影片
營業時間
今日營業
11:30 - 21:00
星期一至日
11:30 - 21:00
公眾假期
11:30 - 21:00
*最後落單時間: 20:30
以上資料只供參考, 請與餐廳確認詳情
自從開咗airside之後，真係少咗好多去mikiki。雖然airside有好多選擇，而且一定有位，但係有時想食得經濟啲，就會去返mikiki 😛今日哩間餐廳係同事曾經食過，覺得唔錯極力推介 ❤️午餐包餐湯，同時可以用優惠價叫餐前小食、飲品 或者 甜品。和風吉列豬扒蛋包飯 ($83)和風カツオムライス蛋包飯有兩款可以揀，日式炸雞 同 吉列豬扒，不過前排病咗，仲戒緊口，無得食。只好睇住朋友食🥲蛋包飯醬汁可以揀野菌咖哩汁 或 洋風完熟蕃茄汁，朋友揀咗咖哩汁。咖哩汁係日式咖哩，職員一放低份午餐，已經聞到好香嘅咖哩味。醬汁濃稠，試咗一啖蛋包飯點咖哩汁，好好食😋咖哩汁少少微辣，但小朋友應該都可以食到。吉列豬扒都好多片，算厚身，睇落炸粉厚薄適中，唔會好厚。朋友食後感大讚個蛋包飯好食，而且份量好大份。溫泉蛋芝士波隆拿肉醬意粉 ($73)チージーボロネーゼに温泉卵午餐嘅餐湯係無得揀嘅，所以就算叫意粉，餐湯同樣係麵豉湯 🥣叫哩個意粉，係俾個溫泉蛋吸引，不過肉醬意粉偏向濃味，混合埋一齊之後，已經俾蕃茄醬遮蓋咗個味道，唔係好食到蛋香。肉醬入面有好多菇，但係洋蔥就偏生，再炒熟啲就更好。而意大利粉口感煮得岩岩好，麵好彈牙。泡沫咖啡カプチー白咖啡フラットホワ午餐加$15可以叫 $40以下嘅飲品，已經涵蓋咗大部份嘅咖啡。雖然menu上寫可以免費轉脫脂奶，但係落單嘅時候，選項只有脫脂奶，無全脂奶揀😅轉植物奶就加$4，升級做燕麥奶。咖啡水準都唔錯，咖啡唔係好濃，但奶夠香。以優惠價嚟講，算係唔錯。餐廳舖位唔算好大，大約坐到25-30人，枱與枱之間嘅距離唔會好密，算係坐得舒服。可能餐廳門口位於商場外面，人流唔算好多，唔洗等位就可以入座。食物出餐速度都幾快，食完lunch夠哂時間返公司。
繼續閱讀
自從大胃入咗咖啡灣個咖啡坑，滿腦子都係咖啡，時時刻刻都好想搵cafe新蒲崗有間日式洋食cafe，好有格調形形色色嘅漢堡包都食過唔少，由明太子製成嘅漢堡扒第一次食，鹹香縈繞口腔，麵包軟熟沙律好爽甜，仲有好大條粗身嘅薯角，脆口極具質感第二個食漢堡扒の大法，就係食咖喱蛋包飯，咖喱好香蛋又滑漢堡扒仲要係芝士流心，幸福感滿滿除咗漢堡扒，仲有和牛薯餅，又脆又大嚿，好香牛肉味為咗食多啲佢地嘅靚靚甜品，大胃忍口唔嗌窩夫嗌多兩款甜品。咖啡味嘅布丁賣晒，食原味忌廉都一樣唔錯芝士蛋糕超香咖啡味，甜中帶澀，餅底上夾住黑糖麻糬，煙韌香甜。士多啤梨醬忌廉同咖啡香，以及蛋糕本身質感好夾呢度嘅咖啡都係signature，蜂蜜咖啡有幽幽甜香想要靚拉花，特別啲可以嗌風味咖啡，玫瑰味貌美如花之餘，更係滿口花香
繼續閱讀
嚟開新蒲崗，今日介紹另外一間源自於日本🇯🇵的食肆Sonia Coffee！☕️Set lunch 大約有5-6款選擇，今天和朋友分別品嘗了Shrimp Neapolitan (海老拿玻里)及Clam spaghetti (蜆肉意大利麵）！🦐🍝~ 蝦肉鮮嫩多汁，搭配濃郁的醬汁 🌟🇮🇹蜆肉意大利粉～ 蜆肉鮮甜，醬汁鮮美 🌟☕️ Americano 美式咖啡 ~ 香醇順滑 🌟Sonia 咖啡店的環境舒適，充滿日式風情，是同區少有的選擇。人均消費$100左右，性價比高🌟🌟🌟食評指數：8/10💁🏻♀️人均消費（lunch）～HKD100🗺️ 地址：G/F, Mikiki, San Po Kong想睇更多餐廳分享，請like & follow @_jolly.foodie_#spkfood #spkjollyfoodie #JKHK
繼續閱讀
源自京都50多年歷史喫茶店SoniaCoffee，剛於新蒲崗Mikiki開設第三間香港分店，亦係首間分店設有室內及室外座位，而室外係pet friendly位置，可以同毛孩一齊用餐🤍裝修方面都係走一貫的懷舊日式昭和風，同其他分店分別不大，不過Mikiki店的菜單則會推出全新設計的菜式，會同其他有所分別！- 鰻魚丼- 伯爵茶巴斯克芝士蛋糕- 忌廉焦糖吉士布丁- Iced Americano- Matcha latte
繼續閱讀
下午來到這間在京都有悠久歷史嘅咖啡店。由於係平日唔喺好多人，可以慢慢享受。Tea menu 1430開始，有午後套餐或甜品套餐選擇，1800完结。芝士炸雞窩夫沙律炸雞香脆，窩夫鬆軟，配上hazelnut latte，咖啡濃香，帶有hazelnut甜味。三文魚温泉蛋窩夫沙律三文魚卷成花卉狀，外觀漂亮。mocha 香滑，有濃郁朱古力味。抹茶小豆窩夫配豆腐雪糕waffle好脆，豆腐雪糕夠大，如果雪糕可以自己選擇口味的話，會更加好，現在要根據menu設定。latte 好味。整體來說，下午茶窩夫好味，人少可以慢慢在餐廳享受休閒時光。不過可能由於餐廳新開不久，員工們在點餐時有點亂，好像還沒有熟習餐廳的運作，這裡有待改善。
繼續閱讀