更多
2024-01-20
1999 瀏覽
餐廳:月山 (中環) 地址:中環皇后大道中80號H Queen's 19樓 開咗2年幾嘅「月山」位於中環H Queen’s嘅高層19櫻,取名自日本山形縣「出羽三山」 、3大神山之一嘅主峰,希望餐廳可以登上高峰🏔,媲美得上另一間位於尖沙咀海港城嘅日本東京米芝蓮級姊妹餐廳——「日山」,務求將最好嘅服務同最出色嘅日式料理帶比每一位識食嘅人🇯🇵 餐廳佔地3,000呎,昏暗嘅燈光加上船同竹林設計擺設🎋,令人仿如置身喺日本古代渡口叢林處咁,晚市主打Omakase同日式熟食為主嘅Set Dinner,將最新鮮嘅時令空運佳餚一道道咁呈現喺食客眼前,配埋各款靚酒簡直無得輸🍶 今次試咗佢哋晚市Dinner Set、原價$1288一位嘅NAMI SPRING MENU,只要Download佢哋嘅手機App做會員即可享$888 FOODIE Exclusive優惠價,我就當然唔會錯過🤩 ✝️先付 珍味先付九方擺盤精緻,上枱嗰陣職員仲喺乾冰上加水整成煙霧效果勁有feel💨,當中有:枝豆、香甜帶有蜜糖香嘅烤安納芋、南瓜🎃、我哋香港人叫多春魚嘅酥炸柳葉魚、煙燻鰹魚洋蔥沙律、薑汁酢寒天薑汁、特別鮮甜多汁嘅日本水果蕃茄🍅
地址:中環皇后大道中80號H Queen's 19樓
開咗2年幾嘅「月山」位於中環H Queen’s嘅高層19櫻,取名自日本山形縣「出羽三山」 、3大神山之一嘅主峰,希望餐廳可以登上高峰🏔,媲美得上另一間位於尖沙咀海港城嘅日本東京米芝蓮級姊妹餐廳——「日山」,務求將最好嘅服務同最出色嘅日式料理帶比每一位識食嘅人🇯🇵
餐廳佔地3,000呎,昏暗嘅燈光加上船同竹林設計擺設🎋,令人仿如置身喺日本古代渡口叢林處咁,晚市主打Omakase同日式熟食為主嘅Set Dinner,將最新鮮嘅時令空運佳餚一道道咁呈現喺食客眼前,配埋各款靚酒簡直無得輸🍶
今次試咗佢哋晚市Dinner Set、原價$1288一位嘅NAMI SPRING MENU,只要Download佢哋嘅手機App做會員即可享$888 FOODIE Exclusive優惠價,我就當然唔會錯過🤩
✝️先付
珍味先付九方擺盤精緻, 上枱嗰陣職員仲喺乾冰上加水整成煙霧效果勁有feel💨,當中有:枝豆、香甜帶有蜜糖香嘅烤安納芋、南瓜🎃、 我哋香港人叫多春魚嘅酥炸柳葉魚、 煙燻鰹魚洋蔥沙律、 薑汁酢寒天薑汁、特別鮮甜多汁嘅日本水果蕃茄🍅、 加上地膚子同三文魚籽嘅芝麻醬冷奴(豆腐)、 鱈場蟹肉茶碗蒸
✝️向付
加$188升級咗做極上刺身盛,五款令人陶醉嘅刺身🐟, 包括充滿魚脂香而且入口綿滑即溶嘅金槍魚腩(拖羅)、 比牡丹蝦更清甜而肉質媲美得上龍蝦嘅赤座海老🦐、 日本北海道馬糞海膽、肉質甜美脂香豐腴嘅鰤魚、鮮甜細嫩又厚肉嘅深海池魚王縞鰺
✝️卷物
三款卷物有加洲卷、金槍魚卷同穴子芝士卷,卷物相當飽滿,一大啖放入口食到滿滿嘅鮮香餡料😎, 輕輕炙燒過嘅綿滑穴子配埋中間包住嘅cream cheese唔知你又鍾唔鍾意呢🧀?
✝️天麩羅
天麩羅盛合有4款食物:舞茸、粟米🌽、海蝦同九州鮑魚,被一層薄薄天麩羅炸粉包住,唔會食到成口粉,食落一啲都唔油膩,加埋少少醬汁鹹香感增加仲有提鮮作用, 特別一讚鮑魚爽彈鮮香仲好大隻添😍
✝️串燒
串燒盛合有雞腿肉配青橘味噌🐔,嫩滑程度達到極致,喺我食過咁多串燒整得最出色嘅一間餐廳; 日本豚肉車厘茄配紫蘇梅醬🐷,薄薄焦脆包住爆汁車厘茄形成口感上嘅對比; 焦糖沖繩菠蘿超juicy同鮮甜🍍; 蔥塩手羽先勁大隻,皮脆又多肉; 磯燒日本廣島真蠔鮮味十足,有咬口絕無腥味🦪
✝️御食
角切 刺身丼同薄燒日山A5和牛丼各叫咗一個,前者勁足料有接近10款食材:帆立貝、油甘魚、吞拿魚、三文魚、三文魚籽、蟹籽、玉子燒、青瓜、紫菜等, 每啖食落都喺滿滿嘅滋味; 後者用咗日本宮崎縣A5級和牛牛肩胛,有薄薄6片,咬落軟嫩帶有少少筋部,牛脂羶香出眾🐮, 加上少少辣椒醬🌶️,撈埋溫泉蛋同秘製醬汁配飯,雖然已經好飽但真喺會令人食唔停口🤤, 飲埋清新帶有鮮雞香嘅九州地雞雞白湯確實飽足☺️️
✝️甘味
最後嘅日本菓子有超香甜愛媛縣蜜柑🍊, 同加咗沖繩黑糖配黃豆粉嘅啫喱條連靜岡溫室蜜瓜🍈,呢餐真喺滿足過滿足🥰
張貼