影片
港鐵黃埔站 A 出口, 步行約5分鐘
繼續閱讀
營業時間
星期一至日
11:00 - 21:00
以上資料只供參考, 請與餐廳確認詳情
相關文章
紅磡近排開左好多漢堡包小店，今次嚟到呢間懷舊港式漢堡包鋪。Order左芝士漢堡同芝士蛋漢堡，漢堡包烘得微燶脆口，夾住芝士、煎蛋、肉汁滿滿嘅漢堡扒同沙律醬，唔需要花巧嘅配料，簡單材料已成為美食！食漢堡包冇可能唔食薯條！我地當然要一份炸薯條啦！再加兩條法蘭克福腸！粗薯條大大份炸得超香口，法蘭克福腸煎到啱啱爆開非常juicy。見到特飲有紅豆奶茶幾得意，一於試試佢！細細粒紅豆食落幾有口感，同奶茶好夾。今餐真係超滿足～餐牌：
繼續閱讀
初嚟黃埔報到，唔多熟路，後來先知到原來佢都係時新漢堡嘅後人開嘅鋪頭，原來有段故事先分開咗兩間唔同名。🤔餐廳雖然裝修得好新潮，但一見個menu就充滿懷舊感。小編嗌咗個招牌嘅雙層芝士蛋漢堡🧀🥚🐮🐮，然後+$5加煙肉🥓，配上黑椒汁。小編係舊鋪食過一次，呢個味道非常貼近舊鋪。漢堡扒超厚身，洋蔥🧄粒夠爽口，非常juicy。另外值得一讚的是漢堡包裡面所有餡料都非常飽滿大塊，基本上第一啖就肯定已經食到爆漿餡料，唔會淨係咬到個包🙊。加咗隻蛋後可以中和左兩塊漢堡扒嘅油膩感。快煙肉都煎得好唔錯，唔係脆果種，保留番Juicy感👍🏻(小編推薦加🤟🏻🥰)。圖2係單層芝士蛋漢堡+煙肉，女生可嗌呢個，其實已經好夠飽～🙈小編同朋友share咗一個大薯條🍟，薯條同以前一樣都係粗身波浪型，炸到外軟內脆，充滿經典港式口味！（不兩個女仔表示share一包大薯條可能會食唔晒😛）
繼續閱讀
第一次來到呢間漢堡店, 知道係舊店搬過來, 叫咗芝蛋牛肉漢堡, 不愧係人手砌肉, 好juicy, 面飽係煎焗過, 醬汁超水評, 唔膩。 魚柳漢堡好滑, 用咗另一款汁, 清新。炸翼炸脾好脆, juicy, 食到有薑添。我叫老闆薯條炸脆D, 佢話會好乾, 出品可以接受。 加15元有杯紅豆coffee, 邊度揾呀。各位快D去幫襯, 店只做到4月底, 另揾新地方, 咁有食物質素, 價錢超值, 好難得。。。。
繼續閱讀
以前去親紅磡, 都一定會幫襯時新漢堡, 彷彿係紅磡既一個必去icon 。後來時新結束左, 都好耐無食過呢種咁港式既漢堡包嘞。今日朋友就帶我去呢間SSHKB1963 burger, 食返呢種港式既漢堡包。餐廳裝修簡潔, 予人乾淨企理既感覺。佢地既漢堡包係港式style。麵包烘得外脆內軟, 牛肉漢堡扒好juicy 啖啖肉, 咬落去仲食到滿滿既肉汁。內餡仲有一隻煎蛋, 煎得剛剛好唔會太老, 配上佢地自制既醬汁一齊食好正。薯條係我最鍾意既粗身波浪薯條, 有好香既薯仔味, 仲炸得外脆內軟, 比人好有真材實料之感, 食到停唔到口。再叫多杯冰凍既紅豆奶茶, 滿足的一餐。SSHKB1963 BURGER 紅磡蕪湖街83號逸酒店地下2A-2B號舖港鐵黃埔站 A 出口, 步行約5分鐘
繼續閱讀
紅墈兩兄弟兩間時新其中之一，標榜賣港式漢堡。門面頗現代化，驟眼看似銀行多過此餐廳。餐廳內部裝修簡潔，有時代感，給人乾淨企理的感覺。放滿消毒潔手液。清水任飲。牛肉漢堡套餐盛惠46元。熱華田是夠香濃的，不加白砂糖也可以。他們的招牌牛肉漢堡可算是當天食過最差的食物。牛肉鬆散一pat 毫無口感質感，有少許肉味但以醃料味為主，不算太鹹有少許碎洋蔥調味這方面尚可以。沙律汁太甜。麵包唔使我講你自己睇下張相都知，見到都唔開胃。薯條就質素好高，外鬆脆內軟口感很好。但略嫌薯味稍淡，季節還是品種問題？回來了就得好好的幹，這個牛肉漢堡好不過麥當勞的。看餐牌價格不算貴，但考慮到食物質素就不會再幫襯。
繼續閱讀