影片
附加資料
店內惠顧紅白酒可免一支開瓶費
營業時間
今日營業
12:00 - 23:00
星期一至日
12:00 - 23:00
以上資料只供參考, 請與餐廳確認詳情
有關餐廳
有關獎賞計劃
相關文章
之前都有食過the grill room嘅晚餐，對佢嘅牛扒念念不忘，嗰種炭燒嘅香味真係令人垂涎欲滴。今日發現佢有lunch semi buffet，就同老公黎食個靚lunch😍呢度嘅semi buffet lunch $98 包括湯、沙律吧、飲品。沙律吧除咗各式沙律菜，仲有蟹肉碎蛋包、呑拿魚通心粉、炸物、蛋糕。淨係食呢啲都夠哂飽啦其實，而且味道仲非常唔錯添！另外我哋仲加咗啲主菜。🔸牛肝菌蘑菇意大利飯(+💰48)呢個意大利飯有好濃郁嘅芝士同蘑菇香。🔸燒紐西蘭10安士肉眼扒 配 薯條 (+💰208)肉眼扒仍然係咁好味，我完全唔點醬汁，都食到肉味濃郁，肉質嫩滑，仲有濃濃嘅炭燒香味撲鼻。餐廳越坐越多人，大家都流露出滿意嘅表情。呢個semi buffet lunch 性價比高，食物質素唔錯，座位環境舒適。如果沙律吧有更多適合小朋友食嘅食物，相信一定有更多家長帶埋小朋友一齊嚟食嘢。Overall評分: 8.5/10👏🏻
繼續閱讀
供應Semi buffet的餐廳現在愈來愈少。得知The Grill Room有供應Semi Buffet Lunch，假日都有，於是來試試。Semi buffet lunch 每位$98，可享用自助區的美食如沙律、小吃及甜品，另配一碗是日餐湯及一杯汽水或茶。然後可再加錢選擇主食，由$38至$208，有意粉、意大利飯至牛扒等，豐儉由人。當日沙律共有5款，其中大通粉最有驚喜，味道酸酸的很開胃，通粉煙韌。凱撤沙律可因應自己口味調味，生菜新鮮。另外兩款做得不錯，口味清新開胃。小吃方面，炸物熱烘烘，炸雞翼帶點辣，外脆肉嫩，薯條粗身香脆，香口美味。吞拿魚多士也不錯，適合與是日餐湯一起吃。甜品有豆腐慕絲蛋糕及朱古力慕絲蛋糕。豆腐蛋糕豆味濃郁，朱古力不會很甜，兩者均口感順滑，肚子有空間不妨吃多幾件。是日餐湯是日為南瓜忌廉湯，南瓜味濃郁香甜，口感順滑。沒想過自助區的食物會不斷refill，所以我們每人叫了一款主食：香煎三文魚柳伴菠菜苗及枝豆 $138三文魚外皮香脆，肉質較嫩，菠菜苗口感口順滑，味道香濃，加上爽嫩枝豆，美味可口。香烤燒春雞配西蘭花苗及薯蓉 $68原本想叫雞卷，但假日雞卷轉為燒春雞。雞外皮呈金黃色，內裡保持肉汁。西蘭花苗清新的口感，薯蓉的軟綿口感，為菜餚增添了不同層次。凍檸檬茶 天氣帶點熱，用餐後喝杯冰凍而具新鮮酸味的茶飲最為適合。餐廳地方不少，環境有格調，午市適合輕鬆用餐，晚市適合慶祝特別日子，也是一大班人聚餐的好地方。以上價格需另加一附加費
繼續閱讀
⚡️各位大胃王鍾唔鍾意挑戰食自助餐呢？今日就帶大家嚟到呢一間超好味嘅餐廳 @thegrillroomhk 享受佢哋嘅午餐semi buffet！呢個半自助餐係$98起！最平加多$38就可以加主菜，例如招牌卡邦尼意粉！$48就可以加超好味嘅松露蘑菇意大利飯！咁抵大家快啲過嚟試吓啦！我已經幫大家把好關，而家就嚟介紹吓，有乜嘢啱食嘅半自助菜式！呢度有非常多種類嘅沙律可以選擇，而且全部都好高質！除咗有大大嚿肥厚吞拿魚沙律之外，仲有我好欣賞嘅西式半熟蛋沙律！除咗沙律之外，各位食肉獸仲可以選擇鮮蝦牛油果吐司！而且仲有新鮮漬炸嘅薯條同埋炸雞粒！呢度嘅選擇真係非常多啊講完鹹嘅，當然仲有甜品啦！呢度嘅甜品成日都會轉今日我哋就有行事到超級絲滑濃郁嘅生朱古力蛋糕同埋獨家豆腐蛋糕！呢個豆腐蛋糕真係全場MVP，除咗有幼滑嘅口感之外，仲有非常香濃嘅豆乳味！大家食完半自助餐，記得都要留肚食正餐！首先佢會送一個是日餐湯，今日我哋就試咗非常新鮮嘅粟米忌廉湯，完全係新鮮粟米熬製，仲可以食到粟米外層較硬嘅口感令到佢嘅層次更加豐富！雖然呢個話半自助餐，但係其實呢度嘅主菜都唔執輸！今日我哋就加咗$48嗌蘑菇意大利飯！個口感真係非常驚喜，可以食得出佢嘅用料非常新鮮！上面嘅煎蘑菇簡直係點蒸支筆！另外我哋仲加咗$208嗌佢哋嘅肉眼扒！廚師嘅功力好足，塊扒嘅水準一流，肉質鮮嫩，而且仲好多汁！真係非常抵讚呀！
繼續閱讀
我是半自助餐的粉絲。因為我非常喜歡食沙律，我可以只選自助沙律部份，不加主菜。如果要加主菜，我會希望主菜有多些選擇。The Grill Room滿足了我上述要求。.它的半自助餐由十二點開始，每位$98包沙律、甜品、炸物、西湯和飲品。沙律有6款，例如凱撒、黎麥菠菜、煙三文魚通粉、番茄芝士等，炸物有薯角、麥樂雞等，甜品有豆腐慕絲蛋糕、桃慕絲蛋糕等。全部任食，加上湯和飲品，可以吃得飽。.主菜方面7種，價錢由$38-$208，選擇範圍頗廣。假如點$38的卡邦尼扁意大利麵，加上$98和加一，百五元有找，非常抵食。.餐廳環境和服務都很好，地方佈置雅致有空間感，服務細心。是日西湯是番茄濃湯，酸甜開胃。主菜：香煎三文魚柳伴菠菜苗及枝豆（$138）三文魚皮脆肉嫩，菠菜苗滑溜無渣，很好吃。主菜：香煎法式雞卷配西蘭花苗及薯蓉（$68）連皮的雞卷意想不到的嫩，外皮煎得香脆。除了咖啡要加錢外，其它飲品不用收費。
繼續閱讀
第二次食呢間餐廳啦，對上一次食晚餐覺得好滿意😆 所以今次去食埋佢地既午餐先🤤。搭正12點一開門即刻上左去，睇睇餐牌，原來午餐係Semi Buffet 形式進行的，我們揀了Semi Buffet，主菜點了牛扒及三文魚。Semi Buffet:🍠紫薯椰菜絲沙律- 我鐘意呢款，紫薯好creamy, 中間夾住d 菜 好fresh 好爽。🥔薯仔沙律- 正常味道。🐟煙三文魚沙律- 煙三文魚不會過鹹，配搭的菜葉都好fresh。🥗手撕雞通粉沙律- 本身呢2款食材我都很喜歡，所以覺得好好味。🍤炸蝦條- 另外一條是炸魚手指，蝦比較彈牙，2 款都好食。🐔炸雞翼- 帶點辛辣味道的炸半邊雞翼，非常惹味。🍵綠茶蛋糕- 甜度適中的慕絲蛋糕，最適合吃飽時吃。🍫朱古力蛋糕- 香濃的甜甜朱古力蛋糕，味道較綠茶甜和濃，建議先吃綠茶後再吃朱古力。主菜：🍴烤紐西蘭10安士肉眼扒配薯條 - 肉眼扒雖然有些少overcooked, 但亦無阻它的味道和口感，口感嫩滑中間帶點Juicy，而且充滿着炭香和滿滿的牛肉香氣，風味十足，我自己就好鐘意。薯條份量頗多，粗幼度適中，帶點鹹香，而且時間過耐了也不會因濕氣而影響口感。🐟香煎三文魚柳伴菠菜苗及枝豆 - 三文魚熟到剛剛好，伴有忌廉及菠菜苗，食材非常之夾，魚皮帶點酥脆。🍹餐茶：我點了凍檸檬茶，正常發揮，甜度自己調配。🥖湯及麵包：當日的湯是番茄湯，除了番茄外，更添加了不同的香料，令茄湯非常香濃。 麵包外脆內軟，正常發揮。食評總結：對於沒有看餐牌便來了的我，見到Semi buffet覺得非常喜出望外，除了食材新鮮，味道好吃，性價比還好高，以一份卡邦尼意粉午餐為例， $140便可享有Semi buffet、主菜、餐湯、麵包、甜品、餐茶。如此豐富的午餐，我非常滿意，下次亦會帶其他朋友再過來吃。
繼續閱讀