新肥泉海鮮大排檔

營業中

休息中

要食夠鑊氣嘅小炒，大排檔必然係大家心目中嘅number one，而位處於官涌街街市2樓嘅新肥泉海鮮大排檔，交通十分方便，距離柯士甸站／高鐵站都只係5分鐘路程，搵好野食絕無難度。呢度嘅食物大大碟、分量足、鑊氣夠，真係十分不錯。油泡田雞田雞大大件，好厚肉，煮得夠滑，肉質鮮嫩，肉味鮮甜，唔會過老。配埋其他配料爆炒，十分有鑊氣同惹味。酥炸墨魚餅食炸野最重要就係夠熱夠脆，呢度正正兩者兼備，佢外皮酥脆，內裡軟綿綿，而且十分彈牙，墨魚味夠濃，有咬口，食得出唔係溝咗大量粉嘅貨色。配埋佢嘅泰式甜酸醬食真係very good。干燒伊麵伊麵唔會過硬亦唔會過淋，配料豐富，炆得好香好入味，充份咁吸收調味汁，唔會太濕，同時亦唔會油淋淋。粟米魚肚雞粒羹一碗煮得好嘅湯羹絕對不能稀溜溜又或者渴撻撻，擺耐咗亦唔會出哂水。呢個羹就啱啱好，而且十分足料，材料切得十分幼細，每一啖都食到粟米粒、魚肚粒同雞粒，口感豐富而且味道清爽。