影片
港鐵上環站 A2 出口, 步行約8分鐘
繼續閱讀
營業時間
今日營業
11:30 - 18:30
星期一至日
11:30 - 18:30
以上資料只供參考, 請與餐廳確認詳情
🔴其實一早已經聽過 @sbakeryhk 呢間cheesecake! 仲知佢喺太平山街開咗靚靚舖頭！不過每次行過都冇試😮💨 因為每次都食飽咗，同埋價錢方面令我有啲卻步💸 🟠前排行過終於扚起心肝試試佢！因為有朋友推介話真係好好食🧚🏻♀️今次係買完咖啡再去，原來喺隔離買完咖啡再買蛋糕有9折😗 今次試咗喺櫃入面剩返一舊嘅s’more！因為見佢剩返一舊，所以就覺得應該會係最好食😂價錢方面其實真係好貴。。。不過好大舊，一舊足以兩個人share，同埋係好需要配咖啡一齊食，因為都幾甜㗎，所以買咗咖啡再買cake就$88件(原價$98)💁🏻♀️🟡想講係真係好食🥹我好耐都冇試過食到一件蛋糕係覺得好好食🥹仲要講緊已經係食咗嘢之後再去食🥹飽飽地咁樣食都覺得好食🥹雖然食落覺得甜，但係甜得嚟又唔會漏，口感好豐富，其實我冇深究入邊有啲咩令到我咬落去覺得有層次感，反正就推介大家去試吓🥰因為放入口就覺得好好食🤭 🟢自費非打手🙏🏻🤣 因為淨係試過s’more一隻味咋，係唔代表埋其他味嘅立場㗎🙏🏻
繼續閱讀
Apple Crumble - $98朋友初時叫Apple Crumble味我都好驚會好甜但食落又幾好食New York cheesecake食落唔會太甜而且唔係嗰啲實的的嘅Cheesecake咬落好綿好鬆化入邊有層青蘋果肉桂餡玉桂味好濃有青蘋果喺度成件事一啲都唔會膩面頭仲要有層燕麥碎碎增加咬口雖然價錢比較貴但係佢個性價比都係合理嘅講起又即刻想試吓佢哋唔同嘅味
繼續閱讀
知道呢間嘢好耐，咁啱喺附近食完lunch未見飽就心血來潮行過嚟試下。貴就預咗㗎喇，只係想一睹佢嘅風采，試下係咪真係值呢個價。行到過去選擇困難症發作，店員幾nice咁話水果cheesecake入面會有果肉，於是就揀咗個Blueberry Cheesecake$98。件cheesecake係幾大件下，唔係好快融嗰隻，店員話水果cheesecake入面有果肉但其實得好少下，成件cheesecake嘅藍莓味唔係好夠，可能係jam/果肉唔夠多，冇jam/果肉嘅位太多食落就會同原味冇分別。總結嚟講就中規中矩，除咗大件之外都冇咩特別，但呢個價就唔會想食多次。同埋要留意嘅係佢主要都係take away，隔離係有個好細嘅位坐，可以坐1-2人，但如果有人坐咗/打卡就冇位喺度食。btw一個人坐喺度又有人經過嘅話場面就有少少尷，因為個位較細，人哋經過就有啲似動物園睇猩猩。
繼續閱讀
上網search香港cheesecake 最top嘅幾間就有呢間位於上環嘅Sbakery 係上環地鐵站出去都要行條斜路上去 但係為左高卡路里嘅cheesecake行多D路都無妨😌可能下晝到左所以擺設櫃入面淨返原位 不過店主話佢入面都仲整緊幾隻味 包括芒果熱情果等！🍰Original Cheesecake💰98cheesecake要食出究竟好唔好味就要睇下原味如何 呢間一塊幾貴 但係份量都好大 最上面有一層白色嘅酸奶mousse 下面全部都係芝士層 最底同側面有一大層嘅餅乾底 首先講下個質感先 呢度係newyork clasic cheesecake 所以質感比較重D 但係就咁切落去嘅時候好順滑 質感非常柔順 最上個層酸奶mousse入口即融 酸酸地好開胃 下面嘅芝士層可以見到好多洞洞 入口完全唔鬆化唔膩 酸甜味好突出！再到餅底 肉桂味搶先牛油味到達左我嘅味蕾 餅底好容易睇得出全部都係餅碎 冇壓得好實 但係反而每一舊都唔會散開 入口好乾身 啱啱好咁解左芝士part嘅濃厚！暫時來講呢間係我心目中真係算得上top1 cheesecake factory嘅一塊食到一半一定會漏死 同埋呢度嘅蛋糕定型力比較強 同cheesecake factory拎係出面1個鐘就塌曬比會堅硬D🤣大家有咩cheesecake想我試下都可以comment整返個cheesecake特輯！📌 Sbakery by Mama Soo (上環)上環太平山街22-24A號地舖https://
繼續閱讀
上網見到好多人介紹呢一間打卡人氣店，細細間鋪，得一個雪櫃，入面裝滿晒唔同味道嘅芝士蛋糕🍰去到嘅時候前面都有人買緊兩件，我哋企喺個櫃度都揀咗一陣，最後揀咗S'more同Mocha🍫佢可以收PayMe，好方便💰攞住佢張單去隔離coffee shop買咖啡有九折👍🏻因為佢只係外賣冇得堂食，如果真係想坐低食嘅話，最好喺隔離買杯咖啡坐低食埋😌其實食一嚿已經好漏，不過一場嚟到，點都叫兩隻味試吓😂餅底略嫌太硬，味道其實出眾。價錢上會件$88，絕對係中環嘅價錢😆S'moreNew York cheesecake mixed with marshmallows and dark chocolate chunks, topped with melted marshmallows and a drizzle of melted dark chocolateMochaNew York Cheesecake with a layer of dark chocolate cheesecake and coffee cheesecake topped with dark chocolate ganache
繼續閱讀