766
40
22
| 餐廳: | ROYAL INN |
|---|---|
| 優惠: |
於此國泰夥伴餐廳用餐賺里 ! 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
影片
開飯介紹
以巴黎凱旋門等佈置營造浪漫的法國氣息，並供應傳統法國菜及糅合摩登風格的創新美饌。店內更設有法式花店，更切合巴黎「花都」的感覺。
繼續閱讀
營業時間
今日營業
12:00 - 22:30
星期一至日
12:00 - 22:30
以上資料只供參考, 請與餐廳確認詳情
有關餐廳
有關獎賞計劃
優惠
| 餐廳: | ROYAL INN |
|---|---|
| 優惠: | 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
相關文章
餐廳：Royal INN地點：尖沙咀The ONE菜式：法國菜餐牌：午市餐牌有7款主菜揀，價錢由$138至$218不等，另加一。包前菜4選1同$28或以下飲品，可加錢叫甜品。法式龍蝦濃湯 Lobster Bisque 法式龍蝦濃湯用花型碟上枱，熱辣辣。湯色鮮艷，面頭加上少少忌廉同蔥花，味道帶濃濃龍蝦味，口感滑溜，入面冇其他野。跟一片酸種麵包，完全冇加牛油，健康選擇。我哋每人一碗，飲完個身暖笠笠。法式寶雲酥羊架 Provençal lamb rack $168 法式寶雲酥羊架用一隻大圓碟上枱，聞到好香脆脆寶雲酥味！羊架兩大件，口感面香脆內腍，脂肪唔少，好邪惡。味道完全唔羶，仲有少少甜甜哋，香口口感勁特別！下底有好多南瓜蓉，整得好甜滑。仲有蘆筍4條，串茄3隻，蔬菜新鮮。最後加上少少沙律菜同花瓣點綴。呢道菜好高質！香煎北海道帶子海膽意大利飯 Seared Hokkaido scallop sea urchin risotto $168 香煎北海道帶子海膽意大利飯首先賣相顏色奪目，海膽意大利飯色水呈奪目橙色，加上Parmesan 芝士片，番茄乾，紫心蘿蔔，青醬。厨師仲加上少少沙律雜菜同花瓣點綴，直頭係眼睛先食！兩大隻香煎北海道帶子煎得燶面而入面仲生生地，鮮甜嫩口！海膽意大利飯好al dente，口感正宗，個汁微甜微酸咁，好味，啖啖夠汁，份量唔會太多。餐飲包$28或以下飲品。熱檸水 熱檸水用純白色咖啡杯一套上枱，入面有兩片檸檬，附上一包糖。夠酸。凍檸水凍檸水就有3片檸檬，已經轉左紙飲管。 今餐主菜質素唔錯，而且擺盤精緻。餐廳裝修非常之有法國特色，有一道大大巴黎凱旋門，用水晶吊燈、雲石枱同木藤椅，好有歐洲風格。而且仲放滿鮮花絲花，每枱都有鮮花作為枱花，今日係三色小菊花，食物都影得靚啲，環境氣氛唔錯。
繼續閱讀
放假我多數食兩餐今日食足三餐好忙😆但家下番學後少左約朋友食飯唯有接住落🫰朋友係要見架由尖沙咀極速去銅鑼灣呢間有許願池既餐廳無諗過商場入面有間裝修咁靚既餐廳無論許願池定係金色拱門設計都好啱打卡😍海鮮：白酒忌廉煮藍青口$178配多士三片藍青口入口即溶，多士蘸忌廉汁無得輸直情想用匙羹不嚟飲意粉：鮮海膽手工絲帶闊麵$238有兩大塊海膽係上面闊麵口感煙韌彈牙😍唔錯吸晒海膽汁正呀！飲品：叫左honey lager$88試下，平時我唔飲啤酒覺得好苦，見佢寫採用龍眼蜜釀製，又真係唔苦喎！仲有龍眼蜜既清香，好鍾意～要同好朋友飲番杯🫰甜品：精選甜品拼盤$138（鮮果撻、馬卡龍、芝士蛋糕、焦糖脆脆）擺盤好靚好精緻，藍莓芝士蛋糕面仲有食用花好靚、鮮果撻餅皮好香牛油味配埋焦糖脆脆一齊食唔錯、馬卡龍我試左朱古力味～有個🩵既朱古力醬係面好cute，連個餡都係朱古力味，好有誠意。朋友試左粉紅色啖啖既士多啤梨味。整體食物同甜品都唔錯，店員有禮貌會主動問要熱水定凍水，裝修靚座位寬敞，下次會再嚟試其他。亦都好適合鍾意飲酒吹水既朋友們，佢有個餐牌係有杯裝或支裝紅酒/白酒/香檳，啱晒一大班人嚟聚餐。
繼續閱讀
中環番工嘅上班族好多都會搭車過海去尖沙咀食飯, 今日黎左位於The One嘅Royal INN! 呢度係非常受歡迎嘅打卡餐廳, 餐廳佈置得美輪美奐充滿田園童話氣息, 令人心情大好! 😇lunch set包左餐包、前菜或餐湯, 今日嘅湯係牛肉羅宋湯, 另包一杯飲品, 亦可以加$$要埋甜品🍧紅酒燴牛肋條手工闊條麵 $158 經典法國菜之一; 牛肉紅酒味芳郁香濃, 層次感豐富, 牛肉軟而不散非常入味! 意粉係一門好大嘅學問, 分有新鮮手工意粉同乾意粉兩種; 自家製嘅手工意粉的口感彈性帶點煙韌, 散發蛋香, 同醬汁配合得天衣無縫…❤️醬汁完完全全同闊條麵融合一齊, 每條意粉都有濃濃紅酒汁味道👅燒三文魚柳配香煎西蘭花及薯蓉 $158 三文魚經煎過及烤過後, 皮脆肉嫩, 魚油香非常突出, 配少埋creamy醬汁同埋充滿牛油香嘅薯蓉, 健康又美味😋食完一頓豐富嘅西餐之後飲番杯熱檸水清一清味蕾, 舒服哂!! 呢度嘅食物水準頗高, 有機會一定會嚟試埋其他款式, 聽同事講呢度嘅午餐Menu經常都會轉新嘅, 可以比客人轉下口味試吓新菜式😊
繼續閱讀
尖沙咀Royal Inn 之前已經和朋友食過晚餐，喜歡這裏像宮廷風環境的設計，打咭一流，食物質素亦頗高質，今日再和朋友來試下午餐，Lunch Set 有多款選擇，有意粉、意大利飯、羊架和牛扒，梗有一款啱你心意😋🦞▪️法式龍蝦濃湯 $ 38Lobster Bisque +$38法式龍蝦濃湯配咗脆脆酸種包多士，龍蝦湯湯味香濃，仍然食到粒粒龍蝦肉，配合奶油更加香滑🥘▪️香煎北海道帶子海膽意大利飯 $ 168Seared Hokkaido scallop sea urchin risotto 用非常濃厚嘅海膽忌廉汁炮製而成，意大利飯軟硬適中入口Creamy，配上充滿牛油香煎得外焦肉嫩既鮮帶子，美味無窮🐏▪️法式寶雲酥羊架 $ 168Provencal lamb rack 寶雲酥香脆可口充滿香草香，羊架香酥鮮嫩，口感腍滑Juicy ，配上寶雲酥香脆又軟嫩，配菜的南瓜蓉香甜軟滑，加上小蕃茄和蘆筍，相當豐富🍎▪️焗蘋果金寶配雲尼拿醬 $ 78Apple Crumble 份量十足，即點即焗，蘋果金寶焦糖肉桂蘋果粒，配上金寶脆脆滿滿口感，甜度適中，再加上雲尼拿醬增添香滑口感🍵▪️Green tea Latte $ 40綠茶粉與鮮奶比例剛好，綠茶味香濃，飲到底仍然飲到幼細既茶粉🧋▪️Ice Latte $ 45香滑既Ice Latte再加上一層豐厚嘅忌廉，雖然邪惡等更加細滑美味
繼續閱讀
今日終於約到閨密出嚟行街shopping,喺尖沙咀行完街，好耐之前就已經好想試呢間裝修風格好宮廷式嘅餐廳，原本諗住下午茶時段過嚟，但係shopping得太過投入唔記得咗，咁真係試吓晚餐啦。白松露薯條 $78基本上薯條對於我哋嚟講都係開胃菜，喺美食正餐之前有啲小食咬下傾吓偈，白松露醬味道都好唔錯，薯條好似仲有少少芝士定洋蔥喺面，所以影相影落都好精緻。法式大蒜蘑菇忌廉烤雞 $238呢個真係要大贊，估唔到真係咁好味，配上考得剛剛好嘅麵包多士，點醬真係好好味。但係麵包真係要趁熱食，喺脆卜卜嘅時候加香濃嘅忌廉大蒜醬汁，真係好想食多幾塊。蘑菇同雞都好入味，所以都好夾。蟹肉忌廉汁扁意粉$168其實就冇乜特別，口味比較清淡少少，可能比起一般忌廉意粉嚟講冇咁濃郁。焗蘋果金寶配雲呢拿醬$78呢個係熱辣辣焗出嚟嘅AppleCrumble，真係超鍾意佢酸酸甜甜熱辣辣嘅感覺，其實呢道菜我成日都覺得唔係甜，每次食完都覺得好開胃。10分推薦熱式甜品～呢度嘅環境打卡真係好，真係好適合女仔喺度坐低傾偈，去到就嚟收舖嘅時候特登等啲人走晒，終於可以影到呢個冇人嘅環境，係咪有少少嗰種返返去維多利亞時期嘅感覺？
繼續閱讀