影片
更多
2018-02-01
155 瀏覽
之前放假路過蘭桂芳見到呢間串燒店，見佢就算要爬斜路都人頭湧湧，挑起咗我嘅好奇同興趣。今日放工啱啱嚟到呢頭，一於入去試吓先。香港好多泰菜餐廳都有串燒供應，但都不外乎係豬，牛，雞。呢度就唔同喇，選擇都有好多，對於有選擇困難症嘅人嚟講，最好就梗係通殺！不過以惜食為大前題，最後精選咗五肉二菜： 大花蝦，無呃你架，真係jumbo size！燒蝦平時泰菜館少見，呢度燒到啱啱好，食落爽脆甜，好味！ 再嚟多款海鮮：白鱔。無去錯日本餐廳喎，泰菜竟然都有燒白鱔食，真係令人喜出望外！咬落彈牙有魚油香，差啲想encore多支！ 食串燒無可能唔叫豬頸肉。豬頸肉啲人成日整到厚切，結果咬落去永遠搞到成口油，肥膩到爆。但係呢個串燒就唔絕對會喇，個肉切得厚薄適中，甘香脆口，完勝！ 再嚟一個燒牛仔骨，特別之處在於咬落啖啖香茅味，好清新！呢啲真係泰式燒烤先做到嘅好味道！ 最後係雞翼，唔好以為「喂，雞翼啫，有乜咁特別喎？」燒雞翼燒到香口之餘仲要咬落肉汁爆出，唔易架！嗱，呢度就做到喇！ 食咗咁多肉，嚟兩個燒菜中和吓先。分別有燒有機露筍同有機粟米。燒得啱啱好，一啲都唔乾，食得出啲菜夠新鮮。 意猶未盡，但又食夠串燒，點算呢？好彩呢
香港好多泰菜餐廳都有串燒供應，但都不外乎係豬，牛，雞。呢度就唔同喇，選擇都有好多，對於有選擇困難症嘅人嚟講，最好就梗係通殺！不過以惜食為大前題，最後精選咗五肉二菜：
大花蝦，無呃你架，真係jumbo size！燒蝦平時泰菜館少見，呢度燒到啱啱好，食落爽脆甜，好味！
再嚟多款海鮮：白鱔。無去錯日本餐廳喎，泰菜竟然都有燒白鱔食，真係令人喜出望外！咬落彈牙有魚油香，差啲想encore多支！
食串燒無可能唔叫豬頸肉。豬頸肉啲人成日整到厚切，結果咬落去永遠搞到成口油，肥膩到爆。但係呢個串燒就唔絕對會喇，個肉切得厚薄適中，甘香脆口，完勝！
再嚟一個燒牛仔骨，特別之處在於咬落啖啖香茅味，好清新！呢啲真係泰式燒烤先做到嘅好味道！
最後係雞翼，唔好以為「喂，雞翼啫，有乜咁特別喎？」燒雞翼燒到香口之餘仲要咬落肉汁爆出，唔易架！嗱，呢度就做到喇！
食咗咁多肉，嚟兩個燒菜中和吓先。分別有燒有機露筍同有機粟米。燒得啱啱好，一啲都唔乾，食得出啲菜夠新鮮。
意猶未盡，但又食夠串燒，點算呢？好彩呢度仲有好多其他嘢食嗌！最後揀咗清新之選：柚子海鮮沙律。呢個沙律，海鮮種類好多，粒粒大蝦之外，亦有墨魚仔呀，蜆呀等等。柚子又夠甜，最驚喜嘅係佢配埋爽脆青木瓜絲，一個沙律，滿足哂所有願望！佢哋仲有唔同嘅醬汁可以揀，撈埋勁醒胃，忍唔住清碟！
張貼
