影片
更多
2022-09-10
475 瀏覽
今日book左間西餐廳同男朋友慶祝半週年，點知嘢食唔好食之餘，服務又令人好失望，成間餐廳除咗個維港景觀之外其他嘢都對唔住佢個價錢。首先同好多中高價位嘅餐廳一樣，呢度嘅侍應一嚟就會問你要氣泡水定冇氣水，記住話兩樣都唔要，要普通水就得，如果唔係盛惠一支$68。Mezze Medley $148叫咗一份地中海小食拼盤，上面有鷹嘴豆蓉、炸鷹嘴豆泥球、辣茄子蓉、地中海式酸菜(欖欖、朝鮮薊、小黃瓜)各一兜仔，同數塊圓麪餅配馬格布里辣椒醬。成個拼盤嘅味道唔係大眾香港人嘅口味，尤其是個酸菜，比中式酸菜更加酸。但係都叫做有記憶點，頗具特色，只係份量比較細。Squid Ink Pasta with Boston Lobster $298每份意粉有半條波士頓龍蝦，來貨新鮮，用蒜蓉香草牛油煮，肉質爽滑，味道鮮甜。墨汁意粉係新鮮意粉，但係煮過咗龍，冇al dente嘅口感，只有少少彈牙嘅感覺。意粉配上蕃茄龍蝦汁，帶出墨汁嘅鮮味。Dry Aged- The Wagyu Bavette (300g) $438 呢塊牛扒係我對成餐最失望嘅一道菜。佢係切好咗一件件咁上，但係切之前rest得唔夠，啲肌紅蛋白水就晒出嚟，令
首先同好多中高價位嘅餐廳一樣，呢度嘅侍應一嚟就會問你要氣泡水定冇氣水，記住話兩樣都唔要，要普通水就得，如果唔係盛惠一支$68。
Mezze Medley $148
Mezze Medley
$148
9 瀏覽
0 讚好
0 留言
叫咗一份地中海小食拼盤，上面有鷹嘴豆蓉、炸鷹嘴豆泥球、辣茄子蓉、地中海式酸菜(欖欖、朝鮮薊、小黃瓜)各一兜仔，同數塊圓麪餅配馬格布里辣椒醬。成個拼盤嘅味道唔係大眾香港人嘅口味，尤其是個酸菜，比中式酸菜更加酸。但係都叫做有記憶點，頗具特色，只係份量比較細。
Squid Ink Pasta with Boston Lobster $298
Squid Ink Pasta with Boston Lobster
$298
6 瀏覽
0 讚好
0 留言
每份意粉有半條波士頓龍蝦，來貨新鮮，用蒜蓉香草牛油煮，肉質爽滑，味道鮮甜。墨汁意粉係新鮮意粉，但係煮過咗龍，冇al dente嘅口感，只有少少彈牙嘅感覺。意粉配上蕃茄龍蝦汁，帶出墨汁嘅鮮味。
Dry Aged- The Wagyu Bavette (300g) $438
Dry Aged- The Wagyu Bavette (300g)
$438
6 瀏覽
0 讚好
0 留言
呢塊牛扒係我對成餐最失望嘅一道菜。佢係切好咗一件件咁上，但係切之前rest得唔夠，啲肌紅蛋白水就晒出嚟，令到肉質食落冇咁juicy。嗌咗medium，係就係煎得幾粉嫩嘅，但係咬落去好似食樹皮咁，𡁻極都𡁻唔爛，完全食唔出係和牛。加上和牛本身肉味唔濃，都唔知食緊啲咩入口。汲取今次教訓，以後淨係會去steakhouse食牛扒。
Traditional tiramisu $88
Traditional Tiramisu
$88
3 瀏覽
0 讚好
0 留言
甜品算係呢餐飯最好食嘅嘢。手指餅浸到濕潤，富咖啡香，可惜酒香欠奉。Mascarpone忌廉口感細滑，唔會太甜。忌廉同手指餅嘅比例大概係5:2，口感偏creamy。
另外呢間餐廳嘅侍應service畀我感覺好chur，令我好大壓力好唔舒服。本身上菜時間掌握得唔太好，個前菜小食拼盤未食晒就一次過上咗兩個主菜，唔想攤凍咗個主菜變得唔好食，咪諗住將個小食拼盤擺埋一邊最後先食，點知有兩個侍應過嚟分別問咗兩次使唔使收盤，講咋唔使住過幾分鐘又嚟問多次。食完主菜嘅牛扒，食緊啲伴碟嘅時候又嚟問使唔使收，搞至好似我哋霸住佢啲碟用咁。好啦，到食晒前菜主菜、收晒碟之後，個甜品又遲遲都唔上。等咗10分鐘再去完個厠所先出到畀我。講真，我去啲人均百幾蚊嘅餐廳service都好過佢，完全冇expect過食千幾蚊一餐飯service會咁差。
第一次食呢個價位嘅西餐食到一肚氣，總括而言，可一不可再。
張貼
