影片
港鐵大埔墟站 A1 出口, 步行約9分鐘
繼續閱讀
營業時間
今日營業
07:00 - 21:30
星期一至日
07:00 - 21:30
以上資料只供參考, 請與餐廳確認詳情
【大埔區】【大少燒味茶餐廳】又同大家嚟到大埔，雖然情況已經同四年前有所不同，但係我都係嗰種頗為「毋忘初心」嘅人，始終大埔區都係我喜歡嘅區域之一吖嘛。香港由治及興，民眾湧到中國內地消費，香港本土食肆更加需要我哋支持，用行動撐本土。喺大明里呢個公園仔裡面啲餐廳都幾乎被我食匀晒咁滯，仲有一間未食，就係呢間成日門口都人頭湧湧嘅餐廳。我下晝去，情況還好，都係一入去就有位坐。下午茶冇得做燒味雙拼，所以我就咁散叫，點都一定有所犧牲架喇。我叫價錢 $76 嘅「燒鵝乳豬瀨粉」配杯「熱奶茶」，份量上唔算好多，不過味道都可以。燒鵝唔係切咗好多件畀我，然而勝在本身都厚肉，因此肉量都充足。而乳豬就唔係食中嗰啲好肥嘅位，唔係好食到啲油香，只屬唔錯。杯熱奶茶都幾好飲，算係中上嘅茶記水準。咁我一場嚟到就食埋 $58 嘅「紅燒乳鴿」，本身都夠鹹，幾夠味，而佢即燒都燒得幾脆口，唔錯。只係略嫌佢好似燒得爭少少，有啲位唔算透晒。事後冇肚屙，放心。埋單 $134，合理價錢吖。。。（地址：大埔大明里23-39號金福樓地下B號舖）#1amfoodie #foodie #hkfoodie #hkfood #food #foodporn #instafood #foodphotography #foodstagram #foodblogger #yummy #foodlover #delicious #foodgasm #instagood #foodies #tasty #tastyfood #dinner #foodpics #foodiesofinstagram #love #dessert #restaurant #foodblog #eat #1am大埔區 #大埔墟 #大埔 #大少燒味茶餐廳 #燒鵝乳豬瀨粉 #熱奶茶 #紅燒乳鴿 #1am1258 #1ambackup
繼續閱讀
本人從來食嘢都係食物質素為先，服務態度根本完全次要。但係今次連食都冇食，就寫呢一篇評語。身為呢間食肆嘅老闆，如果你睇到嘅唔該你檢討吓你係唔想做就結束㗎啦。1）環境惡劣，四邊牆身嚴重發霉，懷疑店舖入邊有幾多細菌之生，其實係有理由搵食物環境衞生署每一樣東西都要驗吓有冇超標嘅細菌？2）5月4號早上11:45滂沱大雨，打算店舖午餐，店舖入邊有三位單人男性用餐，將近食完，另外有一張枱坐住兩個着住大少制服嘅女人食緊飯，我哋兩個人坐卡位，都仲未坐低，一名白頭髮高身材老男人的職員馬上呼喝坐埋一邊，我顧盼四周完全都冇客，點解仲要一定要你坐埋一邊？仲要態度非常之唔好。店舖如果有CCTV嘅唔該你自己睇吓。冇辦法再可以響間餐廳入邊用膳。轉身就走了。*** OpenRice嘅職員，麻煩你落去大埔呢間大少燒臘餐廳度感受一下，環境態度已經係差到冇得再差㗎啦，仲點樣叫客人光顧食物？
繼續閱讀
下午茶時間入鋪頭食個叉燒瀨盛惠38蚊食到一半發現有個小黑色飛蟲🦟 有腳有翼在碗中原本好少事 更換一碗就可但職員一開始否認係蟲 辯稱係叉燒鑊焦但有翼喔.！！！ 一番驗屍後先肯更換而我lunch time 已過一半 於是要求打包點知被告知不能廚房幫手打包要整好攞出檯面客人自己幫自己打包埋單是仲要另收2蚊外賣盒錢 前後40蚊而而而 最氣憤的是出門見到大大招牌寫外賣燒味瀨 32蚊連飲品第一次也是最後一次
繼續閱讀
你態度好差收銀姐姐我企喺度外賣我睇住你篤完電腦企喺度望住我粒聲唔出個樣燶過啲叉燒係咪企喺度問人一句食咩啊或者下一個好難先以前有個收銀姐姐態度好Nice 而家換咗手呢個不知所謂
繼續閱讀
叫左個$48個燒鵝瀨粉加凍飲下午茶，嚟到嗰啲燒鵝全部都係骨加皮嗰個部位，一舊肉都冇，完全搵笨，做個燒味師傅，基本良心都冇，好希望個師傅自己試吓去第二度食個燒鵝奶粉，得啲皮食，自己有咩感受。
繼續閱讀