253
11
6
| 餐廳: | Yadllie Plate 야들리애플래이트 (海之戀商場) |
|---|---|
| 優惠: |
於此國泰夥伴餐廳用餐賺里 ! 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
營業時間
今日營業
12:00 - 22:00
星期一至日
12:00 - 22:00
公眾假期
12:00 - 22:00
公眾假期前夕
12:00 - 22:00
以上資料只供參考, 請與餐廳確認詳情
有關餐廳
有關獎賞計劃
優惠
| 餐廳: | Yadllie Plate 야들리애플래이트 (海之戀商場) |
|---|---|
| 優惠: | 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
招牌菜
食家推介
相關文章
Happy Friday想食炸雞，於是約咗朋友去荃灣海之戀Yadllie Plate食韓國野，餐廳主打炸雞，裝修新穎，如同英國火車卡，以深色為主調，高雅又時尚。見到餐牌琳瑯滿目嘅嘢食，樣樣都想試，我哋叫咗驚喜二重奏、魚介湯鍋、八爪魚煎餅、卡邦尼年糕、農家鮮泡菜及兩杯嘢飲，分別草莓乳酪梳打及玫瑰蜜桃果茶。驚喜二重奏分別有安格斯牛扒及炸雞，非常大份足料，一大塊牛扒及半隻炸雞。牛扒係熱石上，可以一邊煎一邊食，生熟度由自己控制，牛扒牛味濃郁，煎到兩邊蕉香，配上燒烤醬，非常美味；炸雞炸得外脆外軟，非常之Juicy，唔怪得知餐廳主打炸雞，炸得非常之好食。魚介湯鍋充滿韓國街頭小食嘅味道，湯鍋有各式各樣嘅魚糕、年糕、豆腐、雞蛋、新鮮蔬菜等，非常之豐富。八爪魚煎餅八爪魚煎餅主要有蔥同八爪魚，煎得兩面非常之香脆，內裏滿滿嘅八爪魚，點上佢配嘅兩個韓式醬料，非常之惹味。卡邦尼年糕卡邦尼年糕除咗年糕之外，仲有蛋、魚糕同米通，卡邦尼汁非常之creamy，配上煙靭嘅年糕，令人食唔停口。農家鮮泡菜新鮮製嘅泡菜，爽脆清新。草莓乳酪梳打非常之清新，配炸雞一流。玫瑰蜜桃果茶玫瑰配上蜜桃香甜味，清甜滋潤。
繼續閱讀
荃灣海之戀商場有一間人氣韓式餐廳，今次特登過黎試吓半半炸雞 $208可以揀兩款味道，一共八件 ，配有蕃薯條大邱辣醬味 — 辣度比想像中辣，食完要用酸蘿蔔解一解辣。雞皮炸得脆口，而入面既雞肉仍然保持到肉汁大蔥絲味 — 雞件上有一大堆蔥絲，可以連雞一齊食玫瑰牛肉炒年糕 $128炒年糕都係其中一個必點既菜式 用石頭鍋方式上菜 食到最後都重熱辣辣有兩款形狀既年糕 煙靭度各有不同芝士味十足火灸牛 $98店員會用火槍係我地面前再燒一燒啲牛肉，要小心啲，因為會連個碟都會熱埋😂牛肉熟度剛剛好 肉汁Juicy 旁邊配有生蔥蒜 一口食埋風味加倍紫菜手抓飯 $88旁邊有手套可以用黎將飯搓成飯團紫菜、蟹籽、飯素，再跟自己需要加上適量芝士好適合同小朋友一齊玩完再食🤫八爪魚煎餅 $128煎餅較薄 脆口但每一塊都好足料 充滿八爪魚配有兩款醬汁草莓乳酸梳打 $48藍橙荔枝梳打$48兩杯飲品又靚又好味，而且重點係幾解辣😂土多啤梨雪冰 $88最後食埋甜品就完滿哂🥰
繼續閱讀
最近先知道原來荃灣都有Yadllie Plate😆仲要喺海之戀咁方便 呢度店面都幾大 坐得好舒服 裝修有種高級格調 而且一直都播住熟悉嘅韓文歌🇰🇷好有氣氛ꕥ 半半炸雞半半即係揀兩種口味 各半份🐔入面有齊雞翼/雞腿同雞胸 炸雞表皮炸得好脆 入面仲保留有肉汁 就算連雞胸位置食落都唔會覺得乾同嚡口👍🏻大蔥絲炸雞 表面有層蜜糖 食嘅時候配埋蔥絲一齊食 令效果更香🐥而蜜味乳酪粉炸雞 乳酪粉味道濃而不膩 仲有少少甜甜地 食唔停口🤤ꕥ 玫瑰牛肉炒年糕用熱窩送上 可以一直保持温度 慢慢食都唔怕🥢牛肉質感軟嫩 面頭仲有大量芝士 配埋本身辣辣地嘅完湯汁 好惹味🌶️年糕分別有條狀同片狀 有唔同嘅口感 而且入面仲有魚糕 索晒汁勁好味ꕥ 八爪魚煎餅本身我都好鐘意食韓式嘅煎餅 呢間喺香港真心覺得係數一數二好食🥹薄薄地嘅厚度啱啱好 入面有啲蔥絲同微煙靭嘅八爪魚 最正喺嗰邊煎到脆脆地 好香口 有兩款醬汁可以點 一款係韓式辣醬 另外一個係鹹甜兼備嘅醬油 我就鍾意醬油多啲😋飲品都有好多選擇 我哋分別點咗巨峰乳酸梳打同埋一款手工啤🍺叫做白熊小麥啤 係一款果味較濃嘅啤酒
繼續閱讀
估唔到荃灣海之戀平日下晝呢都咁多人㗎😁幾旺喎呢個商場❤️同個客傾完傾完嘢而家就去海之戀食晏呀😋個客話有間韓國嘢好好食㗎👍👍咁梗係帶我去試下啦 💯💯嘩！地方又大又靚 坐得又舒服 用,QR code落單睇下個menu先，真係勁多嘢食喎😋樣樣嘢都想食點算呢😅半半炸雞HKD208 - 要Yadllie 🐥原味炸雞同蜜味乳酪粉炸雞🐥， 呢度啲炸雞真係好味唔乾㗎💯係好juicy裏面係好多肉汁㗎， 最重要嘅就係外面係脆卜卜呀嘛😁😁 原味炸雞都好入味好有味道㗎，而蜜味乳酪炸雞呢佢上面灑咗啲粉即刻好惹味即刻唔同哂💯淑女辣醬🌶炒年糕HKD108， 炒年糕啲年糕有長方形右邊兩個形狀㗎全部都煙煙韌韌好彈牙好好味又唔太辣喎上面仲有魚餅好惹味呀！火焰牛HKD98， 呢個有六塊🐮牛肉一咬入口即溶“正”服務員就揸住支火槍喺我哋面前再燒下啲牛肉，搞到啲牛肉嘅肉汁出曬嚟好juicy😋好嘢味👍呢個一定要試💯芝士牛肉煎餅HKD128，呢個煎餅有牛肉喺裏面勁多芝士好似食pizza咁好正！紫菜手抓飯HKD88，紫菜撈曬落去d飯到再夾埋芝士一齊食好好味㗎“正”🫐巨峰乳酸梳打好香提子🫐味好“正”！🫚生薑茶好夠薑味一流👍 當然唔少得甜品啦😋期待巳久嘅🍓❄️士多啤梨雪冰❄️🍓HKD88😘😘勁多士多啤梨💯幾靚👍上面有個士多啤梨雪糕🍦裏面嗰啲冰🍧好棉好好味，好滿足呀！Yadllie Plate 야들리애플래이트 荃灣大河道100號海之戀商場2樓
繼續閱讀
登上英倫風裝修嘅列車，一坐低就可以食到地度韓流美食。早已聽聞在韓國有30幾間分店嘅Yodille Plate喺荃灣呢度開左分店，餐廳最出名係佢嘅手工炸雞。最近啱啱追完韓劇Moving，嘻嘻……勁想食炸雞，一於嚟睇吓呢間過江龍店會唔會名過其實先。未食嘢，先被呢度嘅裝修吸引，英式火車站嘅設計概念，夠gimmick 又坐得舒服，等嘢食期間，啱晒我慢慢打卡。至於揀嘢食嘅重任就交俾友人決定，因為我打開餐牌後，發覺每樣食物賣相都極之吸引，尤其係佢形容到炸雞之嚴謹工序，完全反映到餐廳用心處理每樣食材，一向有選擇困難症嘅我真係好難揀。嗜辣朋友第一選擇係大邱辣醬炸雞🍗，怕辣嘅我就要蜜味乳酪粉無骨雞；半半炸雞($208)，1人一半，各取所需。🌶🌶🌶辣度對於我嚟講真係有d頂唔順，好彩有酸蘿蔔解辣；雞肉嫩滑，配合埋辣醬嘅香辣刺激，我頂唔順都忍唔住食左兩件。至於朋友則邊食邊讚炸雞，皮脆肉嫩，辣醬嘅甜辣味非常頂癮，算係其中一款佢覺得好食嘅炸雞。而蜜味乳酪粉，甜中帶微酸，嚐到乳酪味嘅清新。伴碟嘅蕃薯條都唔可以放過，因為真係好好食，沾上少少蜜味乳酪粉，就更滋味。 我比較鍾意友人嘅另一選擇，莫索里拉芝士排骨🥩($138)，濃郁嘅芝士味，帶有微辣，同排骨非常之夾，欣賞排骨夠軟腍，滿口肉香混和煙韌嘅拉絲芝士，真係會食唔停口。 魚介湯鍋($238)，賣相充滿韓國街頭風。不同形狀嘅魚糕串，非常有口感。朋友嘅hidden menu，就係要點埋炸雞嘅大邱辣醬食，味道即時提升。 海鹽焦糖沙冰（$68）、蜜瓜沙冰（$68） 前者海鹽味特出，後者似飲緊蜜瓜奶；兩杯賣相靚之餘，解辣一流。最後食埋甜品芒果雪冰($88)，芒果微酸帶甜，正好舒緩一下大餐後嘅飽足感。總結，芝士控必點“莫索里拉芝士排骨”，熔化嘅芝士真係好好食。
繼續閱讀