星耀廳

上年12月，朋友生日，我哋去咗同佢小朋友食自助餐，酒店要係海洋公園搭穿梭巴士上去，車程約1 5分鐘。由於係星期日，好多人搭巴士上去食自助餐或者住一晚。酒店好新淨，望海又好好景，餐廳外面係小朋友玩樂地方，有玩沙地區同理大空地，我哋就食完自助餐，出外面行咗一陣間。食物方面，凍海鮮叫做豐富，有長腳蟹，蝦，螺，海鮮可以，解凍得幾好。熱食款式唔太多，有牛肋條，牛扒，蒸魚，咖喱，沙津冇食到，因為唔吸引，刺身同壽司都係冇食，甜品款式正常水準。自助餐呢間價錢係水平以上，餐廳性價比重點應該係個望海嘅環境同新淨光亮的酒店。如果住一晚再食個自助餐，一流。