，份量夠，讓每條意粉都能沾上足夠黑松露醬。意粉唔算超粗，有咬口。大蝦大隻爽口。伴碟嘅蒜蓉薄片，估唔到入口香脆，唔錯。另外加左個homemade tiramisu, 底層嘅餅底很脆，中層嘅蛋糕吸了滿滿的酒香，表面嘅cream非常順滑，中間更夾雜了可可和咖啡嘅香味，層次豐富，好有驚喜。伯爵茶用左Mighty Leaf茶包，色澤澄澈，淡淡柑橘味，紅茶味不錯。非常搭配tiramisu。下次要黎試埋佢嘅特色pizza先得啦

呢間餐廳好係我屋企，所以呢日臨時有假放，就約埋個住同區朋友仔去食過午飯，順便睇個平戲。肉醬千層麵層層疊疊，濃郁的牛肉醬與絲滑的奶醬相融，每一口都是一場味覺的盛宴。金黃酥脆的表層與柔嫩的內層交相呼應，散發著迷人的香氣，令人難以抗拒。自家製的意大利芝士蛋糕這款自家製的意大利芝士蛋糕，每一口都像是踏入了奇妙的芝士仙境。綿密的蛋糕體中夾帶著顆顆豐滿的跪跪，彷彿是柔軟的濃露點綴在口中。帶有微微的焦糖香氣，每一滴都是令人陶醉的甜蜜享受，令人不禁心生敬畏之情。雖然呢日係星期六，但間餐廳都有提供平日既lunch set ，睇落幾抵咁，可惜今次唔夠肚餓無揀到。

今日喺荔枝角經過見到$88 lunch set pizza或者意粉，個餐包埋餐湯同埋嘢飲，見到佢個餐牌好似好好味，所以就一於去試吓。餐廳亦都有每日精選意粉，會定時轉餐牌。藍芝士牛肉pizza $88+28Pizza係九吋，餅底偏薄身，嗰邊變色落好脆。上面加咗滿滿嘅芝士，藍芝士同普通芝士唔同味，冇咁鹹同埋有芝士獨特嘅甜味，亦都冇拉絲嘅效果，不過配上蘑菇粒同埋牛肉碎就好夾，而且食落冇咁膩。「堅」水牛城雞翼 +28 🐓Lunch set加$28就可以加唔同小食。我就加咗四隻雞翼。雞翼上邊加咗辣嘅醬汁，食落個味似Tabasco。如果怕辣嘅話可以點少啲汁。雞翼肉質嫩滑好Juicy加上汁嘅辣味，好惹味。餐湯係粟米湯粟米湯較稀，入邊有粟米蓉同埋加咗黑胡椒。格雷伯爵茶

Pizza lunch set $88 $88 嘅pizza set 都幾抵，個餐包咗一個餐湯一杯嘢飲同埋九吋pizza。今日個餐湯係粟米湯，個餐裏面包埋湯已經好好，仲可以叫嘢飲。Parma 風乾火腿$48 有Parma ham ，水牛mozzarella 芝士同埋火箭菜。parma ham 份量好多，都有四片，每一篇都好大塊。仲要食落去係有鹹香。水牛Mozzarella芝士份量慷慨，食落去淡淡嘅芝士味同埋拉絲，真係食得好開心。火箭菜食落去好新鮮，仲要揀得好好食落去唔會苦。可以見到火箭菜鋪滿成塊pizza。堅水牛城雞翼+$28有四大舊雞翼，每一舊雞翼都沾滿左醬汁。辣度都唔會太強，適合香港人食。識嘅時候可以感受到雞翼覺得啱啱好，個皮仲係脆嘅。

好日唔嚟荔枝角嘅我，今日睇到呢間好似唔錯 跟住就去試下， 難食到難以置信，係我食過咁多pizza最難食嘅一次。嗌咗個肉食大王套餐， 加多杯士多啤梨鮮奶。粟米湯： 淡而無味完全唔知食緊乜嘢咁I肉食大王薄餅： 上面有勁多辣肉腸同埋煙肉， 食落去係勁咸同埋勁油， 勁咸。 唔知商家自己有冇試過味， 就算連pizza hut嘅薄餅都好食過佢。士多啤梨鮮奶： 甜甜地幾開胃， 食完個咁鹹嘅薄餅，即刻飲返清下個胃。埋單150蚊推介指數：0/5, 我自己以後唔會再去嘅水平

約左朋友去香工shopping，行到肚餓搵下附近有咩好野食，見到有間食pizza既餐廳好似唔錯，就試試佢✨▫️ 𝘗𝘢𝘯𝘤𝘦𝘵𝘵𝘢 𝘛𝘳𝘶𝘧𝘧𝘭𝘦黑松露煙肉𝘗𝘪𝘻𝘻𝘢Pizza好重黑松露味，作為黑松露愛好者，未食已經流口水，個pizza係薄批口感煙韌，餡料一啲都唔吝嗇，每一啖都係滿滿嘅黑松露，配埋芝士煙肉同蘑菇，味道非常濃郁🩵▫️慢煮西班牙黑毛豬肋骨除左pizza，都想試下其他食物，所以order左豬肋骨，肉同骨好輕易分開，肉質軟腍，而且好入味，2個人食分量都岩岩好。▫️ 水牛城雞翼套餐可以加配小食，我地揀左少少辣嘅水牛城雞翼，食左pizza同豬肋骨，再食個雞翼就恰到好處，辣味剛剛解到飽滯嘅感覺，食得好過癮❤️‍🔥最後我叫左杯花生醬香蕉奶昔，睇下名覺得好特別，一定要試一試！好濃嘅花生醬味，配上香蕉，感覺一啲都唔漏，2個味道好夾，好似食緊甜品，好滿足✨朋友唔鐘意香蕉味，所以叫咗士多啤梨奶昔，味道正常，如果鐘意試新品，一定係推介花生醬香蕉奶昔😍

Lunch set 有意粉有pizza 包湯同飲品意粉最平$78 Pizza $88 要加一黑松露煙肉pizza ($136)有點拿玻里style嘅pizza 不過邊唔夠燶偏薄低 幾香黑松露味 芝士唔會好咸份量都適中 滿意😎蟹肉鮮菇意大利飯 ($116)配左一條冧左嘅garlic bread😐味道係唔錯 幾creamy 當然就冇咩蟹肉😂不過敗筆位係d飯好似未熟咁🫠咬落硬硬地 要煮熟d先好😵‍💫另外加配左個tiramisu ($28)賣相幾靚 但完全唔係正宗Tiramisu 😂上面一pat cream 下午普通蛋糕咁食唔出係手指餅 唔推介👎🏼餐湯係洋蔥湯 頗油 但味道適中飲品就平時飲開coffee/tea/汽水～