影片
更多
2021-11-11
786 瀏覽
呢間餐廳真係長期都人氣爆燈，起碼要3個月前book定位先食到🥲不過好嘅嘢係值得等待！佢哋主打手工意粉，嚟到當然要試招牌意粉Handmade Tagliolini Carbonara ($168)。香濃嘅蛋漿汁同煙肉嘅鹹香非常夾，意粉al dente得嚟亦好掛汁，係我鍾意食嘅意粉質地！佢成功打入咗我心目中Carbonara嘅排名頭三😆另外我哋仲食咗Fettuccine with Beef Ragu ($198)，唔係講笑佢啲牛嘅份量超多，如果係其他餐廳應該會將啲牛分落三個意粉度。闊條意粉一樣係咁彈牙，不過呢款食落味道會比較濃啲。甜品都不錯！每款甜品都會跟一球雪糕。推介Apple Tart ($78)，香滑得嚟富蛋香，蘋果酸酸甜甜，配埋雪糕一齊食好味😋Tiramisu ($98)相對而言就比較普通，酒味同咖啡味都偏淡。值得一提佢嘅朱古力雪糕好香濃，仲要唔係死甜假朱古力味，朱古力控大愛也！整體嚟講性價比都不錯，真係感受到佢哋係用心整每一道菜，不過如果可以唔駛等咁耐先食到會好啲🤣
佢哋主打手工意粉，嚟到當然要試招牌意粉Handmade Tagliolini Carbonara ($168)。香濃嘅蛋漿汁同煙肉嘅鹹香非常夾，意粉al dente得嚟亦好掛汁，係我鍾意食嘅意粉質地！佢成功打入咗我心目中Carbonara嘅排名頭三😆
另外我哋仲食咗Fettuccine with Beef Ragu ($198)，唔係講笑佢啲牛嘅份量超多，如果係其他餐廳應該會將啲牛分落三個意粉度。闊條意粉一樣係咁彈牙，不過呢款食落味道會比較濃啲。
甜品都不錯！每款甜品都會跟一球雪糕。推介Apple Tart ($78)，香滑得嚟富蛋香，蘋果酸酸甜甜，配埋雪糕一齊食好味😋Tiramisu ($98)相對而言就比較普通，酒味同咖啡味都偏淡。值得一提佢嘅朱古力雪糕好香濃，仲要唔係死甜假朱古力味，朱古力控大愛也！
整體嚟講性價比都不錯，真係感受到佢哋係用心整每一道菜，不過如果可以唔駛等咁耐先食到會好啲🤣
Handmade Tagliolini Carbonara
$168
38 瀏覽
0 讚好
0 留言
Fettuccine with Beef Ragu
$198
52 瀏覽
0 讚好
0 留言
張貼
