影片
營業時間
今日營業
08:00 - 22:00
星期一至日
08:00 - 22:00
以上資料只供參考, 請與餐廳確認詳情
旺角返工有時想同同事去飲下茶，但又唔想去酒樓飲茶，因為酒茶嘅點心都好重味道，每次食完都滯足半日。今次就上網搵到呢間鋿晶館，見到評語都唔錯，所以同同事過嚟試下先！一入到去，嘩，估唔到平日下午時間都爆場！立即對佢地嘅點心信心大增！🦐月半彎晶瑩鮮蝦（2粒） $22月半彎晶瑩鮮蝦口感彈嫩，蝦肉大大隻又鮮甜，個皮仲好薄，一咬落去啲汁就爆出嚟，好好味！最抵鑽係可以叫兩粒，可以試多啲其他野食！🐷黑松露北菇燒賣皇（2粒） $20一入口係北菇嘅香氣，之后食到滑嫩多汁嘅豬肉，再到黑松露嘅香氣滲出嚟，提升成個味道嘅層次，一定要encore！🫔蟲草花上湯鮮竹卷 $32湯底清甜甘美，鮮竹卷口感細膩，蟲草花增添獨特香氣同有爽脆嘅口感，整體搭配好平衡，好舒服嘅一個點心！🥯雪山叉燒包（3個） $36呢樣點心真係好考功夫，食過好多間嘅雪山叉燒包個皮都淋晒，呢到嘅包皮真係好驚喜，係軟綿綿中又鬆又脆，加上香濃又鬆軟嘅叉燒餡料，真係好食到不得了！🦀百花炸釀蟹箝（3隻） $62炸到外酥內嫩，入面嘅蟹肉多到嚇一跳，係啖啖都係蟹肉！而蟹肉鮮美多汁，每一口都充滿驚艷。🐮師傅干炒牛河 $108牛河好有鑊氣，而得炒到好平均，每條河粉都上晒色，仲好嫩滑！而牛肉係無用鬆肉粉醃過，加上大火快炒，食到牛肉嘅肉味同鑊氣，再飽都食得晒成碟呀！📍 鋿晶館 (旺角)旺角彌敦道726號地舖
繼續閱讀
今次我去左旺角做野，又到食飯時間要搵野食，呢間鋿間館平時搭車都有經過，見佢都成日爆場，就同同事講不如過黎食😁佢地既點心係即叫即做既，製作需時，係點心紙上都有寫上要大約30分鐘，對食物保持質素，作為食客梗係等下都冇問題，反正飲茶都預左坐得耐😉齒頰留香脆蘿蔔腸（$38）見到腸粉呢有呢個蘿蔔腸既特別就叫左碟試下，佢個樣有d似炸兩，腸粉包住脆脆類似春卷既餡，而裡面係蘿蔔絲，食落好有層次感👍🏻招牌鮑汁鳳爪（$58）鮑汁鳳爪整得夠淋好入味😋黑椒醬皇金錢肚（$32）金錢肚既醬夠多，我鐘意多醬，口感彈牙😛月半彎晶瑩鮮蝦餃（2粒）（$22）粒蝦餃幾大隻，裡面既蝦都好新鮮，呢籠蝦餃一定要叫🦐黑松露北菇燒賣皇（2粒）（$20）呢個燒賣又幾特別，將平時既蟹籽改成黑松露，食落又幾夾✌🏻香噴噴流沙包（$30）名乎其實既香噴噴流沙包，奶皇流出黎好正呀😍椒鹽豆腐（$52）椒鹽豆腐做到外脆內軟既感覺，薄薄一層皮，仲有個汁可以點黎食😝蟲草花螺片燉雞湯（$48）平時屋企少煲湯，見呢度有得嗌就叫番碗飲，佢個湯好足料，又夠火候🥰呢間點心店仲有小菜食，點心都好有好多款，種類多到可以媲美茶樓，最鐘意佢對食物質素認真，堅持即做點心，唔會為左快而整定曬，有心做好食物，唔怪得咁多人黎👏🏻
繼續閱讀
今日同朋友出開旺角，心血來潮想飲茶，上網睇到鋿晶館口碑好吾錯，即興決定試下先一到店，全場爆滿，估吾到平日時間都咁多人，我地叫左數款點心同燉湯，真心不錯，終於知道點解咁full下次會再幫襯雪山叉燒包 3個 $36雪山叉燒包，軟綿綿外層帶點鬆脆，內層濃郁叉燒餡料 好味道月半彎晶瑩鮮蝦餃 2粒 $22大大粒的鮮蝦餃，皮薄餡靚，鮮味彈牙鮑魚北菇燒賣皇 2粒 $42鮑魚燒賣賣相吸引，鮑魚爽甜彈牙，燒賣豬肉足料紫金名醬蒸鳳爪 $30醬蒸鳯爪好入味肉嫩蟲草花螺片燉雞湯 $48川芎白芷天麻燉斑骨湯 $58平時無嘜湯水，叫左兩款燉湯，真材實料，完全冇味精，湯味濃郁 值得推介半肥不瘦叉燒腸 $34 叉燒腸好嫩滑，餡料惹味蒜香蝦春卷 $42春卷餡料十足，非常酥脆，鮮蝦爽口彈牙，配上蘿蔔絲、蔬菜絲等等 增加味道層次感脆皮炸乳鴿 $58炸得剛剛好，非常香脆肉嫩，好滋味
繼續閱讀
約咗朋友嚟旺角飲茶，揀咗彌敦道嗰間「鋿晶館」，據知餐廳係自家製品牌，所有嘅手作點心都係現場即叫即做，新鮮熱辣~加上師傅曾經喺日本東京富麗華任職，專為高官達人同明星服務，返港後，於多間米芝蓮酒店及大型連鎖酒樓集團做主管，經驗豐富，所以品質絕對有保證。月半彎晶瑩鮮蝦餃 ($22/2粒) 蝦餃相當足料，餃皮晶瑩剔透，入面係滿滿嘅新鮮蝦肉，誠意十足，食落爽口彈牙。鮑魚北菇燒賣 ($42/2粒) 燒賣賣相好吸引，每粒頂頭都放咗隻入味鮑魚，食落彈牙有嚼勁，燒賣真材實料，入口有好重豬肉味，吃時更滲出淡淡菇香👍🏽雪山叉燒包 ($36) 叉燒包即點即焗，拿上手時仍熱辣辣，麵包鬆軟，入面嘅叉燒餡肥瘦適中，鹹甜有致，同外層嘅酥皮一齊食更添滋味。咱家脆皮蝦多士 ($49) 呢客蝦多士好特別，外形脹卜卜，勁厚身，蝦肉新鮮爽彈，面層鋪滿黑白芝麻，咬下酥香鬆脆，滿口芝麻香！脆皮炸乳鴿 ($58) 乳鴿新鮮炸起，外皮香脆，鴿肉鮮嫩，唔使點淮鹽同喼汁食都已經好夠味。新鮮斑片鮮牛肉皮蛋生滾粥 ($60) 斑片大大塊，鮮味十足又無骨；鮮牛同皮蛋份量下得很慷慨，毫不吝嗇，粥底又綿又滑，入口味道好鮮甜。
繼續閱讀
放飯時間同同事喺附近食點心，呢間點心真係幾唔錯，服務態度唔差，而且位置坐得舒服唔逼夾，環境又唔會嘈吵，最緊要係即叫即蒸💯💯茶我地簡左荔枝紅茶熱既，味道幾香唔會甜椒鹽豆腐嚟到細細粒，外表精緻，香脆可口除咗椒鹽味，佢仲有七味粉嘅味道，但係唔食辣嘅人建議走咗佢雪山叉燒包越嚟越多地方有返雪山叉燒包食，但好食嘅唔多佢算係皮薄餡靚，叉燒餡都好多，包身夠薄但如果叉燒醬汁再多啲會更加好，但整體嚟講都好唔錯馳名南翔小籠包有驚喜，皮薄多汁，好足料趁熱食，但小心辣嘴黑松露北菇燒賣皇足料🤤🤤黑松露味好香，北菇同埋燒賣肉份量平均菇又香，有咬口，最緊要係兩個人食唔使一份四件咁多，可以叫兩件，就可以叫多啲唔同類型嘅點心💯💯月半彎晶瑩蝦餃皇皮薄餡靚，薄薄嘅皮又唔會好大陣粉味入面見到好足料原隻嘅蝦，蝦味好香💯💯活拆生剝鮮蝦腸佢呢個比起平日食嘅蝦腸有啲唔同平日我哋會見到係原隻嘅蝦，而佢係半蝦半打膠，口感特別脆炸北海道鮮奶十分之香脆，就算放咗一陣都唔會淋咗包住嘅鮮奶唔會話過甜，奶味唔算好濃好蘇食完呢甜品唔會話好膩
繼續閱讀
您可能會有興趣的...