影片
更多
2023-09-09
520 瀏覽
我經常嚟呢間舖頭食晏。裝修古色古香，坐得舒服。佢嘅午市套餐好抵食，指定飯餐$58 已包冰粉，加$2仲有凍/熱酸梅湯。指定飯餐都有好多選擇。我每次嚟一定要食佢嘅薯粉，記得第一次食佢嘅薯粉，真係好驚喜，佢同出面嘅薯粉質哋好唔同，係好軟熟既。細問店家之下知道佢哋係用新鮮薯粉，呢個真係喺香港好少見。非常推介大家試下。今日叫咗牛肉薯粉中辣（$65）。友人叫左水煮牛肉套餐微辣（$58），另加錢（好似$20）將飯轉做薯粉。我哋兩個都加咗兩蚊要凍酸梅湯。冰粉：平時食川菜我都鍾意點冰粉，依家仲要叫午市套餐包埋，好開心。佢用既糖好清甜，仲要加左提子乾同杞子乾，有誠意。水煮牛肉既湯同薯粉嘅湯係兩個唔同嘅湯底。個人比較喜歡配薯粉嗰種湯，因麻辣味較濃。牛肉係中式滑牛嗰款牛，新鮮牛味濃，有咬口得黎唔韌。水煮牛肉入面材料豐富，有萵筍，寬粉，芽菜，芫荽，香芹。淨係食呢個餸都已經飽晒。凍酸梅湯：咁濃郁嘅酸梅湯先加兩蚊實在太抵。好多次嚟到都見到唔係好多人喺度食。所以今次特登打呢篇食評希望大家比個機會呢間咁有誠意既小店，試下佢
佢嘅午市套餐好抵食，指定飯餐$58 已包冰粉，加$2仲有凍/熱酸梅湯。指定飯餐都有好多選擇。
我每次嚟一定要食佢嘅薯粉，記得第一次食佢嘅薯粉，真係好驚喜，佢同出面嘅薯粉質哋好唔同，係好軟熟既。細問店家之下知道佢哋係用新鮮薯粉，呢個真係喺香港好少見。非常推介大家試下。
今日叫咗牛肉薯粉中辣（$65）。友人叫左水煮牛肉套餐微辣（$58），另加錢（好似$20）將飯轉做薯粉。我哋兩個都加咗兩蚊要凍酸梅湯。
冰粉：平時食川菜我都鍾意點冰粉，依家仲要叫午市套餐包埋，好開心。佢用既糖好清甜，仲要加左提子乾同杞子乾，有誠意。
水煮牛肉既湯同薯粉嘅湯係兩個唔同嘅湯底。
個人比較喜歡配薯粉嗰種湯，因麻辣味較濃。
牛肉係中式滑牛嗰款牛，新鮮牛味濃，有咬口得黎唔韌。
水煮牛肉入面材料豐富，有萵筍，寬粉，芽菜，芫荽，香芹。淨係食呢個餸都已經飽晒。
凍酸梅湯：咁濃郁嘅酸梅湯先加兩蚊實在太抵。
好多次嚟到都見到唔係好多人喺度食。所以今次特登打呢篇食評希望大家比個機會呢間咁有誠意既小店，試下佢
張貼
