影片
港鐵大圍站 A 出口, 步行約7分鐘
繼續閱讀
電話號碼
93892269
開飯介紹
老闆娘為越南人，餐廳主打正宗越南菜及街頭小食，飲料亦充滿越南風味及特色，包括雞蛋咖啡、斑蘭撞奶等。
繼續閱讀
營業時間
今日營業
12:00 - 16:00
18:00 - 22:00
星期一至日
12:00 - 16:00
18:00 - 22:00
公眾假期
12:00 - 17:00
18:00 - 22:00
公眾假期前夕
12:00 - 22:00
以上資料只供參考, 請與餐廳確認詳情
-
網上訂座即將推出
相關文章
聽到好多朋友都推介呢一間餐廳，越南菜式好有特色💁🏻♀️裝修設計好型格好chill，樓底高空間感十足！😎👍🏻Bun Thit Nuong 豬頸肉春卷撈檬 炭燒豬頸肉，好香炭火味又juicy。炸春卷新鮮脆口。豬肉串😃豬肉味濃，肥瘦適中，好惹味👍🏻。撈檬配料新鮮，份量都好足。配以越南魚露一齊食, 整體配合得好好👍🏻😋 Clam Soup 斑蘭蜆湯呢個超有驚喜嘅斑蘭蜆湯。大蜆粒粒脹卜卜好大隻。好新鮮。而湯底由斑蘭香茅薑片大蜆製作而成。湯底濃好鮮甜，飲落亦都好舒服。堅係停唔到口。呢個好正👍🏻👍🏻👍🏻Bo La Lot 烤牛肉串燒配秘製菠蘿醬汁呢個係Saigon Street Food,係由香葉卷牛肉製再串燒。好香好有特色好juicy，再完美配合埋秘製菠蘿醬汁。好驚喜好惹味。💁🏻♀️推介。斑蘭撞奶-斑蘭葉味好清香，有一層濃厚嘅奶泡。整體配合得好好、好滑好有層次感💁🏻♀️推介青檸梳打-大大杯。完全做到小清新透心涼嘅感覺。正👍🏻餐廳食物質素真係唔錯👍🏻，用心製作。服務好好。好nice。絕對係大圍必食推介👍🏻
繼續閱讀
今晚又和住大圍的朋友吃飯。她帶我去這間特色越南餐廳。單看門面及名字，已知道這間餐廳走型格路線，餐廳樓底很高，所以有兩層用餐區。全間餐廳以黑色裝潢，一邊牆壁有大型越南女子的壁畫，另一邊是充滿越南特色的梳化和咕𠱸。餐廳內的擺設亦充滿越南風味，令人恍如置身於越南一樣。燒豬肉米紙卷：燒豬肉燒得很香，亦非常入味。米紙卷煙煙韌韌的，內裏有很多新鮮的蔬菜，粉絲、青瓜、紅蘿蔔等。口感十分豐富。蘸上秘製的花生醬，吃起來很開胃。大叻薄餅：這款越南風味的薄餅十分獨特。豬肉醬、雞蛋、芝士和豬肉絲等鋪在米紙上，底層再有一塊薄餅。咬下去脆脆的，配上特別的醬汁，真的十分好吃。火康牛肉配脆蝦片：店員拿來時先用火煲一煲，賣相已經絕對吸睛。牛肉非常嫩滑，搭配越南的香草和洋蔥，味道鮮美。蝦片很酥脆，四大塊的蝦片，配合上算酸的醬汁，令人吃不停口。順化扎肉牛尾湯米線：牛尾size差不多有手掌般大，牛味相當重，炆得很腍，夠腍夠入味。湯底以牛尾熬煮而成，很濃郁，又清甜順喉。配合經典越南扎肉和爽口彈牙的米線，還有點點的辣，實在充滿了越南風味。
繼續閱讀
大圍呢個地方好少去，但係估唔到附近都有好多嘢食，今日去咗一間越南菜嘅餐廳，餐廳裝修比較型格少少，又適合休閒坐下，而且食物價錢正常，又幾好食，可以試試😚魚露炸雞翼 $78每隻雞翼都大大隻，仲有啲魚露嘅陣陣香味🥳，亦都唔會過鞋。食落去非常之脆口，但係又唔太油膩火龍法包(豬腩肉醬)$88🥖初初諗點解叫做火龍，原來法包係紅色，用火龍果整成，包外脆內軟，配豬腩肉醬好好食，因為醬汁方面味道濃郁，食落好惹味🤩🤩豬頸肉春卷撈檬$88撈檬嘅份量非常之足夠，而且豬頸肉都十分之多，仲有春卷，豬肉串食落好豐富，豬頸肉整得好好食有少少焦嘅邊邊，咬落去岩岩好，春卷都非常之脆，包住咗蝦肉🦐。醬汁方面唔會太酸，配得啱啱好🤓椰子咖啡 $48☕️咖啡味香濃，椰子味都好出，一開始諗緊點解用兩支飲管，後尾發現一支可以用嚟飲底下咖啡一支可以用嚟飲上邊香滑嘅椰子冰🥥，配合得好好，面頭仲有椰絲作為點綴班蘭撞奶 $38🥛估唔到班蘭汁溝奶可以咁好飲，平時唔太鍾意飲奶類飲品，但今次竟然飲晒，班蘭味有陣陣嘅香，配合埋奶非常值得一試😳Xi Xup (大圍)大圍積存街70-72號景星樓地舖
繼續閱讀
今晚係大圍揾野食，誤打誤撞之下竟然被我哋發掘到一個寶！越式炒蜆Stir-Fried Clams ($78) - 用多種香草配製而成的醬汁，蜆肉好鮮味！X 河粉Pho X ($148) - 招牌越式河粉，材料豐富，原條牛骨髓，生牛肉、牛丸、牛腩、芽菜，味道不錯。烤牛肉串燒Bo La Lot ($78) - 好味道但略嫌咸了一點！豬頸肉米紙卷Pork Neck Roll ($48) - 米紙好煙韌但味偏淡，豬頸肉惹味，一淡一咸，最佳拍檔。魚露炸鷄翼Caramelized Wings ($78) - 未上枱已聞到濃郁魚露香味，外脆內嫩，食到唔停得口。Yuzu Wheat ($78) - 店員介紹我飲這罐啤酒，話曾經得過奬，果然冇介紹錯，又真係幾好飲！👍👍食物質素不錯，餐廳樓底很高，雖然餐廳不是很大，絕對沒有壓迫感，兼且充滿情調，係好chill的一間餐廳！
繼續閱讀
📍Xi Xup近排，係大圍積存街附近開左間專食越南菜🇻🇳既餐廳，裝修設計好型格，店內樓高兩層，空間感十足！大型壁畫亦都好引人注目，打卡一流❤️餐廳仲會播住音樂🎶有種置身於酒吧嘅感覺😆🐽BBQ Rolls燒豬肉米紙卷 $48米紙卷本身既味道偏淡，但特別嘅係米紙好煙韌，將啲餡料包得好紮實！餡料好豐富：有豬肉串、生菜同檬粉，配以花生醬一齊食～夾雜鹹甜，又幾特別，係幾唔錯既開胃小菜🐤Caramelized Wings 魚露炸雞翼 $78上枱嘅時候已經聞到一陣好濃郁嘅魚露香味，撲鼻而來～雞翼炸到外酥內嫩，同時保留到魚露嘅味道，好入味，食落鹹香味重，會忍唔住食完一隻又一隻😌係一道會encore既小食🐮Stir Fried Beef 火魔牛肉 $68一上枱既時候店員會點火🔥打卡一流！牛肉口感唔錯，咬落唔韌～份量都唔講得少，鋪滿曬煲入面！配料有九層塔同洋蔥，反而更突出牛肉既味道👅配以蝦片一齊食，食落脆卜卜，仲可以沾埋魚露汁食🍜Bun Thit Nuong 豬頸肉春卷撈檬 $88撈檬既份量夠兩個人share✌️成碟麵既元素好豐富：有豬頸肉、春卷、豬肉串、蘿蔔絲、青瓜絲、生菜絲等等；先講豬頸肉，食落爽口，外邊食到焦糖味；炸春卷炸得好脆，而蝦係原隻攞去炸，食落好滿足🈵豬肉串肥瘦適中，豬肉味重；加入酸甜汁並將所有食材撈埋，食起上黎口感好豐富，層次感十足！🍹Tropical Punch Hard Soda 熱帶風味氣泡酒 $68老闆推薦既氣泡酒，今次試左荔枝味～飲落荔枝冋百香果味重，荔枝既甜味同百香果既酸度完美融合，好易入口😌但都唔好睇小佢既酒精濃度，都有成6.9%架✨個人建議：餐廳食物質素幾唔錯，選擇夠曬多～老細既都好nice,會走過嚟同你吹水，又請飲左杯whiskey🥃整體個vibe好chill👍🏻⭐️好味指數：8.8/10📍 Xi Xup (大圍)大圍積存街70-72號景星樓地舖#大圍 #Xixup #越南菜 #越南 #越南越愛 #壁畫 #撈檬 #魚露 #米紙卷 #氣泡酒 #soda #vietnam #hk #hkfood
繼續閱讀